Omwilwatsi 12
12
1Khandi yitsulila Omulonjiwo mundaalo tsiolusooliililwo, tsindaalo tsimbii nitsirashieetsa ta, kata emiyika okhusita ahambi, olwa olisunga mbu Shichinjamisia ta; 2olwa eliuba, nobulafu, nomwesi, netsinyininyini birashiamaliha ta, tsinjeka nitsikalukha inyuma weifula; 3khunyanga olwa abalindi beinzu balitechela, abasaatsa bamaani nibeenama, abasieetsanga nibalekha, shichila nabatuutu, abalimwo nibahenjela elwanyi mumatirisha nibeelima, 4emiliango echiokhunjila nichiikalwa; olwa obuyoka bwokhusia buli hasi, omundu nabuukha khulwa omwoyo kwelinyoni, nabo abakhaana bobwimbi nibeesibwa hasi; 5bariitsanga ebili ikulu, amariisia nikali khunjila; omukomari kumulikha, liteete limusitohela, ne obwikombi bwakama; shichila omundu atsia hangowe hobumeli, nabo abeekhuuli bachenda khunjila; 6kata omukoye kweifeetsa nikurashiakhalikha ta, kata eshikaye shieitsahaabu okhutubukha, kata isiongo okhwatishila hasebele, kata omukurutumo okhufinishila heeyabo; 7olufu nilukalushila khwiloba shinga olwa lwali, iroho nayo niyikalushila Nyasaye owachihaana. 8Namakhaya kuru, Omwilwatsi aboola; kosi kali butswa amakhaya.
Omukuuli kwamakhuwa akakhoyeele omundu okhukhola
9Halala nende okhuba omuchesi, Omwilwatsi yali niyeechesinjia abandu obumanyi; yachela nakhaaba niyaanza tsinjelo tsinyinji. 10Omwilwatsi yakhaabanga amakhuwa akachamisia, nahandiika amakhuwa kobwatoto mubulunjishi.
11Amakhuwa komuchesi kali shinga tsisaala tsimemu etsiokhuruchila emiruko; nako amasungo akakhung'aasibwa akahaanwa nomwayi mulala, kali shinga emisumari echiakhomwa bulayi. 12Nawe, mwana wanje, wirecheshe khukashila kano. Okhuhandiika ebitabu khubula eshiakamo; nokhusooma okhunji khuchoonyia omubili.
13Kho amakhuwa kaakame yaho; kosi kahuliilwe; riitsanga Nyasaye, nokhola akamalakoke okhuba ako konyene niko aka omundu akhoyile okhukhola. 14Okhuba Nyasaye alayaasia buli shikhole, halala nende buli likhuwa liamabiswi, kata nilili lilayi kata nilili libii.
Currently Selected:
Omwilwatsi 12: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
