Romanos 12
12
Nmister che kqajach qak'asnmal pu'ab' Dios
1Jare Dios mas xel uk'u'x chqe, qachlal. Xa rmal, iwunjel ix kiximb'och'ij rech kijach iwib' pu'ab' Dios ruk' jun ch'ajch'oj ik'asnmal rech kinmirsaj u'ij Dios, rech jala' peche mow jun sipnik che puro k'aslik kqaya chjuch qaDios, peche jun tyoxlaj sipnik. Kijach iwib' pu'ab' Dios rech ki'an uchak Re mal jare mas kqaj chjuch we jala ki'ano. Jarewa tz'qatlaj ichomnik kel loq chpam iwanma'. 2Mi'an iwe ix peche kik'an mnaq, che xa kiy'om kib' ptaqik, rmal su kutzjuj uwuchlew. Jare ix chik'xa imow chpam iwanma', chiy'a che Dios che kuk'ex ik'asnmal rech ku'on k'ak' che ipinsar, xa jala' kixkunik kiwit'amaj su kraj Dios chiwe. Dios jare kraj utz, rich'il su kqaj chjuch Re, rich'il sutaq tz'qat chjuch Re.
3Rmal ut'ob' Dios che uy'om chwe, kimb'ij chiwe iwunjel: o jun chiwe muchomaj che mas nim reqlem. Xaq xaw chuchomaj chinchke pre che ku'ono. Chichomaj iwib' chijunjnal ruk' saqlaj ipinsar, jala peche ikojb'al xusipaj Dios chiwe. 4Jala peche unom ucuerpo jun mnaq, xa jun ucuerpo olik per k'i uwuch ruk'am rib', peche mow o u'ab', o rqan y o uxkin, y jaljoj kchak chikjunjnal per kikto' kib' chikuch. Y kunjel taj che jnam uwuch kchak. 5Soq jala u'anik qanom qo'j, miskini' ujk'i, per xa jun qawuch chjuch Jesucristo. Qunjel qarqom qib', jala peche qacuerpo che k'i uwuch ruk'am rib', y ot jun kub'ij che mas nim reqlem chjuch jun chik.
6Dios uy'om chqe che jaljoj qachu'ab' olik. Jare rmal ut'ob' kusipaj qachu'ab', jala peche su kraj Re. Chinoq chiwe che sipam kchu'ab' rmal Dios rech kik'axij tzij chke mnaq che y'om chke rmal Dios, utz chikna', jala peche unmal kkojb'al che uy'om Dios chke. 7Chinoq chiwe che Dios usipam kchu'ab', che kto'ik nk'aj ajkojnel, pre chke kikto'o. Chinoq chiwe che Dios usipam kchu'ab' che ktojxik nk'aj ajkojnel, pre chke kkitjoj. 8Chinoq chiwe che Dios usipam kchu'ab' che uya'ik kowlaj k'u'x chke nk'aj ajkojnel, chkiy'a kowlaj k'u'x chke. Chinoq chiwe che Dios usipam kchu'ab' che kto'ik nk'aj ajkojnel che o nmister chke, xa mikxu'yej. Chinoq chiwe che Dios usipam kchu'ab' rech kiyok che ajk'mal b'e chke nk'aj ajkojnel, utz chki'na che uk'amik kb'e. Chinoq chiwe che Dios usipam kchu'ab' rech kikkil to'b'al kwuch nk'aj ajkojnel che kirqom k'ax, chikla to'b'al kwuch ruk' ki'ktem.
9Chil'oj iwib' chiwuch, per ruk' keb' iplaj taj ki'ano. Chixtuj uwuch jumpa sutaq'ik che xa rech itzel. Chijcha iwib' che u'anik utz chjuch Dios. 10Chil'oj iwib' chiwuch, peche u'anik puro iwachlal iwib'. China che che nim iweqlem chiwuch, nim chiwla wi iwib' chiwuch. Chikjo i'ij chiwuch. 11Chikjo ichu'ab' che u'anik su kraj Dios chiwe. Xa mi'ano che xa mas kik'ayo. Chitaqej Qajaw Jesucristo ruk' runjel iwanma'. China uchak Re, ruk' ichu'ab' che kuya Tyoxlaj Uxlab'xel. 12Chixki'kat che rib'xik mal ku'l ik'u'x chrij su iwi'em che kya na chiwe rmal Dios. Chich'ja u'xom runjel uwuch k'ax che kiriqo. Chitaqej u'anik ich'ab'al ruk' Dios. 13Chit'o nk'aj ajkojnel ruk' su nmister chke. Chik'laj ruk' utzil jumpa mnaq che kiyo'pan iwuk', chiy'a kposada rech kiwar iwuk'. 14Chita che Dios rech kuya utzil pkijlom mnaq che xa kixkkoqtaj rech kik'an k'ax chiwe. Chita che Dios che kuya u'ab' pkijlom, y xa mita che che kuk'ejsaj kwuch. 15Chixki'kat kuk' mnaq che kiki'ktik. Chil ik'u'x chke mnaq che xa kiyib'sonik. 16Chiwuk'aj iwib' chiwuch ruk' ki'ktem. Xa minmirsaj iwib' chiwuch, xa chiwuk'aj iwib' kuk' mnaq che ot keqle'n. Xa michomaj ix che runjel iwit'am chik.
17We o chin jun ku'on k'ax chiwe, xa mi'an uk'xel che. Jare chikjo ichu'ab' che u'anik chinchke utz kikkil kunjel mnaq, xaw taj ki'ano chinchke utz kiwil ix. 18China runjel jumpa kixkun che u'anik rech kikje nimlaj utzil chixo'l kuk' kunjel jumpa mnaq. 19Lo'laj taq qachlal, xa mi'an uk'xel k'ax che kik'an mnaq chiwe. Xani chiy'a kan pu'ab' Dios, rech jare Re kuk'ejsaj kwuch nk'aj ajb'nal taq k'ax, mal jala tz'ib'tal kan chpam Tyox Wuj che kub'ij:
«Jare in kink'ejsaj kwuch nk'aj ajb'nal taq k'ax.
In kinya na chke su tojb'alre kikriqo che xik'an k'ax», kcha'. (Dt 32:35)
20Soq tz'ib'tal kanoq:
«We o jun awajch'oj knumik, chitzqu'
soq we kichqij uchi', chiy'a umi'na',
rech jala' kk'ix rmal su kitjin che u'anik mal xa ustaj», kcha'.#12:20 Tyox Wuj kub'ij peche mow aa'l kitluwik kaya pujlom jun awajch'oj echi' o su kasipaj che. (Pr 25:21-22)
21Miya iwib' che kixch'aktaj rmal jumpa sutaq'ik che xa ustaj. Xani jare china utz, rech jala' kixch'kan pujlom k'ax kiriqo, rmal utzlaj ichak ki'ano.
Currently Selected:
Romanos 12: qucSAS
Highlight
Copy
Compare
Share
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global