Isaya 3
3
OMWAMI ayaasia Yuda naYerusalemu
1Okhuba lole, Omwami, niye OMWAMI omwene mahe, ayiniakhwo khuYerusalemu nende Yuda eshia beesiilakhwo nende eshia beeleetakhwo, mbu obusuma bwosi obuli isiilo yabwe,
nende amatsi kosi akali isiilo yabwe;
2omululu, nende omuseeri;
omuyaasii, nende omunabii;
omulakusi, nende omukofu;
3omwimilisi wabasikaari amakhumi karaano,
nende omundu woluyali;
omwibaali, nende omuliuli omuchesi;
nende omufumu wamachesi.
4Nasi ndalaraho abaraaka okhuba abakhulundu babwe,
abaana abahele nabo balabaruka.
5Abauldu nabo balasandaninjia,
buli mundu nende oundi,
khandi buli mundu nende owashie;
omuraaka alakholela omukofu akeisunga,
nemundu oulekungwa alakholela omundu woluyali ario khandi.
6Olwa omundu alahanda khuwashie oushili mumzu yasamwana,
nasunga ari Iwe oli nende ingubo;
obe omuruchi weefwe,
obulikushi buno bube mumukhonokwo;
7khunyanga eyo nolwa alachinguula omwoyo,
nasunga ari Shindalaba omusilishi tawe;
okhuba munzu wanje mubulamwo kata ebiliibwa kata tsingubo;
shimulakhola embe omuruchi wabandu bano ta.
8Okhuba Yerusalemu lialikuluulwe,
Yuda nashio shiakwisiibwe;
okhuba olulimi lwabwe nende ebikhole biabwe biyingana nende OMWAMI,
nibishlyisia tsimonitsie tsioluyali.
9Okhulolekha khwomumoni mwabwe khulolosia aka bali ninako;
barumbula ebulafu obwonooni bwabwe shinga Sodomu,
nibarabubisa ta.
Woowe khubo!
okhuba beechemeele abeene amabii.
10Musunjile abalunjishi mbu akabwe kalaba amalayi;
shichila balalia khubiamo biebikhole biabwe.
11Woowe khumumayaanu!
alakhupa khushibii;
okhuba alarungwa omurungo okukhoyeele ebikholebie.
12Ne abandu banje, abaana nibo ababasandia,
abakhasi nibo ababaruka.
E, inywe abandu banje, abo abamwimililanga bamushiaminjia,
nibakoyaasia tsiniila tsiobubiro bweenywe.
13OMWAMI asinjila okhusoola,
khandi asinjiile okhuyaasia abandu.
14OMWAMI alabeenjilila itookho abakofu babandube, nende abakhulundu babwe ari Ninywe abaliile omukunda kwemitsabibu;
ebianuulilwa abamanani bili munzu tsieenywe;
15mukholanga murie nimutubula abandu banje,
nimusasalsa obweni bwabamanani?
Noiwa Omwami aboola, niye OMWAMI omwene mahe.
Abeshikhasi beSayuni bayaasibwa
16Khandi OMWAMI yameeta, naboola mbu Okhuba abeshikhasi abomuSayuni nabokhwikhulumamia,
nibachenda nibakololosiye amakosi kabwe,
niboomile tsimoni;
bachenda nibeera amakulu,
emikotse nichisaala khubilenje biabwe olwa bachenda;
17niko akachila Omwami alahambia abeshikhasi abomuSayuni ebikhweyu mulwotsi Iwemirwe chiabbwe,
khandi OMWAMI olafuunula ebitonye biamasilisi kabwe.
18Khunduukho eyo niIwo olwa Omwami alabayiniliakhwo obwisiayi bwemisambo chiabwe, nende tsimbubi tsieliswi, nende ebimili ebiamera shinga omwesi omutoro; 19ebitaati, nende ebichechele, nende ebikaafu; 20ebitambaya biemirwe, nende emikotse, nende ebiuma biomushishienje, 21tsingaka etsiokhunzala nende etsiomumoolu; 22tsingubo tsindobole, nende tsifuubila, nende ebikoyi, nende tsiloloti;
23ebilolelo, nende ikitani indorotoro,
nende ebilemba, nende tsimbubi.
24Mushilenje shiamalesi akeshing'aari bulabaho obubolo;
mushilenje shiomushiipi, omukoye;
mushilenje shieliswi eliabaswa bulayi, eshiole;
mushilenje shieingubo indayi, imbohela yelikunia;
tsimbala mushilenje shieshiiso.
25Abasaatsa bahawuwo balakwisibwa nolukanga,
abalulubo nabo mwihe.
26Oluyialwe nalwo lulalila nilwikhuula;
naye alatong'a butswa kuru, niyeekhala hasi.
Currently Selected:
Isaya 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 3
3
OMWAMI ayaasia Yuda naYerusalemu
1Okhuba lole, Omwami, niye OMWAMI omwene mahe, ayiniakhwo khuYerusalemu nende Yuda eshia beesiilakhwo nende eshia beeleetakhwo, mbu obusuma bwosi obuli isiilo yabwe,
nende amatsi kosi akali isiilo yabwe;
2omululu, nende omuseeri;
omuyaasii, nende omunabii;
omulakusi, nende omukofu;
3omwimilisi wabasikaari amakhumi karaano,
nende omundu woluyali;
omwibaali, nende omuliuli omuchesi;
nende omufumu wamachesi.
4Nasi ndalaraho abaraaka okhuba abakhulundu babwe,
abaana abahele nabo balabaruka.
5Abauldu nabo balasandaninjia,
buli mundu nende oundi,
khandi buli mundu nende owashie;
omuraaka alakholela omukofu akeisunga,
nemundu oulekungwa alakholela omundu woluyali ario khandi.
6Olwa omundu alahanda khuwashie oushili mumzu yasamwana,
nasunga ari Iwe oli nende ingubo;
obe omuruchi weefwe,
obulikushi buno bube mumukhonokwo;
7khunyanga eyo nolwa alachinguula omwoyo,
nasunga ari Shindalaba omusilishi tawe;
okhuba munzu wanje mubulamwo kata ebiliibwa kata tsingubo;
shimulakhola embe omuruchi wabandu bano ta.
8Okhuba Yerusalemu lialikuluulwe,
Yuda nashio shiakwisiibwe;
okhuba olulimi lwabwe nende ebikhole biabwe biyingana nende OMWAMI,
nibishlyisia tsimonitsie tsioluyali.
9Okhulolekha khwomumoni mwabwe khulolosia aka bali ninako;
barumbula ebulafu obwonooni bwabwe shinga Sodomu,
nibarabubisa ta.
Woowe khubo!
okhuba beechemeele abeene amabii.
10Musunjile abalunjishi mbu akabwe kalaba amalayi;
shichila balalia khubiamo biebikhole biabwe.
11Woowe khumumayaanu!
alakhupa khushibii;
okhuba alarungwa omurungo okukhoyeele ebikholebie.
12Ne abandu banje, abaana nibo ababasandia,
abakhasi nibo ababaruka.
E, inywe abandu banje, abo abamwimililanga bamushiaminjia,
nibakoyaasia tsiniila tsiobubiro bweenywe.
13OMWAMI asinjila okhusoola,
khandi asinjiile okhuyaasia abandu.
14OMWAMI alabeenjilila itookho abakofu babandube, nende abakhulundu babwe ari Ninywe abaliile omukunda kwemitsabibu;
ebianuulilwa abamanani bili munzu tsieenywe;
15mukholanga murie nimutubula abandu banje,
nimusasalsa obweni bwabamanani?
Noiwa Omwami aboola, niye OMWAMI omwene mahe.
Abeshikhasi beSayuni bayaasibwa
16Khandi OMWAMI yameeta, naboola mbu Okhuba abeshikhasi abomuSayuni nabokhwikhulumamia,
nibachenda nibakololosiye amakosi kabwe,
niboomile tsimoni;
bachenda nibeera amakulu,
emikotse nichisaala khubilenje biabwe olwa bachenda;
17niko akachila Omwami alahambia abeshikhasi abomuSayuni ebikhweyu mulwotsi Iwemirwe chiabbwe,
khandi OMWAMI olafuunula ebitonye biamasilisi kabwe.
18Khunduukho eyo niIwo olwa Omwami alabayiniliakhwo obwisiayi bwemisambo chiabwe, nende tsimbubi tsieliswi, nende ebimili ebiamera shinga omwesi omutoro; 19ebitaati, nende ebichechele, nende ebikaafu; 20ebitambaya biemirwe, nende emikotse, nende ebiuma biomushishienje, 21tsingaka etsiokhunzala nende etsiomumoolu; 22tsingubo tsindobole, nende tsifuubila, nende ebikoyi, nende tsiloloti;
23ebilolelo, nende ikitani indorotoro,
nende ebilemba, nende tsimbubi.
24Mushilenje shiamalesi akeshing'aari bulabaho obubolo;
mushilenje shiomushiipi, omukoye;
mushilenje shieliswi eliabaswa bulayi, eshiole;
mushilenje shieingubo indayi, imbohela yelikunia;
tsimbala mushilenje shieshiiso.
25Abasaatsa bahawuwo balakwisibwa nolukanga,
abalulubo nabo mwihe.
26Oluyialwe nalwo lulalila nilwikhuula;
naye alatong'a butswa kuru, niyeekhala hasi.
Oluluyia Union Version © Bible Society of Kenya 1975