Hosea 2
2
Obuheeli bwOMWAMI khubandube ababula obwisiikwa
1Sunjila omusiani weenywe mbu Abandu banje; nomukhaana weenywe mbu Yabeelwa eshisa.
2Funaane nanyineenywe, funaane;
okhuba shiali omukhasi wanje,
nasi shindi omusaatsawe, ta;
arusie obuheyibwe mumonimwe,
nobutambabwe hakari wetsimbeeletsie;
3nebutswa ndalamunaabula abe eshihechenye,
shinga khunyanga okva yeebulwa.
Ndalamukwisia eshitsiimi,
nimukhola eshialo eshihangalafu,
nimwira nobuloho.
4Kata abaanabe, shindalababeela eshisa ta,
okhuba nabaana bobuheyi.
5Okhuba nyinabwe wakhola obutamba;
owababelekha munda wakhola aketsisoni;
okhuba yasunga mbu Ndalalonda khubatia banje,
abambeelesinjia ebiokhulia bianje namatsi,
obwoya bwamakondi bwanje, neikitani,
amafura kanje nende akokhunywa.
6Iihulwako, lola, ndalasirila injilaye olukaka lwamahwa,
ninyumbakha omushingachi okhumuyinga,
mbu akhaywe okhunyool a tsinjilatsie.
7Alalonda inyuma wabatiabe,
ne shialabahamba ta;
alabakhaaba,
ne shialabanyoola ta;
mana alasunga mbu Enzie engalushe khumusaatsa wanje owambula;
okhuba yaho ndali mubulayi okhushila bulaano.
8Ne shiyamanya mbu nisie owamuheelesia imele,
neidivai, namafura,
nimwinjiyilia ifeetsa nende itsahaabu ebia beekhoonyela khulwa Baali, ta.
9Niko akachila ndalabukula khandi imele yanje mushise shiayo neidivai yanje munduukho yayo,
nimuyiniakhwo obwoya bwanje bwamakondi neikitani ebiakhafuuniishe eshihechenyeshie.
10Bulaano ndalafuunula obwilaasibwe mumoni tsiabatiabe;
ne abulaho oulamuhonia mumukhono kwanje.
11Ndalaakamia obutsatsahafubwe bwosi, amasaboke, nokhuchaaka khwemiesi, netsisabatotsie,
netsinduukho tsiemilukhachie chiosi.
12Ndaloonoonia emitsabibuchie nemikhuyuchie echia asungangakhwo mbu Chino nomushaara kwanje echia abatia banje bayambeele.
Ndalachikwisia ebitsakha,
ne tsisolo etsiomubulimo tsilachilia.
13Ndalamukuuma khulwa tsindaalo tsiemiBaali,
echia yasambilanga amalesi kelibuuliesi;
olwa yeesiahanga tsingakatsie nebimilibie,
nalonda khubatiabe,
niyanzibilila isie, OMWAMI aboola.
14Khulwako, lola, ndalamulanga nobulombelesii,
nimuyila mushitsiimi,
nimusunjila akobulemia.
15Ebweneyo ndalamuheelesia emikundachie chiemitsabibu,
nelibanda liaAkhori, libe khuye omuliango kwobunaayi.
Ebweneyo alangalusiamwo shinga olwa yakhola mundaalo tsiolubuukhalwe,
kata khunyanga eyo olwa yarula mushialo shiaMisiri.
16OMWAMI naboola mbu Ne khunyanga eyo olananga mbu Omusaatsa wanje; ne shiolananga mbu Baali wanje khandi ta. 17Okhuba ndalarusia ameera kemiBaali mumunwakwe, kata shichilaralwa nameera kachio khandi ta. 18Khunyanga eyo ndalamukholela indakano netsisolo tsiomubulimo, namanyonyi akokhwikulu, nende ebindu ebimoolanga hasi; ndalafunaka obuyingo nolukanga, nirusia amahe mushialo, nimbakonia eshisichi mulembe. 19Ndalakhuhamba eshiboyi inziayo; toto, ndalakhuhamba eshiboyi mubulunjishi, nomukahabwene, nomubuheeli oburalilu, nomumbabasi. 20Kata ndalakhuhamba eshiboyi mubwisiikwa; mana olamanya OMWAMI.
21OMWAMI aboola mbu Khunyanga eyo ndalakalusia likulu,
nalio lilakalusia eshialo;
22eshialo shilakalusia imele neidivai namafura;
nabio bilakalusia Yezereeli.
23Ne ndalamuraaka mushialo khulwanje;
ndalamubeela eshisa Nandabeelwa-shisa;
ndalamusunjila Abarali-abanje-ta mbu Muli abandu banje;
naye alasunga mbu Niwe Nyasaye wanje.
Currently Selected:
Hosea 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Hosea 2
2
Obuheeli bwOMWAMI khubandube ababula obwisiikwa
1Sunjila omusiani weenywe mbu Abandu banje; nomukhaana weenywe mbu Yabeelwa eshisa.
2Funaane nanyineenywe, funaane;
okhuba shiali omukhasi wanje,
nasi shindi omusaatsawe, ta;
arusie obuheyibwe mumonimwe,
nobutambabwe hakari wetsimbeeletsie;
3nebutswa ndalamunaabula abe eshihechenye,
shinga khunyanga okva yeebulwa.
Ndalamukwisia eshitsiimi,
nimukhola eshialo eshihangalafu,
nimwira nobuloho.
4Kata abaanabe, shindalababeela eshisa ta,
okhuba nabaana bobuheyi.
5Okhuba nyinabwe wakhola obutamba;
owababelekha munda wakhola aketsisoni;
okhuba yasunga mbu Ndalalonda khubatia banje,
abambeelesinjia ebiokhulia bianje namatsi,
obwoya bwamakondi bwanje, neikitani,
amafura kanje nende akokhunywa.
6Iihulwako, lola, ndalasirila injilaye olukaka lwamahwa,
ninyumbakha omushingachi okhumuyinga,
mbu akhaywe okhunyool a tsinjilatsie.
7Alalonda inyuma wabatiabe,
ne shialabahamba ta;
alabakhaaba,
ne shialabanyoola ta;
mana alasunga mbu Enzie engalushe khumusaatsa wanje owambula;
okhuba yaho ndali mubulayi okhushila bulaano.
8Ne shiyamanya mbu nisie owamuheelesia imele,
neidivai, namafura,
nimwinjiyilia ifeetsa nende itsahaabu ebia beekhoonyela khulwa Baali, ta.
9Niko akachila ndalabukula khandi imele yanje mushise shiayo neidivai yanje munduukho yayo,
nimuyiniakhwo obwoya bwanje bwamakondi neikitani ebiakhafuuniishe eshihechenyeshie.
10Bulaano ndalafuunula obwilaasibwe mumoni tsiabatiabe;
ne abulaho oulamuhonia mumukhono kwanje.
11Ndalaakamia obutsatsahafubwe bwosi, amasaboke, nokhuchaaka khwemiesi, netsisabatotsie,
netsinduukho tsiemilukhachie chiosi.
12Ndaloonoonia emitsabibuchie nemikhuyuchie echia asungangakhwo mbu Chino nomushaara kwanje echia abatia banje bayambeele.
Ndalachikwisia ebitsakha,
ne tsisolo etsiomubulimo tsilachilia.
13Ndalamukuuma khulwa tsindaalo tsiemiBaali,
echia yasambilanga amalesi kelibuuliesi;
olwa yeesiahanga tsingakatsie nebimilibie,
nalonda khubatiabe,
niyanzibilila isie, OMWAMI aboola.
14Khulwako, lola, ndalamulanga nobulombelesii,
nimuyila mushitsiimi,
nimusunjila akobulemia.
15Ebweneyo ndalamuheelesia emikundachie chiemitsabibu,
nelibanda liaAkhori, libe khuye omuliango kwobunaayi.
Ebweneyo alangalusiamwo shinga olwa yakhola mundaalo tsiolubuukhalwe,
kata khunyanga eyo olwa yarula mushialo shiaMisiri.
16OMWAMI naboola mbu Ne khunyanga eyo olananga mbu Omusaatsa wanje; ne shiolananga mbu Baali wanje khandi ta. 17Okhuba ndalarusia ameera kemiBaali mumunwakwe, kata shichilaralwa nameera kachio khandi ta. 18Khunyanga eyo ndalamukholela indakano netsisolo tsiomubulimo, namanyonyi akokhwikulu, nende ebindu ebimoolanga hasi; ndalafunaka obuyingo nolukanga, nirusia amahe mushialo, nimbakonia eshisichi mulembe. 19Ndalakhuhamba eshiboyi inziayo; toto, ndalakhuhamba eshiboyi mubulunjishi, nomukahabwene, nomubuheeli oburalilu, nomumbabasi. 20Kata ndalakhuhamba eshiboyi mubwisiikwa; mana olamanya OMWAMI.
21OMWAMI aboola mbu Khunyanga eyo ndalakalusia likulu,
nalio lilakalusia eshialo;
22eshialo shilakalusia imele neidivai namafura;
nabio bilakalusia Yezereeli.
23Ne ndalamuraaka mushialo khulwanje;
ndalamubeela eshisa Nandabeelwa-shisa;
ndalamusunjila Abarali-abanje-ta mbu Muli abandu banje;
naye alasunga mbu Niwe Nyasaye wanje.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975