Toma 12
12
Ba Naŋ Ko Gyems Kyɛ Nyɔge Piita Pɔge
1 #
Tom 4:3
A saŋ na Naa Hɛrɔd da iri la o nimiri eŋ a puoruu laŋne deme mine eŋɛ a da dɔgrɔ ba. 2O da eɛɛ la ka ba ko Gyems, a Gyɔɔn yɔɔ, ne zɔɔzɔɔ-soɔ. 3O naŋ da wa nyɛ ka a lɛ pɛle la a Gyuumine poɔ, o da nyɔge la Piita meŋ. (A da waa la a Boroboro Dambo tigri saŋ.) 4O naŋ da nyɔge a Piita, o da eɛɛ la ka ba pɔge o, kyɛ e ka sogyɛre banaare ziiri anaare a guuro o. A Hɛrɔd da boɔrɔ la ka a Ista tigri wa di yi baare kyɛ ka o pãã taa o yi ne a noba zie. 5Kyɛ a Piita naŋ da be a nempagdie poɔ, a puoruu laŋne deme da moɔ la nimiri a puoro Naaŋmen a korɔ o.
Maleke Naŋ Iri A Piita Yi Ne A Nempagdie Poɔ
6A tensogɔ na a naŋ na nyaazie ka a Hɛrɔd iri a Piita wa ne a noba zie, ba da leŋ la Piita ne banzɔlɔ ayi ka o gaŋ sogyɛre bayi sogɔŋ, kyɛ ka guguuribo are guuro a nempagdie dendɔre. 7#Tom 5:19 Ba wa berɛ ka a Daana maleke la deɛ wa uri sãã kyɛ ka veɛloŋ puri kyaane a nempagdie poɔ. A maleke da peɛre la a Piita lamboriŋ a seŋ o, a yele, “Vaa-iri wieũ.” Ka a banzɔlɔ yi o nuuriŋ fo le. 8A maleke da yeli ko o la, “Leŋ a fo bɛlɛnte,#12:8 Bɛlɛnte: A dakoroŋ saŋ ba da boɔlɔ la a bɛlɛnte ka Kpagre a eŋ a fo nɔɔteɛ.” Ka o e a lɛ. Ka a maleke yeli ko o, “De a fo kpar-kpoŋ su, a tuuro ma.” 9A Piita da yi tuuro la a maleke; kyɛ o da ba baŋ ka bonna a maleke naŋ da erɛ da waa la yelmeŋɛ, o da teɛrɛ ka nyaabo kaŋ la ka o da nyɛrɛ. 10Ba naŋ da wa te zuo a dendɔre guuribo dɛndɛŋ deme bare, a la wa gaŋ a ayi soba bare, ba da wa ta la a kurdendɔre na ba naŋ maŋ tu kpɛ a teŋkpoŋ poɔ. A dendɔre da yuo la o meŋɛ ka ba tu yi, a te tu sobiri kaŋ kyɛnɛ a wa berɛ ka a maleke deɛ more kyɛ bare a Piita. 11Lɛ la ka a Piita niŋe da vɛle ka o yeli, “Pampana ŋa, N pãã baŋ la velaa ka a Daana la toŋ a O maleke ka o wa faa ma yi a Hɛrɔd nuuri poɔ ane a yɛlɛ na zaa a Gyuu noba naŋ da kyɛllɛ ka a e.”
12 #
Tom 15:37
O niŋe naŋ da wa vɛle, o da gaa la Gyɔɔn ba naŋ boɔlɔ Mak ma, Maria yiri, a be la ka noba yaga da lantaa a puoro. 13O naŋ da wa te kpaare a dendɔ-kpoŋ pane, tonton-pɔgsarlee kaŋ yuori naŋ di Roda da waɛ la ka o yuo a pane. 14O naŋ da wa te woŋ a Piita kɔkɔre a baŋ ka ona la, o poɔ da pɛlɛɛ la yaga, ka a naŋ da seŋ ka o yuo a dendɔre, o da ba yuo, kyɛ leɛ zo kpɛ te yeli ka Piita la are a dendɔreŋ. 15#Luk 24:37 Ka ba da yeli ko o, “Fo zu ba kyebe!” Ka o kpãã toori a yele ka a sereŋ waa la lɛ. Ka ba da yeli, “A o maleke la.” 16Kyɛ ka Piita da naŋ kyɛnɛ kpaara a pane; kyɛ ba naŋ da wa yuo a pane, ba da nyɛ o la ka ba nɔɛ zaa da maa. 17A Piita da lɔɔ la nu ka ba bare gɔmɔ, kyɛ ka o manne ko ba lɛnɛɛ a Daana maleke naŋ iri o yi a nempagdie poɔ. O da la yelee la, “Yɛ manne a yeli ŋa ko Gyems ane a yɔɔmine.” A lɛ puoriŋ, o da bare ba la kyɛ gaa ziyuo.
18 #
Tom 5:21-22
Zie naŋ da wa te nyaa, dɔɔne kpoŋ da kpɛ la a sogyɛre sogɔ, bonso, ba da ba baŋ a Piita naŋ e lɛ. 19A Hɛrɔd naŋ da e ka ba bɔ a Piita kyɛ ba nyɛ o, o da peɛre la a guguuribo a soore ba a naŋ ta lɛ. A lɛ puoriŋ, o da tere la noɔre ka ba ko ba. A Hɛrɔd pãã da yi la Gyudiya a sigi gaa te kpeɛrɛ Sezaareya teŋɛ poɔ.
A Hɛrɔd Kũũ Yɛlɛ
20 #
1 Nam 5:11; Ezɛk 27:17 A Hɛrɔd suuri da iri ne la a Taaya ane Sidɔn tenne noba. Lɛ la ka a Taaya ane a Sidɔn tenne noba da lantaa wa o zie, a wa sɔre Bilastus, a neɛ na naŋ da kaara a naa diganaa zu, ka o te mɔgle a naa ka ka ba leɛ maale taa. Bonso, a Taaya ane a Sidɔn deme bondirii da yire la a Hɛrɔd paaloŋ poɔ. 21A bebiri naŋ da wa ta, a Hɛrɔd da su la o nakparre a do zeŋ o nakogi zu kyɛ yeli yɛlɛ ko ba. 22#Ezɛk 28:2 A noba da kyaara la a yele, “Ŋmen kɔkɔre la a ŋa, o ba e nensaala kɔkɔre!” 23#Dan 5:20 A paretɛloŋ lɛ ka a Daana maleke deɛ da ŋmɛ a Hɛrɔd lɔɔ, o naŋ da ba de a puubu ko Naaŋmen zuiŋ. Dandulo da di o la ka o kpi.
24 #
Tom 6:7; Aza 55:11 Kyɛ a Naaŋmen yelbiri da naŋ kyɛnɛ yɛllɛ la ka noba poɔrɔ a puoruu poɔ. 25#Tom 11:29; 12:12; 15:37 Banabas ane a Sɔɔl naŋ da wa toŋ a ba toma baare, ba da leɛ gaa la Gyeruzɛlɛm, a da taa Gyɔɔn na yuori kaŋ naŋ da di Mak gaa ne.
Currently Selected:
Toma 12: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.