Danieli 9
9
Danieli yasaayila abandube
1Mumuyika kwambeli kwaDario waAhasuwero, owolwibulo lwabaMedi, oweemekhwa abe omuruchi woburuchi bwabaKalidayo, 2mumuyika kwambeli kwoburuchibwe, isie Danieli ndeeka mubitabu obunji bwemiyika echiaboolwa mwikhuwa liOMWAMI elieetsela Yeremia omuna bii khulwa okhuusibwa khwobwonooneshi bwa Yerusalemu, mbu emiyika amakhumi musaafu.
3Ninjoomia tsimoni tsianje khuMwami Nyasaye, nimureebakhwo, munjila yokhusaba nokhusaaya, halala nokhuhonga inzala nokhwifwala tsingubo tsiamakunia nelikoshe. 4Nimusaaya OMWAMI Nyasaye wanje, nimwiyamila, nisunga mbu E Omwami, iwe Nyasaye omukhongo owamariisia, owusinjia indakanoyo nobuheeli oburalilu khubeenabo abakhuheelanga nibahulila amalakoko; 5khwayoonoonile, nikhukhola akobukhayikhanu, nikhukhola obubii, nikhukhola induli, nikhushiama okhurula khumeebaaloko nokhubukhalachibwo; 6Kata shikhwahulilanga abasumbabo abanabii, ababoolelanga abaruchi beefwe nabakhulundu beefwe nabakuuka nabandu bosi beshialo, amakhuwa muliiralio, ta. 7E Omwami, obulunjishi nobubwo; ne okhuli khwifwe, nokhufwimbwa omurwe, shinga olwa khuli leelo; khuli khubaYuda, nokhubamenyanga muYerusalemu, nokhubaIsiraeli bosi, abali ahambi nabali ehale, mubialo biosi ewa wabeelusilia, khulwa obukhayi bwabwe obwa bakhukhaya. 8E Omwami, okhuli khwifwe nokhufwimbwa omurwe; nokhubaruchi beefwe, nokhubakhulundu beefwe, nokhubakuuka beefwe, shinga olwa khwakhwonoonela. 9Omwami Nyasaye weefwe nomwene tsimbabasi nobulesheli; okhuba khwamukholela induli; 10kata shikhwahulila amakhuwa kOMWAMI Nyasaye weefwe, okhuchenda mumalakoke aka yara imbeli weefwe mubasumbabe abanabii ta. 11Toto, abaIsiraeli bosi bakhaya amalakoko, nibashiama, mbu baleshe okhuhulila amakhuwako; ne niko akachila eshiIaka munwa nishikhusundulwakhwo, nende eshiitsubo eshiahandiikwa mumalako kaMusa omusumba waNyasaye; okhuba khwamwonoonela. 12Ye yakhutinyisiliye amakhuwake aka yasunga nakhufukula, nafukula nende abayaasii beefwe abakhuyaasia, nakhuupia khushibii eshikhongo; okhuba hasi welikulu liosi shiliakholwakhwo likhuwa shinga elo eliakholelwa Yerusalemu ta. 13Shinga olwa kahandiikwa mumalako kaMusa, amabii kano kosi kakhukwiliile; nebutswa shikhusaayile OMWAMI Nyasaye weefwe mbu akhukoosie obukoosia, khushiukhane nikhulekha obumayaanu bweefwe nikhurechelesia obwatotobwo, ta. 14Niko akachila ahenjilenje, ne bulaano ukhukhupiye khushibii; okhuba OMWAMI Nyasaye weefwe nomulunjishi, mubikholebie biosi ebia akholanga, ne ifwe shikhwahuliile amakhuwake ta. 15Kho bulaano, Omwami Nyasaye weefwe, owarusia abandubo mushialo shiaMisiri nomukhono kwamaani, niwinyoolela ifuma shinga olwa yili leelo; khwayoonoonile, nikhukhola obubii. 16E Omwami, khulwa ebikholebio biobuIunjishi ekhusaaya mbu oburimabwo nobululubwo bushiukhane burule khwitookholio Yerusalemu, eshikulushio eshitakatifu; shichila khulwa ebionoono bieefwe, nobumayaanu bwabakuuka beefwe, Yerusalemu nende abandubo bakwile linyeko khubosi abakhufumbila. 17Kho bulaano, e Nyasaye weefwe, hulila okhusaba khwanje, isie omusumbawo, nokhusaaya khwanje; khululwo omwene, Omwami, khosilia habunduwo ahatakatifu obulafu bwomumonimwo, olwa hali butswa likunda. 18E Nyasaye wanje, reka amarwi ohuliletimbula tsimoni olole obusasishi bweefwe, nelitookho elikulikhwa khuliiralio; okhuba shikhuleera amasaayo keefwe imbeliwo khulwa obulunjishi bweefwe ta, habula khulwa tsimbabasitsio tsinyinji. 19E Omwami, okhuhulile; eOmwami, okhuleshele; eOmwami, oreche amarwi, nokhola; orashinda ta; khululwo omwene, e Nyasaye wanje, shichila litookholio nende abandu bakulikhwa khuliiralio.
Oburumbusi bwobunabii khukamahonga amakhumi musaafu
20Ne olwa ndali nishisunga, nisaaya, nindiyama obwonooni bwanje nobwonooni bwabandu banje abaIsiraeli, nileeranga amasaayo kanje imbeli wOMWAMI Nyasaye wanje khulwa eshikulu eshitakatifu shiaNyasaye wanje; 21olwa ndali nishiboolanga nisaaya, omundu oyo Gaburieli, owa ndali ninduutsi mwibisulo khukhuchaaka khwene, yapulukha bwangu niyanzitsila khushise shiomusango kwomungoloobe. 22Niyanzibaalila, nasungana ninasi, ari Iwe Danieli, bulaano erulile ninzitsa okhukhukhola omuchesi mubumanyilisii. 23Khukhuchaaka khwokhusaayakhwo likhuwa lilachilwe, nasi enzitsile okhukhuupila omunwa; okhuba oheelwa muno; kho oyililisie khwikhuwa lino, nomanya eshisina shielibigulo.
24Amahonga amakhumi musaafu kalachilisibwa khubandubo nokhwitookholio litakatifu, okhumalilisia obukhayi, nokhwakamia ebionoono, nokhutisa obumayaanu, nokhuleera obulunjishi oburahwaho ta, nokhuboha amabisulo nende omunabii, nokhutsushiilila habundu ahashila obutakatifu amafura. 25Kho omanye, notiila khushisina, mbu okhurula olwa lilako liarumbulwa okhukalusia Yerusalemu habwene nokhuliumbakha, okhuula khukhwitsa khwamasihi undi, omukhulundu, shilaba eshise shiamahonga musaafu. Mana mumahonga amakhumi kasasaba nakabiri liliumbakhwa khandi, netsinjila tsialio nolwashi, mundaalo tsiamatinyu. 26Mana olunyuma lwamahonga ako amakhumi kasasaba nakabiri, Masihi tsana alakhalakwa, narabakhwo neshindu ta; abo abandu bomukhulundu tsana ouli okhwitsa baloonoonia litookho nende habundu ahatakatifu; ne obumaliilishi buleetsa nomuyembo; ne okhuula khubumaliilishi obusolo bulabaho; obusasishi bulachilisibwa. 27Alakhola indakano iralilu nabandu abanji khulwa lihonga elala; munusu yelihonga tsana alaakatnia emisango nebihaanwa; ne inyuma webisinyo ebio, Eshisinyo Eshionooninjia aleetsa; okhuula khushihesi shiene eshialachilisibwa eshilasundulilwa omwonoonii tsana.
Currently Selected:
Danieli 9: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Danieli 9
9
Danieli yasaayila abandube
1Mumuyika kwambeli kwaDario waAhasuwero, owolwibulo lwabaMedi, oweemekhwa abe omuruchi woburuchi bwabaKalidayo, 2mumuyika kwambeli kwoburuchibwe, isie Danieli ndeeka mubitabu obunji bwemiyika echiaboolwa mwikhuwa liOMWAMI elieetsela Yeremia omuna bii khulwa okhuusibwa khwobwonooneshi bwa Yerusalemu, mbu emiyika amakhumi musaafu.
3Ninjoomia tsimoni tsianje khuMwami Nyasaye, nimureebakhwo, munjila yokhusaba nokhusaaya, halala nokhuhonga inzala nokhwifwala tsingubo tsiamakunia nelikoshe. 4Nimusaaya OMWAMI Nyasaye wanje, nimwiyamila, nisunga mbu E Omwami, iwe Nyasaye omukhongo owamariisia, owusinjia indakanoyo nobuheeli oburalilu khubeenabo abakhuheelanga nibahulila amalakoko; 5khwayoonoonile, nikhukhola akobukhayikhanu, nikhukhola obubii, nikhukhola induli, nikhushiama okhurula khumeebaaloko nokhubukhalachibwo; 6Kata shikhwahulilanga abasumbabo abanabii, ababoolelanga abaruchi beefwe nabakhulundu beefwe nabakuuka nabandu bosi beshialo, amakhuwa muliiralio, ta. 7E Omwami, obulunjishi nobubwo; ne okhuli khwifwe, nokhufwimbwa omurwe, shinga olwa khuli leelo; khuli khubaYuda, nokhubamenyanga muYerusalemu, nokhubaIsiraeli bosi, abali ahambi nabali ehale, mubialo biosi ewa wabeelusilia, khulwa obukhayi bwabwe obwa bakhukhaya. 8E Omwami, okhuli khwifwe nokhufwimbwa omurwe; nokhubaruchi beefwe, nokhubakhulundu beefwe, nokhubakuuka beefwe, shinga olwa khwakhwonoonela. 9Omwami Nyasaye weefwe nomwene tsimbabasi nobulesheli; okhuba khwamukholela induli; 10kata shikhwahulila amakhuwa kOMWAMI Nyasaye weefwe, okhuchenda mumalakoke aka yara imbeli weefwe mubasumbabe abanabii ta. 11Toto, abaIsiraeli bosi bakhaya amalakoko, nibashiama, mbu baleshe okhuhulila amakhuwako; ne niko akachila eshiIaka munwa nishikhusundulwakhwo, nende eshiitsubo eshiahandiikwa mumalako kaMusa omusumba waNyasaye; okhuba khwamwonoonela. 12Ye yakhutinyisiliye amakhuwake aka yasunga nakhufukula, nafukula nende abayaasii beefwe abakhuyaasia, nakhuupia khushibii eshikhongo; okhuba hasi welikulu liosi shiliakholwakhwo likhuwa shinga elo eliakholelwa Yerusalemu ta. 13Shinga olwa kahandiikwa mumalako kaMusa, amabii kano kosi kakhukwiliile; nebutswa shikhusaayile OMWAMI Nyasaye weefwe mbu akhukoosie obukoosia, khushiukhane nikhulekha obumayaanu bweefwe nikhurechelesia obwatotobwo, ta. 14Niko akachila ahenjilenje, ne bulaano ukhukhupiye khushibii; okhuba OMWAMI Nyasaye weefwe nomulunjishi, mubikholebie biosi ebia akholanga, ne ifwe shikhwahuliile amakhuwake ta. 15Kho bulaano, Omwami Nyasaye weefwe, owarusia abandubo mushialo shiaMisiri nomukhono kwamaani, niwinyoolela ifuma shinga olwa yili leelo; khwayoonoonile, nikhukhola obubii. 16E Omwami, khulwa ebikholebio biobuIunjishi ekhusaaya mbu oburimabwo nobululubwo bushiukhane burule khwitookholio Yerusalemu, eshikulushio eshitakatifu; shichila khulwa ebionoono bieefwe, nobumayaanu bwabakuuka beefwe, Yerusalemu nende abandubo bakwile linyeko khubosi abakhufumbila. 17Kho bulaano, e Nyasaye weefwe, hulila okhusaba khwanje, isie omusumbawo, nokhusaaya khwanje; khululwo omwene, Omwami, khosilia habunduwo ahatakatifu obulafu bwomumonimwo, olwa hali butswa likunda. 18E Nyasaye wanje, reka amarwi ohuliletimbula tsimoni olole obusasishi bweefwe, nelitookho elikulikhwa khuliiralio; okhuba shikhuleera amasaayo keefwe imbeliwo khulwa obulunjishi bweefwe ta, habula khulwa tsimbabasitsio tsinyinji. 19E Omwami, okhuhulile; eOmwami, okhuleshele; eOmwami, oreche amarwi, nokhola; orashinda ta; khululwo omwene, e Nyasaye wanje, shichila litookholio nende abandu bakulikhwa khuliiralio.
Oburumbusi bwobunabii khukamahonga amakhumi musaafu
20Ne olwa ndali nishisunga, nisaaya, nindiyama obwonooni bwanje nobwonooni bwabandu banje abaIsiraeli, nileeranga amasaayo kanje imbeli wOMWAMI Nyasaye wanje khulwa eshikulu eshitakatifu shiaNyasaye wanje; 21olwa ndali nishiboolanga nisaaya, omundu oyo Gaburieli, owa ndali ninduutsi mwibisulo khukhuchaaka khwene, yapulukha bwangu niyanzitsila khushise shiomusango kwomungoloobe. 22Niyanzibaalila, nasungana ninasi, ari Iwe Danieli, bulaano erulile ninzitsa okhukhukhola omuchesi mubumanyilisii. 23Khukhuchaaka khwokhusaayakhwo likhuwa lilachilwe, nasi enzitsile okhukhuupila omunwa; okhuba oheelwa muno; kho oyililisie khwikhuwa lino, nomanya eshisina shielibigulo.
24Amahonga amakhumi musaafu kalachilisibwa khubandubo nokhwitookholio litakatifu, okhumalilisia obukhayi, nokhwakamia ebionoono, nokhutisa obumayaanu, nokhuleera obulunjishi oburahwaho ta, nokhuboha amabisulo nende omunabii, nokhutsushiilila habundu ahashila obutakatifu amafura. 25Kho omanye, notiila khushisina, mbu okhurula olwa lilako liarumbulwa okhukalusia Yerusalemu habwene nokhuliumbakha, okhuula khukhwitsa khwamasihi undi, omukhulundu, shilaba eshise shiamahonga musaafu. Mana mumahonga amakhumi kasasaba nakabiri liliumbakhwa khandi, netsinjila tsialio nolwashi, mundaalo tsiamatinyu. 26Mana olunyuma lwamahonga ako amakhumi kasasaba nakabiri, Masihi tsana alakhalakwa, narabakhwo neshindu ta; abo abandu bomukhulundu tsana ouli okhwitsa baloonoonia litookho nende habundu ahatakatifu; ne obumaliilishi buleetsa nomuyembo; ne okhuula khubumaliilishi obusolo bulabaho; obusasishi bulachilisibwa. 27Alakhola indakano iralilu nabandu abanji khulwa lihonga elala; munusu yelihonga tsana alaakatnia emisango nebihaanwa; ne inyuma webisinyo ebio, Eshisinyo Eshionooninjia aleetsa; okhuula khushihesi shiene eshialachilisibwa eshilasundulilwa omwonoonii tsana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975