Toma 13
13
A Vooroŋ Soŋ Naŋ Kaa-iri Banabas Ane Sɔɔl A Toŋ Ba
1 #
Tom 11:27
A Anteyɔk puoruu laŋne deme poɔ, Ŋmen-yelmanneba ane wulwulibo da be la a be: Banabas ane Simion ba naŋ boɔlɔ Nega#13:1 Nega: O tɛgɛ la Nensoglaa., Lusiyo naŋ yi Saarin ane Manayɛn naŋ da waa a naa Hɛrɔd#13:1 Hɛrɔd: A Hɛrɔd ŋa da waa la a Galili teŋɛ naa (kaa Luk 3:1). sɛrɛɛdiibu zie neɛ kaŋ ane Sɔɔl. 2Ba naŋ da leŋ noɔre kyɛ da puoro a Daana, a Vooroŋ Soŋ da yeli ko ba la, “Yɛ iri Banabas ane Sɔɔl ko ma, N boɔle ba la tonnoɔre kaŋ eŋɛ.” 3#Tom 14:23; 6:6 Ba naŋ da wa leŋ a noɔre a puori baare, ba da pare la ba nuuri ba zu kyɛ toŋ ba ka ba gɛrɛ.
A Apostoliimine Naŋ Moɔle A Yelnoore A Saapuru Teŋɛ Poɔ
4A Vooroŋ Soŋ naŋ da toŋ ba ka ba yi a lɛ, ba da sigi la Selusiya, a da yi be a kpɛ gbori gaa Saapuru. 5#Tom 12:12; 12:25 Ba naŋ da wa te ta Salamis, ba da moɔle la a Naaŋmen yelbiri a Gyuumine puoruu deri poore. Gyɔɔn da be la ba zie a soŋnɔ ba. 6Ba naŋ da yoɔrɔ a Salamis teŋɛ a te ta Pafos, ba da nyɛ la yelbeere erɛ kaŋ naŋ da waa a Gyuumine kaŋwaa Ŋmen-yelmanna ka o yuori di Baa-Yeezu. 7O da be la a gɔbena Sɛregyiyos Pɔɔlos naŋ da e neɛ naŋ taa yɛŋ zie. A gɔbena da boɔle la a Banabas ane Sɔɔl a boɔrɔ ka o kyɛlle woŋ a Naaŋmen yelbiri. 8#2 Tim 3:8 Kyɛ a yelbeere erɛ Elimas (a yuori tɛge la a lɛ a Girik kɔkɔre poɔ) da pigi la ba sori, a da erɛ aneɛ ka a gɔbena ta sage de a Naaŋmen yelbiri. 9Kyɛ a Sɔɔl na yuori kaŋ naŋ da di Pɔɔl, da paale ne la a Vooroŋ Soŋ. A Pɔɔl da kaa o la tĩĩ 10kyɛ yeli, “Fõõ sebɛlbɛllɛ bie, mennoŋ zaa dɔndɔma, fo paale ne la bɛllɛ kyɛ e golgole soba. Fo koŋ bare a Daana sobie naŋ tori gɔmbaroo be? 11Pampana ŋa, kyɛlle woŋ, a Daana zɛge la O nu a na zɔɔ ne fo. Fo na zɔ̃ɔ̃ la te ta saŋ kaŋ, a koŋ la nyɛ a ŋmenaa.” A tɔntɔbaalɛ lɛ, ka o deɛ zɔŋ a yɔ gbaala boɔrɔ neɛ naŋ na tagra o. 12A gɔbena naŋ da nyɛ a yɛlɛ naŋ e, o da sage deɛ la, bonso, o noɔre da maaɛ la ne a yelbie ba naŋ da kanne kyaare ne a Daana.
Pɔɔl Ane Banabas Naŋ Ta Anteyɔk Naŋ Be Pisidiya Paaloŋ
13 #
Tom 15:38
Lɛ la ka Pɔɔl ane o taaba da yi a Pafos a kpɛ gbori gaa Pɛɛga naŋ be Pamfiliya paaloŋ poɔ. Gyɔɔn eŋ da bare ba la kyɛ leɛ gaa Gyeruzɛlɛm; 14kyɛ ba da yi la a Pɛɛga a gaa Anteyɔk naŋ be Pisidiya paaloŋ poɔ. A pɛnnoo bebiri daare, ba da gaa kpɛ la a puoruudie poɔ a te zeŋ. 15#Tom 15:21 Ba naŋ da wa kanne a Naaŋmen nɔɛ ane a Ŋmen-yelmanneba gama baare, a puoruudie nembɛrɛ da toŋɛɛ la ka ba wa yeli ko ba, “N yɔɔmine, ka yɛnee wa taa yelbiri zaa ka yɛ yeli teɛ a noba, yɛ wa yeli.” 16Lɛ la ka Pɔɔl da iri are kyɛ lɔɔ o nu a piili yele, “Yɛnee Izerayɛl biiri ane banaŋ naŋ zoro Naaŋmen, yɛ kyɛlle woŋ. 17#Aza 1:2; Yiib 12:37; 12:41; 14:8 A Izerayɛl noba ŋa poɔ la ka Naaŋmen da kaa-iri a te sããkommine, a e ka ba waa gandaare a saŋ na ba naŋ da be a Igyipiti teŋɛ poɔ. O da taa ba la yi ne a be ane O ganda-nu. 18#Yiib 16:35; Sɔr 14:34; Begɛ 1:31 O da laŋ kpɛ ne ba la aŋa yuomo lezaayi a wɛgyɛŋ poɔ. 19#Begɛ 7:1; Gyos 14:2 O naŋ da wa te ŋma tenne ayopoĩ a Keeina teŋɛ poɔ, O da ko ba la a ba teŋɛ ka o e ba gbandi-bon 20#Wed 2:16; 1 Sam 3:20 ka a te e ŋa yuomo kɔɔraanaare ane lezaayi ne pie. A lɛ puoriŋ, O da ko ba la sɛrediribe a te ta a Ŋmen-yelmanna Samowɛl saŋ. 21#1 Sam 8:5; 10:21; 10:24 Lɛ la ka ba da sɔre Naaŋmen ka O ko ba naa, ka Naaŋmen da ko ba Sɔɔl, a Kis bidɔɔ naŋ da e a Bɛngyamen bale neɛ ka o di naaloŋ yuomo lezaayi. 22#1 Sam 16:12-13; 13:14 A Naaŋmen naŋ da wa yage a Sɔɔl a naaloŋ zu, O da eɛɛ la ka Devid di a naaloŋ. A Naaŋmen da di la a Devid danseɛ a yeli, ‘N nyɛ la Devid, a Gyesi bidɔɔ, ka o waa N yɛŋ neɛ. Ona la na toŋ a N poboɔre yɛlɛ zaa.’ 23#2 Sam 7:12; Aza 11:1 A dɔɔ ŋa biiri poɔ la ka Naaŋmen da ko a Izerayɛl biiri a Yeezu ka O e a ba Faara, a seŋ O naŋ da eŋ noɔre lɛ; 24#Luk 3:3 O naŋ da naŋ ba wa sɛre, Gyɔɔn da daŋ moɔle la meŋɛ-leɛbo suobu yɛlɛ ko a Izerayɛl noba zaa. 25#Gyn 1:20; 1:27; Luk 3:16; Mak 1:7 A Gyɔɔn naŋ da wa te baara a o toma, o da soore ba la, ‘Yɛ teɛre ka N waa la nembuo? Maa naane o. Ai, kyɛ neɛ kaŋ na tu la n puori wa; N ba seŋ ne O nɔɔteɛ mie loruu.’ ”
26 #
Tom 13:46
“N yɔɔmine, yɛnee a Aboraham boorɔ ane yɛ banaŋ naŋ zoro Naaŋmen, tenee la ka ba tere a faabo yelbiri ŋa. 27#Gyn 16:3 Kyɛ a banaŋ naŋ kpeɛrɛ a Gyeruzɛlɛm ane ba wederebɛ da ba baŋ O bee a baŋ a Ŋmen-yelmanneba yelyelii ba naŋ da maŋ kanne a pɛnnoo bebiri daare tɛgɛ. Ba da di la O kũũ sɛrɛɛ a ko O ka ka a yelbie ama na tu a tuubu. 28#Mat 27:22-23 Aneazaa ka ba da ba nyɛ yelzaa ka O e a seŋ ne koobo, kyɛ ba da yeli ko la Pilato ka o ko O. 29#Mat 27:59-60 Ba naŋ da wa e ka a yɛlɛ zaa ba naŋ da sɛge kyaare ne O nyɛ eebo, ba pãã da yage O la a daa zu a te ũũ. 30#Tom 3:15 Kyɛ Naaŋmen da eɛɛ la ka O leɛ-iri a kuuni poɔ; 31#Tom 1:3 a da de O meŋɛ wuli a banaŋ naŋ da tu O yi a Galili a do a Gyeruzɛlɛm beri yaga. Pampana, ba na la e O dansediribe a ko a noba. 32#Tom 13:23 Kyɛ te taa la a yelnoore na Naaŋmen naŋ da eŋ noɔre ka O na ko la te sããkommine a wa na ko yɛ. 33#Yiel 2:7 O da eɛɛ la ka a tu a tuubu, tenee a ba biiri zie, a e ka Yeezu leɛ-iri a kuuni poɔ a seŋ ba naŋ sɛge a yieluŋ gane ayi soba poɔ lɛ,
‘Fõõ la a N Bidɔɔ;
zenɛ ka N dɔge fo.’
34 #
Aza 55:3
A Naaŋmen naŋ da e ka a Yeezu leɛ-iri a kuuni poɔ a koŋ la kpi zaa, O da yeli la ŋaa:
‘N na ko yɛ la a nɔsonne na N naŋ da eŋ ko Devid.’
35 #
Yiel 16:10
A lɛ zuiŋ, O da la yeli la a yieluŋ gane zie kaŋ,
‘Fo koŋ sage ka a fo Nensoŋ wɛ.’
36 #
Tom 2:29
A Devid naŋ da wa te toŋ a Naaŋmen poboɔbo baare, o da kpie la ka ba ũũ o a o sããkommine zie ka o poɔ̃; 37kyɛ a Onaŋ Naaŋmen naŋ e ka O leɛ-iri a kuuni poɔ ba nyɛ poɔ̃mo. 38#Tom 10:43 N yɔɔmine, yɛ baŋ a yeli ŋa velaa, ka a neɛ ŋa zie la ka ba tu a moɔle a yelbebe sudi yɛlɛ ko yɛ; 39#Sɔr 15:30; Rom 10:4 Neɛ na zaa naŋ sage de a Yeezu ŋa yɛlɛ, na nyɛ la faabo a yi a yelbebe na zaa poɔ a Mooziz nɔɛ naŋ da kontoɔ̃ faa. 40#Hab 1:5 Yɛ gu yɛmenne velaa ka a yɛlɛ na a Ŋmen-yelmanneba naŋ da yeli ta pɔge yɛ:
41‘Nyɛ, yɛnee nen-elaareba ŋa!
Ka nɔmaa kpɛ yɛ kyɛ ka yɛ wɛ,
bonso, N tonɔ la toma a yɛ bebie ama poɔ,
toma na yɛ naŋ daŋ koŋ sage de, haali gba ka neɛ kaŋ wa yeli ko yɛ.’ ”
42A Pɔɔl ane Banabas naŋ da wa yire, a noba da sɔre ba la ka ba leɛ wa a pɛnnoo bebiri naŋ waana a wa manne a yɛlɛ na zaa ba naŋ da manne ko ba. 43#Tom 11:23 A lammo yɛlɛ naŋ da wa baare ka a noba yaare, a Gyuumine ane a puoruu nimizeɛ deme naŋ da kpɛ a Gyuumine puoruu da tu la a Pɔɔl ane Banabas puori ka ba yeli ko ba ka ba eŋ faŋ a taa a Naaŋmen garaaseɛ velaa.
44A pɛnnoo bebiri naŋ da la wa ta, a teŋɛ noba yaga zaa zie da laŋ la taa a na kyɛlle a Daana yelbiri. 45#Tom 13:50; 14:2 Kyɛ a Gyuumine naŋ da wa nyɛ a noba ka ba waa yaga lɛ, ba da erɛ la nyuuri; a toorɔ Naaŋmen zoma, a kyɛ da ŋmeɛrɛ nɔkpeɛne ne a Pɔɔl. 46#Tom 3:26; Mat 10:6; Luk 7:30 Lɛ la ka Pɔɔl ane Banabas da ba zo dabeɛ̃, a kyɛ yele, “Yɛnee la seŋ ne ka ba daŋ moɔle a Naaŋmen yelbiri ko, kyɛ yɛ naŋ zagre ka yɛ de zuiŋ, a kyɛ nyɛ ka yɛ ba seŋ ne a nyɔvore naŋ ba taa baaroo taabo, te gɛrɛ la a Nemboore-yobo zie. 47#Aza 49:6 A lɛ zuiŋ la ka a Daana da ko te noɔre a yele,
‘N eɛɛ la ka fo waa veɛloŋ ko a Nemboore-yobo
ka ka fo na e ka faabo ta a tendaa ziiri zaa.’ ”
48 #
Rom 8:29
A Nemboore-yobo naŋ da wa woŋ a yelbie ama, ba poore da pɛle la yaga zaa, ka ba puuro a Daana ane O yelbiri, kyɛ a banaŋ zaa Naaŋmen naŋ da kaa-iri ka ba nyɛ nyɔvo-babaaraa da sage de la a yɛlɛ. 49Lɛ la ka a Daana yelbiri da yaare a paaloŋ na zaa poɔ. 50Kyɛ a Gyuumine da tɔ la a teŋɛ pɔgeyoe naŋ da puoro Naaŋmen ne nimizeɛ ane a teŋɛ nenzuri eŋ ka ba dɔgre a Pɔɔl ane Banabas, kyɛ da digi ba ka ba yi a ba paaloŋ poɔ. 51#Tom 18:6; Mat 10:14 Lɛ la ka ba da piŋ ba gbɛɛ uuruŋ ane posaanaa eŋ ba kyɛ gaa Ikonio. 52A potuuribo da paale ne la popeɛloŋ ane a Vooroŋ Soŋ.
Currently Selected:
Toma 13: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.