Danieli 4
4
Akamalalu kaNebukadineza
1Akarula khumuruchi Nebukadineza, koole khubetsimbia tsiosi, namahanga, netsinimi abamenya mushialo shiosi pe; Omulembe kumeeteshenje khwinywe. 2Isie enduutsi mbu nobulayi okhurumbula akebilolelo nebiamakana ebia Nyasaye Ouli Ikulu Muno yakholela.
3Mako, ebilolelobie nebikhongo!
Mako, ebiamakanake nebiobunyali!
Oburuchibwe noburuchi oburahwaho ta;
obwamibwe butsiililila ebisoni nebisoni.
4Isie Nebukadineza ndali nimenyanga ewanje nindilambisiye, akanje kosi nikakaasanga munzu yanje. 5Ne ndaloora lilooro eliariisia, tsinganakani tsianje nindi khushitali, namalolelo akomumurwe, nibimbendia. 6Kho ndakhupa omulome mbu abachesi bosi baBabeli baleerwe imbeli wanje, mbu bambuulile eshisina shielilooro tsana. 7Kho nibeetsa, abafumu nabobulookooli nabaKalidayo nabakhwenyi; nasi nimbatoonyela akelilooro tsana; ne bakhaywa okhumbuulila eshisina. 8Mana olunyuma lwabosi Danieli niyeetsa imbeli wanje, owakulikhwa mbu Beleteshazari khuliira lianyasaye wanje, nowa roho yabanyasaye abatakatifu yili muye; nasi nindoonya akelilooro imbeliwe, ndi 9Iwe Beleteshazari, omwami wabafumu, emanyile mbu roho yabanyasaye abatakatifu yili mwiwe, khandi mbu libulaho libiso liosi elikhukhaya ta. Lilooro elia endoorile ndielino; umbuulile eshisina shialio. 10Amalolelo akomumurwe kwanje nindi khushitali ngakano; mbu ndalola omusaala, ngwokwo, hakari weshialo, omurambi muno. 11Omusaala tsana nikukhula, nikukhulumama, oburambi bwakwo nibuula mwikulu, okwene nikulolekha kata okhuula khushihesi shieshialo. 12Amasaafu kakwo kali amalayi, ebiamo nibiba ebinji; kwalimwo ebiokhulia biabandu bosi. Tsisolo tsiomubulimo nitsinyoola eshiinikha hasi wakwo, nako amanyonyi akomwikulu nikamenya mutsisaka tsiakwo; ebindu biosi ebili nemibili nibinyoola ebiokhulia khukwo. 13Ne mumalolelo akomumurwe kwanje nindi khushitali, ndalola, ngwoyo, omurangaali omutakatifu, niyeekha okhurula mwikulu, 14nalanjisia nasunga ari Reme omusaala, nimutsosola tsisaka; bungulusie amasaafu kakwo, nimusalaasia ebiamo; tsisolo tsirule ewa tsili hasi wakwo, namanyonyi okhurula mutsisaka. 15Nebutswa leshe eshisichili shieshisina shiakwo mwiloba nikuboyilwekhwo eshibohelo shieshibia nomukasa, mumuboka okwomubulimo. Anyire omubili khulwa eliime lielikulu; omukabokwe kube halala netsisolo mubunyasi bweliloba. 16Omwoyokwe kukalukhane, kuleshe okhuba kwomundu; ne aheebwe omwoyo kweshinasolo; ebise musaafu bimubirekhwo. 17Eshiina shino shikhupwa omulome nabarangaali; obukhalachi buno nibuboolwa nelikhuwa liabatakatifu; mbu abali mwoyo bamanye mbu Oyo Ouli Ikulu Muno arukanga muburuchi bwabandu, nabumuheelesia owa achama, niyeemekha khubwo omundu ouli hasi muno. 18Lilooro lino isie, omuruchi Nebukadineza, endiluutsi; nawe, Beleteshazari, khabuule eshisina shialio, shichila abachesi bosi abomuburuchi bwanje bakhayilwe okhumanyia eshisina; nebutswa iwe onyala, okhuba roho yabanyasaye abatakatifu yili mwiwe.
19Mana Dauieli, owakulikhwa mbu Beleteshazari, yang'ang'aalakhwo eshise, amapaaroke nikamuriisia. Omuruchi nasunga mbu Beleteshazari, lilooro lino lileshe okhukhuriisia, kata eshisina shialio. Beleteshazari nakalusia namusunjila mbu Omwami, lilooro lino libe khubakhukiya, neshisina shialio khubasukubo. 20Mbu omusaala okwa oluutsi, okukhulile nikukhulumama, oburambi bwakwo nibuula mwikulu, nikulolekha khushihesi shieshialo shiosi pe; 21okwa amasaafu kakwo kali amalayi, nebiamo biakwo ebinji, nikubamwo ebiokhulia biabandu bosi; okwa tsisolo etsiomubulimo tsimenyanga hasi wakwo, amanyonyi akomwikulu nikali nebimenyo biako mutsisaka tsiakwo; 22kho niwe, omwami omuruchi, owakhula noba owamaani; okhuba obukhulundubwo bukhulile nibuula mwikulu, nobwamibwo okhuula khushihesi shieshialo. 23Ne shinga olwa omuruchi aluutsi omurangaali omutakatifu niyeekha okhurula mwikulu naboola mbu Reme omusaala nimukutibia; nebutswa leshe eshisichili shieshisina shiakwo mwiloba nikuboyilwekhwo eshibohelo shieshibia nomukasa, mumuboka okwomubulimo. Anyire omubili khulwa eliime lielikulu; omukabokwe kube halala netsisolo etsiomubulimo, okhuula olwa ebise musaafu bilaba nibimubirilekhwo; 24eshisina shieshino, omwami omuruchi; mbu nomulome kwa Oyo Ouli Ikulu Muno okuulile khumwami wanje omuruchi, 25mbu witsa okhwilusibwa mubandu, mana eshimenyoshio shilaba halala netsisolo etsiomubulimo; olaayanga obunyasi shinga ing'ombe, nonyira omubili khulwa eliime lielikulu; ne ebise musaafu bilakhubirakhwo, okhuula olwa olamanya shinga olwa ali Oyo Ouli Ikulu Muno ourukanga muburuchi bwabandu nabumuheelesia owa achama. 26Ne shinga olwa balakwa okhulekha eshisichili shieshisina shiomusaala, nindio oburuchibwo bulakhutinyisilibwa olunyumakhwo, nomalile okhumanya mbu Likulu nilio elirukanga. 27Khulwako, omwami omuruchi, ofuchiilile obuchesiyii bwanje, nokhalaka ebionoonobio nokhola akobulunjishi, nobumayaanubwo nobabeela abasandibwa tsimbabasi; mbu mana haundi tsindaalotsio tsiomulembe tsirambihe.
28Ne kano kosi kamala kamukwile omuruchi Nebukadineza. 29Olunyuma Iwemiesi ekhumi nachibili, olwa yali nachendanga khushilama shieinzu yabaruchi baBabeli, 30omuruchi yasunga mbu Lino shinilio Babeli likhulundu, elia ndayoombaashe libe eshimenyo shiabaruchi, khulwa amaani kobunyali bwanje, okhulolosia oluyali Iwobukhulundu bwanje? 31Ne olwa omuruchi yali nashiboola, omwoyo kwarula mwikulu nikusunga mbu Omuruchi Nebukadineza, oboolelwa ori nanwa; mbu obwami bukhurulilekhwo. 32Nolondwe mubandu, eshimenyoshio nashibe halala netsisolo etsiomubulimo; olaayanga obunyasi shinga ing'ombe, ne ebise musaafu bilakhubirakhwo, okhuula olwa olamanya shinga olwa ali Oyo Ouli Ikulu Muno ourukanga muburuchi bwabandu, namuheelesia owa achama oburuchi tsana. 33Ne khushise shieneshio amakhuwa tsana koosibwa khuNebukadineza; mbu yalondwa mubandu, niyaaya obunyasi shinga ing'ombe, nanyira omubili khulwa eliime lielikulu, okhuula liswilie olwa liali nilirambiihe shinga amabaha ketsinditsu, namatereke shinga akamanyonyi.
34Ne tsindaalo etsio olwa tsiali nitsihweele, isie Nebukadineza ndachinguula tsimoni nihenga khwikulu, obuchesi bwanje nibukalukha, nimwitsoomia Oyo Ouli Ikulu Muno, nimupaaka nimuheelesia oluyali oumenyangaho obushia nobushia;
okhuba obwamibwe nobwami oburahwaho ta;
oburuchibwe butsiililila ebisoni nebisoni.
35Abamenya mushialo bosi babasibwa mbu nibutswa;
ye akholanga akokhwenyakhwe mumahe akomwikulu,
nomubamenyanga mushialo;
abulaho oukaya omukhonokwe,
kata okhumureeba mbu Okhola shi?
36Habwenaho amachesi kanje nikakalukha; nabwo obukhulundu bwanje neing'oono yanje nibingalushila khulwa oluyali Iwoburuchi bwanje; abakofu beshiina shianje nabaami banje nibakhaaba; nasi niralisibwa muburuchi bwanje, nimeetelwa obukhulundu obukhongo. 37Kho bulaano isie Nebukadineza nimupaaka Omuruchi welikulu nimufumia nimuheelesia oluyali; okhuba ebikholebie biosi nebiobwatoto, tsinjilatsie nitsili tsinunji; ne abachendanga nibeechinjimisia, anyala okhubatiitiyia.
Currently Selected:
Danieli 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Danieli 4
4
Akamalalu kaNebukadineza
1Akarula khumuruchi Nebukadineza, koole khubetsimbia tsiosi, namahanga, netsinimi abamenya mushialo shiosi pe; Omulembe kumeeteshenje khwinywe. 2Isie enduutsi mbu nobulayi okhurumbula akebilolelo nebiamakana ebia Nyasaye Ouli Ikulu Muno yakholela.
3Mako, ebilolelobie nebikhongo!
Mako, ebiamakanake nebiobunyali!
Oburuchibwe noburuchi oburahwaho ta;
obwamibwe butsiililila ebisoni nebisoni.
4Isie Nebukadineza ndali nimenyanga ewanje nindilambisiye, akanje kosi nikakaasanga munzu yanje. 5Ne ndaloora lilooro eliariisia, tsinganakani tsianje nindi khushitali, namalolelo akomumurwe, nibimbendia. 6Kho ndakhupa omulome mbu abachesi bosi baBabeli baleerwe imbeli wanje, mbu bambuulile eshisina shielilooro tsana. 7Kho nibeetsa, abafumu nabobulookooli nabaKalidayo nabakhwenyi; nasi nimbatoonyela akelilooro tsana; ne bakhaywa okhumbuulila eshisina. 8Mana olunyuma lwabosi Danieli niyeetsa imbeli wanje, owakulikhwa mbu Beleteshazari khuliira lianyasaye wanje, nowa roho yabanyasaye abatakatifu yili muye; nasi nindoonya akelilooro imbeliwe, ndi 9Iwe Beleteshazari, omwami wabafumu, emanyile mbu roho yabanyasaye abatakatifu yili mwiwe, khandi mbu libulaho libiso liosi elikhukhaya ta. Lilooro elia endoorile ndielino; umbuulile eshisina shialio. 10Amalolelo akomumurwe kwanje nindi khushitali ngakano; mbu ndalola omusaala, ngwokwo, hakari weshialo, omurambi muno. 11Omusaala tsana nikukhula, nikukhulumama, oburambi bwakwo nibuula mwikulu, okwene nikulolekha kata okhuula khushihesi shieshialo. 12Amasaafu kakwo kali amalayi, ebiamo nibiba ebinji; kwalimwo ebiokhulia biabandu bosi. Tsisolo tsiomubulimo nitsinyoola eshiinikha hasi wakwo, nako amanyonyi akomwikulu nikamenya mutsisaka tsiakwo; ebindu biosi ebili nemibili nibinyoola ebiokhulia khukwo. 13Ne mumalolelo akomumurwe kwanje nindi khushitali, ndalola, ngwoyo, omurangaali omutakatifu, niyeekha okhurula mwikulu, 14nalanjisia nasunga ari Reme omusaala, nimutsosola tsisaka; bungulusie amasaafu kakwo, nimusalaasia ebiamo; tsisolo tsirule ewa tsili hasi wakwo, namanyonyi okhurula mutsisaka. 15Nebutswa leshe eshisichili shieshisina shiakwo mwiloba nikuboyilwekhwo eshibohelo shieshibia nomukasa, mumuboka okwomubulimo. Anyire omubili khulwa eliime lielikulu; omukabokwe kube halala netsisolo mubunyasi bweliloba. 16Omwoyokwe kukalukhane, kuleshe okhuba kwomundu; ne aheebwe omwoyo kweshinasolo; ebise musaafu bimubirekhwo. 17Eshiina shino shikhupwa omulome nabarangaali; obukhalachi buno nibuboolwa nelikhuwa liabatakatifu; mbu abali mwoyo bamanye mbu Oyo Ouli Ikulu Muno arukanga muburuchi bwabandu, nabumuheelesia owa achama, niyeemekha khubwo omundu ouli hasi muno. 18Lilooro lino isie, omuruchi Nebukadineza, endiluutsi; nawe, Beleteshazari, khabuule eshisina shialio, shichila abachesi bosi abomuburuchi bwanje bakhayilwe okhumanyia eshisina; nebutswa iwe onyala, okhuba roho yabanyasaye abatakatifu yili mwiwe.
19Mana Dauieli, owakulikhwa mbu Beleteshazari, yang'ang'aalakhwo eshise, amapaaroke nikamuriisia. Omuruchi nasunga mbu Beleteshazari, lilooro lino lileshe okhukhuriisia, kata eshisina shialio. Beleteshazari nakalusia namusunjila mbu Omwami, lilooro lino libe khubakhukiya, neshisina shialio khubasukubo. 20Mbu omusaala okwa oluutsi, okukhulile nikukhulumama, oburambi bwakwo nibuula mwikulu, nikulolekha khushihesi shieshialo shiosi pe; 21okwa amasaafu kakwo kali amalayi, nebiamo biakwo ebinji, nikubamwo ebiokhulia biabandu bosi; okwa tsisolo etsiomubulimo tsimenyanga hasi wakwo, amanyonyi akomwikulu nikali nebimenyo biako mutsisaka tsiakwo; 22kho niwe, omwami omuruchi, owakhula noba owamaani; okhuba obukhulundubwo bukhulile nibuula mwikulu, nobwamibwo okhuula khushihesi shieshialo. 23Ne shinga olwa omuruchi aluutsi omurangaali omutakatifu niyeekha okhurula mwikulu naboola mbu Reme omusaala nimukutibia; nebutswa leshe eshisichili shieshisina shiakwo mwiloba nikuboyilwekhwo eshibohelo shieshibia nomukasa, mumuboka okwomubulimo. Anyire omubili khulwa eliime lielikulu; omukabokwe kube halala netsisolo etsiomubulimo, okhuula olwa ebise musaafu bilaba nibimubirilekhwo; 24eshisina shieshino, omwami omuruchi; mbu nomulome kwa Oyo Ouli Ikulu Muno okuulile khumwami wanje omuruchi, 25mbu witsa okhwilusibwa mubandu, mana eshimenyoshio shilaba halala netsisolo etsiomubulimo; olaayanga obunyasi shinga ing'ombe, nonyira omubili khulwa eliime lielikulu; ne ebise musaafu bilakhubirakhwo, okhuula olwa olamanya shinga olwa ali Oyo Ouli Ikulu Muno ourukanga muburuchi bwabandu nabumuheelesia owa achama. 26Ne shinga olwa balakwa okhulekha eshisichili shieshisina shiomusaala, nindio oburuchibwo bulakhutinyisilibwa olunyumakhwo, nomalile okhumanya mbu Likulu nilio elirukanga. 27Khulwako, omwami omuruchi, ofuchiilile obuchesiyii bwanje, nokhalaka ebionoonobio nokhola akobulunjishi, nobumayaanubwo nobabeela abasandibwa tsimbabasi; mbu mana haundi tsindaalotsio tsiomulembe tsirambihe.
28Ne kano kosi kamala kamukwile omuruchi Nebukadineza. 29Olunyuma Iwemiesi ekhumi nachibili, olwa yali nachendanga khushilama shieinzu yabaruchi baBabeli, 30omuruchi yasunga mbu Lino shinilio Babeli likhulundu, elia ndayoombaashe libe eshimenyo shiabaruchi, khulwa amaani kobunyali bwanje, okhulolosia oluyali Iwobukhulundu bwanje? 31Ne olwa omuruchi yali nashiboola, omwoyo kwarula mwikulu nikusunga mbu Omuruchi Nebukadineza, oboolelwa ori nanwa; mbu obwami bukhurulilekhwo. 32Nolondwe mubandu, eshimenyoshio nashibe halala netsisolo etsiomubulimo; olaayanga obunyasi shinga ing'ombe, ne ebise musaafu bilakhubirakhwo, okhuula olwa olamanya shinga olwa ali Oyo Ouli Ikulu Muno ourukanga muburuchi bwabandu, namuheelesia owa achama oburuchi tsana. 33Ne khushise shieneshio amakhuwa tsana koosibwa khuNebukadineza; mbu yalondwa mubandu, niyaaya obunyasi shinga ing'ombe, nanyira omubili khulwa eliime lielikulu, okhuula liswilie olwa liali nilirambiihe shinga amabaha ketsinditsu, namatereke shinga akamanyonyi.
34Ne tsindaalo etsio olwa tsiali nitsihweele, isie Nebukadineza ndachinguula tsimoni nihenga khwikulu, obuchesi bwanje nibukalukha, nimwitsoomia Oyo Ouli Ikulu Muno, nimupaaka nimuheelesia oluyali oumenyangaho obushia nobushia;
okhuba obwamibwe nobwami oburahwaho ta;
oburuchibwe butsiililila ebisoni nebisoni.
35Abamenya mushialo bosi babasibwa mbu nibutswa;
ye akholanga akokhwenyakhwe mumahe akomwikulu,
nomubamenyanga mushialo;
abulaho oukaya omukhonokwe,
kata okhumureeba mbu Okhola shi?
36Habwenaho amachesi kanje nikakalukha; nabwo obukhulundu bwanje neing'oono yanje nibingalushila khulwa oluyali Iwoburuchi bwanje; abakofu beshiina shianje nabaami banje nibakhaaba; nasi niralisibwa muburuchi bwanje, nimeetelwa obukhulundu obukhongo. 37Kho bulaano isie Nebukadineza nimupaaka Omuruchi welikulu nimufumia nimuheelesia oluyali; okhuba ebikholebie biosi nebiobwatoto, tsinjilatsie nitsili tsinunji; ne abachendanga nibeechinjimisia, anyala okhubatiitiyia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975