Esita 10
10
Obukhongo bwaMoridekai
1Haho omuruchi Ahasuwero yabalunyia abeshialo nabetsinguku tsieinyanza okhumukholela emilimo. 2Ne amakhuwa kosi kobunyalibwe nakobululubwe, nakosi akatoonywa khubukhongo bwaMoridekai, obwa omuruchi yamwemekhakhwo, shikahandiikwa muShitabu shiAmakhuwa keTsindaalo akabaruchi bebuMedi naPerisia? 3Okhuba Moridekai omuYahudi yali owakhabili khumuruchi Ahasuwero, nali omukhongo mubaYahudi, nafuchiililwa nemikanda emikhongo chiabaluyia babwe; okhuba yakhaabanga amalayi kabandube, nasunjilanga abolwibulolwe lwosi akomulembe.
Oluluyia Union Version © Bible Society of Kenya 1975