Rom-noba 15
15
Yɛ Pɛllɛ Yɛ Taaba Poore Kyɛ Bare Yɛmenne Poore Pɛlloo
1 #
Rom 14:1
Te banaŋ naŋ taa faŋ yeldeebo poɔ seŋ ka te dire kannyiri ne a banaŋ naŋ ba taa faŋ yeldeebo poɔ ne a ba bambaaloŋ, kyɛ ta boɔrɔ ka te erɛ yɛlɛ naŋ pɛllɛ temenne poore yoŋ. 2#1 Kor 9:19; 10:24; 10:33 A ferɛɛ la ka te kanzaa maŋ erɛ yɛlɛ naŋ na pɛle te tɔsoba poɔ, ka ka a te teɛre soŋ e ka te teɛ ba ka ba baara. 3#Yiel 69:9 Bonso, a Kirista da ba pɛle O meŋɛ poɔ; kyɛ aŋa ba naŋ da sɛge lɛ, “A zoma na a banaŋ naŋ toorɔ yɛ, waa la N zoma.” 4#Rom 4:23-24; 1 Kor 10:11 Bonso, a yɛlɛ na zaa ba naŋ da sɛge a dakoroŋ saŋ, ba da sɛge a la ka a wuli te, ka ka a te kannyiri diibu ane yelteɛbo naŋ yi a gansoŋ poɔ na e ka te taa teɛretɔroo. 5#Fil 3:16 Ka a kannyiri ane a yelteɛbo Naaŋmen soŋ yɛ ka yɛ laŋkpeɛrɛ ne yɛ taaba ne yelwontaa, a seŋ a Kirista Yeezu naŋ boɔrɔ lɛ, 6ka ka yɛ na lantaa ne kɔkɔyeni a danna Naaŋmen a te Daana Yeezu Kirista Saa.
A Ŋmen-yelnoore Waa La A Gyuumine Ane A Nemboore-yobo Soobo
7Azuiŋ, yɛ derɛ taa saanoŋ aŋa lɛ a Kirista naŋ da de yɛ saanoŋ ka ka Naaŋmen na nyɛ puubu. 8#Mat 15:24; Tom 3:25 Bonso, N yele korɔ yɛ la ka a Kirista leɛ la a banaŋ ba naŋ da iri ba dɛgre tontonɔ, a are a Naaŋmen yelmennoŋ gbɛbogriŋ ka ka O tu a nɔɛ ba naŋ da eŋ ko a sããkommine, 9#Rom 11:30; Yiel 18:49 kyɛ e ka a Nemboore-yobo toɔ̃ iri Naaŋmen yuori a O nembaalonzoe zuiŋ. A ŋa ba naŋ da sɛge lɛ:
“Azuiŋ N na moɔle la fo yɛlɛ a Nemboore-yobo poɔ,
kyɛ yieli dannoo yiele iri fo yuori.”
10 #
Begɛ 32:43
Ka O laboreŋ yeli:
“Yɛnee Nemboore-yobo, yɛ kyellɛ ne a O noba.”
11 #
Yiel 117:1
Kyɛ la maaleŋ yeli:
“Yɛ danna a Daana, yɛnee a Nemboore-yobo zaa,
kyɛ vɛŋ ka a noba zaa danna O”;
12 #
Aza 11:10; Yuo 5:5 Azaaya laboreŋ yelee la:
“A Gyesi bale neɛ na wa la,
a soba na naŋ iri ka O di naaloŋ a Nemboore-yobo zu;
O eŋɛŋ la ka a Nemboore-yobo na taa teɛretɔroo.”
13Ka a teɛretɔroo Naaŋmen paale yɛ ne popeɛloŋ ane emmaaroŋ a yɛ yeldeebo poɔ, ka ka yɛ na paale ne teɛretɔroo a Vooroŋ Soŋ kpeɛ̃õ eŋɛ.
Bon Naŋ So Ka Pɔɔl Sɛgrɛ Kyɛ Ba Zoro Dabeɛ̃
14N yɔɔmine ane n yɔɔpuuli, maa meŋɛ ba taa bonnoo a kyaare ne yɛ, ka yɛ paale ne la yelveɛle, a paale ne yelbammo zaa kyɛ maŋ toɔ̃ wullo taa. 15#Rom 1:5; 12:3 Kyɛ anealɛzaa, yɛlɛ mine zuiŋ N da sɛge ko yɛ la a ba zoro dabeɛ̃ ka N leɛ-teɛre yɛ, a garaaseɛ Naaŋmen naŋ da ko ma zuiŋ, 16#Rom 11:13; Fil 2:17 ka N waa a Kirista Yeezu tontonɔ a Nemboore-yobo zie. N poɔ la a Ŋmen-yelnoore toma poɔ, ka ka lɛ e ka Naaŋmen sage de a Nemboore-yobo kyɔɔtaare a Vooroŋ Soŋ naŋ pɛge ka a yi. 17A Kirista Yeezu eŋɛ, N pãã taa la sori ka N erɛ pɔloo ne a n toma n naŋ tonɔ korɔ Naaŋmen. 18#2 Kor 3:5; Rom 1:5 Bonso, N koŋ sage yeli yelzaa ka a yɛlɛ na yoŋ a Kirista naŋ de ma toŋ ne naane, ka ka N toɔ̃ wuli a Nemboore-yobo ka ba e noba naŋ sagra noɔre ba yelbie ane ba yel-erre poɔ. 19#Mak 16:17 N da moɔle la a Kirista yelnoore zaa a yi Gyeruzɛlɛm a te ta Elarekum a tu a kpeɛ̃õ naŋ be a yelwulii ane nɔmaa toma eŋɛ ane a Naaŋmen Vooroŋ kpeɛ̃õ eŋɛ. 20#2 Kor 10:15-16 A lɛ zuiŋ, N deɛ la ka a e n nimizi-yeli ka N moɔle a Ŋmen-yelnoore ziiri na ba naŋ naŋ ba moɔle a Kirista yɛlɛ, ka ka N ta wa mɛ dɔgle neɛ kaŋ yiri pare zu. 21#Aza 52:15 Kyɛ aŋa ba naŋ da sɛge lɛ:
“A banaŋ ba naŋ daŋ ba yeli O yɛlɛ ko ba na nyɛrɛ la,
ka banaŋ naŋ daŋ ba woŋ O yɛlɛ na baŋ a tɛgɛ.”
Pɔɔl Naŋ Nare Ka O Gaa Rom
22 #
Rom 1:13
A ŋaa la so ka N da ba maŋ nyɛrɛ a vuo a na wa yɛ zie. 23#Rom 1:10-11 Kyɛ pampana ŋa, zie zaa naŋ ba la kyebe ko ma a paaloŋ ŋa poɔ zuiŋ, N boɔrɔ la ka N wa yɛ zie aŋa N naŋ da teɛrɛ lɛ yuomo yaga naŋ tɔle, 24#1 Kor 16:6 ka maa wa gaa Sepeen. Bonso, N taa la teɛretɔroo ka N nyɛ yɛ ka maa wa gɛrɛ, ka yɛ soŋ ma a n sori gaabo poɔ, ka maa wa e beri awola mine yɛ zie. 25#Tom 18:21; 19:21; 20:22 Pampana ŋa eŋ, N gɛrɛ la Gyeruzɛlɛm ka N te soŋ a nensonne; 26#1 Kor 16:1; 2 Kor 8:1-4; 9:2; 9:12 bonso, Masedoniya ane Akaaya teŋɛ deme poore pɛlɛɛ la ka ba tere sommo soŋ ne a nembaalba naŋ be a Gyeruzɛlɛm nensonne poɔ. 27#Rom 9:4; 1 Kor 9:11 Ba poore da pɛlɛɛ la ka ba e a yeli ŋa, kyɛ serɛzaa, a e la ba feroo toma ka ba e a yeli ŋa, bonso, ka a Nemboore-yobo wa di a Gyuumine seeloŋ maaloo tɔnɔ, ka lɛ, a seŋ ka ba soŋ a Gyuumine ne boma ba naŋ taa. 28Azuiŋ ka maa wa toŋ a toma ŋa baare, a taa a boma na ba naŋ kyeɛre te ko ba, N na tu la yɛ zie kyɛ tɔle gaa Sepeen; 29#Rom 1:11 kyɛ N baŋ ka ka maa wa wa yɛ zie N na wa ne la a Kirista maaloo zaa.
30 #
2 Kor 1:11; Fil 1:27; 2 Tɛs 3:1 N yɔɔmine ane n yɔɔpuuli, N sɔrɔ yɛ la a te Daana Yeezu Kirista yuori eŋɛ ane a Vooroŋ Soŋ nɔmmo ka yɛ zaa laŋ ne ma puoro Naaŋmen nimizeɛ zaa korɔ ma, 31ka O na faa ma yi a banaŋ naŋ ba sage de a Yeezu yɛlɛ a be a Gyudiya paaloŋ poɔ, kyɛ e ka n toma e bon a Gyeruzɛlɛm nensonne naŋ na sage de. 32#Rom 16:20 Ka a naŋ wa e Naaŋmen poboɔbo, ka N toɔ̃ wa yɛ zie ne popeɛloŋ a wa nyɛ pɛnnoo yɛ zie. 33Ka a emmaaroŋ Naaŋmen be yɛ zaa zie. Ameena.
Currently Selected:
Rom-noba 15: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.