Abaefeso 4
4
Obulala bwaRoho
1Niko akachila isie, omubohe muMwami, emusaaya mbu mwichendelesie habwene, shinga olwa kakhoyeele omulango okwa mwalanjilwa, 2mubwongoli bwosi nobuholo, mubwifwili, nimwisimilisanilinjia mubuheeli. 3Mwitinyie okhulinda obulala bwaRoho mushibohelo shiomulembe. 4Kuliho omubili mulala, khandi Roho mulala, shinga olwa mwalanjilwa mubunaayi bulala bwomulango kweenywe. 5Omwami mulala, obusuubili bulala, obubatsii bulala, 6Nyasaye mulala ouli Omwibuli wabosi, nali hekulu khubosi, niyeetsula mubosi, namenya mubosi. 7Nebutswa buli mulala mwifwe yaheebwa obukoosia tsana, eshichelo shieshihaanwa shiaKristo shinga olwa shili. 8Niko akachila nikaboolwa mbu
Olwa yakulukha natsia mwikulu yayila abahambe mubuhambe,
naheelesia abandu ebihaanwa.
9Ne likhuwa elo, mbu Yakulukha, nikhuwa shi? Mbula, ndielino, mbu yali niyeekha khushialo hasi bwene. 10Oweekha niye mulala mwenoyo owakulukha, ikulu muno okhubira likulu liosi, mbu yeetsule mubiosi. 11Ne niye owahaana abalala babe abarume; abandi, abanabii; abandi, abeelwatsi beinjiili; nabandi, abaayi nabeechesia 12okhurechekha abatakatifu khulwa emilimo chiobukhalabani, khukhuumbakhwa khwomubili kwaKristo, 13okhuula olwa khuloola fwesi halala khubulala bwobusuubili nende obwobumanyi bwOmwana waNyasaye; okhuula olwa khulaba omundu omulamba, oukhulile, khushichelo shieshiimo shiobulamba bwaKristo. 14Kho shikhwakhaba abaana khandi ta, abakhupwa eyi nende eyi nokhurundwa, nibayilwa hosi hosi nende buli buhuutsi bwameechesio, khulwa okhurana khwabandu, mubuchesichesi nobubatsa bwobukori. 15Nebutswa khuboolenje obwatoto mubuheeli, nikhukhula mukosi okhwinjila muye ouli omurwe, niye Kristo. 16Nokhurula khuye omubili kwosi, nikuliimaasibwa nikuliimaana halala bulayi khulwa obukhoonyi bwabuli shiunjilo, kukhulanga khulwa obukholi bwahabwene bwabuli shiungo, shilala shilala, nikwiyumbakha mubuheeli.
Obulamu obuyia muKristo
17Kho lino nilio elia emuboolela, nilitinyisia muMwami, mbu murachendanga shinga Abamahanga khandi ta. Bo bachendanga mumapaaro kabutswa, 18obuchesi bwabwe nibukholile eshiilima. Beeyahukha nobulamu bwaNyasaye khulwa okhukorwa okhuli mubo, okhurula mubuumu bwemioyo chiabwe. 19Bakwa lisilila nibeehaana khubwilaasi, nibalangushila eshifwabwi shietsimbia tsiosi. 20Ne shimwayeeka Kristo murio ta, 21nimuba nimwamuhulila ye omwene, nimweechesibwa nimuli muye, obwatoto shinga olwa buli muYesu. 22Mbu mumakhuwa keinjenda yeenywe yakhale, mwinaabule imela yakhale, eyibola bubola khulwa obukaatii bwobwikombi; 23khandi mbu mukholwe abayiakha mumayililisio akomumioyo chieenywe, 24nimwifwala imela eyo imbia eyalongwa mukhufwana khwaNyasaye mubulunjishi nobutakatifu obwatoto.
25Khulwako, mwibale obubeeyi bwosi nimuboola akatoto buli mundu nowashie; okhuba khuli ebiungo, buli mundu khuwashie. 26Nimuba nimutiilwa oburima, muroonoona ta; eliuba lileshe okhuyeela nimushili noburima; 27kata muraheelesia Setani obwiyangu ta. 28Oyo owabeelenje niyeeba, areeba khandi ta; ne mbu anyakhane nakhola namakhonoke emilimo emilayi, mbu abe nende eshia akabilakhwo oyo ouli nobutakha. 29Amasungo amamayaanu kaleshenje okhurula muminwa chieenywe, habula akali amalayi khulwa obuumbashi, akakaasila obuha obuliho mbu kabaleerele obukoosia abakahulilanga. 30Murabeelesia Roho Omutakatifu waNyasaye ta; muye mwareebwakhwo eshibalikho okhuula khunyanga yobununulwi. 31Mwiyahule okhurula khubululu bwosi, noburima, nobusinyishi, nobuyoka, nobuchiishi, nende likhobo liosi; 32ne mbu mukholenje akeshisa, buli mundu nowashie, nimutiililanwa tsimbabasi, nokhuleshelana, shinga Nyasaye yesi olwa yamuleshela inywe muKristo.
Currently Selected:
Abaefeso 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaefeso 4
4
Obulala bwaRoho
1Niko akachila isie, omubohe muMwami, emusaaya mbu mwichendelesie habwene, shinga olwa kakhoyeele omulango okwa mwalanjilwa, 2mubwongoli bwosi nobuholo, mubwifwili, nimwisimilisanilinjia mubuheeli. 3Mwitinyie okhulinda obulala bwaRoho mushibohelo shiomulembe. 4Kuliho omubili mulala, khandi Roho mulala, shinga olwa mwalanjilwa mubunaayi bulala bwomulango kweenywe. 5Omwami mulala, obusuubili bulala, obubatsii bulala, 6Nyasaye mulala ouli Omwibuli wabosi, nali hekulu khubosi, niyeetsula mubosi, namenya mubosi. 7Nebutswa buli mulala mwifwe yaheebwa obukoosia tsana, eshichelo shieshihaanwa shiaKristo shinga olwa shili. 8Niko akachila nikaboolwa mbu
Olwa yakulukha natsia mwikulu yayila abahambe mubuhambe,
naheelesia abandu ebihaanwa.
9Ne likhuwa elo, mbu Yakulukha, nikhuwa shi? Mbula, ndielino, mbu yali niyeekha khushialo hasi bwene. 10Oweekha niye mulala mwenoyo owakulukha, ikulu muno okhubira likulu liosi, mbu yeetsule mubiosi. 11Ne niye owahaana abalala babe abarume; abandi, abanabii; abandi, abeelwatsi beinjiili; nabandi, abaayi nabeechesia 12okhurechekha abatakatifu khulwa emilimo chiobukhalabani, khukhuumbakhwa khwomubili kwaKristo, 13okhuula olwa khuloola fwesi halala khubulala bwobusuubili nende obwobumanyi bwOmwana waNyasaye; okhuula olwa khulaba omundu omulamba, oukhulile, khushichelo shieshiimo shiobulamba bwaKristo. 14Kho shikhwakhaba abaana khandi ta, abakhupwa eyi nende eyi nokhurundwa, nibayilwa hosi hosi nende buli buhuutsi bwameechesio, khulwa okhurana khwabandu, mubuchesichesi nobubatsa bwobukori. 15Nebutswa khuboolenje obwatoto mubuheeli, nikhukhula mukosi okhwinjila muye ouli omurwe, niye Kristo. 16Nokhurula khuye omubili kwosi, nikuliimaasibwa nikuliimaana halala bulayi khulwa obukhoonyi bwabuli shiunjilo, kukhulanga khulwa obukholi bwahabwene bwabuli shiungo, shilala shilala, nikwiyumbakha mubuheeli.
Obulamu obuyia muKristo
17Kho lino nilio elia emuboolela, nilitinyisia muMwami, mbu murachendanga shinga Abamahanga khandi ta. Bo bachendanga mumapaaro kabutswa, 18obuchesi bwabwe nibukholile eshiilima. Beeyahukha nobulamu bwaNyasaye khulwa okhukorwa okhuli mubo, okhurula mubuumu bwemioyo chiabwe. 19Bakwa lisilila nibeehaana khubwilaasi, nibalangushila eshifwabwi shietsimbia tsiosi. 20Ne shimwayeeka Kristo murio ta, 21nimuba nimwamuhulila ye omwene, nimweechesibwa nimuli muye, obwatoto shinga olwa buli muYesu. 22Mbu mumakhuwa keinjenda yeenywe yakhale, mwinaabule imela yakhale, eyibola bubola khulwa obukaatii bwobwikombi; 23khandi mbu mukholwe abayiakha mumayililisio akomumioyo chieenywe, 24nimwifwala imela eyo imbia eyalongwa mukhufwana khwaNyasaye mubulunjishi nobutakatifu obwatoto.
25Khulwako, mwibale obubeeyi bwosi nimuboola akatoto buli mundu nowashie; okhuba khuli ebiungo, buli mundu khuwashie. 26Nimuba nimutiilwa oburima, muroonoona ta; eliuba lileshe okhuyeela nimushili noburima; 27kata muraheelesia Setani obwiyangu ta. 28Oyo owabeelenje niyeeba, areeba khandi ta; ne mbu anyakhane nakhola namakhonoke emilimo emilayi, mbu abe nende eshia akabilakhwo oyo ouli nobutakha. 29Amasungo amamayaanu kaleshenje okhurula muminwa chieenywe, habula akali amalayi khulwa obuumbashi, akakaasila obuha obuliho mbu kabaleerele obukoosia abakahulilanga. 30Murabeelesia Roho Omutakatifu waNyasaye ta; muye mwareebwakhwo eshibalikho okhuula khunyanga yobununulwi. 31Mwiyahule okhurula khubululu bwosi, noburima, nobusinyishi, nobuyoka, nobuchiishi, nende likhobo liosi; 32ne mbu mukholenje akeshisa, buli mundu nowashie, nimutiililanwa tsimbabasi, nokhuleshelana, shinga Nyasaye yesi olwa yamuleshela inywe muKristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975