Matio 1
1
A Yeezu Kirista Sããkommine Yɛlɛ
(Luk 3:23-38)
1 #
1 Teŋ 17:11; Piil 22:18 A Yeezu Kirista sããkommine dɔge-tu-taa yoe la ama; O da waa la Devid bie, ka Devid meŋ waa Aboraham bie.
2 #
Piil 21:3; 21:12; 25:26; 29:35; 49:10 Aboraham dɔge la Aizik, ka Aizik dɔge Gyekɔb, ka Gyekɔb dɔge Gyuda ane o yɔɔmine. 3#Piil 38:29-30; Ruf 4:18-22 Ka Gyuda de Taama a dɔge Pɛrɛz ane Zɛra, ka Pɛrɛz dɔge Hɛzerɔn, ka Hɛzerɔn dɔge Aram, 4ka Aram dɔge Aminadab, ka Aminadab dɔge Nasɔn, ka Nasɔn dɔge Salmɔn. 5#Ruf 4:13-17 Ka Salmɔn de Rahab a dɔge Boaz, ka Boaz de Ruf a dɔge Obɛd, ka Obɛd dɔge Gyesi, 6#2 Sam 12:24 ka Gyesi dɔge Naa Devid.
Ka Devid de Yuriya pɔge a dɔge Solomɔn, 7#1 Teŋ 3:10-16 ka Solomɔn dɔge Rehobowam, ka Rehobowam dɔge Abigya, ka Abigya dɔge Asɛf, 8ka Asɛf dɔge Gyehosafat, ka Gyehosafat dɔge Gyoram, ka Gyoram dɔge Uzaaya, 9ka Uzaaya dɔge Gyotam, ka Gyotam dɔge Ahaz, ka Ahaz dɔge Hɛzekaaya, 10ka Hɛzekaaya dɔge Manaasɛ, ka Manaasɛ dɔge Emos, ka Emos dɔge Gyozaaya, 11ka Gyozaaya dɔge Gyɛkoniya ane o yɔɔmine, a saŋ na ba naŋ nyɔge ba fere gaa ne Baabilɔn.
12 #
1 Teŋ 3:17; Ɛzr 3:2 A ba Baabilɔn nyɔge fere gaabo puoriŋ, Gyɛkoniya dɔge la Salateɛl, ka Salateɛl dɔge Zɛrubabɛl, 13ka Zɛrubabɛl dɔge Abiyud, ka Abiyud dɔge Eliyakim, ka Eliyakim dɔge Azɔ, 14ka Azɔ dɔge Zadɔk, ka Zadɔk dɔge Akim, ka Akim dɔge Elud, 15ka Elud dɔge Eliyaza, ka Eliyaza dɔge Maatan, ka Maatan dɔge Gyekɔb, 16#Mat 27:17; 27:22 ka Gyekɔb dɔge Gyosɛf, a Maria serɛ. A Maria la dɔge a Yeezu, ba naŋ boɔlɔ a Kirista.
17Azuiŋ a sããkommine dɔge-tu-taa a piili Aboraham te tɔ Devid da e la pie ne anaare, a yi Devid te ta saŋ na ba naŋ da nyɔge ba fere gaa ne Baabilɔn teŋɛ da waa la sããkommine dɔge-tu-taa pie ne anaare. A pãã la yi ba Baabilɔn nyɔge fere gaabo puoriŋ a te ta a Kirista dɔgebo saŋ, da waa la sããkommine dɔge-tu-taa pie ne anaare.
A Yeezu Kirista Dɔgebo Yɛlɛ
(Luk 2:1-7)
18 #
Luk 1:27
Ŋaa la ka a Yeezu Kirista dɔgebo da tu. A saŋ na O ma Maria ne Gyosɛf naŋ da eŋ noɔre ka ba na kuli la taa, ba da naŋ ba laŋ kpɛ sɛre kyɛ ka a Vooroŋ Soŋ e ka Maria taa poɔ. 19A o serɛ Gyosɛf naŋ da waa nemmeŋɛ zuiŋ, o da ba boɔrɔ ka o eŋ o vi noba poɔ. Lɛ la ka o da nare ka o sɔgle bare o. 20#Mat 1:18 Kyɛ o naŋ da wa nare a yɛlɛ ama biŋ baare la ka a Daana maleke da wa o zie zannoo poɔ, a wa yeli ko o, “Gyosɛf, Devid bie, ta zoro dabeɛ̃ ka fo de a Maria ka o waa fo pɔge, bonso, a poɔ o naŋ taa yi la a Vooroŋ Soŋ zie. 21#Luk 1:31; 2:21; Tom 4:12 O na dɔge la bidɔɔ ka fo pore O yuori ka Yeezu, bonso, O na faa la O noba yi ba yelbebe poɔ.” 22#Aza 7:14 A yɛlɛ ama zaa da eɛɛ la ka ka a Daana yelbie O naŋ da tu a Ŋmen-yelmanna zie kyɛ yeli, na tu a tuubu:
23 #
Aza 7:14
“Nyɛ, bitoro#1:23 Bitoro: A bitoro tɛgɛ la pɔge naŋ daŋ ba baŋ dɔɔ na taa la poɔ a dɔge bidɔɔ
ka ba pore o yuori Emaanuwɛl,”
a tɛgɛ la, “Naaŋmen be la te zie.” 24A Gyosɛf naŋ da wa iri a o goɔŋ poɔ, o da e la a lɛ a Daana maleke naŋ da yeli ka o e. O da de la a Maria ka o e o pɔge, 25#Luk 2:21kyɛ o da ba baŋ o sɛŋ poɔ, kyɛ ka o te dɔge o bidɔɔ dɛndɛŋ; a pore O yuori ka Yeezu.
Currently Selected:
Matio 1: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.