Rom-noba 16
16
Pɔɔl Yaane Puoro
1N korɔ la te yɔɔpuulee Fiibi naŋ waa a Seŋkereya puoruu laŋne diikin garebanyɛ, 2ka ka yɛ tuori de o a Daana eŋɛ, aŋa lɛ a naŋ seŋ ka a nensonne erɛ korɔ taa. Yɛ soŋ o yeli na zaa poɔ o naŋ na boɔrɔ yɛ sommo. Bonso, o waa la neɛ naŋ soŋ noba yaga ane maa meŋɛ meŋ gba.
3 #
Tom 18:2; 18:26 Yɛ puori Piriska ane Akuela ko ma, ba waa la noba naŋ laŋ ne ma tonɔ a Kirista Yeezu toma, 4kyɛ waa noba naŋ da woŋ tuo yaga N nyɔvore faabo zuiŋ. Bana yoŋ naane ka N puoro bareka, kyɛ N puoro la a Nemboore-yobo puoruu laŋne deme meŋ zaa bareka. 5#1 Kor 16:19; 16:15 Yɛ puori a puoruu laŋne deme naŋ be a ba yie poɔ meŋ ko ma. Yɛ puori n poyɛŋ neɛ Epaenetus, ona la a nendɛndɛŋ naŋ da sage de a Kirista yɛlɛ a Ezeya paaloŋ poɔ. 6Yɛ puori Maria naŋ da toŋ toma yaga yɛ poɔ. 7#2 Kor 8:23 A puori Andironikus ane Gyuniya, naŋ waa n dɔgrebɔ, a da laŋ ne ma be a nempagdie poɔ. Ba waa la noba naŋ taa yuori a apostoliimine poɔ, a da daŋ ma leɛ Kiristabiiri. 8Yɛ puori Ampileatus naŋ waa n poyɛŋ neɛ a Daana eŋɛ. 9Yɛ puori Ɛbanus, naŋ waa te tontontɔ a Kirista toma poɔ, kyɛ puori n poyɛŋ neɛ Setaakis meŋ ko ma. 10Yɛ puori Apelles ko ma, o waa la neɛ a Kirista naŋ de o yɛlɛ, a puori Aretɔbulus yideme meŋ ko ma. 11Yɛ puori a n dɔgrɔ Hɛrɔdiyon, a puori a Daana noba banaŋ naŋ waa a Nasisu yideme. 12Yɛ puori Tirifiina ane Tirifosa naŋ waa a Daana tontonema. Yɛ puori a n poyɛŋ neɛ Pɛɛsis naŋ da toŋ toma yaga ko a Daana. 13#Mak 15:21 Yɛ puori Rufus, naŋ e neŋkaa-iraa a Daana eŋɛ, a puori a o ma N naŋ de ka o e n meŋ ma. 14Yɛ puori Asenkiritus, Felegon, Hɛmes, Patrobas, Hɛmaas ane a yɔɔmine ane a yɔɔpuuli banaŋ naŋ be ba zie. 15Yɛ puori Filologus, Gyuliya, Nɛreyos ane o yɔɔpuulee ane Olimpase, ane a nensonne na zaa naŋ be ba zie. 16#1 Kor 16:20 Yɛ puori taa ne puoruu naŋ soma. A Kirista puoruu laŋne deme zaa puoro yɛ la.
Kpãã Parebaaraa
17 #
Mat 7:15; Tit 3:10 N sɔrɔ yɛ la n yɔɔmine ane n yɔɔpuuli, ka yɛ baŋnea banaŋ naŋ maŋ waana ne wɛltaa kyɛ dɔɔnɔ noba suuri, a zɔɔrɔ ne a Naaŋmen yɛlɛ yɛ naŋ da zanne; yɛ tage yɛmenne yi ba zie. 18#Fil 3:19; Ezɛk 13:18; Kol 2:4 Bonso, a noba bama taaba ba tonɔ a te Daana Kirista toma, kyɛ bamenne vɔlaa yɛlɛ la ka ba tuuro, a maŋ de nɔnoɔ ane bɛllɛ sobie a bɛllɛ ne banaŋ naŋ ba kyele ba teɛroŋ poɔ. 19#Rom 1:8; 1 Kor 14:20 Noba zaa naŋ baŋ a yɛ noɔre tuubu zuiŋ, eɛɛ la ka n poɔ pɛllɛ ne yɛ. Azuiŋ n boɔrɔ la ka yɛ waa yɛmbaŋnema yelsonne eŋɛ kyɛ e noba naŋ ba erɛ yelfaare. 20#Rom 15:32 A koŋ la kɔɔre kyɛ ka a emmaaroŋ Naaŋmen ŋmore Setaana#16:20 Setaana: A Hiburu kɔkɔre poɔ, a Setaana are ko la saanaa terɛ. biŋ yɛ gbɛɛ puliŋ. Ka a te Daana Yeezu Kirista garaaseɛ be yɛ zie.
21 #
Tom 16:1-2; 19:22; 20:4; Fil 2:19 A n tontontɔ Timoti puoro yɛ la; a lɛ ka Lusiyo, Gyason ane Sosipata meŋ naŋ waa n dɔgrebɔ puoro yɛ.
22Maa Tɛtiyos a Pɔɔl naŋ yele a yɛlɛ ka n sɛgrɛ meŋ puoro yɛ la a Daana eŋɛ. 23#1 Kor 1:14; Tom 19:22 A Gayos naŋ de ma ane a puoruu laŋne deme saanoŋ puoro yɛ la. Erastus naŋ waa a teŋkpoŋ libi-binne ane te yɔɔ Kaatuse puoro yɛ la. 24[Ka a te Daana Yeezu Kirista garaaseɛ be yɛ zaa zie. Ameena.]
Dannoo Puoruu Parebaaraa
25 #
Efe 1:9; 3:5; 3:9 Pampana ŋa, ka a Naaŋmen naŋ na toɔ̃ ko yɛ faŋ a seŋ a n yelnoore ane a Yeezu Kirista yɛlɛ moɔloo ane a yelsɔgle iri-wuluu ba naŋ da sɔgle bare yuomo yaga, 26#2 Tim 1:10; Rom 1:5 kyɛ ka pampana ka ba tu a Ŋmen-yelmanneba sɛgre eŋɛ yuo ka a sãã ka a Nemboore-yobo baŋ a Naaŋmen naŋ bebe tegitegilɛ nɔɛ a nyɛ yeldeebo. 27#1 Tim 1:17; Gyud25 Ka a Naaŋmen na yoŋ naŋ waa yɛŋ soba nyɛ puubu tegitegilɛ a Yeezu Kirista eŋɛ! Ameena.
Currently Selected:
Rom-noba 16: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.