Hosea 1
1
Aka mukha Hosea, owabula obwisiikwa, nende akabaanabe
1Likhuwa liOMWAMI elieetsela Hosea waBeeri mundaalo tsiaUzia, Yotsamu, Ahazi, naHezekia, abaruchi baYuda, khandi mundaalo tsiaYeroboamu waYoashi, omuruchi waIsiraeli.
2Olwa OMWAMI yasungana nende Hosea olwambeli, OMWAMI yabiila Hosea mbu Tsia oleere omukhasi wobuheyi, nonyoola abaana bobuheyi; okhuba eshialo shikholanga obuheyi obukhongo nishirula khuMWAMI. 3Kho natsia, naleera Gomeri waDibilaimu, naye nahela inda, niyeebula omwana omusiani.
4OMWAMI namuboolela mbu Omukulishe eliira mbu Yezereeli; okhuba shishili eshise eshituutu, mana ndalamala eshikwoli shiamabanga kaYezereeli khunzu yaYehu, ninzakamie oburuchi bweinzu yaIsiraeli. 5Ne khunyanga eyo ndalafunachila obuyingo bwaIsiraeli mwibanda liaYezereeli.
6Nahela inda khandi, niyeebula omwana omukhaana. OMWAMI namuboolela mbu Omukulishe eliira mbu Nandabeelwa-shisa; okhuba shindalabeela inzu yaIsiraeli eshisa khandi, okhubaleshela ta. 7Nebutswa ndalabeelanga inzu yaYuda eshisa, nimbahonia nOMWAMI Nyasaye wabwe; shindalabahonia nende obuyingo, kata nolukanga, kata nobusoolo, kata netsifarasi, kata nabachendela khutsio ta.
8Ne olwa Gomeri yali naleshesiye Nandabeelwashisa okhunuuna, yahela inda niyeebula omwana omusiani. 9OMWAMI nasunga mbu Omukulishe eliira mbu Abarali-abanjeta; okhuba inywe shimuli abandu banje, kata isie shindalaba Nyasaye weenywe ta.
10Nebutswa obunji bwabaana baIsiraeli bulaba shinga omuyeshe okwomunyanza, okuranyala okhuchelwa kata okhubasibwa ta. Ne habundu yaho aha baboolelwa mbu Shimuli abandu banje ta, balamala basunjilwe mbu Ninywe abaana baNyasaye oubeetsangaho mwoyo. 11Ne abaana baYuda nabaana baIsiraeli balakhung'aasibwa halala, nibeelobolela omwimilisi mulala, nibatikulukha okhurula mushialo; okhuba inyanga yaYezereeli yiliba ikhongo.
Currently Selected:
Hosea 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Hosea 1
1
Aka mukha Hosea, owabula obwisiikwa, nende akabaanabe
1Likhuwa liOMWAMI elieetsela Hosea waBeeri mundaalo tsiaUzia, Yotsamu, Ahazi, naHezekia, abaruchi baYuda, khandi mundaalo tsiaYeroboamu waYoashi, omuruchi waIsiraeli.
2Olwa OMWAMI yasungana nende Hosea olwambeli, OMWAMI yabiila Hosea mbu Tsia oleere omukhasi wobuheyi, nonyoola abaana bobuheyi; okhuba eshialo shikholanga obuheyi obukhongo nishirula khuMWAMI. 3Kho natsia, naleera Gomeri waDibilaimu, naye nahela inda, niyeebula omwana omusiani.
4OMWAMI namuboolela mbu Omukulishe eliira mbu Yezereeli; okhuba shishili eshise eshituutu, mana ndalamala eshikwoli shiamabanga kaYezereeli khunzu yaYehu, ninzakamie oburuchi bweinzu yaIsiraeli. 5Ne khunyanga eyo ndalafunachila obuyingo bwaIsiraeli mwibanda liaYezereeli.
6Nahela inda khandi, niyeebula omwana omukhaana. OMWAMI namuboolela mbu Omukulishe eliira mbu Nandabeelwa-shisa; okhuba shindalabeela inzu yaIsiraeli eshisa khandi, okhubaleshela ta. 7Nebutswa ndalabeelanga inzu yaYuda eshisa, nimbahonia nOMWAMI Nyasaye wabwe; shindalabahonia nende obuyingo, kata nolukanga, kata nobusoolo, kata netsifarasi, kata nabachendela khutsio ta.
8Ne olwa Gomeri yali naleshesiye Nandabeelwashisa okhunuuna, yahela inda niyeebula omwana omusiani. 9OMWAMI nasunga mbu Omukulishe eliira mbu Abarali-abanjeta; okhuba inywe shimuli abandu banje, kata isie shindalaba Nyasaye weenywe ta.
10Nebutswa obunji bwabaana baIsiraeli bulaba shinga omuyeshe okwomunyanza, okuranyala okhuchelwa kata okhubasibwa ta. Ne habundu yaho aha baboolelwa mbu Shimuli abandu banje ta, balamala basunjilwe mbu Ninywe abaana baNyasaye oubeetsangaho mwoyo. 11Ne abaana baYuda nabaana baIsiraeli balakhung'aasibwa halala, nibeelobolela omwimilisi mulala, nibatikulukha okhurula mushialo; okhuba inyanga yaYezereeli yiliba ikhongo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975