Yoswa 7
7
Eshionoono shiaAkhani
1Nebutswa abaana baIsiraeli bakhola eliobukhayi mwikhuwa liebindu ebiaahulilwa okhumalilanwa; mbu Akhani waKarimi waZabudi waZera, owoluyia lwaYuda, yabukula khushindu eshiaahulwa; mana oburima bwOMWAMI nibwashila abaana baIsiraeli.
2Yoswa yaruma abandu okhurula eYeriko okhutsia eAi, elirondokhana naBetsi-aweni, khulubeka Iwebukwe weBeteli, nababoolela mbu Tikulushe mutsie muluure eshialo. Nabo abandu tsana nibatsia nibaluura eAi. 3Nibakalukha ewa Yoswa yali, nibamusunjila mbu Abandu baleshe okhutikulukha bosi; habula abandu shinga ebikhumila bibili bitaru batikulushe batsie okhuupa Ai; abandu bosi baranyakhana okhutsiayo ta; okhuba nabandu abatuutu butswa. 4Kho khu-bandu bosi, abatsiayo bali shinga ebikhumila bitaru; nibeelukha imbeli wabandu beAi; 5abandu beAi nibeera khubo abandu shinga amakhumi kataru nabasasaba; nibabalondachilila okhurula hambeli weshilibwa okhuula khuShebarimu, nibabarootsela khushikholomokho; emioyo chiabandu nichiyengukha nichikwa amatsi namatsi.
6Naye Yoswa narandula tsingubotsie niyeekhupa hasi mafumama imbeli welisanduku liOMWAMI, okhuula olwa bweela, ye nabakofu baIsiraeli, nibeepuuka olufu khumirwe. 7Yoswa nasunga mbu Woowe, OMWAMI Nyasaye! Wabeele orie niwaambusia oluyia luno khuYorodani, mana nokhuhaana mumukhono kwabaAmori, nokhusishia? Khwali nikhukhoyile okhwihootselesia khwamenya injelekha weYorodani! 8E OMWAMI, nemboole endie, olwa Isiraeli yafutaariile abasuku! 9Okhuba abaKanaani nabosi abamenyanga mushialo balahulilakhwo, nibakhubotokhana, nibaakamia eliira lieefwe khushialo; nawe olakhola orie eliiralio likhongo?
10OMWAMI nasunjila Yoswa mbu Buukha. Wikhupile hasi mafumama orio mbushiina? 11Isiraeli yoonoonile. Toto, kata bakhayile indakano yanje eya ndabalaka. Toto, kata babukuule khushindu eshiaahulilwa okhumalilanwa; bashiibile, nibeefwayafwayia, nibashira mumiandu chiabwe. 12Niko akachila abaana baIsiraeli nibaranyala okhusinjila imbeli wabasuku babwe ta; bafutaarililanga abasuka babwe, okhuba bakwile abaahulilwa okhumalilanwa. Shindalabeetsanga nineenywe khandi, nimuba nimuramalilana eshindu eshio eshiaahulilwa obumalilanwi eshili hakari weenywe ta. 13Buukha, wahule abandu, nosunga ori Mwiyahulile akomukamba; okhuba OMWAMI Nyasaye waIsiraeli aboola mbu Shiliho eshindu eshiaahulilwa okhumalilanwa hakariwo, iwe Isiraeli; shiolanyala okhusinjila imbeli wabasuku beenywe ta, okhuula olwa mulaba nimuyiniye eshindu tsana eshiaahulilwa okhumalilanwa eshiliho hakari weenywe. 14Kho mutsuli mulasitibwa ahambi mumbia tsieenywe lulala lulala; mana oluyia olwa OMWAMI alabukula lulasita ahambi mubilibwa bialwo, shilala shilala;nashio eshilibwa eshia OMWAMI alabukula shilasita ahambi munzu tsiashio ndala ndala; ne inzu eya OMWAMI alabukula, abandu bayo balasita ahambi, mulala mulala. 15Mana oulatiilwa nali neshindu tsana eshiaahulilwa okhumalilanwa, asambwe nomulilo, ye nende biosi ebia ali ninabio; shichila akhayile indakano yOMWAMI, khandi shichila akholile eshifwabwi muIsiraeli.
16Kho Yoswa nahuuna mumabwibwi nasitia Isiraeli ahambi mumbia tsiabwe; oluyia lwaYuda nilubukulwa. 17Nasitia ebilibwa biaYuda ahambi, eshilibwa shiabaZera nishibukulwa; mana nasitia eshilibwa shiabaZera ahambi, mulala mulala, naye Zabudi nabukulwa; 18mana nasitia inzu yiye ahambi, mulala mulala, naye Akhani waKarami waZabudi waZera, owoluyia lwaYuda, nabukulwa. 19Yoswa nasunjila Akhani ari Mwana wanje, oheelesie OMWAMI Nyasaye waIsiraeli oluyali, nomwitsoomia, niumboolela bulaano eshia okholile; oramblsa ta. 20Akhani nakalusia Yoswa, naboola ari Toto mwene, emwonooneele OMWAMI Nyasaye waIsiraeli, ne kano niko aka ekholile; 21mbu olwa enduutsi mubiyaayilwe ingubo indayi yaShinari, netsifeetsa etsichelwa tsishekeli ebikhumi bibili, nokuchina kweitsahaabu okuchelwa tsishekeli amakhumi karaano, ekhaliishe omukongo, nimbibukula; ne lola, bibisilwe mwiloba mwiheema lianje mukari ifeetsa niyili hasi.
22Kho Yoswa naruma abarume, nibeelukha okhutsia mwiheema; ne lola, biali nibibisilwe mwiheema, neifeetsa hasi. 23Nibabibukula okhurula mwiheema, nibeetsa ninabio ewaYoswa, newabaana baIsiraeli bosi; nibabiruula imbeli w 24Naye Yoswa, nabaIsiraeli bosi, nibabukula Akhani waZera, nende ifeetsa tsana, neingubo, nelichina tsana lieltsahaabu, nabaanabe abasiani nabaanabe abakhaana, netsing'ombetsie, netsisishilitsie, namakondike, neliheemalie, nabiosi ebia yali ninabio; nibabileera heebanda liaAkhori. 25Yoswa nasunga mbu Okhuleereele amanyasio mbushiina? Nawe wesi OMWAMI alakhunyasia inyanga yino. AbaIsiraeli bosi nibamulasa namachina; nibabasamba nomulilo, nibabalasa namachina. 26Nibamubunjikhakhwo lifuumi likhongo liamachina, eliliho okhuula olwa leelo; OMWAMI nashiukhana narula khubululu bwoburimabwe. Niko akachila habundu tsana nihakulikhwa eliira mbu Libanda liaAkhori, okhuula olwa leelo.
Currently Selected:
Yoswa 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Yoswa 7
7
Eshionoono shiaAkhani
1Nebutswa abaana baIsiraeli bakhola eliobukhayi mwikhuwa liebindu ebiaahulilwa okhumalilanwa; mbu Akhani waKarimi waZabudi waZera, owoluyia lwaYuda, yabukula khushindu eshiaahulwa; mana oburima bwOMWAMI nibwashila abaana baIsiraeli.
2Yoswa yaruma abandu okhurula eYeriko okhutsia eAi, elirondokhana naBetsi-aweni, khulubeka Iwebukwe weBeteli, nababoolela mbu Tikulushe mutsie muluure eshialo. Nabo abandu tsana nibatsia nibaluura eAi. 3Nibakalukha ewa Yoswa yali, nibamusunjila mbu Abandu baleshe okhutikulukha bosi; habula abandu shinga ebikhumila bibili bitaru batikulushe batsie okhuupa Ai; abandu bosi baranyakhana okhutsiayo ta; okhuba nabandu abatuutu butswa. 4Kho khu-bandu bosi, abatsiayo bali shinga ebikhumila bitaru; nibeelukha imbeli wabandu beAi; 5abandu beAi nibeera khubo abandu shinga amakhumi kataru nabasasaba; nibabalondachilila okhurula hambeli weshilibwa okhuula khuShebarimu, nibabarootsela khushikholomokho; emioyo chiabandu nichiyengukha nichikwa amatsi namatsi.
6Naye Yoswa narandula tsingubotsie niyeekhupa hasi mafumama imbeli welisanduku liOMWAMI, okhuula olwa bweela, ye nabakofu baIsiraeli, nibeepuuka olufu khumirwe. 7Yoswa nasunga mbu Woowe, OMWAMI Nyasaye! Wabeele orie niwaambusia oluyia luno khuYorodani, mana nokhuhaana mumukhono kwabaAmori, nokhusishia? Khwali nikhukhoyile okhwihootselesia khwamenya injelekha weYorodani! 8E OMWAMI, nemboole endie, olwa Isiraeli yafutaariile abasuku! 9Okhuba abaKanaani nabosi abamenyanga mushialo balahulilakhwo, nibakhubotokhana, nibaakamia eliira lieefwe khushialo; nawe olakhola orie eliiralio likhongo?
10OMWAMI nasunjila Yoswa mbu Buukha. Wikhupile hasi mafumama orio mbushiina? 11Isiraeli yoonoonile. Toto, kata bakhayile indakano yanje eya ndabalaka. Toto, kata babukuule khushindu eshiaahulilwa okhumalilanwa; bashiibile, nibeefwayafwayia, nibashira mumiandu chiabwe. 12Niko akachila abaana baIsiraeli nibaranyala okhusinjila imbeli wabasuku babwe ta; bafutaarililanga abasuka babwe, okhuba bakwile abaahulilwa okhumalilanwa. Shindalabeetsanga nineenywe khandi, nimuba nimuramalilana eshindu eshio eshiaahulilwa obumalilanwi eshili hakari weenywe ta. 13Buukha, wahule abandu, nosunga ori Mwiyahulile akomukamba; okhuba OMWAMI Nyasaye waIsiraeli aboola mbu Shiliho eshindu eshiaahulilwa okhumalilanwa hakariwo, iwe Isiraeli; shiolanyala okhusinjila imbeli wabasuku beenywe ta, okhuula olwa mulaba nimuyiniye eshindu tsana eshiaahulilwa okhumalilanwa eshiliho hakari weenywe. 14Kho mutsuli mulasitibwa ahambi mumbia tsieenywe lulala lulala; mana oluyia olwa OMWAMI alabukula lulasita ahambi mubilibwa bialwo, shilala shilala;nashio eshilibwa eshia OMWAMI alabukula shilasita ahambi munzu tsiashio ndala ndala; ne inzu eya OMWAMI alabukula, abandu bayo balasita ahambi, mulala mulala. 15Mana oulatiilwa nali neshindu tsana eshiaahulilwa okhumalilanwa, asambwe nomulilo, ye nende biosi ebia ali ninabio; shichila akhayile indakano yOMWAMI, khandi shichila akholile eshifwabwi muIsiraeli.
16Kho Yoswa nahuuna mumabwibwi nasitia Isiraeli ahambi mumbia tsiabwe; oluyia lwaYuda nilubukulwa. 17Nasitia ebilibwa biaYuda ahambi, eshilibwa shiabaZera nishibukulwa; mana nasitia eshilibwa shiabaZera ahambi, mulala mulala, naye Zabudi nabukulwa; 18mana nasitia inzu yiye ahambi, mulala mulala, naye Akhani waKarami waZabudi waZera, owoluyia lwaYuda, nabukulwa. 19Yoswa nasunjila Akhani ari Mwana wanje, oheelesie OMWAMI Nyasaye waIsiraeli oluyali, nomwitsoomia, niumboolela bulaano eshia okholile; oramblsa ta. 20Akhani nakalusia Yoswa, naboola ari Toto mwene, emwonooneele OMWAMI Nyasaye waIsiraeli, ne kano niko aka ekholile; 21mbu olwa enduutsi mubiyaayilwe ingubo indayi yaShinari, netsifeetsa etsichelwa tsishekeli ebikhumi bibili, nokuchina kweitsahaabu okuchelwa tsishekeli amakhumi karaano, ekhaliishe omukongo, nimbibukula; ne lola, bibisilwe mwiloba mwiheema lianje mukari ifeetsa niyili hasi.
22Kho Yoswa naruma abarume, nibeelukha okhutsia mwiheema; ne lola, biali nibibisilwe mwiheema, neifeetsa hasi. 23Nibabibukula okhurula mwiheema, nibeetsa ninabio ewaYoswa, newabaana baIsiraeli bosi; nibabiruula imbeli w 24Naye Yoswa, nabaIsiraeli bosi, nibabukula Akhani waZera, nende ifeetsa tsana, neingubo, nelichina tsana lieltsahaabu, nabaanabe abasiani nabaanabe abakhaana, netsing'ombetsie, netsisishilitsie, namakondike, neliheemalie, nabiosi ebia yali ninabio; nibabileera heebanda liaAkhori. 25Yoswa nasunga mbu Okhuleereele amanyasio mbushiina? Nawe wesi OMWAMI alakhunyasia inyanga yino. AbaIsiraeli bosi nibamulasa namachina; nibabasamba nomulilo, nibabalasa namachina. 26Nibamubunjikhakhwo lifuumi likhongo liamachina, eliliho okhuula olwa leelo; OMWAMI nashiukhana narula khubululu bwoburimabwe. Niko akachila habundu tsana nihakulikhwa eliira mbu Libanda liaAkhori, okhuula olwa leelo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975