Sɔroo 2
2
Lɛ A Bale Bale Naŋ Na Lanna Zenɛ Ane Ba Iri Kyɛmmo
1A DAANA da yeli la yɛlɛ ko a Mooziz ane Aarɔn a yele: 2#Sɔr 1 A Izerayɛl biiri kanzaa seŋ ka o kpeɛrɛ bamenne sogyɛre kpeɛbozie, benee ba naŋ sɛge ba sããkom-yiri yuori eŋ; ba zeŋ ka ba niŋe kyaare a lantaa sege lamboe zaa.
3Banaŋ naŋ na zeŋ kyaare a sapare seŋ, benee a ŋmenaa naŋ maŋ puri yi na e la a Gyuda bale sogyɛre ka ba zeŋ gbulo gbulo. A Gyuda bale noba wederɛ na la Naason a Aminadab bidɔɔ, 4ka a o noba ba naŋ da sɔre noɔre e turi lezaata ane pie ne anaare a dɔgle kɔɔraayoɔbo (74,600). 5A banaŋ naŋ na zeŋ tu o puori na la a Isaka bale noba. A Isaka bale noba wederɛ na la Nɛtanɛl a Zuwa bidɔɔ, 6ka o noba ba naŋ da sɔre noɔre e turi lezaayi ane pie ne anaare a dɔgle kɔɔraanaare (54,400). 7Lɛ la ka a Zɛbulun noba meŋ da zeŋ: A Zɛbulun bale noba wederɛ na la Eliyab a Hɛlɔn bidɔɔ, 8ka a o noba ba naŋ da sɔre noɔre e turi lezaayi ane pie ne ayopoĩ a dɔgle kɔɔraanaare (57,400) 9A Gyuda noba zaa ba naŋ da sɔre gbulo gbulo lantaa da e la turi kɔɔ ane lezaanaare ne ayoɔbo a dɔgle kɔɔraanaare (186,400).
10-16Banaŋ naŋ na zeŋ kyaare a sapare nudoloŋ seŋ la a Rubin bale noba. Ba na zeŋ la gbulo gbulo. A ba wederebɛ ane a ba zɔɔzɔreba noɔre la be a pareŋ kyɛ:
| Bale | Wederɛ | O Noba Noɔre |
|---|---|---|
| Rubin | Sedɛɛ bidɔɔ Elizu | 46,500 |
| Simion | Zurisadae bidɔɔ Selumeɛl | 59,300 |
| Gad | Dewɛl bidɔɔ Eliyasaf | 45,650 |
| A noba zaa lantaa noɔre da e la: | 151,450 |
A Rubin noba meŋ la na tu a dɛndɛŋ deme puori.
17A lantaa sege ane a Levi noba lammo na be la a sogɔŋ; ka ba iri kyɛnɛ aŋa lɛ ba naŋ lantaa, ka kanzaa maŋ are o aroozie, lɛ ba naŋ are a sogyɛre laŋne poɔ.
18-24A banaŋ naŋ na zeŋ kyaare a saniŋe seŋ la a Efirem bale noba. Ba na zeŋ la gbulo gbulo, ka a ba wederebɛ ane a ba zɔɔzɔreba noɔre la be a pareŋ kyɛ:
| Bale | Wederɛ | O Noba Noɔre |
|---|---|---|
| Efirem | Amihud bidɔɔ Elisama | 40,500 |
| Manaasɛ | Pɛdaazɔ bidɔɔ Gamaleɛ | 32,200 |
| Bɛngyamen | Gideyɔn bidɔɔ Abidan | 35,400 |
| A noba zaa lantaa noɔre da e la: | 108,100 |
A Efirem noba la na yi kyɛŋ tu a bayi deme puoriŋ.
25-31A Dan bale noba la na zeŋ kyaare a sapare nugɔɔ seŋ. Ba na zeŋ la gbulo gbulo, ka a ba wederebɛ ane a ba zɔɔzɔreba noɔre la be a pareŋ kyɛ:
| Bale | Wederɛ | O Noba Noɔre |
|---|---|---|
| Dan | Amisadae bidɔɔ Aheyaza | 62,700 |
| Asɛ | Okeran bidɔɔ Pagiyɛl | 41,500 |
| Nafetali | Enan bidɔɔ Ahira | 53,400 |
| A noba zaa lantaa noɔre da e la: | 157, 600 |
A Dan bale noba la na baare a puoriŋ kyɛnɛ.
32 #
Sɔr 1:46
A Izerayɛl biiri ba naŋ da de eŋ a sogyɛ-toma poɔ a yi a ba sããkom-yie la lɛ, ba zaa lantaa da waa la noba turi kɔɔraayoɔbo ne ata dɔgle kɔɔraanuu, lezaayi ne pie (603,550). 33#Sɔr 1:48-49 Aŋa lɛ a DAANA naŋ da yeli ko a Mooziz, ba da ba sɔre a Levi bale noba poɔ a Izerayɛl biiri poɔ.
34 #
Sɔr 2:2
A Izerayɛl biiri da e seŋ la lɛ a DAANA naŋ da yeli ko a Mooziz. Ba da zeŋ la gbulo gbulo, a da iri kyɛŋ lɛ ne o zu, ka kanzaa maŋ be o bale noba poɔ a yi ba sããkom-yie eŋɛ.
Currently Selected:
Sɔroo 2: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.