Matio 5
5
Yeezu Naŋ Kanne Noba Taŋzu
(Luk 6:20-23)
1A Yeezu naŋ da wa nyɛ a nen-yaga, O da do la taŋ kaŋ zu; O naŋ da wa te zeŋ baare, a O potuuribo da wa la O zie. 2Lɛ la ka O da piili kanna ba, a yele:
3 #
Aza 57:15
“Zunoɔdeme la banaŋ naŋ sage ka ba taa la seeloŋ poɔ naŋ, bonso, bana la so a tenvelaa naaloŋ.
4 #
Yiel 126:5; Aza 61:2; Yuo 7:17 “Zunoɔdeme la banaŋ naŋ kono, bonso, Naaŋmen na maa la ba suuri.
5 #
Yiel 126:5; Aza 61:2; Yuo 7:17 “Zunoɔdeme la banaŋ naŋ waa sumaaroŋ deme, bonso, ba na nyɛ la a teŋɛ na Naaŋmen naŋ eŋ noɔre ka O na ko ba la.
6“Zunoɔdeme la banaŋ mennoŋ kɔŋ ane kɔnnyuuri naŋ kpɛ, bonso, bana la na nyɛ ba bomboɔre zaa.
7 #
Gye 2:13
“Zunoɔdeme la banaŋ naŋ zoro nembaaloŋ, bonso, Naaŋmen na zo la ba meŋ nembaaloŋ.
8 #
Yiel 51:10; 1 Gyn 3:2-3 “Zunoɔdeme la banaŋ naŋ taa sukyiri peɛle, bonso, bana la na nyɛ Naaŋmen.
9 #
Hib 12:14
“Zunoɔdeme la banaŋ naŋ boɔrɔ ka maaroŋ be noba zie, bonso, bana la ka ba na boɔlɔ Naaŋmen biiri.
10 #
1 Pit 3:14
“Zunoɔdeme la banaŋ ba naŋ dɔgrɔ, ba naŋ e nemmenne zuiŋ, bonso, bana la na so a tenvelaa naaloŋ.
11 #
1 Pit 4:14
“Zunoɔdeme la banaŋ noba naŋ toorɔ, a dɔgrɔ ba, kyɛ derɛ yelfa-boorɔ zaa duoro ba, a ŋmaara zirii dɔglɔ ba N zuiŋ. 12#Gye 5:10; Hib 11:33-38 Yɛ kyellɛ, kyɛ taa popeɛloŋ, bonso, yɛ san-yɔɔ waa la kpoŋ a tenvelaa poɔ. A lɛ ne o zu la ka ba da dɔgre a Ŋmen-yelmanneba na naŋ da de yɛ weɛ.
Nyɛnnoo Ane Veɛloŋ Yɛlɛ
(Mak 9:50; Luk 14:34-35)
13 #
Mak 9:50; Luk 14:34-35 “Yɛnee la a teŋɛzu nyɛnnoo, kyɛ ka a nyɛnnoo noɔŋ wa yi, wola ka ba na e ka a leɛ noma? A ba la taa tɔnɔ, see ka ba de lɔɔ bare yeŋeŋ ka ba neɛrɛ ne gbɛɛ.
14 #
Gyn 8:12
“Yɛnee la a teŋɛzu veɛloŋ. Teŋkpoŋ naŋ are taŋzu koŋ baŋ sɔgle. 15#Mak 4:21 Neɛzaa koŋ kyɔŋ fentelɛ a la de laa vɔgle pɔge, kyɛ o maŋ de dɔgle la fentel-daa zu ka o kyaane zie ko a die deme zaa. 16#Efe 5:8-9; 1 Pit 2:12 A lɛ ne o zu, yɛ vɛŋ ka yɛ veɛloŋ kyaana yɛ taaba zie ka ba na nyɛ a yɛ tonveɛle kyɛ de puubu ko a yɛ Saa naŋ be tenvelaa poɔ.
A Naaŋmen Begɛ Ane A Ŋmen-yelmanneba Sɛgre Yɛlɛ
17 #
Mat 3:15; Rom 3:31; 10:4 “Yɛ ta teɛrɛ ka N waɛ la ka N wa iri a Naaŋmen begɛ ane a Ŋmen-yelmanneba wuluu lɔɔ bare. N ba wa ka N iri a bare, kyɛ N waɛ la ka N vɛŋ ka a tu a tuubu. 18#Luk 16:17; 21:33 Yelmeŋɛ zaa la ka N yele korɔ yɛ, sazu ne teŋɛ daŋ na baare la, kyɛ yelbi-yenaa zaa koŋ yi a begɛ poɔ a bɔre, kyɛ te ta a saŋ a yɛlɛ zaa naŋ na e baare. 19#Gye 2:10 Azuiŋ, soba na zaa naŋ na zagre a Naaŋmen nɔɛ yelbi-bile ŋa kanzaa, a wullo o taaba meŋ ka ba erɛ a lɛ, na waa la a tenvelaa naaloŋ noba zaa nembile soba. Kyɛ soba na zaa meŋ naŋ sagra N nɔɛ, a wullo o taaba meŋ a lɛ, o na waa la neŋkpoŋ a tenvelaa naaloŋ poɔ. 20Maa yele korɔ yɛ, ka yɛ yelmennoŋ ba wa zuo a Naaŋmen bege wulwulibo ane a Faraziimine, yɛ daŋ koŋ kpɛ a tenvelaa naaloŋ poɔ.
Suuri Yɛlɛ
(Luk 12:57-59)
21 #
Yiib 20:13; 21:12; Bag 24:17; Begɛ 17:8 “Yɛ woŋee la ka ba da yeli ko la a dakoroŋ noba, ‘Ta ko neɛ’; kyɛ ‘onaŋ soba zaa naŋ wa ko neɛ, ba na di la o sɛrɛɛ.’ 22Kyɛ maa meŋ yele korɔ yɛ la, ka neɛzaa suuri wa iri ne o yɔɔ bee o yɔɔpuulee, a seŋ ka ba di o sɛrɛɛ. Ka fõõ wa to fo yɔɔ bee fo yɔɔpuulee, a seŋ ka ba zeŋ ne fo nembɛrɛ niŋesogɔ. Ka fõõ boɔle fo tɔsoba, ‘Neŋlaane ŋa’, a seŋ ka ba de fo lɔɔ eŋ dazugovũũ poɔ. 23#Mak 11:25 Azuiŋ, ka fõõ wa taa kyɔɔtaa waana ne Naaŋmen zie kyɛ wa leɛ-teɛre baŋ ka fo ne fo tɔsoba taa la saanaa, 24bare a fo kyɔɔtaa a Naaŋmen bagmaalkuuri niŋeŋ kyɛ daŋ gaa ka fo ne a fo tɔsoba na te maale taa sɛre, kyɛ ka fo pãã leɛ wa tere a fo kyɔɔtaa. 25#Mat 6:14-15; 18:35; Luk 12:58-59 Vɛŋ ka fo ne neɛ naŋ taa yelbawontaa leɛ maale taa wieũ lɛ, ka yɛnee naŋ wa be a sobiriŋ gɛrɛ a sɛrɛɛdiibu zie. Ka lɛ naane o na te de fo la ko a sɛredire, ka a sɛredire meŋ leɛ de fo ko a polisiri ka ba de fo lɔɔ eŋ nempage die poɔ. 26Yelmeŋɛ ka N yele korɔ fo, fo koŋ yi a nempagdie poɔ, te ta lɛ saŋ fo naŋ yɔɔ a sane zaa baare.
Peɛ̃mo Toma Yɛlɛ
27 #
Yiib 20:14
“Yɛ woŋee la ka ba da yeli, ‘Ta gaŋ ne fo tɔ pɔge bee serɛ.’ 28#Gyob 31:1; 2 Pit 2:14 Kyɛ maa yele korɔ yɛ la, ka neɛzaa wa kaa pɔge ne peɛ̃mo vɔlaa, o soba gaŋ ne o la o sukyiri poɔ. 29#Mat 18:8-9; Mak 9:43; 9:47; Kol 3:5 Ka fo doloŋ nimiri wa vɛŋ ka fo e yelbieri, nyɔge o logri iri lɔɔ bare. Ka fõõ taa nimiyeni anaŋ seɛ fo naŋ taa nimie ayi kyɛ ka fo endaa zaa te kpɛ dazugovũũ poɔ. 30Ka fo nudoloŋ wa vɛŋ ka fo e yelbieri, kyɛ o ŋmaa lɔɔ bare; a seɛɛ la yaga zaa ka fo kɔŋ fo eŋɛ zie kaŋ, a gaŋ ka ba de a fo zaa gbole lɔɔ eŋ dazugovũũ poɔ.
Kultaa Baroo Yɛlɛ
(Matio 19:9; Mak 10:11-12; Luk 16:18)
31 #
Mat 19:3-9; Begɛ 24:1 “Ba da yelee la meŋ, ‘Dɔɔ zaa naŋ wa boɔrɔ ka o bare o pɔge, a seŋɛɛ la ka o sɛge pɔg-bare gane ko o kyɛ bare o.’ 32#Luk 16:18; 1 Kor 7:10-11 Kyɛ maa yele korɔ yɛ la ka ka neɛzaa wa bare o pɔge, ka a ba e moɔrɔ yɛlɛ zuiŋ, o soba vɛŋɛɛ la ka a pɔge toŋ moɔrɔ toma. Dɔɔ zaa meŋ naŋ de pɔge o serɛ naŋ bare meŋ toŋ la moɔrɔ toma.
Noɔre Emmo Yɛlɛ
33 #
Yiib 20:7; Bag 19:12; Sɔr 30:3 “Laboreŋ, yɛ woŋee la ka ba da yeli ko la a dakoroŋ noba, ‘Yɛ ta wa poɔrɔ pɔ-zirii, kyɛ yɛ maŋ iri a pɔɛ zaa yɛ naŋ pɔ ko a Daana.’ 34#Mat 23:16-22; Aza 66:1; Tom 7:49 Kyɛ maa yele korɔ yɛ la, Yɛ ta wa poɔrɔ togitogi zaa. Yɛ ta wa poɔrɔ sazu, bonso, o e la Naaŋmen nakogi, 35#Yiel 48:2 bee a poɔrɔ a teŋɛ, bonso, o meŋ waa la a Naaŋmen gbɛɛ-bimmu zie. Yɛ ta wa poɔrɔ Gyeruzɛlɛm meŋ, bonso, a Nakpoŋ teŋkpoŋ la a be. 36Yɛ ta wa poɔrɔ yɛ zuri, bonso, yɛ kontoɔ̃ e ka a yɛ zukɔɔloŋ kanzaa pɛle bee a sɔɔ. 37#2 Kor 1:17; Gye 5:12 Yɛ vɛŋ ka yɛ yelbie waa, ‘Õõ, Õõ’ bee ‘Ai, Ai.’ A ama puoriŋ, yeli zaa yɛ naŋ wa yele dɔglɔ yi la a sebɛlbɛllɛ zie.
Taaba Sane Yaabo Yɛlɛ
(Luk 6:29-30)
38 #
Bag 24:19-20
“Yɛ woŋee la ka ba da yeli, ‘Ka neɛŋ wa iri fo nimiri ka fo meŋ iri o meŋ nimiri, bee ka ka neɛŋ wa kɔɔ fo nyenee, meŋ kɔɔ o meŋ nyenee.’ 39#Gyn 18:22-23; Bag 19:18 Kyɛ maa yele korɔ yɛ la: Ta yɔɔ neɛ naŋ e fo faa ne faaloŋ. Kyɛ ka neɛ wa va fo doloŋ lampɛgreŋ, leɛ a gɔɔ meŋ ko o ka o fale; 40#1 Kor 6:7 ka neɛzaa wa boɔrɔ ka o sɛ fo naayiri poɔ, a de fo kparbile, de a fo kpar-kpoŋ meŋ ko o poɔ. 41Ka neɛzaa meŋ wa fere fo ka fo tuo o boma kyɛŋ ne mɛle yeni, tuo kyɛŋ ne mɛlɛ ayi. 42Yɛ maŋ ko neɛzaa naŋ sɔre bon yɛ zie. Yɛ ta wa mɔŋnɔ neɛ naŋ boɔrɔ pɛmmo yɛ zie.
Dɔndɔnne Nɔmmo Yɛlɛ
(Luk 6:27-28, 32-36)
43 #
Bag 19:18
“Yɛ da woŋee la ka ba yeli, ‘Nɔŋ fo tɔsoba, kyɛ kyiiri fo dɔndɔma.’ 44#Yiib 23:4-5; Rom 12:14; 12:20; Luk 23:34; Tom 7:60 Kyɛ maa yele korɔ yɛ, yɛ nɔŋ yɛ dɔndɔnne, a puoro korɔ banaŋ naŋ dɔgrɔ yɛ, 45#Efe 5:1 ka yɛ na toɔ̃ waa a yɛ Saa naŋ be tenvelaa poɔ biiri. Bonso, ona la maŋ e ka ŋmenaa puri eŋ a nenfaare ane a nemmenne; a kyɛ e ka saa mi eŋ a nemmenne ane a nenfaare zaa. 46Ka yɛneŋ nɔŋ a banaŋ naŋ nɔŋ yɛ yoŋ, boŋ tɔnɔ ka yɛ na nyɛ? A zuyɔɔ-derebɛ meŋ gba nɔnɔ la ba nɔneba wɛ! 47Ka yɛneŋ puoro yɛ yɔɔmine ane yɛ yɔɔpuuli yoŋ, boŋ yeli kpoŋ la ka yɛ erɛ gaŋ yɛ taaba? A Nemboore-yobo meŋ ba maŋ erɛ a lɛ be? 48#Bag 19:2 Azuiŋ yɛ e noba naŋ tori aŋa a yɛ Saa naŋ be tenvelaa poɔ naŋ tori lɛ.”
Currently Selected:
Matio 5: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.