Danieli 5
5
Akamahandiiko khwisiisi
1Omuruchi Beleshazari yakasilia abaamibe eshikhumila lisabo, nanywa idivai imbeli wa abo eshikhumila.
2Olwa yali nashitsanzama idivai, Beleshazari yalaka mbu ebimanulwa bieitsahaabu neifeetsa ebia Nebukadineza samwana yali niyarusia muhekalu eyili eYerusalemu, bileerwe; mbu omuruchi nabaamibe, nabakhasibe nabasuria, banyweele mubio. 3Kho nibaleera ebimanulwa tsana bieitsahaabu ebiarusibwa muhekalu munzu yaNyasaye eyili eYerusalemu; naye omuruchi halala nabaamibe nabakhasibe nabasuria, nibanyweela mubio. 4Banywa idivai nibapaaka abanyasaye beitsahaabu nabeifeetsa, nabomukasa, nabeshibia, nabemisaala, nabamachina.
5Habwenaho tsinzala tsiomukhono kwomundu nitsilolekha, nitsihandiika khwisiisi lieinzu yomuruchi, ahahengana neshichibi shieitaha; omuruchi nalola eshitonye shiomukhono eshio eshiahandiika. 6Mumoni mwomuruchi nimukalukhana, amapaaroke nikamuriisia; obuunjila bwamakhukunyu niburabukha, amasikamoke nikeekhong'asia. 7Omuruchi nalanjisia, nalaka mbu abobulookooli baleerwe, nabaKalidayo, nabakhwenyi. Omuruchi naboolela abachesi baBabeli ari Omundu yesi oulasooma lihandiiko lino niyambuulila eshisina shialio, alafwalwa tsingubo tsieisambarau, nareebwakhwo omunyolo kweitsahaabu mwikosi, naba owakhataru muburuchi bweshialo. 8Kho abachesi bosi bomuruchi nibeenjila; ne bakhaywa okhusooma lihandiiko kata okhubuulila omuruchi eshisina. 9Mana indenga niyimuhamba omuruchi Beleshazari, mumonimwe nimukalukhana; kata abaamibe nibarambwa.
10Ne omukhaye nyina omuruchi niyeenjila munzu yelisabo, khulwa amakhuwa komuruchi nabaamibe; omukhaye tsana naboola mbu Omwami omuruchi, oyindile obushia nobushia! Amapaaroko kaleshe okhukhuhendia, kata mumonimwo okhukalukhana ta. 11Aliho omundu mubwamibwo owa roho yabanyasaye abatakatifu yili muye; mundaalo tsiaso omubasu kwanyooleshelanga muye, nobumanyilisii, nobuchesi, shinga obuchesi bwabanyasaye. Omuruchi Nebukadineza, so, yamukhola omwami wabafumu, nabobulookooli, nabaKalidayo, nabakhwenyi; 12shichila muDanieli tsana, owa omuruchi yakulikha mbu Beleteshazari, mwanyoolekhamwo iroho indayi, nobumanyi, nobumanyilisii okhubuula ebisina biamalooro, nokhukalusia akeminehe, nokhurimbulula amatinyu. Kho Danieli alangwe; ye alabuula eshisina.
13Mana Danieli niyeenjisibwa imbeli womuruchi. Omuruchi nareeba Danieli ari Niwe Danieli, owokhubaare baYuda, aba papa omuruchi yarusia eYuda, noho? 14Embuliile khwiwe, mbu roho wabanyasaye yili mwiwe, khandi mbu omubasu kunyooleshelanga mwiwe, nobumanyilisii nobuchesi obulayi. 15Ne bulaano abachesi, mbu abobulookooli, beenjisiibwe imbeli wanje mbu basoome lihandiiko lino, nibambuulila eshisina shialio; ne bakhayilwe okhubuula eshisina shiamakhuwa. 16Nebutswa embuliile khwiwe, shinga olwa onyala okhurusia ebisina nokhurimbulula amakhuwa amatinyu; kho bulaano, noba nonyala okhusooma lihandiiko lino, nokhumbuulila eshisina shialio, olafwalwa tsingubo tsieisambarau, noreebwakhwo omunyolo kweitsahaabu mwikosi, noba owakhataru muburuchi bweshialo.
17Mana Danieli nakalusia, nali imbeli womuruchi, ari Otong'e nebihaanwabio, noheelesia oundi amataniko; nebutswa nesoomele omuruchi lihandiiko, nimubuulila eshisina. 18Iwe omwami omuruchi, Nyasaye Ouli Ikulu Muno yaheelesia so, Nebukadineza, oburuchi nobukhongo, noluyali, nobukhulundu; 19ne khulwa obukhongo obwa yamuheelesia, abetsimbia tsiosi namahanga netsinimi batechela nibaria imbeliwe; aba yeenya okhwira, yeera; naba yeenya babe mwoyo, yabalekha babe mwoyo; aba yeenya okhubuusia, yabuusia; naba yeenya okhwisia, yeesia. 20Ne olwa omwoyokwe kwali nikwichinjimisiye, rohoye niyumile, nakholanga akeinjinia, yarusibwa khushifumbishie shioburuchi, niba-muyiniakhwo oluyalilwe. 21Yeelusibwa okhurula khubandu, omwoyokwe nikukholwa shinga okweisolo, eshimenyoshie nishiba netsisishili tsinabulimo; yaayanga obunyasi shinga ing'ombe, omubilikwe nikunyira khulwa eliime lielikulu; okhuula olwa yamanya mbu Nyasaye Ouli Ikulu Muno arukanga muburuchi bwabandu, khandi mbu yeemekhanga khubwo owa omwene achama. 22Nawe, omwanawe Beleshazari, shiwitiitiyiye mumwoyokwo ta, kata olwa wamanya ako kosi; 23nebutswa wichinjimisiye okhufukula Omwami welikulu. Baleerile ebimanulwa bieinzuye imbeliwo, ne munyweelemwo idivai, iwe omwene, nabaamibo, nabakhasibo, nabasuriabo; khandi opaachile abanyasaye beifeetsa neitsahaabu, abomukasa neshibia nemisaala namachina, abaraloIanga kata okhuhulila kata okhumanya ta; nebutswa Nyasaye, omwenoyo owa omuuyakwo kuli mumukhonokwe, nowa tsinjilatsio tsiosi tsili etsitsie, shiomuheelesiye oluyali ta.
24Kho eshitonye shiomukhono tsana shirumilwe okhurula ewa ali, lihandiiko lino nilisaarwa; 25nalio lihandiiko elisaarilwe ndielino; mbu MENE, MENE, TEKELI, PARESINI. 26Ne eshisina shiamakhuwa shieshino; MENE, mbu Nyasaye wabasia tsindaalo tsioburuchibwo, nabwakamia. 27TEKELI, mbu ochelilwe mushiitenjelesio, nonyoolekha noli omuleemu. 28PERESI, mbu oburuchibwo bukabuulwe, nibuhaanwa khubaMedi nabaPerisia.
29Mana Beleshazari yalaka abandu, nibafwala Danieli tsingubo tsieisambarau, nibara omunyolo kweitsahaabu mwikosilie, nibakhupa omulome khukeke, mbu abe owakhataru muburuchi.
30Ne mushilo shieneshio Beleshazari, omuruchi omuKalidayo, niYeerwa.
31Naye Dario omuMedi nalia oburuchi, nali owemiyika shinga amakhumi kasasaba nachibili.
Currently Selected:
Danieli 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Danieli 5
5
Akamahandiiko khwisiisi
1Omuruchi Beleshazari yakasilia abaamibe eshikhumila lisabo, nanywa idivai imbeli wa abo eshikhumila.
2Olwa yali nashitsanzama idivai, Beleshazari yalaka mbu ebimanulwa bieitsahaabu neifeetsa ebia Nebukadineza samwana yali niyarusia muhekalu eyili eYerusalemu, bileerwe; mbu omuruchi nabaamibe, nabakhasibe nabasuria, banyweele mubio. 3Kho nibaleera ebimanulwa tsana bieitsahaabu ebiarusibwa muhekalu munzu yaNyasaye eyili eYerusalemu; naye omuruchi halala nabaamibe nabakhasibe nabasuria, nibanyweela mubio. 4Banywa idivai nibapaaka abanyasaye beitsahaabu nabeifeetsa, nabomukasa, nabeshibia, nabemisaala, nabamachina.
5Habwenaho tsinzala tsiomukhono kwomundu nitsilolekha, nitsihandiika khwisiisi lieinzu yomuruchi, ahahengana neshichibi shieitaha; omuruchi nalola eshitonye shiomukhono eshio eshiahandiika. 6Mumoni mwomuruchi nimukalukhana, amapaaroke nikamuriisia; obuunjila bwamakhukunyu niburabukha, amasikamoke nikeekhong'asia. 7Omuruchi nalanjisia, nalaka mbu abobulookooli baleerwe, nabaKalidayo, nabakhwenyi. Omuruchi naboolela abachesi baBabeli ari Omundu yesi oulasooma lihandiiko lino niyambuulila eshisina shialio, alafwalwa tsingubo tsieisambarau, nareebwakhwo omunyolo kweitsahaabu mwikosi, naba owakhataru muburuchi bweshialo. 8Kho abachesi bosi bomuruchi nibeenjila; ne bakhaywa okhusooma lihandiiko kata okhubuulila omuruchi eshisina. 9Mana indenga niyimuhamba omuruchi Beleshazari, mumonimwe nimukalukhana; kata abaamibe nibarambwa.
10Ne omukhaye nyina omuruchi niyeenjila munzu yelisabo, khulwa amakhuwa komuruchi nabaamibe; omukhaye tsana naboola mbu Omwami omuruchi, oyindile obushia nobushia! Amapaaroko kaleshe okhukhuhendia, kata mumonimwo okhukalukhana ta. 11Aliho omundu mubwamibwo owa roho yabanyasaye abatakatifu yili muye; mundaalo tsiaso omubasu kwanyooleshelanga muye, nobumanyilisii, nobuchesi, shinga obuchesi bwabanyasaye. Omuruchi Nebukadineza, so, yamukhola omwami wabafumu, nabobulookooli, nabaKalidayo, nabakhwenyi; 12shichila muDanieli tsana, owa omuruchi yakulikha mbu Beleteshazari, mwanyoolekhamwo iroho indayi, nobumanyi, nobumanyilisii okhubuula ebisina biamalooro, nokhukalusia akeminehe, nokhurimbulula amatinyu. Kho Danieli alangwe; ye alabuula eshisina.
13Mana Danieli niyeenjisibwa imbeli womuruchi. Omuruchi nareeba Danieli ari Niwe Danieli, owokhubaare baYuda, aba papa omuruchi yarusia eYuda, noho? 14Embuliile khwiwe, mbu roho wabanyasaye yili mwiwe, khandi mbu omubasu kunyooleshelanga mwiwe, nobumanyilisii nobuchesi obulayi. 15Ne bulaano abachesi, mbu abobulookooli, beenjisiibwe imbeli wanje mbu basoome lihandiiko lino, nibambuulila eshisina shialio; ne bakhayilwe okhubuula eshisina shiamakhuwa. 16Nebutswa embuliile khwiwe, shinga olwa onyala okhurusia ebisina nokhurimbulula amakhuwa amatinyu; kho bulaano, noba nonyala okhusooma lihandiiko lino, nokhumbuulila eshisina shialio, olafwalwa tsingubo tsieisambarau, noreebwakhwo omunyolo kweitsahaabu mwikosi, noba owakhataru muburuchi bweshialo.
17Mana Danieli nakalusia, nali imbeli womuruchi, ari Otong'e nebihaanwabio, noheelesia oundi amataniko; nebutswa nesoomele omuruchi lihandiiko, nimubuulila eshisina. 18Iwe omwami omuruchi, Nyasaye Ouli Ikulu Muno yaheelesia so, Nebukadineza, oburuchi nobukhongo, noluyali, nobukhulundu; 19ne khulwa obukhongo obwa yamuheelesia, abetsimbia tsiosi namahanga netsinimi batechela nibaria imbeliwe; aba yeenya okhwira, yeera; naba yeenya babe mwoyo, yabalekha babe mwoyo; aba yeenya okhubuusia, yabuusia; naba yeenya okhwisia, yeesia. 20Ne olwa omwoyokwe kwali nikwichinjimisiye, rohoye niyumile, nakholanga akeinjinia, yarusibwa khushifumbishie shioburuchi, niba-muyiniakhwo oluyalilwe. 21Yeelusibwa okhurula khubandu, omwoyokwe nikukholwa shinga okweisolo, eshimenyoshie nishiba netsisishili tsinabulimo; yaayanga obunyasi shinga ing'ombe, omubilikwe nikunyira khulwa eliime lielikulu; okhuula olwa yamanya mbu Nyasaye Ouli Ikulu Muno arukanga muburuchi bwabandu, khandi mbu yeemekhanga khubwo owa omwene achama. 22Nawe, omwanawe Beleshazari, shiwitiitiyiye mumwoyokwo ta, kata olwa wamanya ako kosi; 23nebutswa wichinjimisiye okhufukula Omwami welikulu. Baleerile ebimanulwa bieinzuye imbeliwo, ne munyweelemwo idivai, iwe omwene, nabaamibo, nabakhasibo, nabasuriabo; khandi opaachile abanyasaye beifeetsa neitsahaabu, abomukasa neshibia nemisaala namachina, abaraloIanga kata okhuhulila kata okhumanya ta; nebutswa Nyasaye, omwenoyo owa omuuyakwo kuli mumukhonokwe, nowa tsinjilatsio tsiosi tsili etsitsie, shiomuheelesiye oluyali ta.
24Kho eshitonye shiomukhono tsana shirumilwe okhurula ewa ali, lihandiiko lino nilisaarwa; 25nalio lihandiiko elisaarilwe ndielino; mbu MENE, MENE, TEKELI, PARESINI. 26Ne eshisina shiamakhuwa shieshino; MENE, mbu Nyasaye wabasia tsindaalo tsioburuchibwo, nabwakamia. 27TEKELI, mbu ochelilwe mushiitenjelesio, nonyoolekha noli omuleemu. 28PERESI, mbu oburuchibwo bukabuulwe, nibuhaanwa khubaMedi nabaPerisia.
29Mana Beleshazari yalaka abandu, nibafwala Danieli tsingubo tsieisambarau, nibara omunyolo kweitsahaabu mwikosilie, nibakhupa omulome khukeke, mbu abe owakhataru muburuchi.
30Ne mushilo shieneshio Beleshazari, omuruchi omuKalidayo, niYeerwa.
31Naye Dario omuMedi nalia oburuchi, nali owemiyika shinga amakhumi kasasaba nachibili.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975