Yoswa 4
4
Amachina ekhumi nakabili karusibwa muYorodani
1Olwa lihanga liosi liali niliambuushe Yorodani pe, OMWAMI yaboolela Yoswa ari 2Bukula abandu ekhumi nababili okhurula mubandu, mbu omundu mulala okhurula mubuli luyia. 3Obalache mbu Mubukule hano, hakari waYorodani, okhurula habundu tsana evia ebilenje biabakuhani bisinjiilenje nibiraliile, amachina ekhumi nakabili, mukachinje mwambushe ninako, mukaruule habukonelo bweenywe, ewa mwitsa okhukonela eshilo shino. 4Kho Yoswa nalanga abandu abo ekhumi nababili aba yali narecheeshe, abokhubaana baIsiraeli, mbu omundu mulala okhurula mubuli luyia. 5Yoswa nababoolela mbu Mwambushe imbeli welisanduku liOMWAMI Nyasaye weenywe hakari waYorodani, mubukule buli mundu khwiny ve lichina, mure khumabeka, obunji bwetsimbia tsiabaana baIsiraeli shinga olwa buli, 6mbu shino shibe eshilolelo hakari weenywe; mana olwa abaana beenywe balareeba mundaalo etsili okhwitsa mbu Eshisina shiamachina kano nishiina? 7Mana mulabasunjila muri Shichila amatsi kaYorodani kakhalikha imbeli welisanduku lieindakano yOMWAMI; olwa liaambukha Yorodani amatsi kaYorodani kakhalikha. Amachina kano kalabeetsanga eshiitsusio khubaana baIsiraeli obushia nobushia.
8Kho abaana baIsiraeli nibakhola shinga Yoswa olwa yalaka, nibabukula amachina ekhumi nakabili okhurula hakari waYorodani, shinga OMWAMI olwa yali nabooleele Yoswa, obunji bwetsimbia tsiabaana baIsiraeli shinga olwa buli nibakachinga nibaambukha ninako okhuula habundu ewa batsia okhukonela, nibakaruulaho. 9Naye Yoswa nasinjisia amachina ekhumi nakabili hakari waYorodani, habundu tsana ewa ebilenje biabakuhani abachinga lisanduku lieindakano biasinjila; ne kashiliho okhuula olwa leelo. 10Okhuba abakuhani abachinga lisanduku basinjila hakari waYorodani, okhuula kosi olwa kali nikahweele aka OMWAMI yalaka Yoswa okhuboolela abandu, kosi aka Musa yalaka Yoswa shinga okva kali.
Nabo abandu nibaanguha, nibabira; 11ne olwa abandu bosi bali nibaambuushe pe, lisanduku liOMWAMI nalio niliambukha, nende abakuhani, abandu nibalola. 12Nabo abaana baReubeni nabaana baGadi neinusu yoluyia lwaManase nibaambukha imbeli wabaana baIsiraeli nibeemanuule ebimanulwa, shinga Musa olwa yali niyabalaka; 13bali shinga ebikhumila amakhumi kane abali nibeekasiye nibeemanuliile lihe, abaambukha imbeli w, okhutsia mwihe, enamuhololookhwe kwaYeriko. 14Khunyanga eyo OMWAMI yakhongoyia Yoswa mumoni tsiabaIsiraeli bosi; nabo nibamuria, shinga olwa bali nibamuria Musa, tsindaalo tsiosi tsiobulamubwe.
15OMWAMI naboolela Yoswa mbu. 16Laka abakuhani abachinga lisanduku lioburumbusi, mbu batikulushe barule muYorodani. 17Kho Yoswa nalaka abakuhani ari Tikulushe murule MuYorodani. 18Ne olwa abakuhani abachinga lisanduku lieindakano yOMWAMI bali nibatikuluushe nibarulile hakari waYorodani, ebilenje biabakuhani nibiseena khulukuku, amatsi kaYorodani kakalukha habundu wako, nikayemba khulukuku lwosi, shinga olwa kabeele.
19Abandu nibatikulukha nibarula muYorodani khunyanga yekhumi eyomumwesi kwambeli, nibakhupa ikambi eGiligali, khulwakho lwa Yeriko ebukwe. 20Namachina tsana ekhumi nakabili aka barusia muYorodani, Yoswa yakasinjisia eGiligali. 21Naboolela abaana baIsiraeli mbu Olwa abaana beenyve balareeba basaabwe mundaalo etsili okhwitsa, mbu Eshisina shiamachina kano nishiina? 22Mana mulamanyia abaana beenywe muri Isiraeli yaambukha Yorodani kuno khushialo eshiumu. 23Okhuba OMWAMI Nyasaye weenywe yakhamia amatsi kaYorodani imbeli weenywe, okhuula olwa mwali nimwambuushe, shinga OMWAMI Nyasaye weenywe olwa yakhamia Inyanza Inzakhanyu, eya yakhamia imbeli weefwe okhuula olwa khwali nikhwambuushe, 24mbu tsimbia tsiosi tsiabandu etsili mushialo shiosi tsimanye omukhono kwOMWAMI, shinga olwa kuli kwamaani; khandi mbu inywe muriitsenje OMWAMI Nyasaye weenywe obushia nobushia.
Currently Selected:
Yoswa 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
