Matio 4
4
A Yeezu Enyaabo Yɛlɛ
(Mak 1:12-13; Luk 4:1-13)
1 #
Hib 4:15
Lɛ la ka a Vooroŋ Soŋ pãã da taa a Yeezu te kpɛ ne a wɛgyɛŋ poɔ ka a sebɛlbɛllɛ na te e o a nyɛ. 2#Yiib 34:28; 1 Nam 19:8 O da leŋ la noɔre beri lezaayi, ŋmenaa ane tensogɔ, ka kɔŋ pãã da kpɛ O. 3#Piil 3:1-7 A sebɛlbɛllɛ da wa yeli ko O la, “Ka fõõ sereŋ waa Naaŋmen Bie, e ka a kubo ama leɛ boroboro.” 4#Begɛ 8:3 Ka O yelsɔge, “Ba sɛgɛɛ la:
‘Bondirii yoŋ naane korɔ nensaala nyɔvore,
kyɛ yelbiri zaa naŋ yi Naaŋmen noɔre meŋ terɛ la nyɔvore.’ ”
5 #
Mat 27:53
Lɛ la ka a sebɛlbɛllɛ la taa O gaa ne a tensoŋ poɔ, a te do ne O a Naaŋmen die kyoglokolo zu, 6#Yiel 91:11 a yeli ko O, “Ka fõõ wa sereŋ waa Naaŋmen Bie, ɛge kyinni teŋɛ, bonso, ba sɛgɛɛ la:
‘Naaŋmen na toŋ la O malekere fo zuiŋ,’
kyɛ la sɛge, ‘Ba na sogi nyɔge fo la eŋ ba nuuri poɔ,
ka fo gbɛre na ta wa ŋmɛ kuuri.’ ”
7 #
Begɛ 6:16
Ka a Yeezu laboreŋ yeli ko o, “Ba la sɛge la a Ŋmen gane poɔ, ‘Ta e a fo Daana fo Naaŋmen nyɛ.’ ” 8A sebɛlbɛllɛ da laboreŋ taa O la te do ne taŋ wogiwogi kaŋ zu a te wuli O a tendaa paaloŋ naaloŋ zaa ane a veɛloŋ; 9kyɛ yeli ko O, “Ka fõõ le gbi dumo puori ma, N na de la a ama zaa ko fo.” 10#Begɛ 6:13 Ka Yeezu yeli ko o, “Setaana! Tage yi be kyɛ kyɛre ma, bonso, ba sɛgɛɛ la:
‘Puoro a Daana fo Naaŋmen,
kyɛ tonɔ korɔ O yoŋ.’ ”
11Lɛ la ka a sebɛlbɛllɛ da bare O kyɛ gaa, tɔntɔbaalɛ ka malekere wa kaa O zie.
Yeezu Naŋ Piili O Toma Galili Poɔ
(Mak 1:14-15; Luk 4:14-15)
12 #
Mat 14:3
A Yeezu naŋ da wa woŋ ka ba nyɔge la a Gyɔɔn, O da yi la a be gaa Galili teŋɛ. 13O da iri la a Naazɛrɛ poɔ, a gaa te kpeɛrɛ Kapanum naŋ peɛle mane noɔreŋ, a Zɛbulun ane Nafetali paaloŋ poɔ. 14#Aza 9:1-2 A yɛlɛ ama zaa da eɛɛ la ka ka a Ŋmen-yelmanna Azaaya naŋ da yeli lɛ na tu a tuubu.
15“Zɛbulun ane Nafetali tenne
naŋ be a mane sobiri noɔreŋ, a te gaŋ gaa Gyɔɔdan mane, Galili a Nemboore-yobo#4:15 Nemboore-yobo: Noba na zaa naŋ da ba waa Gyuumine la a Nemboore-yobo. tenne
16a noba naŋ da zeŋ lige poɔ
nyɛ la veɛloŋ kpoŋ,
ka banaŋ meŋ naŋ da zeŋ a kũũ dasuoluŋ#4:16 Kũũ dasuoluŋ: Kũũ dasuoluŋ tɛgɛ la, neɛ naŋ kpɛ yelwonni poɔ a te peɛle kũũ poɔ,
veɛloŋ kpoŋ kyaane ba la.”
17 #
Mat 3:2
A yi a saŋ na poɔ, Yeezu pãã da piili moɔlɔ la a Ŋmen-yelnoore a yele, “Yɛ leɛ yɛ eebo yi yɛ yelbebe poɔ, bonso, a tenvelaa naaloŋ peɛlɛɛ la.”
Yeezu Naŋ Boɔle O Dɛndɛŋ Potuuribo
(Mak 1:16-20; Luk 5:1-11)
18A Yeezu naŋ da kyɛnɛ a Galili mane noɔreŋ, O da nyɛ la yɔɔmine bayi, Saamon, ka o yuori kaŋ meŋ da di Piita ane o yɔɔ Anduru, ka ba lɔɔrɔ ba zonkyogri a mane poɔ, bonso, ba da waa la zonnyɔgrebɔ. 19#Mat 13:47; Ezɛk 47:10 Ka O yeli ba, “Yɛ wa tuuro ma, N na e la ka yɛ leɛ nyɔgrɔ nensaalba aŋa zoma.” 20#Mat 19:27 A daadaalɛ ka ba deɛ bare ba zonkyogri kyɛ iri tuuro O. 21O naŋ da yi a be gɛrɛ, O da la nyɛ la yɔɔmine bayi, Gyems ane o yɔɔ Gyɔɔn, naŋ waa Zɛbɛdii bidɔbɔ. Ba ne a ba saa da be la ba gbori poɔ a liire ba zonkyogri, ka O da boɔle ba. 22A daadaalɛ ka ba da bare a ba saa ne a gbori kyɛ iri te tuuro O.
Yeezu Naŋ Kanne Kyɛ Saŋ Nen-yaga
(Luk 6:17-19)
23 #
Mak 1:39; Luk 4:15; 4:44; Tom 10:38 Yeezu da yɔ la a Galili paaloŋ zaa, a kanna noba ba puoruuderi pooreŋ, kyɛ manna a tenvelaa naaloŋ yelnoore korɔ ba kyɛ saŋna a noba baaloŋ boorɔ zaa. 24#Mak 6:55 Lɛ la ka a Yeezu yɛlɛ da yaare a Seeriya paaloŋ zaa, ka ba da taa ba baalba zaa wa ne a O zie. Banaŋ naŋ da beɛrɛ baaloŋ boorɔ zaa, banaŋ naŋ da taa woloŋ, banaŋ naŋ da taa sefaare, banaŋ naŋ da lere kunkunni ane banaŋ naŋ da gbɛre, ka a Yeezu da saŋ ba zaa. 25#Mak 3:7-8; Luk 6:17-19 Noba yaga da yi Galili, Dekapoli, Gyeruzɛlɛm, Gyudiya ane Gyɔɔdan maŋgaŋne a wa tuuro O.
Currently Selected:
Matio 4: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.