Gyɔɔn 16

1 # Gyn 14:29 “N da yeli la a yɛlɛ ama ko yɛ ka ka a na gu yɛ ka yɛ ta wa ŋmɛ gbɛre le. 2#Mat 24:9 Ba na digi yɛ la bare a puoruu deri poore. Serɛzaa, a saŋ waana la ka noba na ko yɛ kyɛ maŋ teɛre ka Naaŋmen la ka ba puoro. 3#Gyn 15:21 Ba na e la a ŋaa ba naŋ ba baŋ a Saa bee maa zuiŋ. 4Kyɛ N da yeli la a yɛlɛ ama ko yɛ ka ka a ba saŋ wa ta, ka yɛ na leɛ-teɛre baŋ ka N da daŋ yeli la a ba yɛlɛ ko yɛ.”

A Vooroŋ Soŋ Toma Yɛlɛ

“N da ba yeli a yɛlɛ ama ko yɛ a piiluu saŋ, bonso, N da be la yɛ zie. 5#Gyn 7:33 Kyɛ pampana ŋa N leɛ gɛrɛ la a soba na naŋ toŋ ma zie, kyɛ ka yɛ kanzaa ba soore ma, ‘Yeŋ ka fo gɛrɛ?’ 6Kyɛ N naŋ da yeli a yɛlɛ ama ko yɛ zuiŋ yɛ poore da sããɛ la. 7#Gyn 14:16; 14:26 Kyɛ a yelmeŋɛ la ka N yele korɔ yɛ: A na e la velaa ko yɛ ka N gaa, bonso, ka maa ba gaa, a yɛ Soŋnɔ koŋ wa. Kyɛ ka maa wa gaa, N na toŋ O la ka O wa yɛ zie. 8#1 Kor 14:24 Ka O naŋ wa wa, O na wuli la a tendaa noba ka ba tulee la a kyaare ne ba yelbebe, yelmennoŋ ane sɛrɛɛdiibu yɛlɛ. 9#Gyn 3:18 O na wuli ba la kyaare ne ba yelbebe ba naŋ ba sage de N yɛlɛ zuiŋ; 10#Tom 5:31; Rom 4:25 a kyaare ne yelmennoŋ, bonso, N leɛ gɛrɛ la a Saa zie, ka yɛ koŋ la nyɛ ma. 11#Gyn 12:31; 14:30 O na wuli ba la kyaare ne sɛrɛɛdiibu, bonso, a tendaa ŋa naa sɛrɛɛ di baarɛɛ la.”

12 # 1 Kor 3:1 “N naŋ taa la yɛlɛ yaga na yeli ko yɛ, kyɛ yɛ kontoɔ̃ de a zaa pampana. 13#Gyn 14:26; 1 Gyn 2:27 Ka a yelmeŋɛ Vooroŋ wa wa, O na wuli yɛ la a yelmeŋɛ zaa, bonso, O koŋ yeli O meŋɛ yɛlɛ, kyɛ yelzaa O naŋ woŋ yi a Saa zie la ka O na yeli ane yɛlɛ na naŋ na e. 14O na puu ma la, bonso, bon naŋ e N soobo la ka O na de wuli yɛ. 15#Gyn 17:10 Bonzaa a Saa naŋ taa e la N soobo. Lɛnso ka N da yeli ko yɛ ka O na de la bon naŋ e N soobo a wuli yɛ.”

Posãã Na Leɛ La Popeɛloŋ

16 # Gyn 14:19 “A koŋ kɔɔre kyɛ ka yɛ koŋ la nyɛ ma, kyɛ ka a la e belãã ka yɛ la nyɛ ma.” 17Lɛ la ka a O potuuribo mine da soorɔ taa, “Boŋ la ka O boɔrɔ ka O yeli ko te ne a ŋaa O naŋ yeli, ‘A kyɛre la belãã lɛ ka yɛ koŋ la nyɛ ma, kyɛ ka a la e belãã ka yɛ la nyɛ ma, bonso N gɛrɛ la a Saa zie’?” 18Ba da yelee la, “A ŋaa O naŋ yeli tɛgɛ la boŋ, ‘A kyɛre la belãã lɛ’? Te ba baŋ bonna O naŋ yele kyaare ne.” 19A Yeezu da baŋ ka ba da boɔrɔ la ka ba soore O, lɛnso ka O da soore ba, “Yɛ mɔɔ leɛ soorɛɛ taa N naŋ yeli a ŋaa tɛgɛ be, ‘A koŋ kɔɔre kyɛ ka yɛ koŋ la nyɛ ma, kyɛ ka a la e belãã ka yɛ la nyɛ ma’? 20Yelmeŋɛ zaa ka N yele korɔ yɛ, yɛ na ŋma la nentaŋ kyɛ koŋ, kyɛ a teŋɛzu noba na kyellɛ la. Yɛ na woŋ la tuo, kyɛ a yɛ tuo wommu na leɛ la kyelloo. 21#Aza 26:17 Ka pɔge wa te boɔrɔ dɔgebo, a o poɔ maŋ beɛrɛ la, bonso, a o saŋ taɛ la. Kyɛ ka o naŋ wa te dɔge a bie baare, o ba maŋ la teɛrɛ a tuo o naŋ da woŋ, bonso o maŋ taa la kyelloo ne o naŋ dɔge bie. 22Lɛ meŋ la ka yɛ wono tuo pampana, kyɛ N na leɛ wa nyɛ yɛ la, ka yɛ taa kyelloo yɛ sukyie poɔ. Neɛzaa kontoɔ̃ de a yɛ kyelloo yi yɛ zie. 23#Gyn 14:20; 14:13-14 A lɛ daare yɛ koŋ sɔre bonzaa yi N zie. Yelmeŋɛ zaa ka N yele korɔ yɛ, ka yɛnee wa sɔre bonzaa yi a Saa zie a N yuori eŋɛ, O na ko yɛ la. 24#Gyn 15:11 A wa te ta ŋaa, yɛ naŋ ba sɔre bonzaa N yuori eŋɛ. Yɛ sɔre, yɛ na nyɛ la, lɛ la ka yɛ kyelloo na nyɛ paaloo.”

Yeezu Potuuribo Emmaaroŋ Yɛlɛ

25“N da lɔɔ la sekpɔgɔ yeli ne yɛlɛ ko yɛ kyɛ a saŋ waana la ka N koŋ la lɔɔ sekpɔgɔ yeli ne yɛlɛ ko yɛ kyɛ N na yeli la a Saa yɛlɛ weliweli lɛ ko yɛ. 26A lɛ daare yɛ na sɔre la a N yuori eŋɛ. N ba yeli ko yɛ ka N na are la yɛ gbɛbogriŋ kyɛ sɔre yi a Saa zie ko yɛ. 27#Gyn 14:21 Bonso, a Saa meŋɛ nɔŋ yɛ la, yɛ naŋ nɔŋ ma kyɛ da sage de ka N yi la a Saa zie wa zuiŋ. 28A Saa zie la ka N da yi wa a teŋɛzu, kyɛ N la yire la a teŋɛzu a leɛ gɛrɛ a Saa zie.”

29 # Gyn 16:25 A O potuuribo da yeli ko O la, “Õõ, ŋaa fo pãã yele la yɛlɛ weliweli korɔ te, a ba la lɔɔrɔ sekpɔgɔ! 30Ŋaa eŋ te pãã baŋ ka fo baŋ la yelzaa, ka a ba fere ka neɛzaa la soore fo yelzaa. A ŋaa zuiŋ la ka te sage de ka fo yi la Naaŋmen zie.” 31Ka a Yeezu da soore ba, “Yɛ pãã sage deɛ la be? 32#Zak 13:7; Mat 26:31; Mak 14:27; Gyn 8:29 A saŋ waana la; o taɛ la gba, ka ba na ŋmɛ yɛ yaare bare ka kanzaa zo gaa o yiri kyɛ kyɛre N yoŋ. Kyɛ N ba waa N yoŋ, bonso, a Saa be la N zie. 33#Gyn 14:27; Rom 5:1; 1 Gyn 5:4 N daŋ yeli la a ŋaa ko yɛ ka ka yɛ na taa emmaaroŋ N zie. Yɛ na nyɛ la dɔgroŋ a teŋɛzu, kyɛ yɛ nyɔge yɛmenne, bonso, N zɔɔtoɔ̃ la a tendaa!”

Currently Selected:

Gyɔɔn 16: DGA

Highlight

Copy