Yohana 21
21
Yesu yaloleshela abeechi musaafu
1Olunyuma lwamakhuwa ako Yesu yeefwimbulila abeechi khandi hanyanza yaTiberia; ne yabeefwimbulila ari nanwa; 2mbu bali nibaliho halala Simoni Petero, naTomasi owalangwa mbu Mukhwana, naNatsanaeli oweKana muGalilaya, nabaana baZebedayo, nende abandi babili abokhubeechibe. 3Simoni Petero nababoolela ari Isie enzia okhunaaba tsinyeeni. Nibamusunjila bari Chende khutsie fwesi. Nibarula, nibeenjila muliaro; ne eshilo eshio nibaratiilakhwo eshindu ta. 4Ne olwa bwachaaka okhushia mutsuli, Yesu yasinjila khulukuku; nebutswa abeechi abo nibaramanya shinga olwa yali Yesu ta. 5Kho Yesu nabareeba ari Baana, mukhalikhwo neinyeeni noho? Nibamukalusia bari Tawe. 6Nababoolela ari Fuube olukhanda khumukhono musaatsa weliaro, ne mulanyoolakhwo. Nibafuuba bario, bulaano nibakhaywa okhulukhwesa khulwa obunji bwetsinyeeni. 7Mana omwechi oyo owa Yesu yaheela yamusunjila Petero ari NOmwami. Ne olwa Simoni Petero yahulila shinga olwa yali Omwami, yeefwala ikanzuye, shichila yali nachiifwaluule, niyeekhupa mumatsi. 8Nebutswa abeechi bandi beetsela muliaro elo litiiti, shichila shibali ehale nende olukuku ta, habula shinga oburambi bwamakhono ebikhumi bibili, nibakhwesanga olukhanda olwo olweetsulamwo tsinyeeni. 9Mana olwa beekha khulukuku, balola omulilo kwamaanda nikuliyo, nende tsinyeeni nitsireelwekhwo, nomukaate. 10Yesu nababoolela ari Leere khunyeeni etsia mwakhatiila bulaano. 11Kho Simoni Petero naniina, nakhwesa olukhanda khulukuku, niIwitsuulemwo tsinyeeni tsikhongo, eshikhumi nende amakhumi karaano natsitaru; ne kata olwa tsiali tsinyinji tsirio, olukhanda shilwali niluranduushekhwo ta. 12Yesu nababoolela ari Mwitse muyiniekhwo obukaku mumunwa. Ne yabulaho khubeechibe owatsaalikha okhumureeba mbu Niwe wina? Nibamanyile shinga olwa ali Omwami. 13Yesu niyeetsa, nabukula omukaate, nabaheelesia; khandi nende tsinyeeni ario. 14Luno nilukhola khataru Yesu nabeefwimbulila abeechibe olwa yali namalile okhulamukha okhurula mukhufwa.
Liisia amakondi kanje
15Kho olwa bali nibamalile okhulia, Yesu yamusunjila Simoni Petero ari Simoni waYohana, u'heelanga okhushila bano? Naye namusunjila ari Ee, Omwami; omanyile shinga olwa endi omwitsawo. Namuboolela ari Liisia ebmmeeme bianje. 16Namusunjila khandi olwakhabili, ari Simoni waYohana, u'heelanga noho? Naye namusunjila ari Ee, Omwami; omanyile shinga olwa endi omwitsawo. Namuboolela ari Yaya amakondi kanje. 17Namusunjila olwakhataru, ari Simoni waYohana, oli omwitsa wanje noho? Naye Petero yabeelela shichila yamureeba olwakhataru, mbu Oli omwitsa wanje noho? Namusunjila ari Omwami, omanyile amakhuwa kosi; omanyile shinga olwa endi omwitsawo. Yesu namuboolela ari Liisia amakondi kanje.
18Toto mwene, ekhusunjila mbu olwa wali noshili omubuukha, wali niwibohanga omwene, nochendanga ewa omwene wachama; ne olwa oliba nokofuule, olikololosia amakhono, ne oundi alikhuboha, nakhuyila ewa oreenyile ta. 19Ne yasunga ako namanyia okhufwa khwene shmga olwa khwitsa okhufwana, okhwa yakhamuheelesia Nyasaye oluyali ninakhwo. Ne olwa yali nasunjile ario, yamuboolela ari Nondakhwo.
20Naye Petero nashiukhana nalola omwechi oyo owa Yesu yaheela nalondangakhwo; niye oweesetamia khushilifushie khubiliibwa ebio biamungoloobe nasunga mbu Omwami, niwina oukhukhoba? 21Kho Petero namulola omwenoyo, namusunjila Yesu ari Omwami, ne uno arie? 22Yesu namusunjila ari Nimba ninzenya mbu alinde okhuula olwa enzitsa, nishiina khwiwe? Iwe nondakhwo. 23Niko akachila amakhuwa ako nikatswana mubeekho batsana, mbu omwechi oyo shiyakhafwa ta; nebutswa Yesu shiyamusunjilakhwo mbu shiyakhafwa ta, habula mbu Nimba ninzenya mbu alinde okhuula olwa enzitsa, nishiina khwiwe?
24Uno niye omwechi watsana ourumbulanga akobuloli khumakhuwa kano, khandi owahandiika amakhuwa kano; neefu khumanyile mbu obulolibwe nobwatoto.
25Ne kaliho amakhuwa kandi amanji aka Yesu yakhola; akeenako kalaba nikahandiikwa buli elala, embaara mbu kata eshialo shiosi shishiakhahelilemwo ebitabu ebiakhahandiichilwe ta.
Currently Selected:
Yohana 21: OUV
Highlight
Share
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Yohana 21
21
Yesu yaloleshela abeechi musaafu
1Olunyuma lwamakhuwa ako Yesu yeefwimbulila abeechi khandi hanyanza yaTiberia; ne yabeefwimbulila ari nanwa; 2mbu bali nibaliho halala Simoni Petero, naTomasi owalangwa mbu Mukhwana, naNatsanaeli oweKana muGalilaya, nabaana baZebedayo, nende abandi babili abokhubeechibe. 3Simoni Petero nababoolela ari Isie enzia okhunaaba tsinyeeni. Nibamusunjila bari Chende khutsie fwesi. Nibarula, nibeenjila muliaro; ne eshilo eshio nibaratiilakhwo eshindu ta. 4Ne olwa bwachaaka okhushia mutsuli, Yesu yasinjila khulukuku; nebutswa abeechi abo nibaramanya shinga olwa yali Yesu ta. 5Kho Yesu nabareeba ari Baana, mukhalikhwo neinyeeni noho? Nibamukalusia bari Tawe. 6Nababoolela ari Fuube olukhanda khumukhono musaatsa weliaro, ne mulanyoolakhwo. Nibafuuba bario, bulaano nibakhaywa okhulukhwesa khulwa obunji bwetsinyeeni. 7Mana omwechi oyo owa Yesu yaheela yamusunjila Petero ari NOmwami. Ne olwa Simoni Petero yahulila shinga olwa yali Omwami, yeefwala ikanzuye, shichila yali nachiifwaluule, niyeekhupa mumatsi. 8Nebutswa abeechi bandi beetsela muliaro elo litiiti, shichila shibali ehale nende olukuku ta, habula shinga oburambi bwamakhono ebikhumi bibili, nibakhwesanga olukhanda olwo olweetsulamwo tsinyeeni. 9Mana olwa beekha khulukuku, balola omulilo kwamaanda nikuliyo, nende tsinyeeni nitsireelwekhwo, nomukaate. 10Yesu nababoolela ari Leere khunyeeni etsia mwakhatiila bulaano. 11Kho Simoni Petero naniina, nakhwesa olukhanda khulukuku, niIwitsuulemwo tsinyeeni tsikhongo, eshikhumi nende amakhumi karaano natsitaru; ne kata olwa tsiali tsinyinji tsirio, olukhanda shilwali niluranduushekhwo ta. 12Yesu nababoolela ari Mwitse muyiniekhwo obukaku mumunwa. Ne yabulaho khubeechibe owatsaalikha okhumureeba mbu Niwe wina? Nibamanyile shinga olwa ali Omwami. 13Yesu niyeetsa, nabukula omukaate, nabaheelesia; khandi nende tsinyeeni ario. 14Luno nilukhola khataru Yesu nabeefwimbulila abeechibe olwa yali namalile okhulamukha okhurula mukhufwa.
Liisia amakondi kanje
15Kho olwa bali nibamalile okhulia, Yesu yamusunjila Simoni Petero ari Simoni waYohana, u'heelanga okhushila bano? Naye namusunjila ari Ee, Omwami; omanyile shinga olwa endi omwitsawo. Namuboolela ari Liisia ebmmeeme bianje. 16Namusunjila khandi olwakhabili, ari Simoni waYohana, u'heelanga noho? Naye namusunjila ari Ee, Omwami; omanyile shinga olwa endi omwitsawo. Namuboolela ari Yaya amakondi kanje. 17Namusunjila olwakhataru, ari Simoni waYohana, oli omwitsa wanje noho? Naye Petero yabeelela shichila yamureeba olwakhataru, mbu Oli omwitsa wanje noho? Namusunjila ari Omwami, omanyile amakhuwa kosi; omanyile shinga olwa endi omwitsawo. Yesu namuboolela ari Liisia amakondi kanje.
18Toto mwene, ekhusunjila mbu olwa wali noshili omubuukha, wali niwibohanga omwene, nochendanga ewa omwene wachama; ne olwa oliba nokofuule, olikololosia amakhono, ne oundi alikhuboha, nakhuyila ewa oreenyile ta. 19Ne yasunga ako namanyia okhufwa khwene shmga olwa khwitsa okhufwana, okhwa yakhamuheelesia Nyasaye oluyali ninakhwo. Ne olwa yali nasunjile ario, yamuboolela ari Nondakhwo.
20Naye Petero nashiukhana nalola omwechi oyo owa Yesu yaheela nalondangakhwo; niye oweesetamia khushilifushie khubiliibwa ebio biamungoloobe nasunga mbu Omwami, niwina oukhukhoba? 21Kho Petero namulola omwenoyo, namusunjila Yesu ari Omwami, ne uno arie? 22Yesu namusunjila ari Nimba ninzenya mbu alinde okhuula olwa enzitsa, nishiina khwiwe? Iwe nondakhwo. 23Niko akachila amakhuwa ako nikatswana mubeekho batsana, mbu omwechi oyo shiyakhafwa ta; nebutswa Yesu shiyamusunjilakhwo mbu shiyakhafwa ta, habula mbu Nimba ninzenya mbu alinde okhuula olwa enzitsa, nishiina khwiwe?
24Uno niye omwechi watsana ourumbulanga akobuloli khumakhuwa kano, khandi owahandiika amakhuwa kano; neefu khumanyile mbu obulolibwe nobwatoto.
25Ne kaliho amakhuwa kandi amanji aka Yesu yakhola; akeenako kalaba nikahandiikwa buli elala, embaara mbu kata eshialo shiosi shishiakhahelilemwo ebitabu ebiakhahandiichilwe ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975