Danieli 7
7
Lilooro liaDanieli, khuMisolo Chine
1Mumuyika kwambeli kwaBeleshazari, omuruchi waBabeli, Danieli yalola lilooro namalolelo akomumurwe nali khushitali; mana nahandiika lilooro tsana, narumbula amakhuwa kalio, omukuuli kwosi. 2Danieli naboola mbu Mwilolelo lianje eliomushilo, enduutsi emiyeka chine chielikulu njiechio, nichitubuula inyanza ikhongo. 3Emisolo emikhongo chine nichitikulukha okhurula munyanza, echiaahukhaane lukano lukano. 4Okwambeli nikwinga shinga italanyi, nikuba netsimbaha tsieinditsu; ne nishihenganga, tsimbaha tsiakwo nitsiiyikha, nakwo nikuchinguulwa okhurula khushialo, nikusinjisibwa nebilenje bibili shinga omundu, nikuheebwa omwoyo kweshinamundu. 5Nokusolo kundi ngwokwo, okwakhabili, nikwinga shinga itubu. Kubeele nikuchinguushile ikhulubeka, nikuba netsimbafu tsitaru mumunwa, mumeeno kakwo; nikubiilwa mbu Buukha, olie inyama inyinji. 6Olunyumakhwo nihenga, ne okundi ngwokwo, nikwinga shinga ingwe, nikuba netsimbaha tsine tsielinyonyi khumukongo; khandi okusolo okwo nikuba nemirwe chine; nikuheebwa obwami. 7Olunyumakhwo nindola, mumalolelo akomushilo, mbu okusolo kwakhane ngwokwo, okwamariisia, okwokhutechesia, okwetsingufu okhushilaasia; nikuba nameeno amakhongo keshibia; nikulia, nikutubula, nikuseena ebisikaale nebilenje. Nakwo kubeele nikwahukhaane nemisolo chindi echikuranjiliile; nikuli netsinzika ekhumi. 8Nasi nihenga tsinzika etsio; ne olwika lundi ndwolwo, olutiiti, nilurombookha hakari watsio; ne imbeli walwo tsitaru etsiokhutsinzika tsiambeli nitsikhuulikha; khandi lola, olwika olwo lwalimwo tsimoni shinga tsimoni tsiomundu, nomunwa okhuboola amakhuwa amakhongo. 9Ne nishihenga,
ebifumbi biobwami nibirenjekhwa,
oundi omukofu oulinjiho okhurula khumusuule niyeekhala;
ebiifwalobie biali ebilafu shinga itsaluchi,
liswi eliomurwekwe nilifwana shinga obwoya bwamakondi amalafu tserelele;
eshifumbishie shiali tsimemu tsiomulilo,
nemikurutumu chiashio omulilo okurubukha.
10Omulilo kwaarilikhal shinga omwalo,
nikurula ewa ali;
abebikhumila eshikhumila bamukhalabanila,
abebikhumila ekhumi akhandi ebikhumila ekhumi nibasinjila imbeliwe;
omuse kwobuyaasii kwarechekhwa,
nabio ebitabu nibibambulwa.
11Mana nihenga, khulwa omwoyo kwamakhuwa amakhongo aka olwika tsana lwaboola; ne nishihenga, okusolo tsana nikwirwa, eshirundu shiakwo nishimalilanwa nishisambwa nomulilo. 12Nachio emisolo chindi, obwami bwachio bwachiyinibwakhwo; habula obulamu bwachio bwameetwa induukho nende eshise. 13Ne mushilo nindola amalolelo,
lola, oundi oufwana shinga omwana womundu ngwoyo,
niyeetsa namaleesi kelikulu,
niyeetsa khumukofu oyo oulinjiho okhurula khumusuule,
nasitibwa imbeliwe.
14Omwenoyo yaheebwa obwami,
noluyali, noburuchi,
mbu abetsimbia tsiosi, namahanga, netsinimi, bamukhalabanile;
obwamibwe nobwami obumenya obushia nobushia,
oburalihwaho ta,
kata oburuchibwe shibulitibibwa tawe.
15Nasi, isie Danieli, roho yanje yabeelela mwisie, amalolelo akomumurwe kwanje nikambendia. 16Nisita ahambi khuwundi owokhubali nibasinjiileho, nimureeba khubwatoto bwamakhuwa ako kosi. Niyamboolela, niyamanyia eshisina shiamakhuwa tsana; 17ari Emisolo chino emikhongo, echili chine, nichio abaruchi bane abalibuukha okhurula mwiloba. 18Ne abatakatifu ba Oyo Ouli Ikulu Muno balilia oburuchi, nibaba abeene oburuchi inziayo, ebisoni nebisoni.
19Mana ninzenya okhumanya obwatoto khukokusolo okwo kwakhane, okwali nikwahukhaane nechindi chiosi, okwamariisia muno, okwa ameeno kakwo kali akeshibia, namatere kakwo akomukasa; okwalia, nikutubula, nikuseena ebisikaale nebilenje; 20khandi nende khuketsinzika ekhumi etsiali khumurwe kwakwo, nende olwika lundi olwo olwarombookha, olwa etsindi tsitaru tsiakwa imbeli walwo; mbu olwika tsana olwali netsimoni, nomunwa okwaboola amakhuwa amakhongo, olwalolekha shinga olukhulundu okhushila etsindi. 21Ne nishihenganga, olwika tsana lwaseera abatakatifu, nilubahula; 22okhuula olwa omukofu oyo oulinjiho okhurula khumusuule niyeetsa, abatakatifu ba Oyo Ouli Ikulu Muno nibahula eshiina, induukho niyula olwa abatakatifu balia oburuchi.
23Naye nasunga ari Khukokusolo kwakhane tsana,
oburuchi bwakhane bulabaho khushialo obulaahukhana noburuchi bundi bwosi;
nabwo bulamalilana eshialo shiosi,
nibushiseenela hasi, nibushitubula.
24Ne khuketsinzika ekhumi tsana,
okhurula muburuchi buno abaruchi ekhumi balabuukha;
mana oundi alabuukha munyuma wabwe;
alaahukhana nabandi abo abambeli,
ne aleesia abaruchi bataru hasi.
25Alaboola amakhuwa akokhufukula Oyo Ouli Ikulu Muno,
naluyilisia abatakatifu ba Oyo Ouli Ikulu Muno;
aleenya okhukalukhasia tsinduukho neitorati;
nabo balaheebwa mumukhonokwe khulwa eshise, nebise bibili, neinusu yeshise.
26Ne abeshiina baleekhala khubuyaasii,
naye alayinibwakhwo obwamibwe;
ne bulaliibwa nibumalilanwa okhuula khushihesi.
27Oburuchi nabwo, nende obwami,
nobukhongo bwoburuchi bwosi obuli hasi welikulu,
bulahaanwa mumakhono kabandu babatakatifu ba Oyo Ouli Ikulu Muno;
oburuchibwe noburuchi oburahwaho ta,
ne obwami bwosi bulamukhalabanila nibumuhulila.
28Kho amakhuwa nikaakama yaho. Nasi Danieli, amapaaro kanje kambendia, mumoni mwanje nimukalukhana; nebutswa ndabiikha amakhuwa ako mumwoyo kwanje.
Currently Selected:
Danieli 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Danieli 7
7
Lilooro liaDanieli, khuMisolo Chine
1Mumuyika kwambeli kwaBeleshazari, omuruchi waBabeli, Danieli yalola lilooro namalolelo akomumurwe nali khushitali; mana nahandiika lilooro tsana, narumbula amakhuwa kalio, omukuuli kwosi. 2Danieli naboola mbu Mwilolelo lianje eliomushilo, enduutsi emiyeka chine chielikulu njiechio, nichitubuula inyanza ikhongo. 3Emisolo emikhongo chine nichitikulukha okhurula munyanza, echiaahukhaane lukano lukano. 4Okwambeli nikwinga shinga italanyi, nikuba netsimbaha tsieinditsu; ne nishihenganga, tsimbaha tsiakwo nitsiiyikha, nakwo nikuchinguulwa okhurula khushialo, nikusinjisibwa nebilenje bibili shinga omundu, nikuheebwa omwoyo kweshinamundu. 5Nokusolo kundi ngwokwo, okwakhabili, nikwinga shinga itubu. Kubeele nikuchinguushile ikhulubeka, nikuba netsimbafu tsitaru mumunwa, mumeeno kakwo; nikubiilwa mbu Buukha, olie inyama inyinji. 6Olunyumakhwo nihenga, ne okundi ngwokwo, nikwinga shinga ingwe, nikuba netsimbaha tsine tsielinyonyi khumukongo; khandi okusolo okwo nikuba nemirwe chine; nikuheebwa obwami. 7Olunyumakhwo nindola, mumalolelo akomushilo, mbu okusolo kwakhane ngwokwo, okwamariisia, okwokhutechesia, okwetsingufu okhushilaasia; nikuba nameeno amakhongo keshibia; nikulia, nikutubula, nikuseena ebisikaale nebilenje. Nakwo kubeele nikwahukhaane nemisolo chindi echikuranjiliile; nikuli netsinzika ekhumi. 8Nasi nihenga tsinzika etsio; ne olwika lundi ndwolwo, olutiiti, nilurombookha hakari watsio; ne imbeli walwo tsitaru etsiokhutsinzika tsiambeli nitsikhuulikha; khandi lola, olwika olwo lwalimwo tsimoni shinga tsimoni tsiomundu, nomunwa okhuboola amakhuwa amakhongo. 9Ne nishihenga,
ebifumbi biobwami nibirenjekhwa,
oundi omukofu oulinjiho okhurula khumusuule niyeekhala;
ebiifwalobie biali ebilafu shinga itsaluchi,
liswi eliomurwekwe nilifwana shinga obwoya bwamakondi amalafu tserelele;
eshifumbishie shiali tsimemu tsiomulilo,
nemikurutumu chiashio omulilo okurubukha.
10Omulilo kwaarilikhal shinga omwalo,
nikurula ewa ali;
abebikhumila eshikhumila bamukhalabanila,
abebikhumila ekhumi akhandi ebikhumila ekhumi nibasinjila imbeliwe;
omuse kwobuyaasii kwarechekhwa,
nabio ebitabu nibibambulwa.
11Mana nihenga, khulwa omwoyo kwamakhuwa amakhongo aka olwika tsana lwaboola; ne nishihenga, okusolo tsana nikwirwa, eshirundu shiakwo nishimalilanwa nishisambwa nomulilo. 12Nachio emisolo chindi, obwami bwachio bwachiyinibwakhwo; habula obulamu bwachio bwameetwa induukho nende eshise. 13Ne mushilo nindola amalolelo,
lola, oundi oufwana shinga omwana womundu ngwoyo,
niyeetsa namaleesi kelikulu,
niyeetsa khumukofu oyo oulinjiho okhurula khumusuule,
nasitibwa imbeliwe.
14Omwenoyo yaheebwa obwami,
noluyali, noburuchi,
mbu abetsimbia tsiosi, namahanga, netsinimi, bamukhalabanile;
obwamibwe nobwami obumenya obushia nobushia,
oburalihwaho ta,
kata oburuchibwe shibulitibibwa tawe.
15Nasi, isie Danieli, roho yanje yabeelela mwisie, amalolelo akomumurwe kwanje nikambendia. 16Nisita ahambi khuwundi owokhubali nibasinjiileho, nimureeba khubwatoto bwamakhuwa ako kosi. Niyamboolela, niyamanyia eshisina shiamakhuwa tsana; 17ari Emisolo chino emikhongo, echili chine, nichio abaruchi bane abalibuukha okhurula mwiloba. 18Ne abatakatifu ba Oyo Ouli Ikulu Muno balilia oburuchi, nibaba abeene oburuchi inziayo, ebisoni nebisoni.
19Mana ninzenya okhumanya obwatoto khukokusolo okwo kwakhane, okwali nikwahukhaane nechindi chiosi, okwamariisia muno, okwa ameeno kakwo kali akeshibia, namatere kakwo akomukasa; okwalia, nikutubula, nikuseena ebisikaale nebilenje; 20khandi nende khuketsinzika ekhumi etsiali khumurwe kwakwo, nende olwika lundi olwo olwarombookha, olwa etsindi tsitaru tsiakwa imbeli walwo; mbu olwika tsana olwali netsimoni, nomunwa okwaboola amakhuwa amakhongo, olwalolekha shinga olukhulundu okhushila etsindi. 21Ne nishihenganga, olwika tsana lwaseera abatakatifu, nilubahula; 22okhuula olwa omukofu oyo oulinjiho okhurula khumusuule niyeetsa, abatakatifu ba Oyo Ouli Ikulu Muno nibahula eshiina, induukho niyula olwa abatakatifu balia oburuchi.
23Naye nasunga ari Khukokusolo kwakhane tsana,
oburuchi bwakhane bulabaho khushialo obulaahukhana noburuchi bundi bwosi;
nabwo bulamalilana eshialo shiosi,
nibushiseenela hasi, nibushitubula.
24Ne khuketsinzika ekhumi tsana,
okhurula muburuchi buno abaruchi ekhumi balabuukha;
mana oundi alabuukha munyuma wabwe;
alaahukhana nabandi abo abambeli,
ne aleesia abaruchi bataru hasi.
25Alaboola amakhuwa akokhufukula Oyo Ouli Ikulu Muno,
naluyilisia abatakatifu ba Oyo Ouli Ikulu Muno;
aleenya okhukalukhasia tsinduukho neitorati;
nabo balaheebwa mumukhonokwe khulwa eshise, nebise bibili, neinusu yeshise.
26Ne abeshiina baleekhala khubuyaasii,
naye alayinibwakhwo obwamibwe;
ne bulaliibwa nibumalilanwa okhuula khushihesi.
27Oburuchi nabwo, nende obwami,
nobukhongo bwoburuchi bwosi obuli hasi welikulu,
bulahaanwa mumakhono kabandu babatakatifu ba Oyo Ouli Ikulu Muno;
oburuchibwe noburuchi oburahwaho ta,
ne obwami bwosi bulamukhalabanila nibumuhulila.
28Kho amakhuwa nikaakama yaho. Nasi Danieli, amapaaro kanje kambendia, mumoni mwanje nimukalukhana; nebutswa ndabiikha amakhuwa ako mumwoyo kwanje.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975