Romanos 15
15
1Jare qo'j che ko ujtk'al chpam qakojb'al ruk' Dios, nmister che kqato' nk'aj qachlal che mja kyu'on ko chpam kkojb'al. Xaw taj kqa'ano chinchke utz kqil qo'j che xaq chiquch qo'j utz kqil wi. 2Chiqjunjnal chqana' chinchke utz kikkil nk'aj chik qachlal. Jare chqana' chinchke pre chke nk'aj chik qachlal kqa'ano, rech jala' kiyikwor chpam kkojb'al ruk' Dios. 3Jare utz we jala kqariqo peche xuriq Qajaw Jesucristo, mal Re xaw taj xu'ono chinchke utz kuril Re, miskini' jare Re Dios. Xani jare xu'ono chinchke utz kuril uQaw Dios, miskini' xa xketz'b'ej uwuch mnaq, jala peche su tz'ib'tal kan chpam Tyox Wuj, che kub'ij: «Nk'aj yob'al tzij che xikb'ij mnaq che la, xa chwij in xqaj wi»,#Sal 69:9. kcha'. 4Runjel su xtz'ib'ax loq chpam Tyox Wuj ujer, jarewa uptan rech kujutjoj, rech kqakub'a qak'u'x chrij Dios. Kqach'ijo su kqariq chpam qak'asnmal, ko kujtk'e' chpam qakojb'al che rib'xik su kuya na Dios chqe, mal jarela kuk'ut Tyox Wuj chiquch. 5Ri Qajaw Dios kuya ichu'ab' rech kich'ij k'ax, soq kukub'saj ik'u'x. Kinta che Dios che ku'on chiwe che xa jun iwanma' ki'an chiwuch, rech soq jala ki'ano, peche xu'on Qajaw Jesucristo. 6Rech jala', iwunjel ruk' xa jun ich'ab'al, jnam kinmirsaj u'ij Dios che jare uQaw Qajaw Jesucristo.
7Xa rmal, kimb'ij chiwe ix iwunjel jumpa iwuch ixaj Roma, chik'laj iwib' chiwuch jala peche xu'on Qajaw Jesucristo, che xujuk'laj. We jala ki'ano, nk'aj mnaq kikmaj unmirsaxik u'ij Dios. 8Kimb'ij chiwe che jare Qajaw Jesucristo xpitik, xikje chi' chuchlew. Xyuto' nk'aj mnaq che iyaj Israel, rech kuk'utu che ri Qajaw Dios kub'ij saqlaj tzij y ku'on na runjel su ub'im kan chke qati' qamam ujer che ku'ono. 9Soq xpi Qajaw Jesucristo rech ku'on chke nk'aj mnaq che iyaj Israel taj che kkinmirsaj u'ij Dios. Ke kkinmirsaj u'ij rech kkityoxij che, che mas xel uk'u'x chke, jala peche tz'ib'tal kan chpam Tyox Wuj che kub'ij:
«Xa rmal, kinmirsaj ij la echi' n'o chikxo'l nk'aj mnaq che iyaj Israel taj,
in kimb'xaj na b'ix che unmirsaxik ij la», kcha'. (Sal 18:49)
10Jala kub'ij chpam jun chik uxaq wuj chpam Tyox Wuj:
«Chixki'kat ixjumpa ix che ixaj Israel taj, chixki'kat kuk' mnaq che irech Dios», kcha'. (Dt 32:43)
11Pjun chik uxaq wuj chpam Tyox Wuj, jawa kub'iji':
«¡Chinmirsaj u'ij Qajaw Dios iwunjel ix che ixaj Israel taj.
Chikjo u'ij runjel jumpa tinmit!» kcha'. (Sal 117:1)
12Jala xub'ij najb'il utzij Dios che Isaías ub'i' chpam Tyox Wuj:
«Kalax na jun chikxo'l nk'aj ri'y umam u Isaí ujer.#15:12 U Isaí jare re uqaw un rey David. 1S 17:12; Mt 1:6. U Jse, che jare uqaw Jesucristo chi' chuchlew, jare ri'y umam u David. Mt 1:16-24; Lc 3:23,31-32. Jesucristo jare ri'y umam u David. Mt 1:1.
Jare Dios kukoj che nim reqle'n pkijlom nk'aj tinmit,
ni nk'aj mnaq che iyaj Israel taj kikb'e' na kk'u'x chrij Re», kcha'. (Is 11:10)
13Ruk' Qajaw Dios kpi wi ri kub'sb'al qak'u'x che kuya na su ub'im kan chqe. Kinta che che kunojsaj iwanma' ruk' nimlaj ki'ktem, soq jnam kuya utzil chixo'l rmal ikojb'al ruk', rech jala' qatz kikb'e' ik'u'x chrij Dios rmal uchu'ab' Tyoxlaj Uxlab'xel che uy'om chiwe.
U Pablo xch'aw chrij uchak uy'om Dios
14Qachlal, qatz wit'am chik su inom chpam ikojb'al che nojnaq ik'asnmal che u'anik utzlaj taq chak. Tz'qatnaq ipinsar, nim ichomb'al olik. Xa jala' wit'am chik che kixkunik kipixb'ej iwib' chiwuch. 15Per miskini' jala', xintz'ib'aj un wuji' chiwe. Ximb'ij chpam runjel jumpa su o pink'u'x, rech jala' kink'suj pipinsar runjel ri' che xiwit'amaj loq ujer. Xin'an kwil ximb'ij chiwe, rmal ut'ob' Dios che uy'om chwe. 16Ri Dios xuya nchu'ab' rech kinok che jun ajchak rech Jesucristo chikxo'l nk'aj mnaq che iyaj Israel taj. Jarewa niptan, rech kimb'ij utzlaj taq rson chrij Qajaw Jesucristo chke. In kimb'ij utzlaj taq rson chrij Qajaw Jesucristo chke mnaq che iyaj Israel taj, rech kikjach na kib' pu'ab' Dios che jun sipnik che puro kqaj chjuch Dios, rech kiyok na che tyoxlaj taq mnaq rmal Tyoxlaj Uxlab'xel.
17Xa rmal che in najkojnel che Jesucristo, kki'kat wanma' rmal uchak Dios che uy'om pin'ab', rech kinya ub'ixik utzlaj utzij chke nk'aj mnaq che iyaj Israel taj. 18In ot su kri' su kimb'ij wet mitji jare Jesucristo unom uchak chpam nk'asnmal. Xa rmal, kyinto' nk'aj mnaq che iyaj Israel taj rech kikkoj utzij Dios, rmal tzij che kimb'ij chke, soq rmal nchak che ninom chikxo'l. 19Nk'aj mnaq xkil uchu'ab' nk'aj k'utb'al rich'il uchu'ab' nk'aj nmaq taq k'utb'al che su miyb'al rilik, rmal uchu'ab' Tyoxlaj Uxlab'xel. Xinmaj nchak chpam tinmit Jerusalén, jala ninom naj ximb'in chpam nk'aj chik tinmit, ast retal xino'pan chpam tinmit Ilírico,#15:19 Ilírico soq kb'ix Iliria che. rech ximb'ij utzij Dios. Xintz'qatsaj ub'ixik utzlaj taq rson chrij Qajaw Jesucristo chke kunjel jumpa mnaq jachi taq ximb'in wi. 20Jala unom, kok'il xinkoj nchu'ab' che ub'ixik utzlaj taq rson chke mnaq chrij Qajaw Jesucristo chpam nk'aj tinmit jachi ktom taj ub'i'. Jala xin'ano, rech ot jun chak kin'ano che xa mjom chu'anik kmal nk'aj chik mnaq, jala peche u'anik jun ajb'nal ja che kuyak jun ja pujlom jun utk'alb'al ja che antajnaq chik rmal jun chik mnaq, jala taj kwaj in kin'ano. 21Jala peche tz'ib'tal kan chpam Tyox Wuj chrij nutaqo'n Dios che jare ajTo'lke mnaq che kub'ij:
«Kkil na mnaq su ku'on Re che ot jun b'welt ktom rson chrij.
Nk'aj mnaq che ktom taj ujer, chewa chanim kiktatb'ej y kikch'ob' na chin Re», kcha. (Is 52:15)
U Pablo kuchomaj k'e che kilik nk'aj qachlal chpam tinmit Roma
22Xa rmal chak che kintjin che u'anik, nkunaq taj nb'enaq che iwilik, miskini' k'i b'welt chik che jare t xwaj in wet kixinwla'. 23Per ni le' xink'is runjel nchak chi' chpam nk'aj tinmiti'. Otchich jachi kimb'e wi mal otchich jun lyar jachi mja kikta utzij Dios mnaq. Xa jala' k'i jnab' chik b'enaq che, che mas kwaj kinkje iwuk', per tela le' xuriq ij che, che kimb'e che iwilik. 24Xa rmal, kinchomaj kin'ax na iwuk' echi' kimb'e pukwent España. Mas ku'l nk'u'x che che kixinwil na echi' kin'ax chla'. Kinkanaj kan ch'in chla' iwuk' rech kki'kat wanma'. Kimb'och'ij ijlom rech knito' ruk' su nmister chwe ptaq b'e echi' kimb'ek. 25Per ni le' jare kimb'e chpam tinmit Jerusalén rech kink'am b'i jun kchuj rech to'b'alke nk'aj ajkojnel che o nmister chke chla', 26mal nk'aj ajkojnel chla' pukwent Macedonia, rich'il nk'aj iy'o pukwent Acaya, ke xikchomaj chpam kanma' xikmol jun kchuj rech kjach chikuch mnaq che xa mas ipobre che iy'o chikxo'l ajkojnel chpam tinmit Jerusalén. 27Kitkel xikch'ob'o che jala kik'ano, mal nk'aj ajkojnel iy'o pukwent Macedonia rich'il nk'aj iy'o pukwent Acaya, che iyaj Israel taj, peche mow o kk'as kuk' nk'aj ajkojnel iy'o chla' chpam tinmit Jerusalén. Peche mow o kk'as kuk', mal kiy'om jun nimlaj utzil rech utzij Dios chke. Ni le', jare utz che nk'aj aj Israel taj kikto' nk'aj aj Israel ruk' su nmister chke chpam kk'asnmal. 28Xa jala' echi' kink'is u'anik ntaqkil chla' Jerusalén, y kjachtaj kan un kchuj chke nk'aj qachlal, tik'ri kinel loq chla' y kin'ax iwuk' echi' kimb'e pukwent España. 29Wit'am che echi' kino'pan iwuk', jare Qajaw Jesucristo kuya na u'ab' pqajlom rech kunojsaj qanma' che ki'ktem jnam iwuk'.
30Ix qachlal xa kiximb'och'ij pub'i' Qajaw Jesucristo, y rmal lo'b'al uk'u'x Tyoxlaj Uxlab'xel che usipam chqe, rech jnam kqakoj qachu'ab' che u'anik qach'ab'al ruk' Dios. Xa jala' china ich'ab'al ruk' Dios pnijlom. 31Chita che Dios che knuto' pik'ab' mnaq che iy'o pukwent Judea che kikkoj t utzij Qajaw Jesucristo. Chita che Dios rech nk'aj ajkojnel che iy'o chpam tinmit Jerusalén kikk'am na un kchuj ruk' ki'ktem, che kink'am b'i chke. 32We jala kelik, soq we jala kraj Dios, kino'pan na iwuk' ruk' ki'ktem y kinriq na u'xnem chla' iwuk'. 33Jaretb'a Qajaw Dios che jare Re Rjaw nimlaj utzil kikje iwuk' nimlaj iwunjel. Amén.
Currently Selected:
Romanos 15: qucSAS
Highlight
Copy
Compare
Share
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global