Abaefeso 5
5
Chendenje shinga abaana bobulafu
1Kho mulondenje imela yaNyasaye, shinga olwa muli abaanabe abaheelwa. 2Muchendenje mubuheeli, shinga Kristo yesi olwa yamuheela inywe, niyeehaana omwene khulweefwe, eshihaanwa khandi omusango kweshiuya shieisiakakha indayi khuNyasaye. 3Ne obuheyi, nakeshifwabwi kosi, kata likhalikhali, kaleshenje kata okhurumbukhakhwo mwinywe, shinga olwa kabakhoyeele abatakatifu; 4kata aketsisoni, kata okhwilakalakania, kata okhung'asia okhubii, ebirakhoya ta; habula okhuupanga orio. 5Okhuba mumanyile toto mbu omuheyi yesi shialikhwo bobulaame mubwami bwaKristo nende Nyasaye ta, kata omundu weshifwabwi, kata owelikhalikhali, ouli omwinamili webiabutswa, tawe. 6Omundu yesi aramukaatia namakhuwa amakhaya ta; okhuba amakhuwa kano niko akachilanga oburima bwaNyasaye nibwitsa khubobukhayi. 7Kho murasanjilananga ninabo ta; 8shichila mwalinji eshiilima, ne bulaano muli obulafu muMwami; muchendenje shinga abaana bobulafu; 9okhuba ebiamo biobulafu binyooleshelanga mubulayi bwosi, nobulunjishi, nobwatoto. 10Teeme, mulole akamuchamisia Omwami shinga olwa kali. 11Murasanjilana nebikhole bieshiilima, ebibula inganga, ta; habula mbu mubisiikhule. 12Okhuba aka bakholanga mumabiswi, kata okhukasungakhwo netsisoni; 13nebutswa amakhuwa kosi olwa kasiikhulungwa kamanyikhanga khulwa obulafu; okhuba kosi akamanyikhanga niko obulafu. 14Niko akachila nikaboolwa mbu
Sisimukha, iwe oukona tsindoolo;
lamukha okhurula mukhufwa,
mana Kristo alakhwashila.
15Khulwako, mwirecheshe shinga olwa muchendanga, shinga abasilu ta, habula shinga abachesi. 16Mwikhoonyele bulayi obwiyangu obuliho, shichila tsindaalo tsino netsimbii. 17Kho muraba abayingwa ta, ne mbu mumanye bulayi aka Omwami yeenya shinga olwa kali. 18Murameelanga amalwa, okhulimwo obwitaakuli, tawe; ne mwitsulenjemwo Roho. 19Musunganile abeene nabeene mutsitsabuli netsinyimbo nokhutselela khweshiroho, nimwimba nimukhupila Omwami obukhana mumioyo mukari. 20Mukhupilenje Nyasaye Seefwe orio tsindaalo tsiosi khulwa amakhuwa kosi muliira liOmwami weefwe Yesu Kristo.
Abasaatsa nabakhasi babwe
21Muhulilisaninjie nimuriitsanga Kristo.
22Inywe abakhasi, hulilenje abasaatsa beenywe shinga olwa muhulilanga Omwami. 23Okhuba omusaatsa niye omurwe kwomukhasi, shinga Kristo yesi olwa ali omurwe kweikanisa, omwene nali omuhonia womubili. 24Ne shinga olwa ikanisa yihulilanga Kristo, nilwo olwa abakhasi bakhoyile okhuhulilanga abasaatsa babwe mumakhuwa kosi.
25Inywe abasaatsa, heelenje abakhasi beenywe, shinga Kristo olwa yaheela ikanisa, niyeehaana khulwayo, 26mbu achiahule, nachisiiyile nachiosiye namatsi halala nelikhuwa, 27mbu yeehelesie omwene ikanisa niyili eyoluyali, niyibulakhwo imbala kata likhanya kata eshindu shiosi eshifwana shirio; ne mbu yibe indakatifu, eyibula eshikha shiosi. 28Nindio abasaatsa bosi bakwanile okhuheela abakhasi babwe shinga olwa 'oaheela emibili chiabwe abeene. Ouheela omukhasiwe, yeeheela omwene. 29Shichila okhurula khale nakhale abulaho omundu owakiya omubili kukwe omwene; nebutswa akuliisia nakutembelesia shinga Kristo yesi olwa akholelanga ikanisa; 30okhuba khuli ebiungo ebiokhumubilikwe. 31Niko akachila omusaatsa alalekhanga samwana nende nyina, ahambane nende omukhasiwe; nabo bombi balaba omubili mulala. 32Lino nelibiso likhongo; ne emboola khumakhuwa kaKristo nende akeikanisa. 33Nebutswa nineenywe mwesi murio muheelenje buli mundu omukhasi wuwe, shinga olwa yeeheela omwene; omukhasi yesi arekhwo omwoyo okhumuriitsanga omusaatsawe.
Currently Selected:
Abaefeso 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaefeso 5
5
Chendenje shinga abaana bobulafu
1Kho mulondenje imela yaNyasaye, shinga olwa muli abaanabe abaheelwa. 2Muchendenje mubuheeli, shinga Kristo yesi olwa yamuheela inywe, niyeehaana omwene khulweefwe, eshihaanwa khandi omusango kweshiuya shieisiakakha indayi khuNyasaye. 3Ne obuheyi, nakeshifwabwi kosi, kata likhalikhali, kaleshenje kata okhurumbukhakhwo mwinywe, shinga olwa kabakhoyeele abatakatifu; 4kata aketsisoni, kata okhwilakalakania, kata okhung'asia okhubii, ebirakhoya ta; habula okhuupanga orio. 5Okhuba mumanyile toto mbu omuheyi yesi shialikhwo bobulaame mubwami bwaKristo nende Nyasaye ta, kata omundu weshifwabwi, kata owelikhalikhali, ouli omwinamili webiabutswa, tawe. 6Omundu yesi aramukaatia namakhuwa amakhaya ta; okhuba amakhuwa kano niko akachilanga oburima bwaNyasaye nibwitsa khubobukhayi. 7Kho murasanjilananga ninabo ta; 8shichila mwalinji eshiilima, ne bulaano muli obulafu muMwami; muchendenje shinga abaana bobulafu; 9okhuba ebiamo biobulafu binyooleshelanga mubulayi bwosi, nobulunjishi, nobwatoto. 10Teeme, mulole akamuchamisia Omwami shinga olwa kali. 11Murasanjilana nebikhole bieshiilima, ebibula inganga, ta; habula mbu mubisiikhule. 12Okhuba aka bakholanga mumabiswi, kata okhukasungakhwo netsisoni; 13nebutswa amakhuwa kosi olwa kasiikhulungwa kamanyikhanga khulwa obulafu; okhuba kosi akamanyikhanga niko obulafu. 14Niko akachila nikaboolwa mbu
Sisimukha, iwe oukona tsindoolo;
lamukha okhurula mukhufwa,
mana Kristo alakhwashila.
15Khulwako, mwirecheshe shinga olwa muchendanga, shinga abasilu ta, habula shinga abachesi. 16Mwikhoonyele bulayi obwiyangu obuliho, shichila tsindaalo tsino netsimbii. 17Kho muraba abayingwa ta, ne mbu mumanye bulayi aka Omwami yeenya shinga olwa kali. 18Murameelanga amalwa, okhulimwo obwitaakuli, tawe; ne mwitsulenjemwo Roho. 19Musunganile abeene nabeene mutsitsabuli netsinyimbo nokhutselela khweshiroho, nimwimba nimukhupila Omwami obukhana mumioyo mukari. 20Mukhupilenje Nyasaye Seefwe orio tsindaalo tsiosi khulwa amakhuwa kosi muliira liOmwami weefwe Yesu Kristo.
Abasaatsa nabakhasi babwe
21Muhulilisaninjie nimuriitsanga Kristo.
22Inywe abakhasi, hulilenje abasaatsa beenywe shinga olwa muhulilanga Omwami. 23Okhuba omusaatsa niye omurwe kwomukhasi, shinga Kristo yesi olwa ali omurwe kweikanisa, omwene nali omuhonia womubili. 24Ne shinga olwa ikanisa yihulilanga Kristo, nilwo olwa abakhasi bakhoyile okhuhulilanga abasaatsa babwe mumakhuwa kosi.
25Inywe abasaatsa, heelenje abakhasi beenywe, shinga Kristo olwa yaheela ikanisa, niyeehaana khulwayo, 26mbu achiahule, nachisiiyile nachiosiye namatsi halala nelikhuwa, 27mbu yeehelesie omwene ikanisa niyili eyoluyali, niyibulakhwo imbala kata likhanya kata eshindu shiosi eshifwana shirio; ne mbu yibe indakatifu, eyibula eshikha shiosi. 28Nindio abasaatsa bosi bakwanile okhuheela abakhasi babwe shinga olwa 'oaheela emibili chiabwe abeene. Ouheela omukhasiwe, yeeheela omwene. 29Shichila okhurula khale nakhale abulaho omundu owakiya omubili kukwe omwene; nebutswa akuliisia nakutembelesia shinga Kristo yesi olwa akholelanga ikanisa; 30okhuba khuli ebiungo ebiokhumubilikwe. 31Niko akachila omusaatsa alalekhanga samwana nende nyina, ahambane nende omukhasiwe; nabo bombi balaba omubili mulala. 32Lino nelibiso likhongo; ne emboola khumakhuwa kaKristo nende akeikanisa. 33Nebutswa nineenywe mwesi murio muheelenje buli mundu omukhasi wuwe, shinga olwa yeeheela omwene; omukhasi yesi arekhwo omwoyo okhumuriitsanga omusaatsawe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975