San Mateo 27
27
Ri Jesús xoksax chjuch u Pilato
(Mr 15:1; Lc 23:1-2; Jn 18:28-32)
1B'ajchi' chkab' ij, kunjel nk'aj ajk'mal b'e chke nk'aj rajchak Dios, rich'il nk'aj aj Israel che o keqle'n, xikchomaj su mow kik'an che ukamsxik Jesús. 2Ena, xikxim u'ab', tik'ri xikk'am b'i chjuch u Pilato che jare atb'altzij o chla', xikjach che.
U Judas xujitz'ej rib'
(Hch 1:18-19)
3U Judas che xujach Jesús, echi' xurilo che xik'an atb'altzij pujlom Jesús rech kikkamsaj na, xu'on keb' uk'u'x ruk' che jala xu'ono, mas xub'soj. Ena xutzlij ju'wnaq ljuj (30) rqan saq pwaq chke nk'aj ajk'mal b'e chke nk'aj rajchak Dios, rich'il nk'aj nmaq keqle'n. 4Xub'ij chke:
—In xin'an nmak mal xinjach jun achi pi'ab' rech kikamsaj per ot su kri' jun umak unom, —xche chke.
Ni ke xikb'ij che:
—Qo'j ot qakwent che su xa'ano. Chiwla awib' at ruk' chla', —xiche che.
5Ena xutrij kan u Judas nk'aj pwaq chpam nimlaj rchoch Dios. Tik'ri xel b'ik, x'ek, xujitz'ej rib'.
6Ni nk'aj ajk'mal b'e chke nk'aj rajchak Dios, xiksik' nk'aj saq pwaq, xikb'ij: «Ri qapxab' kub'ij che ustaj we kqaya nk'aj pwaqi' chpam uk'olb'al kchuj rech Dios, mal xa rjil ujk'el jun mnaq», xicha'.
7Ena xikchomaj xa xiklo' jun ulew ruk' pwaq, rech chla' chpam nulew, kimuq wi jumpa mnaq kikamik che iyaj chla' taj. Nulew che xiklo'o ri', «Ulew rech ajb'nal taq b'o'j» kb'ix che ujer. 8Xa rmal su xik'ano, xoksax jun chik ub'i' nulew. «Ulew xtix kik' chjuch» xoksax che ub'i'. Jala na kikb'ij mnaq che chanim. 9Jala x'antjik peche ub'im kan najb'il utzij Dios ujer che Jeremías ub'i', che xub'ij:
«Xikk'am ju'wnaq ljuj (30) rqan pwaq, jare rjil jun achi chomam kmal iyaj Israel. 10Tik'ri xikkoj che rjil nulew xiklo'o, che xa rech ajb'nal taq b'o'j ujer, jala peche ub'im kan Qajaw Dios chwe», xcha'. (Zac 11:12-13; Jer 32:6-9)
Jala tz'ib'tal kan chpam Tyox Wuj.
Ri Jesús o chjuch u Pilato
(Mr 15:2-15; Lc 23:2-5,18-25; Jn 18:29–19:16)
11Tik'ri xikk'am b'i Jesús chjuch u Pilato. Nu Pilato xuta che Jesús, xub'ij:
—¿Le jare at atitk'al pkijlom nk'aj aj Israel? —xche che.
Ni Jesús xub'ij:
—In ri', jala peche kab'ij at, —xche che.
12Nk'aj ajk'mal b'e chke nk'aj rajchak Dios, rich'il nk'aj nmaq keqle'n xiyok che ub'ixik k'axlaj taq tzij chrij Jesús, per ot jun tzij xub'ij. 13Ena xub'ij u Pilato che:
—¿Le xa kata taj sutaq kiyitjin che ub'ixik chawij? —xche che.
14Per ni Jesús, ot su kri' jun tzij xub'ij, xch'aw taj. Xa rmal, mas xumiyma un atb'altzij.
Tojb'al mak xik'an che Jesús ti xikkamsaj
(Mr 15:6-15; Lc 23:13-25; Jn 18:39–19:16)
15Runjel jnab' chpam nim'ij rech Pascua, k'manaq che u Pilato, che o che atb'altzij, che kutzaqpij b'i jun chke mnaq iy'o pkarsa; jare kutzaqpij b'ik chin jun che kikchay mnaq. 16O jun achi Barrabás ub'i', o pkarsa. Re kunjel mnaq kit'am uwuch. 17Echi' kimlom kib' nk'aj mnaq chla', u Pilato xuta chke:
—¿Chinchke chke keb' achjab' kiwaj che ktzaqpix b'ik? ¿Le kiwaj ix che jare kintzaqpij b'i u Barrabás? ¿Le jare Jesús, che kb'ix Cristo#27:17 Cristo kel kub'ij jun chaytajnaq rmal Dios. Un tzij Mesías xaq jnam kilwi. che, kiwaj che kintzaqpij b'ik? ¿Chinchke chke? —xche chke.
18U Pilato xuch'ob'o che ot umak Jesús, per ke kijchom Jesús pu'ab' re, rmal mel k'ax kikkilo.
19Echi' ku'l u Pilato chpam atb'altzij, xutaq ub'ixik un rixqil che, xub'ij:
—Xa mamin awib' che ukamsxik nachi le', mal ot umak. Xa rmal Re, mas xintij k'ax pniwram myer, mal o jun wchik' xin'ano che xib'al'ib' rilik. —Jala xutaq ub'ixik che.
20Per ni nk'aj ajk'mal b'e chke nk'aj rajchak Dios rich'il nk'aj achjab' che o keqle'n, xiktaqch'ij nk'aj mnaq rech kikta che u Pilato che jare ktzaqpix b'i u Barrabás y jare kkamsax Jesús.
21U Pilato xuta chik chke nk'aj mnaq, xub'ij:
—¿Chin jun chke keb' achjab' kiwaj che kintzaqpij b'ik? —xche chke. Ena xikb'ij ke che:
—Jare ktzaqpij b'i la u Barrabás, —xiche che.
22Tik'ri xuta u Pilato chke, xub'ij:
—¿Su kiwaj k'ut che kin'an che Jesús, che kb'ix Cristo che? —xche chke.
Ena kunjel nk'aj mnaq xikb'ij:
—¡Chirpa chjuch jun cruz! —xiche che.
23Per nu Pilato xuta chik chke, xub'ij:
—¿Suche? ¿Su umak unom? —xche chke.
Per ni mnaq ko xiksik'b'aj chin kib', xikb'ij:
—¡Chirpa chjuch jun cruz! —xiche che.
24Echi' xuril u Pilato che xikkoj t utzij nk'aj mnaq, xani kiyitjinik kiktukb'lej kib', ena xuta pnoq ch'in jron. Tik'ri xuch'aj u'ab' chikuch nk'aj mnaq, xub'ij:
—In ot nikwent che ri utzlaj achi ri'. Ot nmak in che we xa kikamsaj. Chiwla iwib' ix ruk' chla', —xche chke.
25Ena kunjel nk'aj mnaq xikb'ij:
—¡Chuk'ejsaj qawuch Dios jumpa qawuch qo'j rich'il jumpa qalk'al, we xa o qamak kqa'ano che kqakamsaj nachi ri'! —xicha'.
26Xa jala', u Pilato xutzaqpij b'i u Barrabás chikuch. Xutaq uch'ayik Jesús ruk' krute, tik'ri xujach pik'ab' rech kikrip chjuch jun cruz.
Nk'aj soldado xiktij tze' che Jesús
(Mr 15:16-20)
27Ni nk'aj soldado rech un nimlaj atb'altzij xikk'am b'i Jesús chla' chpam un ja jachi k'wi kunjel nk'aj soldado. Echi' xiyo'pan Jesús chla', xkisk'ij kunjel nk'aj kich'il soldado rech xkistuj kib' chrij Jesús. 28Tik'ri xketz'b'ej uwuch. Ena, xkesaj ritz'yaq Jesús chrij, xa jun chik keq atz'yaq xikkoj kan chrij. 29Tik'ri xikkoj jun ste't k'ix che ujlom peche ucorona xik'an che, soq xikya jun che' pu'ab' rech u'b'im. Tik'ri xiyixke' chjuch, xikb'ij che: «¡At, nim a'ij! Jare at atitk'al pkijlom aj Israel», xiche che, per xa esan wuchb'al xik'an che.
30Xikchub'ej uplaj, xkesaj un che' pu'ab', tik'ri xikkoj che ch'ayb'alre, xikch'ay che ujlom. 31Echi' x'antaj kmal, xkesaj ritz'yaq che keq ka'yik, jare xikkoj chik ritz'yaq Re chrij. Tik'ri xikk'am b'ik, xib'e che uripik chjuch jun cruz.
Ri Jesús xrip chjuch jun cruz
(Mr 15:22-32; Lc 23:33-43; Jn 19:17-24)
32Echi' kiyitjin che kb'e ib'enaq, xkik'laj jun achi kpi chpam un tinmit Cirene, Simón ub'i'. Ena xikchap nk'aj soldado, jwers xik'an che, rech kutelej b'i ucruz Jesús.
33Ke xiyo'pan ruk' jun laj jyub' «Gólgota» ub'i'. Un tzij Gólgota kel kub'ij «Jun Lyar jachi k'wi Ub'qil Ujlom Kamnaq». 34Chla' xikya u'al uva che Jesús, kiyjum k'alaj taq 'yes ruk', hiel kb'ix che. Per echi' xuna' Jesús su kitjiwik, xraj taj xutijo.
35Tik'ri xikrip Jesús nk'aj soldado chjuch un cruz. Echi' antajnaq chik kmal, xiyok che u'anik sak, rech kikkilo chinoq kuch'ak ritz'yaq Jesús. Jala xik'an che ujachik ritz'yaq chikuch. Jala x'antjik peche ub'im kan najb'il utzij Dios ujer, che xub'ij:
«Xikjach uwuch witz'yaq chikuch, xikkoj witz'yaq psak
rech k'alnik chinoq kuch'ak chke»,#27:35 O nk'aj ujer taq wuj rech Tyox Wuj, manuscrito kb'ix che, che tz'ib'tal taj «Xikjach uwuch witz'yaq chikuch, xikkoj witz'yaq psak rech k'alnik chinoq kuch'ak chke», xcha'. xcha'. (Sal 22:18)
Jala tz'ib'tal kan chpam Tyox Wuj. 36Tik'ri xiyikb'e'ik, xkichjij Jesús chla'. 37O nk'aj tzij tz'ib'tal chjuch jun tz'lom, che xikya pujlom un cruz che rpil Jesús chjuch. Chla' tz'ib'tal wi su rmal che xk'ejsax uwuch Jesús, kub'ij: «Nachi ri' jare Re Jesús che Rey Tk'al pkijlom aj Israel», kcha'.
38Iy'o keb' el'om xirip chjuch kicruz ptaq utlok' Jesús, jun xrip pu'b'im, nun chik xrip pumox. 39Jumpa mnaq xi'ax chla' chjuch Jesús, xiksutsa kijlom chjuch, k'ax xich'aw che, xikb'ij che:
40—At kab'ij che katikunik kawlujsaj nimlaj rchoch Dios, tik'ri xa ruk' uxib' ij kayak jun chik, xiche che. ¡Chat'o awib' chpam k'ax! ¡We qtzij che at atuK'jol Dios, katqaj uloq chjuch un cruz! —xiche che.
41Nk'aj ajk'mal b'e chke nk'aj rajchak Dios mismo jala xik'ano, rich'il nk'aj ajtojnel rech upxab' Dios, rich'il nk'aj achjab' che o keqle'n. Jwert xiktz'ej uwuch Jesús, xikb'ij chikuch:
42—¡Xyuto' nk'aj chik mnaq, per ni Re kikun taj kuto' rib' utkel! ¡Jare k'ri Re tk'al pkijlom aj Israel! Chqaj uloq le' chjuch un cruz, tik'ri kqakoj utzij. 43Jare kukub'a uk'u'x chrij Dios, soq ub'im che jare Re uK'jol Dios. Kqil b'a na we kel uk'u'x Dios che, kuto'a chpam k'ax, —xicha'.
44Ni keb' el'om che jnam xirip ruk' Jesús chjuch kicruz, soq xketz'b'ej uwuch Jesús, xikyo'o.
Ri Jesús xkamik
(Mr 15:31-41; Lc 23:44-49; Jn 19:28-30)
45Ptaq kab'aljuj (12) unom ij#27:45 Tyox Wuj kch'aw chrij uwaq (6) hora. Uwaq hora kel kub'ij ptaq kab'aljuj unom ij (12:00). ti xok qu'm chjuch runjel uwuchlew. Uxib' hora qu'm xu'ono.#27:45 Tyox Wuj kch'aw chrij uwaq (6) hora ast retal xuriq ub'elej (9) hora (12:00-3:00). 46Echi' ptaq las tres unom hora rech uqajb'al ij,#27:46 Tyox Wuj kch'aw chrij ub'elej (9) hora. Ub'elej hora kel kub'ij las tres unom hora rech uqajb'al ij (3:00). ko xusik'b'aj rib' Jesús, xub'ij: «Elí, Elí, ¿lama sabactani?» xcha'. Nk'aj tzije', kilik kub'ij: «Wjaw Dios, Wjaw Dios, ¿suche xinyal kanoq?»#Sal 22:1.
47Iy'o keb' uxib' chke nk'aj mnaq iy'o chla', xikta' su xub'ij Jesús; ena xikb'ij:
—Jare kitjinik kusk'ij najb'il utzij Dios che Elías ub'i', —xicha'.
48O jun achi chikxo'l x'e p'anim, xutzkuj ch'qap k'ul, xurub' chpam jun ch'amlaj vinagre rech u'al uva, xuya tza'm jun aj, tik'ri xuya puchi' Jesús, rech kutz'utz'a un k'ul.
49Ni nk'aj chik xikb'ij:
—Kqi'ej na, kqil na we kpi u Elías che uto'ik, —xicha'.
50Ena, ko xusik'b'aj rib' jun b'welt chik Jesús. Tik'ri xujach ranma' pu'ab' Dios, xkamik. 51Ena mismo chanim xuxer rib' un nimlaj k'ul pink'aj che mas pim, che kutas upam nimlaj rchoch Dios. Chla' xxertaj loq wi pujlom, ast retal xqaj loq chuxe'; keb' xu'ono. Xislib' uwuchlew peche kab'rqan xu'ono, xipax nk'aj nmaq taq ab'aj. 52Xtortaj uchi' nk'aj jul jachi imqul nk'aj kamnaq. Ik'i nk'aj mnaq che kikjom utzij Dios, miskini' ikamnaq chik, per xk'astaj chna kwuch chikxo'l nk'aj kamnaq. 53Xiyel loq chpam nk'aj kjul jachi imqul wi. Echi' k'astajnaqch uwuch Jesús chikxo'l nk'aj kamnaq, xiyok chpam tyoxlaj tinmit Jerusalén. Chla' xikk'ut kib' chikuch ik'ilaj taq mnaq.
54O jun achi chla' che tk'al pkijlom jun ciento soldado, rich'il nk'aj chik soldado, kiyitjin che uchijxik Jesús. Echi' kiyitjin che uchijxik, xkilo ti xu'on kab'rqan y xkilo runjel jumpa x'antjik, ena mas xki'ej kib' che, xikb'ij:
—Saqlaj tzij, nachi ri' jare Re uK'jol Dios, —xicha'.
55Ik'i nk'aj ixqib' iy'o chla', kiyitjin che rilik Jesús chnaj. Ke xib'in ruk' Jesús, chla' xikmaj loq Galilea, kikto' ruk' sutaq nmister che. 56O i Mri'y aj Magdala chikxo'l nk'aj ixqib', rich'il i Mri'y che kchuch u Santiago rich'il u Jse, soq rich'il kchuch nk'aj ralk'al u Zebedeo.
Ri Jesús xmuqik
(Mr 15:42-47; Lc 23:50-56; Jn 19:38-42)
57Echi' xa ch'in kraj koka'ab', xo'pan jun achi b'yom, jala kpi chpam un tinmit Arimatea, Jse ub'i'. Re jare udiscípulo Jesús. 58Nachi ri' xok ruk' u Pilato y xuta ucuerpo Jesús che, ena xutaq uya'ik u Pilato che. 59U Jse xuqasaj loq ucuerpo Jesús, xupis chpam jun k'ul che mas utz ka'yik, che ch'ajtajnaq. 60Tik'ri xumuq kan chpam nujul che rech re, che k'ak' uk'otik, chla' k'tom nujul chpam jun nim ab'aj. Xuwalqtij loq jun nimlaj tz'lom ab'aj rech xutz'apij kan uchi' un jul ruk', tik'ri x'ek. 61O i Mri'y aj Magdala chla', rich'il jun chik Mri'y, jnam iku'l chla' chjuch un jul.
Nk'aj soldado xkichjij ucuerpo Jesús jachi xmuq wi
62Chkab' ij echi' xk'is uyijb'axik runjel jumpa sutaq'ik k'an chpam uxnb'al ij, xipi nk'aj ajk'mal b'e chke nk'aj rajchak Dios, rich'il nk'aj fariseo, xiyok ruk' u Pilato, 63xikb'ij che:
—Nimlaj mnaq, qo'j kna'taj chqe che echi' k'as na ri jun ajsub'nel laj achi ri', xub'ij che churox ij kk'astaj chna uwuch chikxo'l nk'aj kamnaq. 64Xa rmal, ktaq ukojik la ajchijnel che uchijxik un jul jachi xmuq wi ast retal echi' kitz'qat uxib' ij, mal pent kipi nk'aj udiscípulo y kikkel'aj b'i ucuerpo tik'ri kikb'ij chke mnaq che xk'astaj uwuch chikxo'l nk'aj kamnaq. We jala kik'ano, jare jun sub'nik che mas nim chjuch jun nab'e. —Jala xikb'ij che u Pilato.
65Ena xub'ij u Pilato chke:
—Chik'ma b'i nk'aj soldado ri'. Jix, kik'ut chikuch su kik'an che uchijxik, rech utz uchijxik kik'an che, —xche chke.
66Ena xib'e che uchijxik un jul soq utz utz'apxik xik'an che un jul ruk' un nimlaj ab'aj. Xikkoj retal nab'aj rech ot jun kikunik kutoro.
Currently Selected:
San Mateo 27: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 27
27
Ri Jesús xoksax chjuch u Pilato
(Mr 15:1; Lc 23:1-2; Jn 18:28-32)
1B'ajchi' chkab' ij, kunjel nk'aj ajk'mal b'e chke nk'aj rajchak Dios, rich'il nk'aj aj Israel che o keqle'n, xikchomaj su mow kik'an che ukamsxik Jesús. 2Ena, xikxim u'ab', tik'ri xikk'am b'i chjuch u Pilato che jare atb'altzij o chla', xikjach che.
U Judas xujitz'ej rib'
(Hch 1:18-19)
3U Judas che xujach Jesús, echi' xurilo che xik'an atb'altzij pujlom Jesús rech kikkamsaj na, xu'on keb' uk'u'x ruk' che jala xu'ono, mas xub'soj. Ena xutzlij ju'wnaq ljuj (30) rqan saq pwaq chke nk'aj ajk'mal b'e chke nk'aj rajchak Dios, rich'il nk'aj nmaq keqle'n. 4Xub'ij chke:
—In xin'an nmak mal xinjach jun achi pi'ab' rech kikamsaj per ot su kri' jun umak unom, —xche chke.
Ni ke xikb'ij che:
—Qo'j ot qakwent che su xa'ano. Chiwla awib' at ruk' chla', —xiche che.
5Ena xutrij kan u Judas nk'aj pwaq chpam nimlaj rchoch Dios. Tik'ri xel b'ik, x'ek, xujitz'ej rib'.
6Ni nk'aj ajk'mal b'e chke nk'aj rajchak Dios, xiksik' nk'aj saq pwaq, xikb'ij: «Ri qapxab' kub'ij che ustaj we kqaya nk'aj pwaqi' chpam uk'olb'al kchuj rech Dios, mal xa rjil ujk'el jun mnaq», xicha'.
7Ena xikchomaj xa xiklo' jun ulew ruk' pwaq, rech chla' chpam nulew, kimuq wi jumpa mnaq kikamik che iyaj chla' taj. Nulew che xiklo'o ri', «Ulew rech ajb'nal taq b'o'j» kb'ix che ujer. 8Xa rmal su xik'ano, xoksax jun chik ub'i' nulew. «Ulew xtix kik' chjuch» xoksax che ub'i'. Jala na kikb'ij mnaq che chanim. 9Jala x'antjik peche ub'im kan najb'il utzij Dios ujer che Jeremías ub'i', che xub'ij:
«Xikk'am ju'wnaq ljuj (30) rqan pwaq, jare rjil jun achi chomam kmal iyaj Israel. 10Tik'ri xikkoj che rjil nulew xiklo'o, che xa rech ajb'nal taq b'o'j ujer, jala peche ub'im kan Qajaw Dios chwe», xcha'. (Zac 11:12-13; Jer 32:6-9)
Jala tz'ib'tal kan chpam Tyox Wuj.
Ri Jesús o chjuch u Pilato
(Mr 15:2-15; Lc 23:2-5,18-25; Jn 18:29–19:16)
11Tik'ri xikk'am b'i Jesús chjuch u Pilato. Nu Pilato xuta che Jesús, xub'ij:
—¿Le jare at atitk'al pkijlom nk'aj aj Israel? —xche che.
Ni Jesús xub'ij:
—In ri', jala peche kab'ij at, —xche che.
12Nk'aj ajk'mal b'e chke nk'aj rajchak Dios, rich'il nk'aj nmaq keqle'n xiyok che ub'ixik k'axlaj taq tzij chrij Jesús, per ot jun tzij xub'ij. 13Ena xub'ij u Pilato che:
—¿Le xa kata taj sutaq kiyitjin che ub'ixik chawij? —xche che.
14Per ni Jesús, ot su kri' jun tzij xub'ij, xch'aw taj. Xa rmal, mas xumiyma un atb'altzij.
Tojb'al mak xik'an che Jesús ti xikkamsaj
(Mr 15:6-15; Lc 23:13-25; Jn 18:39–19:16)
15Runjel jnab' chpam nim'ij rech Pascua, k'manaq che u Pilato, che o che atb'altzij, che kutzaqpij b'i jun chke mnaq iy'o pkarsa; jare kutzaqpij b'ik chin jun che kikchay mnaq. 16O jun achi Barrabás ub'i', o pkarsa. Re kunjel mnaq kit'am uwuch. 17Echi' kimlom kib' nk'aj mnaq chla', u Pilato xuta chke:
—¿Chinchke chke keb' achjab' kiwaj che ktzaqpix b'ik? ¿Le kiwaj ix che jare kintzaqpij b'i u Barrabás? ¿Le jare Jesús, che kb'ix Cristo#27:17 Cristo kel kub'ij jun chaytajnaq rmal Dios. Un tzij Mesías xaq jnam kilwi. che, kiwaj che kintzaqpij b'ik? ¿Chinchke chke? —xche chke.
18U Pilato xuch'ob'o che ot umak Jesús, per ke kijchom Jesús pu'ab' re, rmal mel k'ax kikkilo.
19Echi' ku'l u Pilato chpam atb'altzij, xutaq ub'ixik un rixqil che, xub'ij:
—Xa mamin awib' che ukamsxik nachi le', mal ot umak. Xa rmal Re, mas xintij k'ax pniwram myer, mal o jun wchik' xin'ano che xib'al'ib' rilik. —Jala xutaq ub'ixik che.
20Per ni nk'aj ajk'mal b'e chke nk'aj rajchak Dios rich'il nk'aj achjab' che o keqle'n, xiktaqch'ij nk'aj mnaq rech kikta che u Pilato che jare ktzaqpix b'i u Barrabás y jare kkamsax Jesús.
21U Pilato xuta chik chke nk'aj mnaq, xub'ij:
—¿Chin jun chke keb' achjab' kiwaj che kintzaqpij b'ik? —xche chke. Ena xikb'ij ke che:
—Jare ktzaqpij b'i la u Barrabás, —xiche che.
22Tik'ri xuta u Pilato chke, xub'ij:
—¿Su kiwaj k'ut che kin'an che Jesús, che kb'ix Cristo che? —xche chke.
Ena kunjel nk'aj mnaq xikb'ij:
—¡Chirpa chjuch jun cruz! —xiche che.
23Per nu Pilato xuta chik chke, xub'ij:
—¿Suche? ¿Su umak unom? —xche chke.
Per ni mnaq ko xiksik'b'aj chin kib', xikb'ij:
—¡Chirpa chjuch jun cruz! —xiche che.
24Echi' xuril u Pilato che xikkoj t utzij nk'aj mnaq, xani kiyitjinik kiktukb'lej kib', ena xuta pnoq ch'in jron. Tik'ri xuch'aj u'ab' chikuch nk'aj mnaq, xub'ij:
—In ot nikwent che ri utzlaj achi ri'. Ot nmak in che we xa kikamsaj. Chiwla iwib' ix ruk' chla', —xche chke.
25Ena kunjel nk'aj mnaq xikb'ij:
—¡Chuk'ejsaj qawuch Dios jumpa qawuch qo'j rich'il jumpa qalk'al, we xa o qamak kqa'ano che kqakamsaj nachi ri'! —xicha'.
26Xa jala', u Pilato xutzaqpij b'i u Barrabás chikuch. Xutaq uch'ayik Jesús ruk' krute, tik'ri xujach pik'ab' rech kikrip chjuch jun cruz.
Nk'aj soldado xiktij tze' che Jesús
(Mr 15:16-20)
27Ni nk'aj soldado rech un nimlaj atb'altzij xikk'am b'i Jesús chla' chpam un ja jachi k'wi kunjel nk'aj soldado. Echi' xiyo'pan Jesús chla', xkisk'ij kunjel nk'aj kich'il soldado rech xkistuj kib' chrij Jesús. 28Tik'ri xketz'b'ej uwuch. Ena, xkesaj ritz'yaq Jesús chrij, xa jun chik keq atz'yaq xikkoj kan chrij. 29Tik'ri xikkoj jun ste't k'ix che ujlom peche ucorona xik'an che, soq xikya jun che' pu'ab' rech u'b'im. Tik'ri xiyixke' chjuch, xikb'ij che: «¡At, nim a'ij! Jare at atitk'al pkijlom aj Israel», xiche che, per xa esan wuchb'al xik'an che.
30Xikchub'ej uplaj, xkesaj un che' pu'ab', tik'ri xikkoj che ch'ayb'alre, xikch'ay che ujlom. 31Echi' x'antaj kmal, xkesaj ritz'yaq che keq ka'yik, jare xikkoj chik ritz'yaq Re chrij. Tik'ri xikk'am b'ik, xib'e che uripik chjuch jun cruz.
Ri Jesús xrip chjuch jun cruz
(Mr 15:22-32; Lc 23:33-43; Jn 19:17-24)
32Echi' kiyitjin che kb'e ib'enaq, xkik'laj jun achi kpi chpam un tinmit Cirene, Simón ub'i'. Ena xikchap nk'aj soldado, jwers xik'an che, rech kutelej b'i ucruz Jesús.
33Ke xiyo'pan ruk' jun laj jyub' «Gólgota» ub'i'. Un tzij Gólgota kel kub'ij «Jun Lyar jachi k'wi Ub'qil Ujlom Kamnaq». 34Chla' xikya u'al uva che Jesús, kiyjum k'alaj taq 'yes ruk', hiel kb'ix che. Per echi' xuna' Jesús su kitjiwik, xraj taj xutijo.
35Tik'ri xikrip Jesús nk'aj soldado chjuch un cruz. Echi' antajnaq chik kmal, xiyok che u'anik sak, rech kikkilo chinoq kuch'ak ritz'yaq Jesús. Jala xik'an che ujachik ritz'yaq chikuch. Jala x'antjik peche ub'im kan najb'il utzij Dios ujer, che xub'ij:
«Xikjach uwuch witz'yaq chikuch, xikkoj witz'yaq psak
rech k'alnik chinoq kuch'ak chke»,#27:35 O nk'aj ujer taq wuj rech Tyox Wuj, manuscrito kb'ix che, che tz'ib'tal taj «Xikjach uwuch witz'yaq chikuch, xikkoj witz'yaq psak rech k'alnik chinoq kuch'ak chke», xcha'. xcha'. (Sal 22:18)
Jala tz'ib'tal kan chpam Tyox Wuj. 36Tik'ri xiyikb'e'ik, xkichjij Jesús chla'. 37O nk'aj tzij tz'ib'tal chjuch jun tz'lom, che xikya pujlom un cruz che rpil Jesús chjuch. Chla' tz'ib'tal wi su rmal che xk'ejsax uwuch Jesús, kub'ij: «Nachi ri' jare Re Jesús che Rey Tk'al pkijlom aj Israel», kcha'.
38Iy'o keb' el'om xirip chjuch kicruz ptaq utlok' Jesús, jun xrip pu'b'im, nun chik xrip pumox. 39Jumpa mnaq xi'ax chla' chjuch Jesús, xiksutsa kijlom chjuch, k'ax xich'aw che, xikb'ij che:
40—At kab'ij che katikunik kawlujsaj nimlaj rchoch Dios, tik'ri xa ruk' uxib' ij kayak jun chik, xiche che. ¡Chat'o awib' chpam k'ax! ¡We qtzij che at atuK'jol Dios, katqaj uloq chjuch un cruz! —xiche che.
41Nk'aj ajk'mal b'e chke nk'aj rajchak Dios mismo jala xik'ano, rich'il nk'aj ajtojnel rech upxab' Dios, rich'il nk'aj achjab' che o keqle'n. Jwert xiktz'ej uwuch Jesús, xikb'ij chikuch:
42—¡Xyuto' nk'aj chik mnaq, per ni Re kikun taj kuto' rib' utkel! ¡Jare k'ri Re tk'al pkijlom aj Israel! Chqaj uloq le' chjuch un cruz, tik'ri kqakoj utzij. 43Jare kukub'a uk'u'x chrij Dios, soq ub'im che jare Re uK'jol Dios. Kqil b'a na we kel uk'u'x Dios che, kuto'a chpam k'ax, —xicha'.
44Ni keb' el'om che jnam xirip ruk' Jesús chjuch kicruz, soq xketz'b'ej uwuch Jesús, xikyo'o.
Ri Jesús xkamik
(Mr 15:31-41; Lc 23:44-49; Jn 19:28-30)
45Ptaq kab'aljuj (12) unom ij#27:45 Tyox Wuj kch'aw chrij uwaq (6) hora. Uwaq hora kel kub'ij ptaq kab'aljuj unom ij (12:00). ti xok qu'm chjuch runjel uwuchlew. Uxib' hora qu'm xu'ono.#27:45 Tyox Wuj kch'aw chrij uwaq (6) hora ast retal xuriq ub'elej (9) hora (12:00-3:00). 46Echi' ptaq las tres unom hora rech uqajb'al ij,#27:46 Tyox Wuj kch'aw chrij ub'elej (9) hora. Ub'elej hora kel kub'ij las tres unom hora rech uqajb'al ij (3:00). ko xusik'b'aj rib' Jesús, xub'ij: «Elí, Elí, ¿lama sabactani?» xcha'. Nk'aj tzije', kilik kub'ij: «Wjaw Dios, Wjaw Dios, ¿suche xinyal kanoq?»#Sal 22:1.
47Iy'o keb' uxib' chke nk'aj mnaq iy'o chla', xikta' su xub'ij Jesús; ena xikb'ij:
—Jare kitjinik kusk'ij najb'il utzij Dios che Elías ub'i', —xicha'.
48O jun achi chikxo'l x'e p'anim, xutzkuj ch'qap k'ul, xurub' chpam jun ch'amlaj vinagre rech u'al uva, xuya tza'm jun aj, tik'ri xuya puchi' Jesús, rech kutz'utz'a un k'ul.
49Ni nk'aj chik xikb'ij:
—Kqi'ej na, kqil na we kpi u Elías che uto'ik, —xicha'.
50Ena, ko xusik'b'aj rib' jun b'welt chik Jesús. Tik'ri xujach ranma' pu'ab' Dios, xkamik. 51Ena mismo chanim xuxer rib' un nimlaj k'ul pink'aj che mas pim, che kutas upam nimlaj rchoch Dios. Chla' xxertaj loq wi pujlom, ast retal xqaj loq chuxe'; keb' xu'ono. Xislib' uwuchlew peche kab'rqan xu'ono, xipax nk'aj nmaq taq ab'aj. 52Xtortaj uchi' nk'aj jul jachi imqul nk'aj kamnaq. Ik'i nk'aj mnaq che kikjom utzij Dios, miskini' ikamnaq chik, per xk'astaj chna kwuch chikxo'l nk'aj kamnaq. 53Xiyel loq chpam nk'aj kjul jachi imqul wi. Echi' k'astajnaqch uwuch Jesús chikxo'l nk'aj kamnaq, xiyok chpam tyoxlaj tinmit Jerusalén. Chla' xikk'ut kib' chikuch ik'ilaj taq mnaq.
54O jun achi chla' che tk'al pkijlom jun ciento soldado, rich'il nk'aj chik soldado, kiyitjin che uchijxik Jesús. Echi' kiyitjin che uchijxik, xkilo ti xu'on kab'rqan y xkilo runjel jumpa x'antjik, ena mas xki'ej kib' che, xikb'ij:
—Saqlaj tzij, nachi ri' jare Re uK'jol Dios, —xicha'.
55Ik'i nk'aj ixqib' iy'o chla', kiyitjin che rilik Jesús chnaj. Ke xib'in ruk' Jesús, chla' xikmaj loq Galilea, kikto' ruk' sutaq nmister che. 56O i Mri'y aj Magdala chikxo'l nk'aj ixqib', rich'il i Mri'y che kchuch u Santiago rich'il u Jse, soq rich'il kchuch nk'aj ralk'al u Zebedeo.
Ri Jesús xmuqik
(Mr 15:42-47; Lc 23:50-56; Jn 19:38-42)
57Echi' xa ch'in kraj koka'ab', xo'pan jun achi b'yom, jala kpi chpam un tinmit Arimatea, Jse ub'i'. Re jare udiscípulo Jesús. 58Nachi ri' xok ruk' u Pilato y xuta ucuerpo Jesús che, ena xutaq uya'ik u Pilato che. 59U Jse xuqasaj loq ucuerpo Jesús, xupis chpam jun k'ul che mas utz ka'yik, che ch'ajtajnaq. 60Tik'ri xumuq kan chpam nujul che rech re, che k'ak' uk'otik, chla' k'tom nujul chpam jun nim ab'aj. Xuwalqtij loq jun nimlaj tz'lom ab'aj rech xutz'apij kan uchi' un jul ruk', tik'ri x'ek. 61O i Mri'y aj Magdala chla', rich'il jun chik Mri'y, jnam iku'l chla' chjuch un jul.
Nk'aj soldado xkichjij ucuerpo Jesús jachi xmuq wi
62Chkab' ij echi' xk'is uyijb'axik runjel jumpa sutaq'ik k'an chpam uxnb'al ij, xipi nk'aj ajk'mal b'e chke nk'aj rajchak Dios, rich'il nk'aj fariseo, xiyok ruk' u Pilato, 63xikb'ij che:
—Nimlaj mnaq, qo'j kna'taj chqe che echi' k'as na ri jun ajsub'nel laj achi ri', xub'ij che churox ij kk'astaj chna uwuch chikxo'l nk'aj kamnaq. 64Xa rmal, ktaq ukojik la ajchijnel che uchijxik un jul jachi xmuq wi ast retal echi' kitz'qat uxib' ij, mal pent kipi nk'aj udiscípulo y kikkel'aj b'i ucuerpo tik'ri kikb'ij chke mnaq che xk'astaj uwuch chikxo'l nk'aj kamnaq. We jala kik'ano, jare jun sub'nik che mas nim chjuch jun nab'e. —Jala xikb'ij che u Pilato.
65Ena xub'ij u Pilato chke:
—Chik'ma b'i nk'aj soldado ri'. Jix, kik'ut chikuch su kik'an che uchijxik, rech utz uchijxik kik'an che, —xche chke.
66Ena xib'e che uchijxik un jul soq utz utz'apxik xik'an che un jul ruk' un nimlaj ab'aj. Xikkoj retal nab'aj rech ot jun kikunik kutoro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global