Abafilipi 3
3
Obulunjishi bwatoto
1Elihelelesia ndielino, baana beefwe, mbu musangaalilenje muMwami. Okhumuhandiichila ningalushilanga mumakhuwa malala, khwisie shilisinya ta, ne khwinywe nelikhoyeele. 2Mube meeso khulwa tsimbwa, mube meeso khulwa abakholi bobubii, mube meeso khulwa abeeshienji; 3shichila ifwe nifwe abeshishebo, abeenamilanga Nyasaye muRoho nikhwiyitsialila muKristo Yesu, nikhureesiika akomubili ta. 4Nebutswa isie omwene ndakhanyala okhwisiikanga akomubili; oundi yesi naba nakaala mbu anyala okhwisiikanga akomubili, isie emushila; 5ndashebwa inyanga yamunaane; endi owolwibulo lwaIsiraeli, oweshilibwa shiaBenyamini, omuHeburania ourula mubaHeburania; khukamalako, omuFarisayo; 6khukobulumilifu, ndasandinjia ikanisa; khukobulunjishi obwomumalako, ndanyoolekha nimbula eshikha. 7Ne ako akalinji akeinganga khwisie, ndakabasia mbu nobukori khulwa Kristo. 8Toto mwene, kata embasinjia kosi mbu nobukori, khulwa obulayi obukhongo obwokhumumanya Kristo Yesu Omwami wanje; khulwoyo ndakosia kosi pe. Ne engabasia shinga amakokha butswa, mbu mana emunyoole Kristo, 9nokhunyoolekha nindi muye, nindalikhwo nobulunjishi bwanje omwene, obwenobwo oburula khumalako, ta, habula obwo obwitsa munjila yokhusuubilila Kristo, obulunjishi obwo oburula khuNyasaye khulwa obusuubili. 10Enzenya okhumumanya ye, nobunyali bwokhulamukhakhwe, nobusanjilani bwokhusaalilakhwe, nifwananibwa khukhufwakhwe; 11mbu nikaba nikanyalikha enzule khubulamushi okhurula mubafu.
Okhwinyiila khulwa akali imbeli
12Shikali mbu emalile okhunyoola, kata mbu emalile okhukholwa omulamba ta; ne eyuuka okhutsiililila, nikakhaba mbu ndakhanyala okhuhamba akeenako aka Kristo Yesu yahambila isie. 13Baana beefwe, shindibasia mbu emalile okhukahamba ta; ne elia ekhola nelala, ndielino, mbu ndibililanga akali inyumka, nindinyiilila khukali imbeli, 14niyuuka okhutsiililila okhuula khushihesi, okhuula khumukabo, nikwo omulango okwa Nyasaye akhulanjilanga ikulu muKristo Yesu.
15Kho ifwe abali abalamba fwesi khufuchilisanie khurio; ne nimuba nimufukulana mwikhuwa liosi, kata elienelo Nyasaye alamufwimbulila. 16Habula mbu aha khumalile okhuula, khulondanenje ninako.
17Baana beefwe, mulonde ikhola yanje mwesi halala, nimubahenga bulayi abachendanga bario, shinga olwa mulolelanga khwifwe. 18Okhuba baliho abanji aba ndamuboolelakhwo akhandi akhanji, kata bulaano emuboolela nindila amasika, aba okhuchenda khwabwe nokhwobusuku khumusalaba kwaKristo. 19Abeenabo, obumaliilishi bwabwe nobukori; nyasaye wabwe neinda; aka beeyitsoomilia neshifwimba murwe shiabwe; abareele omwoyo khukomushialo. 20Nebutswa ifwe, obwibule bweefwe nobwomwikulu; ne khandi okhurula ebweneyo khulindiililanga Omuhonia, mbu Omwami Yesu Kristo. 21Ye alikalukhasia omubili kuno kwobwituutuyii bweefwe, mbu kufwananibwe khumubili okwo kwoluyalilwe, obukholibwe shinga olwa buli obuchila nanyala okhura ebindu biosi hasi woburuchibwe.
Currently Selected:
Abafilipi 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abafilipi 3
3
Obulunjishi bwatoto
1Elihelelesia ndielino, baana beefwe, mbu musangaalilenje muMwami. Okhumuhandiichila ningalushilanga mumakhuwa malala, khwisie shilisinya ta, ne khwinywe nelikhoyeele. 2Mube meeso khulwa tsimbwa, mube meeso khulwa abakholi bobubii, mube meeso khulwa abeeshienji; 3shichila ifwe nifwe abeshishebo, abeenamilanga Nyasaye muRoho nikhwiyitsialila muKristo Yesu, nikhureesiika akomubili ta. 4Nebutswa isie omwene ndakhanyala okhwisiikanga akomubili; oundi yesi naba nakaala mbu anyala okhwisiikanga akomubili, isie emushila; 5ndashebwa inyanga yamunaane; endi owolwibulo lwaIsiraeli, oweshilibwa shiaBenyamini, omuHeburania ourula mubaHeburania; khukamalako, omuFarisayo; 6khukobulumilifu, ndasandinjia ikanisa; khukobulunjishi obwomumalako, ndanyoolekha nimbula eshikha. 7Ne ako akalinji akeinganga khwisie, ndakabasia mbu nobukori khulwa Kristo. 8Toto mwene, kata embasinjia kosi mbu nobukori, khulwa obulayi obukhongo obwokhumumanya Kristo Yesu Omwami wanje; khulwoyo ndakosia kosi pe. Ne engabasia shinga amakokha butswa, mbu mana emunyoole Kristo, 9nokhunyoolekha nindi muye, nindalikhwo nobulunjishi bwanje omwene, obwenobwo oburula khumalako, ta, habula obwo obwitsa munjila yokhusuubilila Kristo, obulunjishi obwo oburula khuNyasaye khulwa obusuubili. 10Enzenya okhumumanya ye, nobunyali bwokhulamukhakhwe, nobusanjilani bwokhusaalilakhwe, nifwananibwa khukhufwakhwe; 11mbu nikaba nikanyalikha enzule khubulamushi okhurula mubafu.
Okhwinyiila khulwa akali imbeli
12Shikali mbu emalile okhunyoola, kata mbu emalile okhukholwa omulamba ta; ne eyuuka okhutsiililila, nikakhaba mbu ndakhanyala okhuhamba akeenako aka Kristo Yesu yahambila isie. 13Baana beefwe, shindibasia mbu emalile okhukahamba ta; ne elia ekhola nelala, ndielino, mbu ndibililanga akali inyumka, nindinyiilila khukali imbeli, 14niyuuka okhutsiililila okhuula khushihesi, okhuula khumukabo, nikwo omulango okwa Nyasaye akhulanjilanga ikulu muKristo Yesu.
15Kho ifwe abali abalamba fwesi khufuchilisanie khurio; ne nimuba nimufukulana mwikhuwa liosi, kata elienelo Nyasaye alamufwimbulila. 16Habula mbu aha khumalile okhuula, khulondanenje ninako.
17Baana beefwe, mulonde ikhola yanje mwesi halala, nimubahenga bulayi abachendanga bario, shinga olwa mulolelanga khwifwe. 18Okhuba baliho abanji aba ndamuboolelakhwo akhandi akhanji, kata bulaano emuboolela nindila amasika, aba okhuchenda khwabwe nokhwobusuku khumusalaba kwaKristo. 19Abeenabo, obumaliilishi bwabwe nobukori; nyasaye wabwe neinda; aka beeyitsoomilia neshifwimba murwe shiabwe; abareele omwoyo khukomushialo. 20Nebutswa ifwe, obwibule bweefwe nobwomwikulu; ne khandi okhurula ebweneyo khulindiililanga Omuhonia, mbu Omwami Yesu Kristo. 21Ye alikalukhasia omubili kuno kwobwituutuyii bweefwe, mbu kufwananibwe khumubili okwo kwoluyalilwe, obukholibwe shinga olwa buli obuchila nanyala okhura ebindu biosi hasi woburuchibwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975