Danieli 10
10
Libisulo liaDanieli hamwalo kwaTigirisi
1Mumuyika kwakhataru kwaKoreshi omuruchi waPerisia, Danieli owakulikhwa Beleteshazari yafwimbulilwa likhuwa. Nalio likhuwa tsana liali liatoto; ne liali eliobusoolo obukhongo. Naye nahulila likhuwa, namanya eshisina shielibisulo.
2Mundaalo etsio isie Danieli ndali mushibeela eshikali amahonga amalamba kataru. 3Shindaliakhwo ebiliibwa biosi ebichamisia, kata okhwifunda inyama kata okhutsanzama idivai, kata okhwibakhakhwo amafura ta, okhuula olwa amahonga amalamba kataru kali nikahweele. 4Mana mumwesi kwambeli nikuli amakhumi kabili nakhane, olwa ndali nindi khulukuku Iwomwalo omukhongo, mbu Tigirisi, 5ndachinguula tsimoni, nihenga, ne omundu ngwoyo, niyeefwalile tsingubo tsieikitani, niyeeboyile mushishienje omushiipi kweitsahaabu inzeleleshe yeUfazi. 6Nakwo omubilikwe kwenga shinga itarashishi, mumonimwe nimulolekha shinga oluhenu, tsimoni tsiene shinga ebitseso ebimemukha, namakhonoke nebilenje shinga obukondo bwomukasa okwaruutsa; namayoosi kamasungoke shinga amayoosi kabandu abanji muno. 7Nasi Danieli nisie shienyene owalola libisulo tsana; okhuba abandu aba ndali ninabo shibalola libisulo tanebutswa indenga yabatiila, nibeelukha nibeebisa. 8Kho nindong'a sienyene, nindola libisulo likhongo elo, nisikala nimbula amaani; likondo lianje liakalukhana obubii muno, nimbula amaani kosi. 9Nebutswa ndahulila amayoosi kamasungoke ne olwa ndahulila amayoosi kamasungoke ndeekhupa hasi mafumama, tsindoolo tsinyinji nitsimbila, ningonile endio mafumama.
10Mana omukhono ngwokwo, nikundiilakhwo, nikusikamia amasikamo kanje namakhono nirenga. 11Niyasunjila mbu Iwe Danieli, iwe omundu ouheelwa muno, hulila amakhuwa aka ekhuboolela, osinjile eshilunji; okhuba niwe owa erumilwekhwo bulaano. Ne olwa yali niyambooleele amakhuwa ako nisinjila, nindechela. 12Mana niyasunjila mbu Danieli, oraria ta; okhuba okhurula khunyanga yambeli olwa wachaaka okhurakhwo omwoyo okhuhulila, nokhwituutuyia imbeli waNyasayewo, amakhuwako kahuliilwe; nasi kho enzitsile khulwa amakhuwako. 13Nebutswa omukhulundu woburuchi bwaPerisia yangaya tsindaalo amakhumi kabili nandala; ne Mikaeli, ouli mulala khubakhulundu abakhongo, yambabiine; ne emuleshileyo nende abaruchi baPerisia. 14Ne bulaano enzitsile okhukhumanyia akalikwila abandubo mundaalo tsiolunyuma; okhuba libisulo nelietsindaalo etsishili okhwitsa.
15Ne olwa yali niyambooleele amakhuwa ako, ndahenga hasi, nikhaywa okhuboola. 16Ne lola, oundi owinga shinga okhufwana khwabaana babandu niyandiilakhwo omunwa; mana ninjaaka okhuboola, nimusunjila oyo owali nasinjiile imbeli wanje, mbu E omwami wanje, khulwa libisulo elo inumwa yindiilile, kata shishili namaani kosi ta. 17Isie omusumba womwami wanje ndakhanyala endie okhusungana nomwami wanje? Okhuba isie, bulaano amaani shikasikaalekhwo mwisie, kata omuuya shikutong'ile mwisie ta.
18Mana oundi oulolekha shinga omundu niyandiilakhwo khandi, niyameetela amaani. 19Nasunga mbu Iwe omundu ouheelwa muno, oraria ta; omulembe kube khwiwe; witinyie, wume ikholo! Ne olwa yasungana ninasi, ndameetelwa amaani, nimboola mbu Omwami wanje aboole; okhuba umeeteele amaani. 20Naye niyareeba mbu Omanyile eshichila nikhwitsiile? Nebutswa bulaano engalukha okhuseerana nomukhulundu waPerisia; ne nimalile akeke, kho omukhulundu webuYunani aleetsa. 21Ne ekhuboolele akahandiikwa mumahandiiko kobwatoto; abulaho oundelela okhuseera bano ta, habula Mikaeli omukhulunduwo.
Currently Selected:
Danieli 10: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
