2 Timotseo 3
3
Ebiima biabandu mundaalo tsiobumaliilishi
1Manya likhuwa lino, mbu mundaalo tsiobumaliilishi ebise ebitinyu bilabamwo. 2Shichila abandu baliba nibeeheelanga abeene, nibaheela amapeesa; abeisunga, abeechinjimisii, abanyechi, abarahulilanga abeebuli babwe ta, abamakalu, abararia Nyasaye ta; 3ababula obuheeli bwoburulanda, abakhaya okhusaasanibwa, abachiishi, abareerukanga abeene ta, abaraasi, abaraheela amalayi tawe. 4Baliba abakhobi, abayungubafu abarateeba likhuwa ta, abolukungu, abaheelanga omwenya okhushila Nyasaye. 5Baliba nelikondo liokhumuria Nyasaye, ne nibeeyambakhaane obunyali bwakhwo; wihaanye khu abo bosi. 6Nabafwana bario abeeyinjisia munzu tsiabeene nibakhwesa abakhasi abasilusilu abasitohelwa nebionoono, abeemililwa nobwikombi obwambanga, 7abeenyanga okhwechesibwa tsindaalo tsiosi, ne nibaranyala okhuula khubumanyi bwobwatoto ta. 8Shinga Yane naYambere olwa bafukula Musa, nolwa bano bafukulanga obwatoto; nabandu aboonooneeshe amayililisii kabwe, abateemwa khukobusuubili nibalobwa. 9Nebutswa shibalameeta okhutsiililila ta; shichila obusilu bwabwe bulamanyishila abandu bosi, shinga olwa obwabandi balia bwamanyikha.
Obuchesiyii bwaPaulo obuhelelesia khuTimotseo
10Habula iwe walondachiliilenje obwechesii bwanje, nobwiyili bwanje, netsiyemi tsianje, nobusuubili bwanje, nobwifwili bwanje, nobuheeli bwanje, nobwisimilisii bwanje, 11nobusandibwi bwanje, nobusaalili bwanje; mbu ako kosi akangwila eAndiokia, nende eIkonio, nende eLisitera, obusandibwi bwene shinga olwa bwali. Ne mukosi Omwami yamboniamwo. 12Kata toto, bosi abeenyanga okhuchenda muKristo Yesu nibariitsanga Nyasaye balasandibwa. 13Ne abandu ababii nabarana balameetekhanga okhubiiha, nibakaatinjia, nabo nibakaatibwa. 14Nebutswa iwe, menyanga mukeenako aka weechesibwa nende okhukasuubilila elala. Witsulile abeene aba wakeekakhwo; 15khandi witsulile mbu okhurula khubwanabwo wakamanya amahandiiko amatakatifu, akanyala okhukhuchesihasia okhuula khubuhonia munjila yobusuubili obuli muKristo Yesu. 16Buli lihandiiko elia Nyasaye yaheelamwo omuuyakwe likaasilanga obwechesii, nobukondesheli, nobukololosii, nobwibaali obuchooma khubulunjishi, 17mbu omundu waNyasaye abe omulamba, oumanuliilwe elala khubuli mulimo omulayi kwosi.
Currently Selected:
2 Timotseo 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
