Ebikhole 1
1
Kano kahandiichilwa Tseofilo
1Tseofilo, eshitabu shilia shiambeli ndashikasia khumakhuwa ako kosi aka Yesu yachaaka okhukhola nende okhwechesia.
Yesu yasuubisia mbu Roho Omutakatifu aleetsa
2okhuula khunyanga yeneyo olwa yakulusibwa, olwa yali namalile okhubalachilisia muRoho Omutakatifu abarume abo aba yali niyalobola. 3Khandi nibo aba yeelolosilia nali omulamu olunyuma Iwobusaalilibwe khulwa ebilolelo ebinji, nabaloleshelanga khushise shietsindaalo amakhumi kane, nasungananga ninabo khumakhuwa kobwami bwaNyasaye. 4Nolundi olwa yali nakhung'aaniile ninabo halala, yabakaania mbu baleshe okhwinyokha okhurula eYerusalemu tawe, ne mbu balindiilile obusuubisie bwaPapa, obwa mwahuliilekhwo khwisie; 5okhuba toto mwene, Yohana yabatisinjia nende amatsi; ne inywe mwakhabatisibwe nende Roho Omutakatifu olunyuma lwetsindaalo tsinduutu.
Okhukulukha
6Kho olwa bali nibakhung'aaniile halala bamureeba bari Omwami, tsino nitsio tsindaalo olwa witsa okhukalusilia Isiraeli obwami? 7Naye nabakalusia mbu Shinakeenywe okhumanya ebise kata tsinduukho etsia Papa yareele mubunyali bubwe omwene ta. 8Ne mulanyoola amaani olwa Roho Omutakatifu alaba namwitsiile; ne mulaba abarumbusi banje muYerusalemu, nende mubuYahudi mwosi, nende eSamaria, kata okhuula khushihesi shieshialo. 9Ne olwa yali nasunjile amakhuwa ako, nabo nibahenganga, yakulusibwa; mana lileesi nilimuyila okhurula mumoni tsiabwe. 10Ne olwa bali niboomisiye tsimoni okhuhenga mwikulu nashitsia, lole, abasaatsa babili nibasinjila ahambi ninabo nibeefwalile ebiifwalo ebilafu; 11nabo nibasunga mbu Inywe abandu beGalilaya, olwashiina nimusinjiile nimuhenga mwikulu? Yesu uno owamurusiibwekhwo nakulusibwa nayilwa mwikulu aleetsa ario shinga olwa mumuluutsi natsia mwikulu.
Owakalukha mushilenje shiaYudayalobolwa
12Mana nibakalukha eYerusalemu okhurula khushikulu shiEmitseituni, eshili ahambi nende Yerusalemu, shinga oluchendo Iweinyanga yaSabato. 13Ne olwa bali nibeenjiile, baniina mushisika shiahekulu, ewa bali nibamenyanga; mbabano, mbu Petero naYohana naYakobo naAnderea, Filipo naTomasi, Baritsolomayo naMatsayo, Yakobo waAlufayo, naSimoni Zelote, nende Yuda waYakobo. 14Abo bosi bali abomwoyo mulala, nibalumilila mukhusaaya, halala nende abakhasi balia, nende Mariamu nyinamwana Yesu, khandi nende abasiani babwe.
15Mundaalo tsienetsio Petero yasinjila hakari wabaana babwe; ne kwaliho omukanda kwabandu, bosi halala shinga eshikhumi namakhumi kabili; nasunga ari 16Abaana beefwe, kali nikakhoyeele mbu lihandiiko elo liusibwe, elia Roho Omutakatifu yaboola khale mumunwa kwaDaudi khuYuda, owabeemilila injila abamuhamba Yesu. 17Okhuba yabalilwa mwifwe, nakabilwa omukabokwe mubukhalabani buno. 18Ne omundu oyo yakula eshianyi amatani kobumayaanubwe; nakwa mafumama, nanyalushila hakari, amalake kosi nikarula. 19Ako nikamanyishila abo bosi abamenyanga eYerusalemu, okhuula olwa eshianyi eshio shialangwa mululimi lwabwe mbu Akeladama, eshisina mbu Eshianyi Shiamatsayi. 20Shichila kahandiikwa mushitabu shieTsitsabuli, mbu
Hangowe hakwe likunda,
omundu yesi aleshe okhumenyaho;
khandi mbu
Obulindibwe, oundi abubukule.
21Kho khubandu abo abalondananga nineefwe tsindaalo tsiosi olwa Omwami Yesu yali niyeenjilanga mwifwe nende okhurula, 22okhuchaachila khububatisii bwaYohana, okhuula khunyanga eyo olwa yakhurusibwakhwo nakulusibwa, mulala khubo akhoyile okhwikhola omurumbusi wobuloli khukhulamukhakhwe halala nineefwe.
23Nibalobola babili, mbu Yusufu oulangwa mbu Barisaba, owakulikhwa mbu Yusito, nende Matsiya. 24Nibasaaya, nibasunga bari E Omwami, iwe oumanyile emioyo chiabandu bosi khubano babili okhumanyie omwenoyo owa oloboole, 25mbu yeenjile mubwikhalo obwomubukhalabani nende oburume buno obwa Yuda yalekha mbu atsie ewuwe omwene. 26Nibakhupa ikha khubo; nayo ikha niyimukwila Matsiya; naye nabalilwa halala nende abarume ekhumi namulala abo.
Currently Selected:
Ebikhole 1: OUV
Highlight
Share
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 1
1
Kano kahandiichilwa Tseofilo
1Tseofilo, eshitabu shilia shiambeli ndashikasia khumakhuwa ako kosi aka Yesu yachaaka okhukhola nende okhwechesia.
Yesu yasuubisia mbu Roho Omutakatifu aleetsa
2okhuula khunyanga yeneyo olwa yakulusibwa, olwa yali namalile okhubalachilisia muRoho Omutakatifu abarume abo aba yali niyalobola. 3Khandi nibo aba yeelolosilia nali omulamu olunyuma Iwobusaalilibwe khulwa ebilolelo ebinji, nabaloleshelanga khushise shietsindaalo amakhumi kane, nasungananga ninabo khumakhuwa kobwami bwaNyasaye. 4Nolundi olwa yali nakhung'aaniile ninabo halala, yabakaania mbu baleshe okhwinyokha okhurula eYerusalemu tawe, ne mbu balindiilile obusuubisie bwaPapa, obwa mwahuliilekhwo khwisie; 5okhuba toto mwene, Yohana yabatisinjia nende amatsi; ne inywe mwakhabatisibwe nende Roho Omutakatifu olunyuma lwetsindaalo tsinduutu.
Okhukulukha
6Kho olwa bali nibakhung'aaniile halala bamureeba bari Omwami, tsino nitsio tsindaalo olwa witsa okhukalusilia Isiraeli obwami? 7Naye nabakalusia mbu Shinakeenywe okhumanya ebise kata tsinduukho etsia Papa yareele mubunyali bubwe omwene ta. 8Ne mulanyoola amaani olwa Roho Omutakatifu alaba namwitsiile; ne mulaba abarumbusi banje muYerusalemu, nende mubuYahudi mwosi, nende eSamaria, kata okhuula khushihesi shieshialo. 9Ne olwa yali nasunjile amakhuwa ako, nabo nibahenganga, yakulusibwa; mana lileesi nilimuyila okhurula mumoni tsiabwe. 10Ne olwa bali niboomisiye tsimoni okhuhenga mwikulu nashitsia, lole, abasaatsa babili nibasinjila ahambi ninabo nibeefwalile ebiifwalo ebilafu; 11nabo nibasunga mbu Inywe abandu beGalilaya, olwashiina nimusinjiile nimuhenga mwikulu? Yesu uno owamurusiibwekhwo nakulusibwa nayilwa mwikulu aleetsa ario shinga olwa mumuluutsi natsia mwikulu.
Owakalukha mushilenje shiaYudayalobolwa
12Mana nibakalukha eYerusalemu okhurula khushikulu shiEmitseituni, eshili ahambi nende Yerusalemu, shinga oluchendo Iweinyanga yaSabato. 13Ne olwa bali nibeenjiile, baniina mushisika shiahekulu, ewa bali nibamenyanga; mbabano, mbu Petero naYohana naYakobo naAnderea, Filipo naTomasi, Baritsolomayo naMatsayo, Yakobo waAlufayo, naSimoni Zelote, nende Yuda waYakobo. 14Abo bosi bali abomwoyo mulala, nibalumilila mukhusaaya, halala nende abakhasi balia, nende Mariamu nyinamwana Yesu, khandi nende abasiani babwe.
15Mundaalo tsienetsio Petero yasinjila hakari wabaana babwe; ne kwaliho omukanda kwabandu, bosi halala shinga eshikhumi namakhumi kabili; nasunga ari 16Abaana beefwe, kali nikakhoyeele mbu lihandiiko elo liusibwe, elia Roho Omutakatifu yaboola khale mumunwa kwaDaudi khuYuda, owabeemilila injila abamuhamba Yesu. 17Okhuba yabalilwa mwifwe, nakabilwa omukabokwe mubukhalabani buno. 18Ne omundu oyo yakula eshianyi amatani kobumayaanubwe; nakwa mafumama, nanyalushila hakari, amalake kosi nikarula. 19Ako nikamanyishila abo bosi abamenyanga eYerusalemu, okhuula olwa eshianyi eshio shialangwa mululimi lwabwe mbu Akeladama, eshisina mbu Eshianyi Shiamatsayi. 20Shichila kahandiikwa mushitabu shieTsitsabuli, mbu
Hangowe hakwe likunda,
omundu yesi aleshe okhumenyaho;
khandi mbu
Obulindibwe, oundi abubukule.
21Kho khubandu abo abalondananga nineefwe tsindaalo tsiosi olwa Omwami Yesu yali niyeenjilanga mwifwe nende okhurula, 22okhuchaachila khububatisii bwaYohana, okhuula khunyanga eyo olwa yakhurusibwakhwo nakulusibwa, mulala khubo akhoyile okhwikhola omurumbusi wobuloli khukhulamukhakhwe halala nineefwe.
23Nibalobola babili, mbu Yusufu oulangwa mbu Barisaba, owakulikhwa mbu Yusito, nende Matsiya. 24Nibasaaya, nibasunga bari E Omwami, iwe oumanyile emioyo chiabandu bosi khubano babili okhumanyie omwenoyo owa oloboole, 25mbu yeenjile mubwikhalo obwomubukhalabani nende oburume buno obwa Yuda yalekha mbu atsie ewuwe omwene. 26Nibakhupa ikha khubo; nayo ikha niyimukwila Matsiya; naye nabalilwa halala nende abarume ekhumi namulala abo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975