San Marcos 6
6
Ri Jesús xitzlij chpam utinmit Nazaret
(Mt 13:53-58; Lc 4:16-30)
1Ri Jesús xel b'i chla', x'e putinmit Re che Nazaret ub'i'. Jnam xib'e kuk' nk'aj udiscípulo. 2Echi' xuriq uxnb'al ij, xumaj ktojxik mnaq chpam rchoch Dios. Ik'i chke xikmiyma' ti xikta' su xub'ij Jesús. Ena xikb'ij:
—¿Jachi xurit'amaj loq chi' runjel sutaq kub'ij chqe? ¿Jachi pitnaq un'oj chi' che y'om che, rech kikunik ku'on nk'aj nmaq taq k'utb'al? 3¿Le xa jaret k'ut Re ri ajb'nal mixa, ral i Mri'y, iyachlal kuk' u Santiago, u Jse, u Judas, rich'il u Simón? ¿Le xa iy'o t k'ut nk'aj rnab' chiqxo'l qo'j? —xicha chikuch.
K'ax xkilo, mal ustaj xikta' su kub'ij rich'il su ku'ono. 4Ni Jesús xub'ij chke:
—Chpam runjel nk'aj chik tinmit, jun ajb'il utzij Dios, nim riltjik chikuch mnaq. Xaq xaw putinmit re, soq chikxo'l jumpa rachlal, soq chirchoch, kikil'oj taj mnaq, —xche Jesús chke.
5Ri Jesús ot mow ku'on jun chik milagro chla', mal ot kkojb'al mnaq. Xaq xaw xuya u'ab' pkijlom keb' uxib' taq yab', xyuknaj. 6Ri Jesús mas xumiyma' che ot kkojb'al mnaq. Tik'ri x'e chik ptaq kanton chunqaj utinmit, xyutjoj mnaq chla'. Tik'ri x'e chik ptaq kanton chunqaj utinmit, xyutjoj mnaq chla'.
Ri Jesús xyutaq b'i udiscípulo che ub'ixik utzij Dios
(Mt 14:1-12; Lc 9:7-9)
7Ri Jesús xyusk'ij kab'aljuj (12) udiscípulo. Xumaj ktaqik; ikakab' xu'on chke, xyutaq b'ik. Xuya chke che kiyikunik kikkesaj nk'aj itzel taq espíritu chke mnaq. 8Xub'ij b'i chke che ot su kikk'am b'ik echi' kikmaj b'i kb'e. Xub'ij b'i chke che ot mow kikk'am b'i kkuxtar, mowni kwa, mowni pwaq chpam uk'olb'al kirjil; xaq xaw jun ch'mi'y kikk'am b'ik. 9Soq xub'ij chke che kikkoj b'i kixjab', per ot mow kikk'am b'i keb' kitz'yaq, xaq xaw jun che kikkoj b'ik. 10Xub'ij chik Jesús chke:
—Echi' kixok chpam jun ja jachi kya wi iposada, chla' kixwar wi; ot mow kik'ex iposada, ast retal echi' kixel b'i chpam un tinmite'. 11We o jun tinmit che kixkik'laj taj mnaq chpam, mowni kkaj kikta' su kib'ij chke, echi' kixel chla', kitota kan ulew che iwqan, k'utb'alre che o kmak. Ruk' saqlaj tzij kimb'ij chiwe che, echi' ko'pan ij che k'an atb'altzij pkijlom kunjel jumpa mnaq, nim na ri tojb'al mak kya chke mnaq chpam un tinmite', chjuch kya chke mnaq chpam keb' tinmit Sodoma rich'il Gomorra. —Jala xub'ij Jesús chke.
12Tik'ri k'ut, xib'e kab'aljuj (12) discípulo che ub'ixik chke mnaq che nmister kikk'ex kchomnik chpam kanma', kikya kan u'anik kmak. 13K'i nk'aj itzel taq espíritu xikkesaj chke mnaq. Soq, k'i nk'aj yab' xikkoj aceite pkijlom, xkiknaj.
U Herodes xutaq ukamsxik u Wan ajb'nal qasna'
(Mt 14:1-12; Lc 9:7-9)
14Kunjel mnaq kit'am sutaq ku'on Jesús y kikch'ach'a chikuch; xa rmal, un rey Herodes xuta rson su kitjin Jesús che u'anik; ena xub'ij: «Jare u Wan ajb'nal qasna' k'astajnaq uwuch chikxo'l nk'aj kamnaq; xa rmal che o uchu'ab' che u'anik nmaq taq k'utb'al», xcha'. 15Iy'o nk'aj chik mnaq xikb'ij: «Jare nujer ajb'il utzij Dios che Elías ub'i'», xicha chikuch. Iy'o nk'aj chik xikb'ij: «Jare jun ajb'il utzij Dios, jala peche nk'aj ujer taq ajb'il utzij Dios», xicha'.
16Echi' xuta u Herodes che jala kikb'ij, xub'ij chik: «Jare u Wan, che xintaq resxik ujlom, xk'astaj uwuch chikxo'l nk'aj kamnaq», xcha'.
17Jare u Herodes xitqan kanoq che uchapik u Wan ajb'nal qasna', rech kikximo, kikkoj pkarsa. Jala xu'on u Herodes che u Wan, xa rmal il Herodías. U Herodes unom rixqil che il Herodías, miskini' jare rixqil nucha' Pelipe. 18U Herodes xutaq uchapik u Wan, rmal mel ub'im u Wan che, xub'ij: «Ya'tal taj chawe, Herodes, che kaya il Herodías awuk', mal jare rixqil nacha'», xche che. 19Nil Herodías mas k'ax xuril u Wan, xpi riwal che rmal su xub'ij. Ena xutij ukamsxik, per xikun taj che, mal u Herodes xuya t che. 20Kux'ej rib' u Herodes chjuch u Wan, mal rit'am che tyoxlaj achi y puro tz'qat utzij; xa rmal, xuchjij u Wan rech kuriq t k'ax. Echi' xuta u Herodes su kub'ij u Wan, xsach uk'u'x ruk', miskini' ruk' ki'ktem xuta' sutaq kub'ij.
21Xo'pan un ij che ri'em il Herodías. Jare ij kuk'is ujnab' u Herodes; ena xuk'ul nim'ij. Xyusk'ij mnaq iy'o ruk' che nmaq keqle'n, rich'il nk'aj itk'al pkijlom nk'aj soldado, rich'il jumpa mnaq iy'o chla' Galilea che nmaq keqle'n. Jare ke xyusk'ij rech kiwa' ruk'. 22Echi' xok b'i un ral il Herodías ruk' nim'ij, xixjow chikuch mnaq iy'o chla'. Mas utz xkil u Herodes rich'il nk'aj mnaq iyusk'im ruk'. Ena xch'aw un rey Herodes ruk' nali, xub'ij che:
—Chta chwe su kawaj; in kinya chawe, —xche che.
23Tik'ri xub'ij chik:
—Kuta qatat che qtzij kinsipaj chawe pachinchke cosa kata chwe; miskini' su pink'aj chke nk'aj tinmit o pin'ab', kinjach chawe, —xche che.
24Nali xel b'ik, xuch'ab'ej uchuch, xub'ij che:
—¿Su lo kinta che? —xche che.
Nuchuch xub'ij che:
—Jare chta nujlom u Wan ajb'nal qasna' che, —xche che.
25Ni nali chanim xok b'i ruk' un rey, xub'ij che:
—Kwaj che kaya nujlom u Wan ajb'nal qasna' chwe chanim chpam jun plato, —xche che.
26Ena jwert xub'soj un rey; per xu'on t kwil kuk'ex utzij che xub'ij che nali, mal ruk' saqlaj tzij xch'aw ruk' chikuch kunjel mnaq iyusk'im ruk'. 27Un rey chanim xutaq b'i jun soldado che uk'amik nujlom u Wan. 28Ena, x'e un soldado chpam un karsa y xuram ujlom u Wan. Xuk'am loq chpam jun plato, xujach che nali; ni re xujach che uchuch. 29Echi' xikta rson nk'aj udiscípulo u Wan, xib'ek, xikma loq ucuerpo, xkimqu kanoq.
Ri Jesús xuya kwa j'ob' mil (5,000) achjab'
(Mt 14:13-21; Lc 9:10-17; Jn 6:1-14)
30Tik'ri xiyitzlij loq kab'aljuj (12) apóstol, xikmol chkib' ruk' Jesús. Xikb'ij che runjel jumpa kinom rich'il jumpa sutaq'ik xkitjoj mnaq che. 31Ena xub'ij Jesús chke:
—Itkel kixjosaj wuk', jo kuju'xan b'i' chpam jun lyar jachi ot mnaq, —xche chke. Jala xub'ij chke mal mas ik'i nk'aj mnaq che kiyok b'ik, rich'il nk'aj chik che kiyel loq; xa rmal, ri Jesús rich'il nk'aj udiscípulo kiyikun taj kiktij kwa.
32Ena kitkel xib'e chpam jun barco, chla' chpam jun lyar jachi ot mnaq. 33Per ik'i mnaq xkilo ti xib'ek y xikch'ob' kwuch. Ena, anim xib'e chik ke jala'; ke, runjel tinmit ipitnaq wi y nab'e xiyo'pan chjuch Jesús rich'il nk'aj rich'il. 34Echi' xel loq Jesús chpam un barco, xurilo che jwert mnaq iy'o chla'. Ena, xel uk'u'x chke, mal jala kinom peche taq chij che ot ajyu' chkij. Ena, xumaj ub'ixik k'ilaj taq rson chke. 35Echi' ya ma'tan chik, xipi nk'aj udiscípulo ruk', xikb'ij che:
—Ya ma'tan chik y ot mnaq che o kchoch chi'. 36Chijcha iwib' kuk' mnaq, rech o mow kib'e ke ptaq jyub' rich'il ptaq kanton che o nqaj y kiklo' kwa, mal ot su kiktijo, —xiche che.
37Ni Re xub'ij chke:
—Chiy'a ix kwa, —xche chke.
Ni ke xikb'ij chik che:
—¿Su mow kqaya'o? ¡Nimlaj pwaq kraj! Kraj jumpa kuch'ak un achi pmokik we kichkun keb' ciento (200) ij ¿Le kaj la kuj'e che ulo'ik k'ilaj taq kaxlenwa che nim pwaq reqlem, rech kqaya chke nk'aj mnaqi'? —xiche che.
38Ni Jesús xub'ij chke:
—¡Jiwla' jumpa kaxlenwa o iwuk'! —xche chke.
Echi' xkilo jumpa olik, xikb'ij chik che:
—Xa j'ob' (5) kaxlenwa rich'il keb' kar, —xiche che.
39Tik'ri xutaq ub'ixik chke nk'aj mnaq che ptaq grupo kik'ano kiyikb'e' chjuch nk'aj rax 'yes. 40Ena xiyikb'e' ptaq grupo; iy'o nk'aj che ptaq ciento xik'ano xiyikb'e'ik; iy'o nk'aj chik che ptaq nk'aj ciento xik'ano xiyikb'e'ik. 41Tik'ri xuk'am qaj Jesús j'ob' (5) kaxlenwa rich'il keb' kar; xka'y chkaj, xutyoxij che Dios. Tik'ri xupir nk'aj kaxlenwa, xuya chke nk'aj udiscípulo rech kikjach chikuch mnaq. Soq jala xu'on che keb' kar; xujach chikuch kunjel. 42Kunjel nk'aj mnaq xiwa'ik, xinojik. 43Tik'ri xikyako jumpa uqax kaxlenwa rich'il jumpa uqax kar che xikk'is taj. Xikya ptaq chkach; kab'aljuj (12) chkach o che kqax che xso'wrnik. 44J'ob' mil (5,000) achjab' iy'o chikxo'l mnaq che xiwa'ik.
Ri Qajaw Jesús xb'in pujlom ja'
(Mt 14:22-33; Jn 6:16-21)
45Tik'ri k'ut, xyutaq b'i Jesús nk'aj udiscípulo rech kiyok chpam un barco, kinab'aj b'i chjuch ch'qap che nu'ab' mar chpam un tinmit Betsaida. Ni Jesús xkanaj kan kuk' nk'aj mnaq rech kuril kan jachb'al'ib' kik'ano. 46Echi' iyujchom chub'ik, x'e Re chu jun jyub' rech kch'aw ruk' Dios chla'. 47Echi' xoka'ab', o un barco pink'aj che nu'ab' mar che ib'enaq nk'aj discípulo chpam. Ni Jesús xaq utkel o kan chuchlew. 48Xuril pnoq mas kiktij k'ax nk'aj discípulo che ub'insxik un barco pujlom ja', xa rmal tew che pitnaq chikuch. Echi' ya mer kpi usaqrik, xok Jesús chkinqaj, kitjin che ub'e b'enaq pujlom ja'; xu'ono peche k'ax chikuch. 49Echi' xkil nk'aj discípulo che kitjin che ub'e pujlom ja', jare kikb'ij ke che jare jun xib'nel; ena, xiksik'b'aj kib', 50rmal mel kunjel xkilo y mas xkix'ej kib' che. Ni Re chanim xyuch'ab'ej, xub'ij chke:
—Xa mix'ej iwib', xa in. ¡China jun kowlaj k'u'x! —xche chke.
51Tik'ri xok kuk' chpam un barco. Xaw xok kuk', chanim xu'xan tew. Ni ke poqlaj xkilo; xsach kk'u'x ruk' su x'antjik, 52mal mja kikch'ob'o su kilwi ri nimlaj k'utb'al xu'on Jesús echi' xyutzuq k'ilaj mnaq ruk' j'ob' (5) kaxlenwa. Kqaj t rson pkijlom, mal ot mas kkojb'al.
Ri Jesús xyuknaj nk'aj yab' iy'o chla' Genesaret
(Mt 14:34-36)
53Echi' xi'ax ch'qap che ja', xiyo'pan chuchi' klew aj Genesaret. Chla' xikxim kan un barco chuchi' ja'. 54Echi' xiyel b'i chpam un barco, jumpa nk'aj mnaq iy'o chla', chanim xikch'ob' uwuch Jesús. 55Xaw xkilo, anim xib'e che ub'ixik chpam runjel un tinmit. Echi' xikta' jachi taq x'ax Jesús, xiktelej loq nk'aj yab' chu ch'atim che', xiyo'pan ruk'. 56Runjel jachi taq x'ew Jesús, we ptaq kanton, we ptaq tinmit, y we ptaq jyub', xikk'am b'i nk'aj yab' ruk'. Chla' jachi taq kikriq kib' mnaq, kikb'och'ij ujlom Jesús rech kuya chke kikchap koq ritz'yaq; y kunjel jumpa xikchap ritz'yaq, xiyik'chojik.
Currently Selected:
San Marcos 6: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Marcos 6
6
Ri Jesús xitzlij chpam utinmit Nazaret
(Mt 13:53-58; Lc 4:16-30)
1Ri Jesús xel b'i chla', x'e putinmit Re che Nazaret ub'i'. Jnam xib'e kuk' nk'aj udiscípulo. 2Echi' xuriq uxnb'al ij, xumaj ktojxik mnaq chpam rchoch Dios. Ik'i chke xikmiyma' ti xikta' su xub'ij Jesús. Ena xikb'ij:
—¿Jachi xurit'amaj loq chi' runjel sutaq kub'ij chqe? ¿Jachi pitnaq un'oj chi' che y'om che, rech kikunik ku'on nk'aj nmaq taq k'utb'al? 3¿Le xa jaret k'ut Re ri ajb'nal mixa, ral i Mri'y, iyachlal kuk' u Santiago, u Jse, u Judas, rich'il u Simón? ¿Le xa iy'o t k'ut nk'aj rnab' chiqxo'l qo'j? —xicha chikuch.
K'ax xkilo, mal ustaj xikta' su kub'ij rich'il su ku'ono. 4Ni Jesús xub'ij chke:
—Chpam runjel nk'aj chik tinmit, jun ajb'il utzij Dios, nim riltjik chikuch mnaq. Xaq xaw putinmit re, soq chikxo'l jumpa rachlal, soq chirchoch, kikil'oj taj mnaq, —xche Jesús chke.
5Ri Jesús ot mow ku'on jun chik milagro chla', mal ot kkojb'al mnaq. Xaq xaw xuya u'ab' pkijlom keb' uxib' taq yab', xyuknaj. 6Ri Jesús mas xumiyma' che ot kkojb'al mnaq. Tik'ri x'e chik ptaq kanton chunqaj utinmit, xyutjoj mnaq chla'. Tik'ri x'e chik ptaq kanton chunqaj utinmit, xyutjoj mnaq chla'.
Ri Jesús xyutaq b'i udiscípulo che ub'ixik utzij Dios
(Mt 14:1-12; Lc 9:7-9)
7Ri Jesús xyusk'ij kab'aljuj (12) udiscípulo. Xumaj ktaqik; ikakab' xu'on chke, xyutaq b'ik. Xuya chke che kiyikunik kikkesaj nk'aj itzel taq espíritu chke mnaq. 8Xub'ij b'i chke che ot su kikk'am b'ik echi' kikmaj b'i kb'e. Xub'ij b'i chke che ot mow kikk'am b'i kkuxtar, mowni kwa, mowni pwaq chpam uk'olb'al kirjil; xaq xaw jun ch'mi'y kikk'am b'ik. 9Soq xub'ij chke che kikkoj b'i kixjab', per ot mow kikk'am b'i keb' kitz'yaq, xaq xaw jun che kikkoj b'ik. 10Xub'ij chik Jesús chke:
—Echi' kixok chpam jun ja jachi kya wi iposada, chla' kixwar wi; ot mow kik'ex iposada, ast retal echi' kixel b'i chpam un tinmite'. 11We o jun tinmit che kixkik'laj taj mnaq chpam, mowni kkaj kikta' su kib'ij chke, echi' kixel chla', kitota kan ulew che iwqan, k'utb'alre che o kmak. Ruk' saqlaj tzij kimb'ij chiwe che, echi' ko'pan ij che k'an atb'altzij pkijlom kunjel jumpa mnaq, nim na ri tojb'al mak kya chke mnaq chpam un tinmite', chjuch kya chke mnaq chpam keb' tinmit Sodoma rich'il Gomorra. —Jala xub'ij Jesús chke.
12Tik'ri k'ut, xib'e kab'aljuj (12) discípulo che ub'ixik chke mnaq che nmister kikk'ex kchomnik chpam kanma', kikya kan u'anik kmak. 13K'i nk'aj itzel taq espíritu xikkesaj chke mnaq. Soq, k'i nk'aj yab' xikkoj aceite pkijlom, xkiknaj.
U Herodes xutaq ukamsxik u Wan ajb'nal qasna'
(Mt 14:1-12; Lc 9:7-9)
14Kunjel mnaq kit'am sutaq ku'on Jesús y kikch'ach'a chikuch; xa rmal, un rey Herodes xuta rson su kitjin Jesús che u'anik; ena xub'ij: «Jare u Wan ajb'nal qasna' k'astajnaq uwuch chikxo'l nk'aj kamnaq; xa rmal che o uchu'ab' che u'anik nmaq taq k'utb'al», xcha'. 15Iy'o nk'aj chik mnaq xikb'ij: «Jare nujer ajb'il utzij Dios che Elías ub'i'», xicha chikuch. Iy'o nk'aj chik xikb'ij: «Jare jun ajb'il utzij Dios, jala peche nk'aj ujer taq ajb'il utzij Dios», xicha'.
16Echi' xuta u Herodes che jala kikb'ij, xub'ij chik: «Jare u Wan, che xintaq resxik ujlom, xk'astaj uwuch chikxo'l nk'aj kamnaq», xcha'.
17Jare u Herodes xitqan kanoq che uchapik u Wan ajb'nal qasna', rech kikximo, kikkoj pkarsa. Jala xu'on u Herodes che u Wan, xa rmal il Herodías. U Herodes unom rixqil che il Herodías, miskini' jare rixqil nucha' Pelipe. 18U Herodes xutaq uchapik u Wan, rmal mel ub'im u Wan che, xub'ij: «Ya'tal taj chawe, Herodes, che kaya il Herodías awuk', mal jare rixqil nacha'», xche che. 19Nil Herodías mas k'ax xuril u Wan, xpi riwal che rmal su xub'ij. Ena xutij ukamsxik, per xikun taj che, mal u Herodes xuya t che. 20Kux'ej rib' u Herodes chjuch u Wan, mal rit'am che tyoxlaj achi y puro tz'qat utzij; xa rmal, xuchjij u Wan rech kuriq t k'ax. Echi' xuta u Herodes su kub'ij u Wan, xsach uk'u'x ruk', miskini' ruk' ki'ktem xuta' sutaq kub'ij.
21Xo'pan un ij che ri'em il Herodías. Jare ij kuk'is ujnab' u Herodes; ena xuk'ul nim'ij. Xyusk'ij mnaq iy'o ruk' che nmaq keqle'n, rich'il nk'aj itk'al pkijlom nk'aj soldado, rich'il jumpa mnaq iy'o chla' Galilea che nmaq keqle'n. Jare ke xyusk'ij rech kiwa' ruk'. 22Echi' xok b'i un ral il Herodías ruk' nim'ij, xixjow chikuch mnaq iy'o chla'. Mas utz xkil u Herodes rich'il nk'aj mnaq iyusk'im ruk'. Ena xch'aw un rey Herodes ruk' nali, xub'ij che:
—Chta chwe su kawaj; in kinya chawe, —xche che.
23Tik'ri xub'ij chik:
—Kuta qatat che qtzij kinsipaj chawe pachinchke cosa kata chwe; miskini' su pink'aj chke nk'aj tinmit o pin'ab', kinjach chawe, —xche che.
24Nali xel b'ik, xuch'ab'ej uchuch, xub'ij che:
—¿Su lo kinta che? —xche che.
Nuchuch xub'ij che:
—Jare chta nujlom u Wan ajb'nal qasna' che, —xche che.
25Ni nali chanim xok b'i ruk' un rey, xub'ij che:
—Kwaj che kaya nujlom u Wan ajb'nal qasna' chwe chanim chpam jun plato, —xche che.
26Ena jwert xub'soj un rey; per xu'on t kwil kuk'ex utzij che xub'ij che nali, mal ruk' saqlaj tzij xch'aw ruk' chikuch kunjel mnaq iyusk'im ruk'. 27Un rey chanim xutaq b'i jun soldado che uk'amik nujlom u Wan. 28Ena, x'e un soldado chpam un karsa y xuram ujlom u Wan. Xuk'am loq chpam jun plato, xujach che nali; ni re xujach che uchuch. 29Echi' xikta rson nk'aj udiscípulo u Wan, xib'ek, xikma loq ucuerpo, xkimqu kanoq.
Ri Jesús xuya kwa j'ob' mil (5,000) achjab'
(Mt 14:13-21; Lc 9:10-17; Jn 6:1-14)
30Tik'ri xiyitzlij loq kab'aljuj (12) apóstol, xikmol chkib' ruk' Jesús. Xikb'ij che runjel jumpa kinom rich'il jumpa sutaq'ik xkitjoj mnaq che. 31Ena xub'ij Jesús chke:
—Itkel kixjosaj wuk', jo kuju'xan b'i' chpam jun lyar jachi ot mnaq, —xche chke. Jala xub'ij chke mal mas ik'i nk'aj mnaq che kiyok b'ik, rich'il nk'aj chik che kiyel loq; xa rmal, ri Jesús rich'il nk'aj udiscípulo kiyikun taj kiktij kwa.
32Ena kitkel xib'e chpam jun barco, chla' chpam jun lyar jachi ot mnaq. 33Per ik'i mnaq xkilo ti xib'ek y xikch'ob' kwuch. Ena, anim xib'e chik ke jala'; ke, runjel tinmit ipitnaq wi y nab'e xiyo'pan chjuch Jesús rich'il nk'aj rich'il. 34Echi' xel loq Jesús chpam un barco, xurilo che jwert mnaq iy'o chla'. Ena, xel uk'u'x chke, mal jala kinom peche taq chij che ot ajyu' chkij. Ena, xumaj ub'ixik k'ilaj taq rson chke. 35Echi' ya ma'tan chik, xipi nk'aj udiscípulo ruk', xikb'ij che:
—Ya ma'tan chik y ot mnaq che o kchoch chi'. 36Chijcha iwib' kuk' mnaq, rech o mow kib'e ke ptaq jyub' rich'il ptaq kanton che o nqaj y kiklo' kwa, mal ot su kiktijo, —xiche che.
37Ni Re xub'ij chke:
—Chiy'a ix kwa, —xche chke.
Ni ke xikb'ij chik che:
—¿Su mow kqaya'o? ¡Nimlaj pwaq kraj! Kraj jumpa kuch'ak un achi pmokik we kichkun keb' ciento (200) ij ¿Le kaj la kuj'e che ulo'ik k'ilaj taq kaxlenwa che nim pwaq reqlem, rech kqaya chke nk'aj mnaqi'? —xiche che.
38Ni Jesús xub'ij chke:
—¡Jiwla' jumpa kaxlenwa o iwuk'! —xche chke.
Echi' xkilo jumpa olik, xikb'ij chik che:
—Xa j'ob' (5) kaxlenwa rich'il keb' kar, —xiche che.
39Tik'ri xutaq ub'ixik chke nk'aj mnaq che ptaq grupo kik'ano kiyikb'e' chjuch nk'aj rax 'yes. 40Ena xiyikb'e' ptaq grupo; iy'o nk'aj che ptaq ciento xik'ano xiyikb'e'ik; iy'o nk'aj chik che ptaq nk'aj ciento xik'ano xiyikb'e'ik. 41Tik'ri xuk'am qaj Jesús j'ob' (5) kaxlenwa rich'il keb' kar; xka'y chkaj, xutyoxij che Dios. Tik'ri xupir nk'aj kaxlenwa, xuya chke nk'aj udiscípulo rech kikjach chikuch mnaq. Soq jala xu'on che keb' kar; xujach chikuch kunjel. 42Kunjel nk'aj mnaq xiwa'ik, xinojik. 43Tik'ri xikyako jumpa uqax kaxlenwa rich'il jumpa uqax kar che xikk'is taj. Xikya ptaq chkach; kab'aljuj (12) chkach o che kqax che xso'wrnik. 44J'ob' mil (5,000) achjab' iy'o chikxo'l mnaq che xiwa'ik.
Ri Qajaw Jesús xb'in pujlom ja'
(Mt 14:22-33; Jn 6:16-21)
45Tik'ri k'ut, xyutaq b'i Jesús nk'aj udiscípulo rech kiyok chpam un barco, kinab'aj b'i chjuch ch'qap che nu'ab' mar chpam un tinmit Betsaida. Ni Jesús xkanaj kan kuk' nk'aj mnaq rech kuril kan jachb'al'ib' kik'ano. 46Echi' iyujchom chub'ik, x'e Re chu jun jyub' rech kch'aw ruk' Dios chla'. 47Echi' xoka'ab', o un barco pink'aj che nu'ab' mar che ib'enaq nk'aj discípulo chpam. Ni Jesús xaq utkel o kan chuchlew. 48Xuril pnoq mas kiktij k'ax nk'aj discípulo che ub'insxik un barco pujlom ja', xa rmal tew che pitnaq chikuch. Echi' ya mer kpi usaqrik, xok Jesús chkinqaj, kitjin che ub'e b'enaq pujlom ja'; xu'ono peche k'ax chikuch. 49Echi' xkil nk'aj discípulo che kitjin che ub'e pujlom ja', jare kikb'ij ke che jare jun xib'nel; ena, xiksik'b'aj kib', 50rmal mel kunjel xkilo y mas xkix'ej kib' che. Ni Re chanim xyuch'ab'ej, xub'ij chke:
—Xa mix'ej iwib', xa in. ¡China jun kowlaj k'u'x! —xche chke.
51Tik'ri xok kuk' chpam un barco. Xaw xok kuk', chanim xu'xan tew. Ni ke poqlaj xkilo; xsach kk'u'x ruk' su x'antjik, 52mal mja kikch'ob'o su kilwi ri nimlaj k'utb'al xu'on Jesús echi' xyutzuq k'ilaj mnaq ruk' j'ob' (5) kaxlenwa. Kqaj t rson pkijlom, mal ot mas kkojb'al.
Ri Jesús xyuknaj nk'aj yab' iy'o chla' Genesaret
(Mt 14:34-36)
53Echi' xi'ax ch'qap che ja', xiyo'pan chuchi' klew aj Genesaret. Chla' xikxim kan un barco chuchi' ja'. 54Echi' xiyel b'i chpam un barco, jumpa nk'aj mnaq iy'o chla', chanim xikch'ob' uwuch Jesús. 55Xaw xkilo, anim xib'e che ub'ixik chpam runjel un tinmit. Echi' xikta' jachi taq x'ax Jesús, xiktelej loq nk'aj yab' chu ch'atim che', xiyo'pan ruk'. 56Runjel jachi taq x'ew Jesús, we ptaq kanton, we ptaq tinmit, y we ptaq jyub', xikk'am b'i nk'aj yab' ruk'. Chla' jachi taq kikriq kib' mnaq, kikb'och'ij ujlom Jesús rech kuya chke kikchap koq ritz'yaq; y kunjel jumpa xikchap ritz'yaq, xiyik'chojik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global