Isaya 13
13
Amakhuwa amasiro khuBabeli
1Amakhuwa amasiro khuBabeli, aka Isaya waAmozi yalola.
2Yemeshe eshilolelo khushikulu eshikhaya,
bakhupile amakhu,
khomole nomukhono, mbu beenjile mubilibwa biabakhulundu.
3Ndaiachile abelihe lianje abaahule,
yee, ndalanjile abalulu banje bakhole akoburima bwanje,
nibo abeekhoyelanga oluyali lwanje.
4Hulile, obuyoka mubikulu,
shinga obwabandu abomukanda omukhongo!
Hulile, obuyoka bwchldiri yoburuchi,
obwamahanga nibeekhung'aasiye halala!
OMWAMI omwene mahe yaanzanga abelihe khulwa obusoolo.
5Barula mushialo shiehale,
okhurula khushihesi shielikulu nende eshialo;
mbu OMWAMI nende ebilasanilo biobusinyishibwe,
okhumulula eshialo shiosi.
6Khupe tsimbungu; shichila induukho yOMWAMI yili okhuula;
yileetsa shinga okhutibibwa okhurula khumwenoyo Ounyala-biosi.
7Khulwako amakhono kosi kalabula amaani,
khandi buli mwoyo kwomundu kulasalulukha;
8nabo balafwa omwoyo;
inumwa nende obusaalili bilabahamba;
balatsuunwa, shinga omukhasi oulumwa okhwibula;
balang'ang'alilana butswa;
mumoni mwabwe mulafwana shinga tsimemu tsiomulilo.
9Lole, induukho yOMWAMI yiitsanga,
niyihuma tsimbabasi, inyanga yoburima nobululu;
okhukwisia eshialo likunda,
nende okhumulula aboonooni bashio bahwemwo.
10Okhuba tsinyininyini etsiomwikulu nende ebikanda biatsio shibilalangalila tawe;
eliuba lilakhola eshiilima mukhufwinda khwalio,
omwesi nakwo shikulalangaasia obulafu bwakwo ta.
11Nasi ndalabakuuma abomushialo khulwa tsimbii tsiabwe,
nende abamayaanu khulwa ebionoono biabwe;
khandi ndalaakamia isunga yabeekhulumamii,
nibwisia hasi obwichinjimisii bwa abo abariisinjia.
12Ndalachila omundu waba omutinyu okhunyoolekha okhushila itsahaabu inzelule,
okhushila itsahaabu inzeleleshe yeOfiri.
13Niko akachila ndalareesia likulu,
eshialo nashio shilatechesibwa shirule mungono yashio,
muburima bwOMWAMI omwene mahe,
khandi khunduukho yobululubwe.
14Khandi balakalukha buli mundu mubandu babwe,
nibeelukha buli mundu mushialo shiabwe shinga eshitsusu eshiyiimwa,
kata shinga amakondi aka omundu yesi arakhung'aasia ta.
15Buli mundu ounyoolwa alafumirwa;
khandi buli mundu outiilwa aleerwa nolukanga.
16Abaana babwe abahele balaruulakwa hasi nibafinikha imbeli wetsimoni tsiabwe;
tsinzu tsiabwe tsilayaaywa,
abakhasi babwe nabo nibatiilwa namaani nibakholelwa obubii.
Abakhasi babwe nabo nibatiilwa namaani nibakholelwa obubii.
17Lole, ndalabayakula abaMedi khubo,
abarapaaranga khufeetsa,
kata itsahaabu nayo shibachichamanga ta.
18Nobuyingo bwabwe buleera abasoliili babwe,
kata shibalabeelelela ebiamo biolubeleshelo ta;
tsimoni tsiabwe shitsilahonia abaana tawe.
19Khandi Babeli, oluyali Iwoburuchi bwosi,
ing'oono yobwichinjimisii bwabaKalidayo,
lilafwana shinga Sodomu nende Gomora,
olwa Nyasaye yakakwisia.
20Shililimenywakhwomwo,
kata abandu shibaliikhalakhwomwo nebisoni nebisoni ta;
kata omuArabu shialikhomakhwoyo liheema,
kata abaayi okhukoniayo ebiayo biabwe ta.
21Habula tsisolo etsiomushitsiimi tsilimenyangayo;
khandi tsinzu tsiabwe tsiliitsulamwo tsifisi;
amahuto nako kaliikhalamwo;
ebinanyenze bilishinilayo.
22Amabwe kalisemanga mutsingoba tsiabwe,
khandi ebisuutse mumatookho kabwe amalayi;
eshise nashio shili okhuula,
kata tsindaalotsie shitsilimeetekha tawe.
Currently Selected:
Isaya 13: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
