San Marcos 4
4
Jun k'amb'al n'oj chrij jun ajtkil tiko'n
(Mr 13:1-9; Lc 8:4-8)
1Ri Jesús xumaj ktojxik jun b'welt chik mnaq chuchi' nu'ab' mar. Jwert ik'i mnaq xikmol kib' chrij Jesús y mas latz'; xa rmal, xok Re chpam jun barco, xikb'e' chpam. Un barco o pan b'i' chpam ja'; ni nk'aj mnaq xikanaj kan chuchi' ja'. 2Re k'i tzij xyutjoj mnaq che ruk' k'amb'al taq n'oj, xub'ij chke:
3«¡Chitampe'!» xche chke.
«O jun ajtkil tiko'n x'e che utikik utiko'n. 4Echi' kitjinik kujpij nk'aj ija', o nk'aj xqaj chpam b'e; tik'ri xipi nk'aj tz'kin, xiktij b'i nk'aj ija'. 5O nk'aj chik xqaj xo'l taq ab'aj, chla' jachi ot mas ulew. Ena chanim xpo' loq nk'aj ija', mal pim taj ulew olik. 6Per echi' xel loq ij, xk'at nk'aj tiko'n, xichqijik, mal ot mas ra' b'enaq chpam ulew. 7O nk'aj chik ija' xqaj xo'l nk'aj k'ix. Mas xik'iy nk'aj k'ix chrij nk'aj tiko'n, xuya t che xk'iyik; xuji'saj. Ot uwuch nk'aj tiko'n xuya'o. 8Ni nk'aj chik ija' xqaj chpam utzlaj ulew. Chla' xpo' wi, xk'iyik, jwert xiwchinik. Iy'o tiko'n xikya treinta kwuch chikjunjnal; iy'o nk'aj che xikya sesenta kwuch chikjunjnal; ni nk'aj chik xikya jun ciento kwuch chikjunjnal». Jala xub'ij Jesús chke.
9Tik'ri xub'ij chik chke: «Chin kkaj kikta ntzij, chiktatb'ej ruk' kixkin, utz utatb'xik kik'an che», xche chke.
Ri Jesús kub'ij suche che kub'ij k'amb'al taq n'oj
(Mt 13:10-17; Lc 8:9-10)
10Echi' xa utkel chik Jesús olik, xikriq kib' kab'aljuj (12) udiscípulo ruk', rich'il nk'aj chik mnaq iy'o koq chunqaj. Ke xikta che su kilwi ri k'amb'al taq n'oj che ub'im kan chke. 11Ena xub'ij Jesús chke: «Ix, y'om chiwe rmal Dios che kich'ob' mas chrij utzlaj atb'altzij rech Dios. Per ni nk'aj chik mnaq, xaq xaw ruk' k'amb'al taq n'oj kb'ix chke.
12Jala' rech, miskini' kikkil ruk' kwuch, kikch'ob' taj su kikkilo;
miskini' kiktatb'ej saqlaj tzij ruk' kixkin, kqaj taj pkijlom su kilwi;
mal wet kikk'ex kmow chjuch Dios y kiyikjon che,
Re kukuy kmak kikch'ob'o; per jala taj kik'ano». (Is 6:9-10)
Ri Jesús kub'ij su kilwi ri k'amb'al n'oj chrij jun ajtkil tiko'n
(Mt 13:18-23; Lc 8:11-15)
13Xub'ij chik Jesús chke: «¿Ni kixkun tni che uch'ob'ik un k'amb'al n'oji'? ¿Su mow k'ri kixkun che uch'ob'ik nk'aj chik k'amb'al taq n'oj che kimb'ij chiwe? 14Najtkil tiko'n, xaq jnam ruk' jun che kub'ij utzij Dios chke mnaq. 15Nk'aj ija' che xqaj chpam b'e, xaq jnam ruk' peche mnaq che kikta utzij Dios, per echi' ktataj b'i kmal, kpi nitzel Satanás kuk' y kuresaj utzij Dios che xqaj pkanma'. 16Ni nk'aj chik ija' che xa xo'l taq ab'aj xqaj wi, naj taj x'e ra' chpam ulew. Jare ke xaq ijnam ruk' peche mnaq che kikta utzij Dios ruk' ki'ktem, chanim kikk'am pkanma'. 17Per ot kchu'ab', mal ko taj itk'alik; xa rmal, kikch'ij t mas. Echi' kikriq k'ax, echi' kpi ch'oj chkij rmal utzij Dios, ke chanim kikanaj kanoq. 18Iy'o nk'aj chik che xaq ijnam ruk' peche ija' che xqaj xo'l nk'aj k'ix. Jare ke kikta utzij Dios. 19Per xa jare mas b'enaq kk'u'x ruk' kk'asnmal; kisub'taj rmal b'oymal chi' chuchlew; soq kikrij uwuch mas ub'itaqke. Jumpa taq ile' kuchup utzij Dios chpam kanma' y kuya t che kichkun chpam kk'asnmal, jala peche tiko'n che kuya t uwuch. 20Per iy'o nk'aj chik mnaq che xaq ijnam ruk' peche ija' che xqaj chpam utzlaj ulew. Jare ke kikta utzij Dios, kikk'am pkanma' y kikya che kichkunik, jala peche nk'aj tiko'n che kiwchin kuk' y kikya k'i kwuch. Iy'o nk'aj kikya treinta kwuch chikjunjnal; iy'o nk'aj kikya sesenta kwuch chikjunjnal; iy'o nk'aj chik kikya jun ciento kwuch chikjunjnal». Jala xub'ij Jesús chke.
Jun k'amb'al n'oj chrij jun kantil
(Lc 8:16-18)
21Tik'ri xub'ij chik Jesús chke: «Echi' kik'am loq jun kantil rech kitzijo, ¿xatb'a kiya chuxe' jun kxon, xatb'a kiya chuxe' jun ch'at? Jala taj ki'an che un kantil; chkaj kya wi chpam uk'olb'al, rech kuya saq. 22Runjel sutaq chla'al wam, k'aljan na, y runjel sutaq chla'al che xa ch'uqtal uwi', k'aljan na chsaq. 23Chin kkaj kikta ntzij, chiktatb'ej ruk' kixkin, utz utatb'xik kik'an che», xche chke.
24Xub'ij chik chke: «¡Kikoj retal su kixtjin che utayik! Su pajb'al kikoj ix, jala pajb'al koksax chiwi'x; y koksax na uwi' pajb'al chiwi'x che kixtjin che utatb'xik. 25Chin jun che o su o ruk', kya na mas che. Per chin jun che ot mas su o ruk', kesax na ch'in che, che o ruk'». Jala xub'ij Jesús chke.
Jun k'amb'al n'oj chrij jun ija' che kk'iyik
26Ri Jesús xuk'ut jun chik k'amb'al n'oj chikuch, xub'ij: «Jawa unom ri utzlaj atb'altzij rech Dios, peche ku'on jun achi ti kutik ija' chpam ulew. 27Echi' ktiktaj kan rmal, k'ek, kwarik; tik'ri kwa'laj chik; miskini' jala ku'on nachi runjel ij runjel a'ab', utkel nk'aj ija' kpo' loq, kk'iy tiko'n. Ni nachi rit'am taj su mow ku'on tiko'n echi' kk'iy loq. 28Jare nulew ku'on che un tiko'n che kiwchinik. Nab'e, kel loq nuch'el; tik'ri kpo' loq taq uwuch; k'isb'alre, kirjib'ik. 29Echi' kichqij un tiko'n, k'e nachi che ujach'ik, mal ya kuriq ij», xche Jesús chke.
Jun k'amb'al n'oj chrij jun ub'a' mostaza
(Mt 13:31-32,34-35; Lc 13:18-19)
30Ri Jesús xub'ij chik chke: «¿Su ruk' kqajnamsaj utzlaj atb'altzij rech Dios? ¿Chinchke jun k'amb'al n'oj kqab'ij na rech k'alnik? 31Jare jnam ruk' peche jun ub'a' tiko'n che “mostaza” kb'ix che. Echi' ktik nk'aj ub'a' mostaza, mas itaq ch'in chjuch runjel jumpa ija' ktik chi' chuchlew. 32Echi' ktikik, mas kk'iyik. Miskini' xa taq ch'in taq ub'a', mas nma'q chna kel chjuch runjel jumpa tiko'n; nma'q kel nk'aj u'ab', jwert muj kuya'o; nk'aj tz'kin o mow kik'an ksok chumuj xo'l nk'aj u'ab'».
33Jala xu'on Jesús che ktojxik nk'aj mnaq. K'ilaj taq k'amb'al n'oj xukojo rech kub'ij utzij Dios chke. Xyutjoj che, runjel jumpa taq tzij ast retal kiyikun che uch'ob'ik. 34Ot jun tzij xub'ij chke che mitji xukoj k'amb'al n'oj ruk'. Echi' xaq utkel Jesús o kuk' nk'aj udiscípulo, runjel xub'ij chke su kilwi jumpa k'amb'al n'oj xukojo.
Ri Jesús xu'atij nimlaj tew rich'il uchu'ab' mar
(Mt 8:23-27; Lc 8:22-25)
35Chpam un ije', echi' xoka'ab', xub'ij Jesús chke udiscípulo:
—Jo kuj'ax b'i ch'qap che nu'ab' mar, —xche chke.
36Nk'aj discípulo xikya kan nk'aj mnaq, tik'ri xikk'am b'i Jesús chpam un barco, jachi ku'l wi. Iy'o nk'aj chik barco chla'; jnam xib'e pujlom ja'. 37Echi' kiyitjin che kb'e pujlom ja', ti kikna'o xpi jun nimlaj tew; tik'ri xa'n ja' chkaj; mas uchu'ab' xpitik y xok chpam un barco; xnoj un barco che ja'. 38Ni Jesús warnaq chik chpam un barco; chla' kwar wi chjuch jun ch'kat chpam nuk'isb'al tem che un barco. Nk'aj udiscípulo xkik'suj, xikb'ij che:
—Ajtojnel, ¿le xa kmiymat la che kuj'ji' chpam ja'? —xiche che.
39Tik'ri xwa'laj Jesús, xuyaj tew, xu'atij; y xub'ij che nu'ab' mar:
—¡Katu'xnoq, xaq jun kat'ol wi! —xche che.
Xa jala', xu'xan tew y kislib' t chik nu'ab' mar. 40Tik'ri xub'ij chke udiscípulo:
—¿Suche che mas kix'ej iwib'? ¿Le xa mja kikub'a ik'u'x chwij? —xche chke.
41Ni ke mas xkix'ej kib' che su xu'on Jesús. Ena xikb'ij chikuch:
—¿Chin lo nachi ri', che kikjon tew chjuch y kikjon nu'ab' mar chjuch? —xicha'.
Currently Selected:
San Marcos 4: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Marcos 4
4
Jun k'amb'al n'oj chrij jun ajtkil tiko'n
(Mr 13:1-9; Lc 8:4-8)
1Ri Jesús xumaj ktojxik jun b'welt chik mnaq chuchi' nu'ab' mar. Jwert ik'i mnaq xikmol kib' chrij Jesús y mas latz'; xa rmal, xok Re chpam jun barco, xikb'e' chpam. Un barco o pan b'i' chpam ja'; ni nk'aj mnaq xikanaj kan chuchi' ja'. 2Re k'i tzij xyutjoj mnaq che ruk' k'amb'al taq n'oj, xub'ij chke:
3«¡Chitampe'!» xche chke.
«O jun ajtkil tiko'n x'e che utikik utiko'n. 4Echi' kitjinik kujpij nk'aj ija', o nk'aj xqaj chpam b'e; tik'ri xipi nk'aj tz'kin, xiktij b'i nk'aj ija'. 5O nk'aj chik xqaj xo'l taq ab'aj, chla' jachi ot mas ulew. Ena chanim xpo' loq nk'aj ija', mal pim taj ulew olik. 6Per echi' xel loq ij, xk'at nk'aj tiko'n, xichqijik, mal ot mas ra' b'enaq chpam ulew. 7O nk'aj chik ija' xqaj xo'l nk'aj k'ix. Mas xik'iy nk'aj k'ix chrij nk'aj tiko'n, xuya t che xk'iyik; xuji'saj. Ot uwuch nk'aj tiko'n xuya'o. 8Ni nk'aj chik ija' xqaj chpam utzlaj ulew. Chla' xpo' wi, xk'iyik, jwert xiwchinik. Iy'o tiko'n xikya treinta kwuch chikjunjnal; iy'o nk'aj che xikya sesenta kwuch chikjunjnal; ni nk'aj chik xikya jun ciento kwuch chikjunjnal». Jala xub'ij Jesús chke.
9Tik'ri xub'ij chik chke: «Chin kkaj kikta ntzij, chiktatb'ej ruk' kixkin, utz utatb'xik kik'an che», xche chke.
Ri Jesús kub'ij suche che kub'ij k'amb'al taq n'oj
(Mt 13:10-17; Lc 8:9-10)
10Echi' xa utkel chik Jesús olik, xikriq kib' kab'aljuj (12) udiscípulo ruk', rich'il nk'aj chik mnaq iy'o koq chunqaj. Ke xikta che su kilwi ri k'amb'al taq n'oj che ub'im kan chke. 11Ena xub'ij Jesús chke: «Ix, y'om chiwe rmal Dios che kich'ob' mas chrij utzlaj atb'altzij rech Dios. Per ni nk'aj chik mnaq, xaq xaw ruk' k'amb'al taq n'oj kb'ix chke.
12Jala' rech, miskini' kikkil ruk' kwuch, kikch'ob' taj su kikkilo;
miskini' kiktatb'ej saqlaj tzij ruk' kixkin, kqaj taj pkijlom su kilwi;
mal wet kikk'ex kmow chjuch Dios y kiyikjon che,
Re kukuy kmak kikch'ob'o; per jala taj kik'ano». (Is 6:9-10)
Ri Jesús kub'ij su kilwi ri k'amb'al n'oj chrij jun ajtkil tiko'n
(Mt 13:18-23; Lc 8:11-15)
13Xub'ij chik Jesús chke: «¿Ni kixkun tni che uch'ob'ik un k'amb'al n'oji'? ¿Su mow k'ri kixkun che uch'ob'ik nk'aj chik k'amb'al taq n'oj che kimb'ij chiwe? 14Najtkil tiko'n, xaq jnam ruk' jun che kub'ij utzij Dios chke mnaq. 15Nk'aj ija' che xqaj chpam b'e, xaq jnam ruk' peche mnaq che kikta utzij Dios, per echi' ktataj b'i kmal, kpi nitzel Satanás kuk' y kuresaj utzij Dios che xqaj pkanma'. 16Ni nk'aj chik ija' che xa xo'l taq ab'aj xqaj wi, naj taj x'e ra' chpam ulew. Jare ke xaq ijnam ruk' peche mnaq che kikta utzij Dios ruk' ki'ktem, chanim kikk'am pkanma'. 17Per ot kchu'ab', mal ko taj itk'alik; xa rmal, kikch'ij t mas. Echi' kikriq k'ax, echi' kpi ch'oj chkij rmal utzij Dios, ke chanim kikanaj kanoq. 18Iy'o nk'aj chik che xaq ijnam ruk' peche ija' che xqaj xo'l nk'aj k'ix. Jare ke kikta utzij Dios. 19Per xa jare mas b'enaq kk'u'x ruk' kk'asnmal; kisub'taj rmal b'oymal chi' chuchlew; soq kikrij uwuch mas ub'itaqke. Jumpa taq ile' kuchup utzij Dios chpam kanma' y kuya t che kichkun chpam kk'asnmal, jala peche tiko'n che kuya t uwuch. 20Per iy'o nk'aj chik mnaq che xaq ijnam ruk' peche ija' che xqaj chpam utzlaj ulew. Jare ke kikta utzij Dios, kikk'am pkanma' y kikya che kichkunik, jala peche nk'aj tiko'n che kiwchin kuk' y kikya k'i kwuch. Iy'o nk'aj kikya treinta kwuch chikjunjnal; iy'o nk'aj kikya sesenta kwuch chikjunjnal; iy'o nk'aj chik kikya jun ciento kwuch chikjunjnal». Jala xub'ij Jesús chke.
Jun k'amb'al n'oj chrij jun kantil
(Lc 8:16-18)
21Tik'ri xub'ij chik Jesús chke: «Echi' kik'am loq jun kantil rech kitzijo, ¿xatb'a kiya chuxe' jun kxon, xatb'a kiya chuxe' jun ch'at? Jala taj ki'an che un kantil; chkaj kya wi chpam uk'olb'al, rech kuya saq. 22Runjel sutaq chla'al wam, k'aljan na, y runjel sutaq chla'al che xa ch'uqtal uwi', k'aljan na chsaq. 23Chin kkaj kikta ntzij, chiktatb'ej ruk' kixkin, utz utatb'xik kik'an che», xche chke.
24Xub'ij chik chke: «¡Kikoj retal su kixtjin che utayik! Su pajb'al kikoj ix, jala pajb'al koksax chiwi'x; y koksax na uwi' pajb'al chiwi'x che kixtjin che utatb'xik. 25Chin jun che o su o ruk', kya na mas che. Per chin jun che ot mas su o ruk', kesax na ch'in che, che o ruk'». Jala xub'ij Jesús chke.
Jun k'amb'al n'oj chrij jun ija' che kk'iyik
26Ri Jesús xuk'ut jun chik k'amb'al n'oj chikuch, xub'ij: «Jawa unom ri utzlaj atb'altzij rech Dios, peche ku'on jun achi ti kutik ija' chpam ulew. 27Echi' ktiktaj kan rmal, k'ek, kwarik; tik'ri kwa'laj chik; miskini' jala ku'on nachi runjel ij runjel a'ab', utkel nk'aj ija' kpo' loq, kk'iy tiko'n. Ni nachi rit'am taj su mow ku'on tiko'n echi' kk'iy loq. 28Jare nulew ku'on che un tiko'n che kiwchinik. Nab'e, kel loq nuch'el; tik'ri kpo' loq taq uwuch; k'isb'alre, kirjib'ik. 29Echi' kichqij un tiko'n, k'e nachi che ujach'ik, mal ya kuriq ij», xche Jesús chke.
Jun k'amb'al n'oj chrij jun ub'a' mostaza
(Mt 13:31-32,34-35; Lc 13:18-19)
30Ri Jesús xub'ij chik chke: «¿Su ruk' kqajnamsaj utzlaj atb'altzij rech Dios? ¿Chinchke jun k'amb'al n'oj kqab'ij na rech k'alnik? 31Jare jnam ruk' peche jun ub'a' tiko'n che “mostaza” kb'ix che. Echi' ktik nk'aj ub'a' mostaza, mas itaq ch'in chjuch runjel jumpa ija' ktik chi' chuchlew. 32Echi' ktikik, mas kk'iyik. Miskini' xa taq ch'in taq ub'a', mas nma'q chna kel chjuch runjel jumpa tiko'n; nma'q kel nk'aj u'ab', jwert muj kuya'o; nk'aj tz'kin o mow kik'an ksok chumuj xo'l nk'aj u'ab'».
33Jala xu'on Jesús che ktojxik nk'aj mnaq. K'ilaj taq k'amb'al n'oj xukojo rech kub'ij utzij Dios chke. Xyutjoj che, runjel jumpa taq tzij ast retal kiyikun che uch'ob'ik. 34Ot jun tzij xub'ij chke che mitji xukoj k'amb'al n'oj ruk'. Echi' xaq utkel Jesús o kuk' nk'aj udiscípulo, runjel xub'ij chke su kilwi jumpa k'amb'al n'oj xukojo.
Ri Jesús xu'atij nimlaj tew rich'il uchu'ab' mar
(Mt 8:23-27; Lc 8:22-25)
35Chpam un ije', echi' xoka'ab', xub'ij Jesús chke udiscípulo:
—Jo kuj'ax b'i ch'qap che nu'ab' mar, —xche chke.
36Nk'aj discípulo xikya kan nk'aj mnaq, tik'ri xikk'am b'i Jesús chpam un barco, jachi ku'l wi. Iy'o nk'aj chik barco chla'; jnam xib'e pujlom ja'. 37Echi' kiyitjin che kb'e pujlom ja', ti kikna'o xpi jun nimlaj tew; tik'ri xa'n ja' chkaj; mas uchu'ab' xpitik y xok chpam un barco; xnoj un barco che ja'. 38Ni Jesús warnaq chik chpam un barco; chla' kwar wi chjuch jun ch'kat chpam nuk'isb'al tem che un barco. Nk'aj udiscípulo xkik'suj, xikb'ij che:
—Ajtojnel, ¿le xa kmiymat la che kuj'ji' chpam ja'? —xiche che.
39Tik'ri xwa'laj Jesús, xuyaj tew, xu'atij; y xub'ij che nu'ab' mar:
—¡Katu'xnoq, xaq jun kat'ol wi! —xche che.
Xa jala', xu'xan tew y kislib' t chik nu'ab' mar. 40Tik'ri xub'ij chke udiscípulo:
—¿Suche che mas kix'ej iwib'? ¿Le xa mja kikub'a ik'u'x chwij? —xche chke.
41Ni ke mas xkix'ej kib' che su xu'on Jesús. Ena xikb'ij chikuch:
—¿Chin lo nachi ri', che kikjon tew chjuch y kikjon nu'ab' mar chjuch? —xicha'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global