Abaefeso 2
2
Okhurula mukhufwa, nokhuula mubulamu
1Neenywe mwesi mwalinji abafu khulwa obukhayi bweenywe nende ebionoono bieenywe, 2ebia mwachendangamwo khale nimulonda khubiima bieshialo shino, nimulonda omukhulundu ulia wobunyali obwomulwanga, omuroho oyo owa bulaano akholelanga mubobukhayi. 3Neefwe fwesi khwali nikhumenyanga hakari wabwe nikhulonda obwikombi bwemibili chieerwe, nikhukhola akokhwenya khwomubili nende okhwamapaaro; khulwa oburulanda bweefwe khwali abaana boburima, shinga abandi bosi olwa bali. 45Ne Nyasaye, oubeetsanga omuyinda wetsimbabasi, yakhuha obulamu halala nends Kristo, khulwa obunji bwobuheelibwe obwa yakhuheela ninabwo, kata olwa khwali abafu khulwa obuyiiri bweefwe; mwahonibwa khulwa obukoosia. 6Khandi yakhulamusia halala ninaye, nakhwikhasia halala ninaye hashineekulu, muKristo Yesu; 7mbu mubisoni ebiitsa alolosie obuyinda bwobukoosiabwe nakhubeelanga eshisa, muKristo Yesu. 8Okhuba mwahonibwa khulwa obukoosia, munjila yobusuubili; shimuli inywe abakhola ta; neshihaanwa shiaNyasaye; 9shikhuli okhwebikhole ta, mbu omundu yesi aleshe okhwiyitsiala. 10Okhuba khuli emilimochie, abalonjelwa muKristo Yesu khulwa ebikhole ebilayi ebia Nyasaye yakhwikholeelela ninabio mbu khuchendenjemwo.
Okhukholwa mulala muKristo
11Khulwako, mwitsulile mbu khale inywe, Abamahanga mukomubili, abalangwa mbu Abasinde nabeenabo abalangwa mbu Abashebe, nibo abashebwa emibili butswa, namakhono kabandu; 12mbu khale Iwenolwo mwalinji nimubula Kristo, nimuli ababoone khuluyia lwaIsiraeli nabasuku khutsindakano tsiobusuubisie, nimubula obunaayi, kata nimuralikhwo nende Nyasaye mushialo ta. 13Ne bulaano, muKristo Yesu inywe abalinji ehale mwasitibwa ahambi khulwa amabanga kaKristo. 14Shichila niye omulembe kweefwe, owakhukhola ifwe abalinji shikhabili khube balala, nalikululila elala omushinji okwali nikukhukabukhasinjia, 15olwa yali narusiliye mumubilikwe obusuku obwo obwarula mumalako, namakhuwa nameebaalokako; mbu khubabili abo alonje muye omwene omundu mulala omuyia, naleera ario omulembe; 16khandi mbu abasaasanie bombi khuNyasaye mumubili mulala, khunjila yomusalaba, olwa yakhaba niyeerile obusuku khulwakwo.
17Kho niyeetsa niyeelwatsa akomulembe khwinywe abali nimuli ehale, khandi omulembe khubali nibali ahambi. 18Okhuba khululwe nikhwo okhwa fwesi khunyala okhwinjisibwa ewaSeefwe muRoho mulala. 19Kho niko akachila nimurali abacheni kata abamenyibwa khandi ta; nebutswa muli abeebule halala nabatakatifu, muli abomunzu yaNyasaye. 20Mwoombashilwa khumuse kwabarume nabanabii, naye Yesu Kristo omwene niye lichina eliliimaasia lisisi mukoona. 21Ne muye nimwo omwa omuumbakho kwosi, nikuliimaasiibwe halala habwene, kukhulilanga nikuba ihekalu indakatifu muMwami; 22khandi muye nimwo omwa mwesi mwoombashilwa halala, mube eshimenyo shiaNyasaye muRoho.
Currently Selected:
Abaefeso 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
