Isaya 62
62
1Khulwa Sayuni shindalaholeela,
khandi khulwa Yerusalemu shindalaluyilila ta,
okhuula olwa obulunjishi bwalio bulalangaala ebulafu,
obuhonia bwalio nabwo shinga eshitseso eshiakhanga.
2Namahanga kalalola obulunjishibwo,
kata abaruchi bosi nabo, oluyalilwo;
nawe olalangwa eliira liyiakha,
elia omunwa kwOMWAMI kulakulikha.
3Khandi olaba olusimbi lweing'oono mumukhono kwOMWAMI,
khandi eshimwata shioburuchi mumukhono kwaNyasayewo.
4Shiolakulikhwa mbu Walekhwa, khandi,
kata eshialoshio okhukulikhwa mbu Makunda, khandi ta;
nebutswa olalangwa mbu Emusangaalila,
neshialoshio nashio mbu Wateeshibwa;
shichila OMWAMI akhusangaalilanga,
khandi eshialoshio shilateeshibwa.
5Okhuba shinga omusooliili ateeshia omukhaana,
nindio abaanabo abasiani balakhuteeshia;
khandi shinga omwene mweha olwa asangaalilanga omwehawe,
nolwa Nyasayewo akhusangaalila iwe.
6Ndareeleho abalindi khungobatsio, iwe Yerusalemu;
shibalaholeerakhwo ta,
eshiteere kata eshilo;
inywe abeekongoyanga OMWAMI,
murahuluukha tawe;
7kata muramuholeelela ta,
okhuula olwa alaba naralisiye Yerusalemu,
nalifumiye.
8OMWAMI yeetsubila omukhonokwe musaatsa,
khandi khumukhono kwamaanike, ari
Toto mwene, shindalahaanakhwo imeleyo yibe ebiliibwa biabasukubo khandi,
kata abarende shibalinywa khudivaiyo eya wanyakhanila, ta;
9ne abayichesa balayilia, nibamwitsoomia OMWAMI;
nabanochi betsinzabibu balanywa idivai munyanyi tsiahabundu wanje ahatakatifu.
10Mubire, mubire mubilibwa;
mukasie injila yabandu;
mubuche, mubuche omuhanda, nimutoolakhwo amachina;
chinguule ipendeia hekulu wetsimbia tsiabandu.
11Lole, OMWAMI yarumbuule habulafu okhuula khundulo weshialo, mbu
Muboolele omukhaana waSayuni, muri Lola, obuhoniabwo bwitsanga,
Lola, amatanike ali ninako,
emilimochie nachio chili imbeliwe.
12Ne balalangwa mbu Abandu abatakatifu;
mbu Abanunule bOMWAMI;
nawe olalangwa mbu Wakhaabwa,
mbu Litookho eliralekhwa tawe.
Currently Selected:
Isaya 62: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
