Abaheburania 6
6
1Kho khuleshe okhusunga khukeenako akaranjilila mukaKristo, nikhutsiililila okhuula khubulamba. Khurakhupa khandi omuse kwobwikalukhasii okhurula khubikhole ebifu, nokwobusuubili khuNyasaye, ta; 2okwameechesio kobubatisii, nokwokhureebwakhwo amakhono nokwobulamushi bwabafu, nokwobuyaasii bwobumeli tawe. 3Ne khulatsiililila khurio, Nyasaye naba nafuchiilila ario.
4Okhuba abeenabo abali nibakhosibwakhwo obulafu, nibakoonyeelela khushihaanwa shieshineekulu, nibakholwa abasanjili khuRoho Omutakatifu, 5nibakoonyeelela khwikhuwa liaNyasaye, mbu nelilayi, kata nende obunyali obwomubisoni ebiitsa, 6mana nibahunzukha, kho shilinyalikha okhubakalula abayiakha okhuula khubwikalukhasii khandi tawe; shichila abeene khubwabwe bamubambanga Omwana waNyasaye khumusalaba khandi, nibamuhambia tsisoni katong'ane. 7Shichila liloba elianyisibwa neifula eyikwitsangakhwo khatsotselo, nilimesinjia emiani echibakhoyela abeenabo aba lialimilwa, linyoolanga ikhabi eyirula khuNyasaye. 8Nebutswa niliba nilimesinjia tsisasaari nende ebisisia, liba lilobwa, niliba ahambi okhuba elieshilaamo shiobubii; eshihesi shialio nokhusambwa.
Oburalisii bwa ako aka khunaayanga
9Nebutswa inywe, abaheelwa banje, kata olwa khusunga khurio, khusuubilanga amalayi akashila ako khwinywe, kata amakhuwa akali akobuhonia. 10Shichila Nyasaye shiali omumayaanu ta owakhanyala okhwibilila obukholi bweenywe, kata shinga olwa mwalolosia obuheeli khuliiralie olwa mwakhalabanila abatakatifu, nimushikhalabananga okhuula bulaano. 11Khandi khwikomba mbu buli mulala khwinywe alolosinjie obulumilifu bulala bwenobwo khubuusibwi bwobunaayi bweenywe, okhuula khubumaliilishi; 12mbu muleshenje okhukarahala, habula mbu mube abalondi beikhola ya abo abalia ebiasuubisibwa khulwa obusuubili nobwisimilisii.
13Shichila olwa Nyasaye yamusuubisia Aburahamu likhuwa, olwa aranyala okhwitsuba khuwundi oumushila ta, yeetsuba khumwene, 14ari Toto mwene, okhuhaana ikhabi ndalakhuheelesia iwe ikhabi, khandi okhwinjiyia ndalakhwinjiyia. 15Ne Aburahamu khulwa obwisimilisiibwe yanyoola ario ebia yasuubisibwa. 16Okhuba abandu beetsubanga khuwundi oubashila; kata mubuli shifunane shiosi eshia baba nibali ninashio, eshiitsubo nishio eshimalanga shitinyisie likhuwa. 17Kho Nyasaye, olwa yeenya okhumanyia abobulaame beshisuubisieshie bulayi aketsiyemitsie shinga olwa tsiranyala okhukalukhanakhwo ta, yatsitinyisia neshiitsubo; 18mbu mubindu bibili ebirakalukhana ta, ebia Nyasaye aranyala okhubeehelamwo tawe, ifwe abeenjiile mubwilushilo bweefwe khutinyisibwe muno okhutiila linaayo elo elireebwaho hambeli weefwe. 19Linaayo lienelo likhubeelanga shinga eshiralisio shiomwoyo. Neshitinyilifu eshirareesikha ' ta, ne shiinjilanga nishibirila mungubo ishinga eyo, 20omwa Yesu yeenjilila khulweefwe abe omuranjilili weefwe, namalile okhwikhola omukuhani wobushia nobushia, okhulonda khumela yaMelekisedeki.
Currently Selected:
Abaheburania 6: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
