Toma 22
22
1 #
Tom 7:2; 13:26 “N saamine ane n yɔɔmine, yɛ kyɛllɛ a n yelbie N naŋ yele na faa n meŋɛ.”
2 #
Tom 21:40
Ba naŋ da wa woŋ ka o yele yɛlɛ korɔ ba ane a Hiburu kɔkɔre, ba da la maaleŋ e la gbili lɛ. Lɛ la ka a Pɔɔl yeli:
3 #
Tom 5:34
“N waa la Gyuu neɛ, ka ba dɔge ma Taasus naŋ be Selusiya paaloŋ poɔ. Kyɛ a teŋkpoŋ ŋa poɔ la ka N baa a Gamaleɛ#22:3 Gamaleɛ: O da waa la Naaŋmen begɛ wulwulberemɛ a Gyuumine poɔ. nuuri poɔ, ka ba wuli ma a te sããkommine begɛ yɛlɛ zaa kyeretete. N eŋɛ da kyerɛ la ne a Naaŋmen yɛlɛ a seŋ yɛ zaa naŋ waa lɛ a zenɛ bebiri. 4#Tom 8:3 N da dɔgre la noba naŋ tu a Sori ŋa ka ba te tɔgle kũũ, a da maŋ leŋ dɔbɔ ane pɔgeba a taa te eŋ nempagdie poɔ, 5a Naaŋmen bagmaale neŋkpoŋ ane a sɛrediribe nembɛrɛ zaa na toɔ̃ di la n danseɛ. N da de la gama meŋ ba naŋ da sɛge yi ba zie a te ko a yɔɔmine naŋ be Damaskus poɔ. N da gaa la be ka N te nyɔge banaŋ naŋ da be a be a leŋ ba taa wa ne a Gyeruzɛlɛm ka ba wa dɔgre ba.”
Pɔɔl Naŋ Manne O Meŋɛ-leɛbo Yɛlɛ
(Toma 9:1-9; 26:12-18)
6“N naŋ da naŋ be a sori poɔ a da te peɛle Damaskus, aŋa ŋmentantuo saŋ, veɛloŋ kaŋ da yi la sazu a deɛ wa uri kyaane ma. 7N da le la teŋɛ kyɛ woŋ kɔkɔre kaŋ naŋ yele korɔ ma, ‘Sɔɔl, Sɔɔl, bonso ka fo dɔgrɔ ma?’ 8Ka N yelsɔge, ‘Aŋ la fo, Daana?’ Lɛ la ka O yeli ko ma, “Maa la Yeezu, a Naazɛrɛ Bie, a soba na fo naŋ dɔgrɔ.” 9A noba naŋ da be a n zie da nyɛ la a veɛloŋ kyɛ ba da ba woŋ a kɔkɔre na naŋ da yele a yɛlɛ korɔ ma. 10Ka N soore, ‘Daana, boŋ ka N na e?’ Ka a Daana yeli ko ma, ‘Iri, a gaa a Damaskus poɔ, be la ka ba na yeli ko fo bonna fo naŋ na e.’ 11N naŋ da ba la nyɛrɛ a veɛloŋ naŋ da kyaane eŋ ma zuiŋ, a banaŋ naŋ da be n zie da nyɔge la n nu a tage ma te kpɛ ne a Damaskus poɔ.
12A puoruu nimizeɛ neɛ kaŋ naŋ da tuuro a Naaŋmen begɛ, ka o yuori di Ananeɛ, ka a Gyuumine zaa naŋ kpeɛrɛ a be da porɔ o yosoŋ, 13da wa la n zie a wa are peɛle ma kyɛ yeli, ‘N yɔɔ Sɔɔl, leɛ nyɛrɛ!’ Ka a gogo na poɔ ka N deɛ leɛ nyɛrɛ, a nyɛ a Ananeɛ. 14Lɛ la ka o yeli, ‘A te sããkommine Naaŋmen la kaa-iri fo ka fo baŋ O poboɔbo, a nyɛ a Nemmeŋɛ Na kyɛ woŋ O kɔkɔre; 15bonso, fo na di la O danseɛ a tendaa zaa poɔ a kyaare ne bon fo naŋ nyɛ kyɛ woŋ. 16Pampana ŋa, boŋ ka fo la kyɛllɛ? Iri, a de suobu, a boɔlɔ O yuori a fo yelbebe pɛgebo eŋɛ.’
Ba Naŋ Toŋ A Pɔɔl A Nemboore-yobo Zie
17“N naŋ da leɛ wa a Gyeruzɛlɛm a puoriŋ, N da puoro la a Naaŋmen die poɔ, a wa nyɛ nyaabo kaŋ, 18ka a nyaabo poɔ, ka N da nyɛ Yeezu ka O yele korɔ ma, ‘Page wieũ a zo yi a Gyeruzɛlɛm poɔ, bonso, ba koŋ sage de a N danseɛ fo naŋ na di ko ba.’ 19#Tom 22:4 Ka N yeli, ‘Daana, bamenne baŋ ka a puoruudie zaa poɔ N da maŋ nyɔge la banaŋ naŋ sage de fo yɛlɛ a ŋmɛ kyɛ de ba eŋ nempagdie poɔ. 20#Tom 7:58; 8:1 Kyɛ a saŋ na ba naŋ da ko a fo dansedire Stevin, N meŋ da are la a be a da kaara a banaŋ naŋ da koorɔ o na bonsuuri.’ 21#Tom 9:15; 13:2 Lɛ la ka O yeli ko ma, ‘Gɛrɛ, bonso, N na toŋ fo la zitɔɔre zaa, a Nemboore-yobo zie.’ ”
A Pɔɔl Ane A Rom Sogyɛre Neŋkpoŋ Yɛlɛ
22 #
Tom 21:36
A noba da kyɛllɛ la a o yɛlɛ a te ta a saŋ ŋa, kyɛ pãã zɛge ba kɔkɔɛ a yeli, “Yɛ ta vɛŋ ka a neɛ ŋa tɔ be a teŋɛzu! Bonso, a ba seŋ ka o voorɔ.” 23Kyɛ ba naŋ da kyeerɛ kyɛ yagra ba kparre lɔɔrɔ, a lɔɔrɔ tɛne sazu a erɛ uuruŋ, 24a sogyɛre neŋkpoŋ da tere la noɔre ka ba taa o gaa ne a sogyɛre kpeɛbozie ka ba te feɛ o ka o yeli yelmeŋɛ, bon naŋ so ka a noba suuri iri ne o. 25#Tom 16:37; 23:27 Kyɛ ba naŋ da wa leŋ a Pɔɔl, o da soore la a sogyɛre kɔɔ neŋkpoŋ naŋ da are peɛle a be, “Sori bebe la ka ba feɛ Rom deme neɛ kyɛ ba nyɛ o saanaa be?” 26A sogyɛre neŋkpoŋ naŋ da wa woŋ a yeli ŋa, o da gaa la a sogyɛre turi neŋkpoŋ zie a te yeli ko o, “Boŋ la ka fo boɔrɔ ka fo e? A dɔɔ ŋa waa la Rom deme neɛ.” 27A sogyɛre neŋkpoŋ da wa soore la a Pɔɔl, “Yeli ko ma, fo waa la Rom deme neɛ be?” Ka o yeli, “Õõ.” 28A sogyɛre neŋkpoŋ da sɔge yelee la, “N yɔɔ la libie yaga kyɛ toɔ̃ e a Rom deme neɛ.” Ka a Pɔɔl yeli, “Kyɛ maa eŋ, ba dɔge ma la ka N waa ba kaŋ.” 29A daadaalɛ, a banaŋ naŋ da boɔrɔ ka ba gyɛle a Pɔɔl yɛlɛ nyɛ da bare o la. Dabeɛ̃ meŋ da kpɛ la a sogyɛre neŋkpoŋ, bonso o pãã da baŋɛɛ la ka a Pɔɔl waa la Rom deme neɛ kyɛ ka o e ka ba leŋ o.
Pɔɔl Naŋ Are A Sɛrediribe Niŋesogɔ
30A sogyɛre neŋkpoŋ naŋ da boɔrɔ ka o baŋ a yeli na naŋ so ka a Gyuumine da de saanaa duoro a Pɔɔl, a zie naŋ da wa nyaa, o da lori o la bare kyɛ tere noɔre ka a Naaŋmen bagmaalkare ane a sɛrediribe zaa lantaa. O pãã da taa la a Pɔɔl sigi wa ne, a e ka o are ba niŋesogɔ.
Currently Selected:
Toma 22: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.