Azaaya 2
2
A Naaŋmen Nendaare Yiri Yɛlɛ
1A yɛlɛ a Emɔz bidɔɔ Azaaya naŋ da nyɛ kyaare ne Gyuda ane Gyeruzɛlɛm la ŋa.
2 #
Mae 4:1-3
Beri naŋ waana poɔ,
a taŋ na zu a DAANA yiri naŋ are
na la a tanne zaa taŋ-wogi,
o na do gaŋ la a tambilii;
ka a nemboorɔ zaa na zoro gɛrɛ a be.
3 #
Gyn 4:22
Noba yaga na wa la, a wa yeli,
“Yɛ wa ka te do gaa a DAANA taŋ,
a gaa a Gyekɔb Naaŋmen yiri;
ka O na te wuli te O sobie,
ka te na kyɛnɛ a O sobilii poɔ.”
Bonso, a Zaayɔn poɔ la ka wuluu na yi,
ka a DAANA yelbiri yi a Gyeruzɛlɛm poɔ.
4 #
Aza 9:4
O na maŋ di la tagtaa yɛlɛ naŋ be a nemboorɔ sogɔŋ sɛrɛɛ,
kyɛ maale nɔkpeɛne naŋ be noba yaga sogɔŋ;
ba na de la ba zɔɔzɔɔ-sɔre kuri maale ne kue,
kyɛ de ba kpama kuri maale ne sɔ-wogri ba naŋ maŋ de gbɛnne ne teere;
paaloŋ koŋ la iri zɔɔ ne o tɔ paaloŋ,
kyɛ bee ka ba la zanne zɔɔre zɔɔbo.
Sɛrɛɛ Naŋ Waana Kyaare Ne Banaŋ Naŋ Ŋmeɛrɛ Ba Nyaa
5Gyekɔb yiri woi,
wa ka te kyɛŋ
a DAANA kyaane poɔ!
6Bonso, fo zagre la a fo noba sobie bare,
Gyekɔb yiri woi.
Serɛzaa, a teŋɛ paale ne la yelbeer-erebɛ naŋ yi a sapare,
ane bagebogreba naŋ waa ŋa Filistan teŋɛ noba,
ka ba ne saama nyɔge baaloŋ.
7 #
Begɛ 17:16; Mae 5:10 A ba teŋɛ paale ne la salema ane salem-pelaa,
ka ba naboma ba taa baaraa;
a ba teŋɛ paale ne la wie,
ka a ba wie-torikori ba taa noɔre.
8A ba teŋɛ paale ne la tebɛ;
ba maŋ gbi la dumo boma ba nuuri naŋ maale niŋesogɔ,
boma ba meŋɛ nubie naŋ maale.
9Azuiŋ, neɛzaa na suli la zu,
ka ba sigri neɛzaa teŋɛ;
ta di suuri ko ba!
10 #
Aza 2:19, 21 Yɛ kpɛ a piiri poɔ,
a sɔgle a tɛne poɔ
a yi a DAANA dabeɛ̃ eŋɛ,
ane O dapaaloŋ puubu poɔ.
11 #
Aza 5:15
Noba naŋ erɛ pɔloo na suli la zuri ne vi,
ka ba kanzaa pɔloo na sigri;
kyɛ ka a DAANA yoŋ na nyɛ zɛg-duobu
a lɛ daare.
12Bonso, a boma zaa DAANA taa la bebiri
a na sãã a pɔloo deme ane banaŋ naŋ wullo bamenne,
banaŋ zaa naŋ zɛge bamenne do saa ka O na sigri;
13a sãã a Lɛbanɔn nɛgaa teere,
naŋ baa e wogri;
a sãã a Basan kog-teere;
14a sãã a taŋ-wogri zaa,
a sãã a tambilii zaa naŋ do;
15a sãã kyoglokolo zaa naŋ do saa,
a sãã dankyin-kpeɛne zaa,
16 #
Sek 31:30; 1 Tim 2:9 a sãã a Taase teŋɛ gboe zaa,
a sãã a gbor-veɛle zaa.
17Ba na sigri la nensaala zaa naŋ wullo o meŋɛ,
neɛzaa naŋ erɛ pɔloo ka ba na sigri;
kyɛ ka a DAANA yoŋ na nyɛ zɛg-duobu a bebiri na daare.
18A tebɛ zaa na bɔre la kpɛlɛŋkpɛlɛŋ.
19 #
Luk 23:30
Yɛ kpɛ a tambogri,
a kpɛ a teŋɛ bogri,
a yi a DAANA dabeɛ̃
ane O puubu ane O dapaaloŋ eŋɛ,
ka O naŋ wa iri ka O tɔ dabeɛ̃ eŋ a tendaa.
20A bebiri na daare, noba na lɔɔ la
ba salem-pelaa ane ba salema tebɛ
ba naŋ maale ko bamenne a puoro a
eŋ kyokyorre ane zanzanne,
21 #
2 Tɛs 1:9
kyɛ zo kpɛ a pibogri
ane a piiri fefegre poɔ,
a yi a DAANA dabeɛ̃
ane O puubu ane O dapaaloŋ eŋɛ,
ka O naŋ wa iri ka O tɔ dabeɛ̃ eŋ a tendaa.
22 #
Piil 2:7
Yɛ bare nensaalba dɛlloo,
ba taa la vooroŋ ba nyɔbogri poɔ yoŋ,
boŋ tɔnɔ ka ba taa?
Dagaare First Bible © The Bible Society of Ghana, 2025.