Rom-noba 1
1
Yaane Puoro
1 #
Tom 9:15; 13:2; Gal 1:15 Maa Pɔɔl naŋ waa Yeezu Kirista tontonɔ, ba naŋ da boɔle ka N e apostolii, ka ba kaa-iri ka N moɔlɔ a Ŋmen-yelnoore. 2#Tit 1:2; Rom 16:25-26 A yelnoore ŋa la ka Naaŋmen da daŋ tu a Ŋmen-yelmanneba zie a eŋ noɔre ka ba da sɛge eŋ a gansonne poɔ. 3#2 Sam 7:12; Mat 22:42; Rom 9:5 A Ŋmen-yelnoore kyaare la a O Bidɔɔ naŋ da e Devid bale a nensaaloŋ poɔ, 4#Tom 13:33 kyɛ ka a Vooroŋ Soŋ da wuli ka O waa la Naaŋmen Bie naŋ taa kpeɛ̃õ ne O naŋ leɛ-iri yi a kuuni poɔ. Ona la a Yeezu Kirista a te Daana. 5#Tom 26:16-18; Rom 15:18; Gal 2:7; 2:9 A Yeezu zie la ka te tu a nyɛ garaaseɛ a leɛ apostoliimine, ka ka te na taa a yeldeebo sagebo yɛlɛ wa ne a Nemboore-yobo#1:5 Nemboore-yobo: Noba na zaa naŋ da ba waa Gyuumine la a Nemboore-yobo. zie a O yuori zuiŋ, 6a pãã de ne yɛnee ba naŋ da boɔle ka yɛ wa leɛ a Yeezu soobo.
7 #
1 Kor 1:2; 2 Kor 1:1; Efe 1:1; Sɔr 6:25-26 A yɛ banaŋ zaa naŋ waa Naaŋmen poyɛŋ noba a be Rom teŋɛ poɔ, ka O da boɔle ka yɛ wa leɛ nensonne:
Ka a te Saa Naaŋmen ane a te Daana Yeezu Kirista garaaseɛ ane maaroŋ be a yɛ zie.
Bareka Puoruu
8 #
Rom 16:19; 1 Tɛs 1:8 A dɛndɛŋ soba, N tu la a Yeezu Kirista zie a puoro Naaŋmen bareka korɔ yɛ zaa, bonso, ba ŋmɛ la a yɛ yeldeebo yɛlɛ yaare a tendaa zaa. 9#Fil 1:8; Efe 1:16 Bonso, a Naaŋmen N naŋ tonɔ korɔ ne n poɔ zaa, a moɔlɔ a O Bidɔɔ yelnoore la n dansedire ka N daŋ ba inni ka N teɛre yɛ yɛlɛ wagre zaa n puoruu poɔ. 10#Tom 19:21; Rom 15:23; 15:31 N maŋ sɔrɔ la Naaŋmen, ka ka a naŋ wa e O poboɔbo ka N toɔ̃ wa yɛ zie. 11#Tom 28:31 Bonso, N taa la vɔlaa ka N nyɛ yɛ, ka ka N na toɔ̃ ko yɛ a Vooroŋ Soŋ kyɔɔtaare mine ka yɛ na taa faŋ, 12#2 Pit 1:1 bee ka te na toɔ̃ teɛ taa yeldeebo. 13N yɔɔmine ane n yɔɔpuuli, N boɔrɔ la ka yɛ baŋ ka gbɛɛ yaga ka N da boɔrɔ ka N wa yɛ zie (kyɛ ka a naŋ wa tɔ zenɛ ka yɛlɛ naŋ pigi n sori) a wa e ka yɛ mine leɛ yeldeebo deme aŋa N naŋ da e ka a Nemboore-yobo noba mine leɛ yeldeebo deme. 14N taa la feroo toma a banaŋ niŋe naŋ yuo ane banaŋ niŋe naŋ ba yuo zie, a taa feroo toma a yɛmbaŋnema ane dambolo zie. 15A lɛnso ka N kyerɛ ka N moɔle a Ŋmen-yelnoore ko yɛ banaŋ meŋ naŋ be a Rom teŋɛ poɔ.
A Ŋmen-yelnoore Kpeɛ̃õ
16 #
Yiel 119:46; 1 Kor 1:18; 1:24; Tom 13:46 N ba zoro a Ŋmen-yelnoore vi, bonso, o waa la Naaŋmen kpeɛ̃õ a ko neɛzaa naŋ taa yeldeebo ka o nyɛ faabo. A Gyuumine la a danwẽɛ deme, kyɛ ka a Girik noba meŋ pãã tu. 17#Rom 3:21-22; Hab 2:4 Bonso a Ŋmen-yelnoore poɔŋ la ka Naaŋmen maŋ iri O mennoŋ wuli a yi yeldeebo piiluu te ta yeldeebo baaraa; aŋa ba naŋ da sɛge a lɛ, “Soba na zaa naŋ e nemmeŋɛ, na taa la o nyɔvore ne yeldeebo.”
A Nensaalba Zaa Saanaa
18A Naaŋmen supuriyaaraa sãã la sazu sigre waana ka O zɔɔ ne banaŋ zaa naŋ de ba yelfa-yɛlɛ ane potuoluŋ pigre ne a yelmeŋɛ. 19#Tom 14:15-17; 17:24-28 Bonso, bonna neɛ naŋ na toɔ̃ baŋ kyaare ne Naaŋmen sãã la weliweli ba zie, bonso, Naaŋmen iri a la wuli ba. 20#Yiel 19:1; Hib 11:3 A yi a tendaa piiluu saŋ zaa, Naaŋmen kpeɛ̃õ naŋ ba taa baaroo ane O Naaŋmennoŋ waaloŋ, aneazaa ka nimiri koŋ baŋ nyɛ a, kyaane ko ba la a yi O bommaale zie ka ba baŋ a tɛgɛ. Azuiŋ ba ba taa gaafera zaa na tere; 21#Efe 4:18 aneazaa ka ba da baŋ la Naaŋmen kyɛ ba da ba eŋnɛ O aŋa Naaŋmen bee a puori O bareka, kyɛ ba da leɛ taa la teɛroŋ laama, ka a ba dambol-yɛŋ da leɛ ligi. 22#Gyɛ 10:14; 1 Kor 1:20 Ba naŋ de bamenne ka ba waa la yɛmbaŋnema, ba da leɛ la dambolo; 23#Begɛ 4:15-19 a de puubu naŋ seŋ ka ba de ko Naaŋmen naŋ koŋ baŋ kpi a korɔ tebɛ naŋ yi ne nensaala naŋ na baŋ kpi, bee bon-ɛgre, bee doŋgbɛɛ anaare, bee bonvuuri.
24 #
Tom 14:16
Azuiŋ Naaŋmen da bare ba la ko ba sukyie vɔlfaare, ka ba erɛ kɔkɔr-yɛlɛ ne bamenne enne, 25bonso, ba da de la a yelmeŋɛ naŋ kyaare Naaŋmen a tɛge ne zirii kyɛ puoro, a tonɔ korɔ bon-iraa kyɛ bare a Boma Ire, Ona la taa puubu tegitegilɛ! Ameena.#1:25 Ameena: A Ameena tɛgɛ la, Ka a e a lɛ.
26A ŋaa zuiŋ, Naaŋmen da bare ba la ko ba vɔlfa-dɛgɛ. A ba pɔgeba da de la dɔɔ ane pɔge sɛŋgaabo yɛlɛ naŋ tu sori tɛge ne sɛŋgaabo yɛlɛ naŋ ba tu sori. 27A lɛ ne o zu meŋ ka a dɔbɔ da bare dɔɔ ne pɔge sɛŋgaabo yɛlɛ naŋ tu sori, kyɛ kpimare dɔɔ ne dɔɔ bɔtaa eŋɛ, a erɛ yɛlɛ naŋ e vi yaga ane ba dɔɔ taaba, a lɛ zuiŋ ba da nyɛ la dɔgroŋ na ba yelfaare naŋ bɔ ko ba.
28Kyɛ ba naŋ da ba nyɛ ka a seŋɛɛ la ka ba ko Naaŋmen O gyeremɛ zuiŋ, a Naaŋmen da bare ba la ka ba taa ba teɛre faare a erɛ yelfaare naŋ ba seŋ ka ba e. 29Ba da paale ne la potuoluŋ boorɔ zaa, faaloŋ, bombɔ-gaŋne ane yosãã. Ba da paale ne la nyuuri, neŋko, zɔɔzɔɔ-yɛlɛ, bɛllɛ, nyaayɛlɛ ane pozu, 30yosaanema, noba naŋ kyiire Naaŋmen, a e zontooreba, a erɛ zukpeɛ̃-yɛlɛ, a wullo bamenne, a waa noba naŋ boɔrɔ yelfaare sobie, a waa noba naŋ ba sagra ba dɔgrebɔ nɔɛ, 31a waa dambolo, a waa noba naŋ ba taa yeldeebo, a waa noba sukyie naŋ dare, kyɛ ka ba taa nimikuoni. 32Ba baŋ la a Naaŋmen bege, a baŋ ka noba na naŋ erɛ a yɛlɛ ama seŋ ne la kũũ; kyɛ ba da ba erɛ a yelfaare ama yoŋ, kyɛ ba gba da maŋ bokpɛ la noba naŋ erɛ a yɛlɛ ama.
Currently Selected:
Rom-noba 1: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.