Rom-noba 12
12
A Nyɔvo-paalaa Naŋ Be A Kirista Eŋɛ
1 #
Rom 6:13; 1 Pit 2:5 Azuiŋ n yɔɔmine ane n yɔɔpuuli, N sɔrɔ yɛ la ne a Naaŋmen nembaaloŋ zoobu, ka yɛ de yɛ enne ka a e kyɔɔta-voɛ, naŋ waa soŋ, ka Naaŋmen na sage de. A ŋaa la a yɛ seeloŋ poɔ Naaŋmen puoruu. 2#Efe 4:23; 5:10; 5:17 Yɛ ta tuuro a teŋɛzu yeltuuri, kyɛ yɛ leɛ yɛ eebo a yi a yɛmpaalaa yɛ naŋ nyɛ yi Naaŋmen zie, ka yɛ na toɔ̃ baŋ bon naŋ e Naaŋmen poboɔbo; bon naŋ soma a seŋ ne deebo kyɛ ba taa faaloŋ zaa.
3 #
1 Kor 12:11; Efe 4:7 A yi a garaaseɛ ba naŋ ko ma zuiŋ, N yele korɔ la neɛzaa naŋ be yɛ poɔ, ka o ta teɛre ka o meŋɛ do gaŋ la lɛ a naŋ da seŋ ka o teɛre. Kyɛ yɛ kanzaa maŋ sigre o meŋɛ kyɛ di o meŋɛ sɛrɛɛ a seŋ lɛ Naaŋmen naŋ ko yɛ yeni yeni zaa yeldeebo a seŋ lɛ. 4#1 Kor 12:12 Aŋa enda-yeni naŋ maŋ taa nandaare yaga lɛ, kyɛ a nandaare zaa naane maŋ tonɔ toŋ yeni. 5#1 Kor 12:27; Efe 4:25 Azuiŋ, a tenee naŋ waa yaga, waa la enda-yeni a Kirista eŋɛ, ka a te yeni yeni zaa lantaa waa taa noba. 6#1 Kor 12:4 Te taa la kyɔɔta-tɛɛtɛɛ a seŋ lɛ ba naŋ ko te a garaaseɛ: ka Ŋmen-yelmanna yelyelii la, a soba erɛ seŋ a o yeldeebo; 7#1 Pit 4:10-11 ka tonteroo la, a soba o tonɔ a lɛ; ka wuluu la a soba o wullo noba; 8#Mat 6:3; 2 Kor 8:2; 9:7 ka fõõ wa e neɛ naŋ yele yɛlɛ teɛrɛ noba, yele teɛrɛ noba; ka noba sommo la, soŋnɔ noba ne nɔmmo; ka fõõ waa wederɛ, erɛ a lɛ ne fo nimizeɛ zaa; ka fõõ wa e nembaaloŋ zoro, erɛ lɛ ne popeɛloŋ.
Ŋmaaroŋ Naŋ Wuli Kirista Bi-meŋɛ
9 #
1 Tim 1:5; Emo 5:15 Yɛ vɛŋ ka yɛ nɔmmo waa meŋɛ; yɛ kyiiri faaloŋ, kyɛ kpimare bon naŋ soma eŋɛ; 10#2 Pit 1:7; Fil 2:3 yɛ nɔnɔ taa ne yɔɔloŋ nɔmmo; yɛ vɛŋ ka yɛ kanzaa noba emmo maŋ zuo o tɔsoba deni. 11#Yuo 3:15 Yɛ vɛŋ ka yɛ enne kyerɛ ne a toma; yɛ taa nimizeɛ ne a seeloŋ poɔ yɛlɛ, a tonɔ a Daana toma. 12#1 Tɛs 5:17 Yɛ kyellɛ ne teɛretɔroo, a taa kannyiri yɛ dɔgɛɛ diibu poɔ, kyɛ kpimare puoro tegitegilɛ. 13#Hib 13:2 Yɛ maŋ kyeɛre boma soŋ ne a nensonne a naŋ wono; a derɛ saama saanoŋ.
14 #
Mat 5:44; 1 Kor 4:12; Tom 7:60 Yɛ maala banaŋ naŋ dɔgrɔ yɛ, yɛ maala ba kyɛ ta kaara eŋnɛ ba. 15#Yiel 35:13 Yɛ laŋ kyellɛ ne banaŋ naŋ kyellɛ, a laŋ kono ne banaŋ naŋ kono. 16#Rom 15:5; Aza 5:21 Yɛ taa noɔre yeni ne taa, a ta erɛ pɔloo, kyɛ laŋna ne banaŋ naŋ ba e yuori noba, a ta wullo ka yɛ baŋ la yɛŋ zuo lɛ yɛ naŋ baŋ. 17#1 Tɛs 5:15 Yɛ ta de faaloŋ yɔɔ ne neɛzaa naŋ e yɛ faaloŋ; kyɛ yɛ maŋ moɔrɔ ka yɛ erɛ yɛlɛ naŋ soma noba zaa zie. 18#Mak 9:50; Hib 12:14 Ka anaŋ na toɔ̃ nyɛ eebo yɛ zie, yɛ taa emmaaroŋ ne a noba zaa. 19#Bag 19:18; Mat 5:39; Begɛ 32:35 N poyɛŋ noba, yɛ daŋ ta wa derɛ yɛmenne zɔɔre a zɔɔrɔ, kyɛ yɛ maŋ bare vuo ko a Naaŋmen supuriyaaraa; bonso, ba sɛgɛɛ la, “Maa la so san-yaabo, N na yaa la a sane, a Daana la yeli.” 20#Sek 25:21-22; Mat 5:44 Ai, “Ka kɔŋ wa kpɛ fo dɔndɔnne, ko ba bondirii ka ba di; ka kɔŋnyuuri wa kpɛ ba, ko ba koɔ̃ ka ba nyu. Bonso, ka fõõ wa erɛ a lɛ, fo na gbɔgrɔ la vũũsaalbie dɔglɔ ba zuriŋ.”#12:20 Gbɔgrɔ la vũũsaalbie dɔglɔ ba zuriŋ: A Girik mine kɔkɔre poɔ, a yeluu ŋa tɛgɛ la: a eŋ neɛ vi poɔ. 21Yɛ ta vɛŋ ka faaloŋ toɔ̃ yɛ, kyɛ yɛ de yelsoŋ toɔ̃ ne faaloŋ.
Currently Selected:
Rom-noba 12: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.