Isaya 52
52
Nyasaye alahonia Sayuni mumbohe
1Buukha, buukha,
wifwale amaaniko, iwe Sayuni,
wifwale tsingubotsio tsindayi tsiobwisiayi iwe Yerusalemu, litookho litakatifu.
Shichila okhurula olwa leelo omundu shialiinjila mwiwe khandi,
omusinde, oweshifwabwi ta.
2Wibungulule olufu; obuushe,
iwe Yerusalemu omuhambe!
Wibohololele emikoye echiomwikosilio,
iwe omukhaana waSayuni, omuhambe.
3Okhuba kano niko aka OMWAMI aboola, mbu Mwakusibwa butswa kuru; khandi mulanunulwa harali amapeesa ta. 4Okhuba kano niko aka Omwami NYASAYE aboola; mbu Olwambeli abandu banje bakholomokha nibatsia eMisiri okhumenyakhwoyo; abaAshuru nibabasandia aharali eshifunaane ta. 5Kho bulaano, aka enyoola hano kali karie? Nolwa OMWAMI areeba. Khandi OMWAMI asunga mbu Abo ababaruka basaasia amakhu, eliira lianje nalio linyekungwa inyanga yosi. 6Niko akachila abandu banje balamanya eliira lianje; niko akachila balamanya munduukho eyo mbu isie nisie ouboola; nisie uno.
7Nebilayi muno khubikulu ebilenje bia oyo ouleera amakhuwa amalayi,
outswaninjia akomulembe,
ouleera amakhuwa amalayi akobulayi,
outswaninjia akobuhonia;
ousunjila Sayuni ari Nyasayewo niye omuruchi!
8Omwoyo kwabalindibo!
Bachinga omwoyo, beembelanga halala nibeekhoya.
Okhuba balalolana mumoni nomumoni,
olwa OMWAMI alakalukha eSayuni.
9Rundushe mukhwikhoya, nimwimbila halala,
inywe amakunda keYerusalemu;
okhuba OMWAMI alemiye abandube omwoyo,
anunuule Yerusalemu.
10OMWAMI arusiye ebulafu omukhonokwe omutakatifu,
mumoni tsiamahanga kosi,
netsindulo tsiosi tsieshialo tsilalola obuhonia bwaNyasaye weefwe.
11Muhweho, muhweho, murulemwo,
muratiilakhwo khushindu shiosi shiobukaali ta;
murule mukari mushio; mube abalafu,
inywe abachinganga emiandu ChiOMWAMI.
12Okhuba shimularula matetekhana,
kata shimularula nimwilukha ta;
shichila OMWAMI alamwimilila injila;
khandi Nyasaye waIsiraeli alamumaliilishila inyuma mbu amukhung'aasie.
Obusaalili bwomusumba wOMWAMI
13Lole, omusumba wanje alakaasa;
alachinguukha niyeemekhwa,
naba ikulu muno.
14Shinga olwa abanji bamung'ang'aalila
obwenibwe bwali nibwonooniibwe okhushila omundu undi yesi,
nende likondolie okhushila abaana babandu
15nolwa alasundusia amahanga amanji;
abaruchi balamusunila eminwa;
okhuba ako aka baraboolelwa ta, balalola;
nako aka barahulila ta, balatiila khushisina shiako.
Currently Selected:
Isaya 52: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 52
52
Nyasaye alahonia Sayuni mumbohe
1Buukha, buukha,
wifwale amaaniko, iwe Sayuni,
wifwale tsingubotsio tsindayi tsiobwisiayi iwe Yerusalemu, litookho litakatifu.
Shichila okhurula olwa leelo omundu shialiinjila mwiwe khandi,
omusinde, oweshifwabwi ta.
2Wibungulule olufu; obuushe,
iwe Yerusalemu omuhambe!
Wibohololele emikoye echiomwikosilio,
iwe omukhaana waSayuni, omuhambe.
3Okhuba kano niko aka OMWAMI aboola, mbu Mwakusibwa butswa kuru; khandi mulanunulwa harali amapeesa ta. 4Okhuba kano niko aka Omwami NYASAYE aboola; mbu Olwambeli abandu banje bakholomokha nibatsia eMisiri okhumenyakhwoyo; abaAshuru nibabasandia aharali eshifunaane ta. 5Kho bulaano, aka enyoola hano kali karie? Nolwa OMWAMI areeba. Khandi OMWAMI asunga mbu Abo ababaruka basaasia amakhu, eliira lianje nalio linyekungwa inyanga yosi. 6Niko akachila abandu banje balamanya eliira lianje; niko akachila balamanya munduukho eyo mbu isie nisie ouboola; nisie uno.
7Nebilayi muno khubikulu ebilenje bia oyo ouleera amakhuwa amalayi,
outswaninjia akomulembe,
ouleera amakhuwa amalayi akobulayi,
outswaninjia akobuhonia;
ousunjila Sayuni ari Nyasayewo niye omuruchi!
8Omwoyo kwabalindibo!
Bachinga omwoyo, beembelanga halala nibeekhoya.
Okhuba balalolana mumoni nomumoni,
olwa OMWAMI alakalukha eSayuni.
9Rundushe mukhwikhoya, nimwimbila halala,
inywe amakunda keYerusalemu;
okhuba OMWAMI alemiye abandube omwoyo,
anunuule Yerusalemu.
10OMWAMI arusiye ebulafu omukhonokwe omutakatifu,
mumoni tsiamahanga kosi,
netsindulo tsiosi tsieshialo tsilalola obuhonia bwaNyasaye weefwe.
11Muhweho, muhweho, murulemwo,
muratiilakhwo khushindu shiosi shiobukaali ta;
murule mukari mushio; mube abalafu,
inywe abachinganga emiandu ChiOMWAMI.
12Okhuba shimularula matetekhana,
kata shimularula nimwilukha ta;
shichila OMWAMI alamwimilila injila;
khandi Nyasaye waIsiraeli alamumaliilishila inyuma mbu amukhung'aasie.
Obusaalili bwomusumba wOMWAMI
13Lole, omusumba wanje alakaasa;
alachinguukha niyeemekhwa,
naba ikulu muno.
14Shinga olwa abanji bamung'ang'aalila
obwenibwe bwali nibwonooniibwe okhushila omundu undi yesi,
nende likondolie okhushila abaana babandu
15nolwa alasundusia amahanga amanji;
abaruchi balamusunila eminwa;
okhuba ako aka baraboolelwa ta, balalola;
nako aka barahulila ta, balatiila khushisina shiako.
Oluluyia Union Version © Bible Society of Kenya 1975