Okhukalushila 29
29
OMWAMl yalakana indakano nende Isiraeli mushialo shiaMoabu
1Kano niko amakhuwa akeindakano eya OMWAMI yalaka Musa okhulakana nabaana baIsiraeli mushialo shiaMoabu, okhumeetwa khundakano eya yalakana ninabo muHorebu.
2Naye Musa nalanga Isiraeli yosi, nabasunjila mbu Mwalola kosi aka OMWAMI yakholela Farao nabasumbabe neshialoshie shiosi imbeli wetsimoni tsieenywe mushialo shiaMisiri; 3mbu obuteemwi obukhongo obwa tsimonitsio tsialola, nebilolelo, nebiamangaliimwa ebikhongo bienebio; 4nebutswa okhuula olwa leelo OMWAMI shiyakhuheelesia omwoyo kwokhumanya, kata tsimoni okhulola, kata amarwi okhuhulila tawe; 5nasi ndamwimililenje emiyika amakhumi kane mushitsiimi; tsingubo tsieenywe shitsiamukofulila kata ebilaarobio shibiakofulila mubilenjebio ta. 6Shimwaliakhwo omukaate, kata shimwanywakhwo idivai kata amalwa ta; mbu mumanye shinga olwa endi OMWAMI Nyasaye weenywe. 7Khandi olwa mwoola hano, Sihoni Gmuruchi waHeshiboni naOgu omuruchi waBashani barula okhukhuyinga nibakhuseera lihe, neefu nikhubarootsa; 8nikhubukula eshialo shiabwe, nikhushiheelesia abaReubeni nabaGadi nabeinusu yoluyia lwabaManase, shibe obulaame bwabwe. 9Kho khulwako, mulindenje amakhuwa keindakano yino, nimukakhola, mbu mukaase mukosi aka mukholanga.
10Musinjiile mwesi imbeli wOMWAMI Nyasaye weenywe leelo; abeemilisi beenywe, netsimbin tsieenywe, nabakofu beenywe, nabasinjilili beenywe, mbu abasaatsa bosi baIsiraeli; 11abaana beenywe abatiiti, nabakhasi beenywe, nabarende abali hakari wetsikambi tsieenywe, okhurula khumwasiachi wetsikhwitsio okhuula khumutsii wamatsi; 12mbu winjile mundakano yOMWAMI Nyasayewo, khandi mushiitsuboshie, ebie OMWAMI Nyasayewo akhola ninawe Ieelo; 13mbu akhutinyisie leelo luno, obe oluyia khululwe omwene, khandi mbu abeetsenje khwiwe Nyasayewo, shinga olwa yakhuboolela, khandi shinga olwa yeetsubila abakuukabo, Aburahamu naIsaka naYakobo. 14Kata shimuli inywe mwenyene aba ekhola nineenywe indakano yino neshiitsubo shino ta; 15habula nende oyo ouraliho nineefwe leelo ta, halala nomwenoyo ousinjiileho nineefwe leelo, imbeli wOMWAMI Nyasaye weefwe.
16Mumanyile shinga olwa khwamenya mushialo shiaMisiri, khandi shinga olwa khwabira hakari wamahanga omwa mwabirila. 17Khandi mwaluutsi emisilo chiabwe, nemindu chiabwe echiinamilungwa, echiebisaala namachina, echieifeetsa neitsahaabu, echianyoolekhanga mubo. 18Aleshe okhubamwo mwinywe omundu omusaatsa, kata omukhasi, kata inzu yosi, kata Gluyia, owa omwoyokwe kushiukhana leelo okhurula khuMWAMI Nyasaye weefwe okhutsia okhukhalabanila abanyasaye bamahanga ako; shileshe okhubamwo mwinywe eshisina shiosi eshiama ebiamo biobufila neindululusia; 19mbu omundu owisabila omwene ikhabi mumwoyokwe, olwa ahulila amakhuwa keshilaka munwa shino, ari Ndalabeetsanga mumulembe, kata ninjenda mubukhayi bwomwoyo kwanje; mana ebibisi nebiumu biosi biakhayuulwa buyuulwa. 20OMWAMI shialamuleshela ta; habula mbu oburima bwOMWAMI neimbalikhaye bilamwashila omundu oyo, mana ebilaka munwa biosi ebiahandiikwa mushitabu shino bilaba khuye, ne OMWAMI alasiliisia eliiralie hasi welikuulu. 21Khandi OMWAMI alamwahulila amabii mumbia tsiosi tsiaIsiraeli, ebilaka munwa biosi bieindakano eyahandiikwa mushitabu shino shiamalako shinga olwa bili. 22Mana mulwibulo oluli okhwitsa, abaana beenywe abalibuukha inyuma weenywe, halala nabarende abalirula mushialo shiehale balilola amanyasio keshialo eshio, nobulwale bwosi obwa OMWAMI yashilwasia; 23khandi eshialo shiosi shinga olwa shili butswa ilaami, nomuunyu, namsyiila, nishiraraakwa kata okhwama, kata obunyasi okhumelakhwomwo ta, shinga okhukwisibwa khwaSodomu naGomora, khwaAdama naZeboimu, aka OMWAMI yakwisia muburimabwe khandi mubululubwe. 24Mana bo, kata namahanga kosi, balireeba bari OMWAMI yakholeele eshialo shino ario mbushiina? Eshisina shiobululu bwoburima buno obukhongo shili heena? 25Ne abandu balikalusia mbu Shichila balekha indakano yOMWAMI, Nyasaye wabakuuka babwe, eya yalakana ninabo olwa yabarusia mushibala shiaMisiri; 26nibatsia nibakhalabanila abamyasaye bandi, nibabeenamila, abanyasaye aba baramanya ta, kata aba yarabaheelesia tawe; 27niko akachiln oburima bwOMWAMI bwaashila eshialo shino, okhushileerela ebilaka munwa biosi ebiahandiikwa mushitabu shino. 28Iihandi OMWAMI yabasiula mushialo shiabwe noburima, nalulile nasinyiishe muno, nabafuuba mushindi shialo, shinga olwa bali leelo.
29Amakhuwa akabiswa nakOMWAMI Nyasaye weefwe; ne ako akafwimbulwa niko akeefwe nakabaana beefwe ebisoni nebisoni, mbu khukholenje kosi akamalako kano.
Currently Selected:
Okhukalushila 29: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
