San Mateo 14
14
U Wan ajb'nal qasna' xkamsxik
(Mr 6:14-29; Lc 9:7-9)
1Chpam nk'aj ije', u Herodes che tk'al pujlom atb'altzij pukwent Galilea, xuta rson sutaq kitjin Jesús che u'anik. 2Ena xub'ij chke nk'aj utaqo'n che iy'o ruk':
«Nachi le', jare u Wan ajb'nal qasna'. Xa xk'astaj loq chikxo'l nk'aj kamnaq, xa rmal che o uchu'ab' che u'anik nk'aj nmaq taq k'utb'al», xche chke.
3Jala xub'ij u Herodes, xa rmal che jare re xutaq uchapik u Wan ajb'nal qasna', rech kikximo kikkoj pkarsa. Jala xu'on u Herodes che u Wan, xa rmal il Herodías. U Herodes unom rixqil che il Herodías, miskini' jare rixqil nucha' Pelipe. 4U Herodes xutaq uchapik u Wan rmal mel b'im u Wan che, xub'ij: «Ya'tal taj chawe, Herodes, che kaya il Herodías awuk', mal jare rixqil nacha'», xche che.
5U Herodes, jare t xraj re wet xukamsaj u Wan, per mas kux'ej rib' chikuch nk'aj mnaq, mal kunjel mnaq kikkojo che u Wan, jare ajb'il utzij Dios.
6Echi' xuk'is ujnab' u Herodes, xuk'ul nim'ij. O jun ral il Herodías ali xpitik xixjow chikuch kunjel nk'aj mnaq che xyusk'ij chpam nim'ij. Ena jwert utz xuril u Herodes. 7Xa rmal, xub'ij che nali che ruk' saqlaj tzij kuya na che, pachinchke sutaq'ik kraj kuta che. 8Per ni nali, nab'e xtaqch'ix rmal uchuch, ena xub'ij che u Herodes: «Chiy'a loq nujlom u Wan ajb'nal qasna' chwe chpam jun plato», xche che.
9Echi' xuta u Herodes che jala xub'ij nali, jwert xib'sonik, per xu'on t kwil xuk'ex utzij che xub'ij che nali, mal ruk' saqlaj tzij xch'aw ruk' chikuch kunjel mnaq iyusk'im ruk'. 10Ena xutaq resxik ujlom u Wan pkarsa. 11Ena x'e un soldado chpam un karsa, xuram ujlom u Wan. Xuk'am loq chpam jun plato, tik'ri xujach che nali. Ni re xujach che uchuch. 12Tik'ri xiyo'pan nk'aj udiscípulo u Wan, xikma loq ucuerpo, xkimqu kanoq. Tik'ri xib'e che ub'ixik che Jesús.
Ri Jesús xuya kwa j'ob' (5) mil mnaq
(Mr 6:32-44; Lc 9:10-17; Jn 6:1-13)
13Echi' xuta Jesús che jala x'antjik, utkel x'ek. Xok chpam jun barco, x'e chpam jun lyar jachi ot mnaq. Per k'ilaj taq mnaq xiyel loq ptaq tinmit echi' xikta rson jachi x'ew Jesús chi', ena xib'e chaqan, xkitrimb'ej b'ik.
14Echi' xel loq Jesús chpam un barco, xurilo che jwert mnaq iy'o chla'. Ena xel uk'u'x chke, xyuknaj chintaq xa iyab'.
15Echi' ya ma'tan chik, xipi nk'aj udiscípulo ruk', xikb'ij che:
—Ya ma'tan chik y ot mnaq che o kchoch chi'. Chijcha iwib' kuk' mnaq rech o mow kib'e ke ptaq kanton che o nqaj rech kiklo' kwa, mal ot su kiktijo, —xiche che.
16Ni Re xub'ij chke:
—Nmister taj kib'ek. Chiy'a ix kwa, —xche chke.
17Ni ke xikb'ij:
—Ot su o quk', xa j'ob' (5) kaxlenwa rich'il keb' kar cha' olik, —xiche che.
18—Chik'ma loq chiri', —xche Jesús chke.
19Tik'ri xutaq ub'ixik chke nk'aj mnaq che kiyikb'e' chjuch nk'aj 'yes. Tik'ri xuk'am qaj j'ob' (5) kaxlenwa rich'il keb' kar. Xka'y chkaj, xutyoxij che Dios. Tik'ri xupir nk'aj kaxlenwa, xuya chke nk'aj udiscípulo. Ni nk'aj udiscípulo, xikjach uwuch chikuch mnaq. 20Kunjel nk'aj mnaq xiwa'ik, xinojik. Tik'ri xikyako jumpa uqax kaxlenwa che xikk'is taj. Xikya ptaq chkach; kab'aljuj (12) chkach o che kqax che xso'wrnik. 21Pent o j'ob' mil (5,000) chke, nk'aj achjab' che xiktij kwa, xaq uwi' nk'aj ixqib' rich'il nk'aj ak'lab' che xiyejlax taj.
Ri Qajaw Jesús xb'in pujlom ja'
(Mr 6:45-56; Jn 6:15-21)
22Tik'ri k'ut xyutaq b'i Jesús nk'aj udiscípulo rech kiyok chpam un barco, kinab'aj b'i chjuch ch'qap che nu'ab' mar. Ni Jesús xkanaj kan kuk' nk'aj mnaq rech kuril kan jachb'al'ib' kik'ano. 23Echi' iyujchom chub'ik, utkel Jesús xel b'i pujlom jun jyub' rech kch'aw ruk' Dios chla'. Echi' xoka'ab' xaq utkel o chla'. 24Ni nk'aj udiscípulo che ib'enaq chpam un barco naj chik ik'wi, per jwert riwal mar kupuj rib' chrij un barco y kislib' un barco rmal uchu'ab' k'qi' che pitnaq chjuch.
25Echi' xa ch'in kraj che kpi usaqrik, xok Jesús chkinqaj, kitjin che ub'e b'enaq pujlom ja'. 26Echi' xkil nk'aj udiscípulo che kitjin che ub'e pujlom ja', jwert xkix'ej kib'. Ena xiksik'b'aj kib', xikb'ij:
—¡Xa jare jun xib'nel! —xicha'.
27Per ni Jesús chanim xyuch'ab'ej, xub'ij chke:
—Xa mix'ej iwib', xa in. ¡China jun kowlaj k'u'x! —xche chke.
28Tik'ri xch'aw u Lu', xub'ij:
—Qajaw, we qtzij che jare la, y'al chwe che kimb'inik kimb'e pujlom ja', rech kino'pan uk' la, —xche che.
29—Utza', katjosaj, —xche Jesús che.
Ena xel u Lu' chpam un barco, x'e ruk' Jesús, kb'inik x'e pujlom ja'. 30Per echi' kuna'o che jwert uchu'ab' k'qi' pitnaq, xux'ej rib', soq kuna'o che kmuqtaj chpam ja'. Ena xusik'b'aj rib', xub'ij:
—Qajaw nit'o la, —xche che.
31Ri Jesús chanim xuchap che u'ab', xub'ij che:
—At xa ch'in akojb'al olik. ¿Suche xu'on keb' ak'u'x? —xche che.
32Echi' xiyok Jesús ruk' u Lu' chpam un barco, chanim xu'xan tew. 33Jumpa mnaq iy'o chpam un barco, kunjel xkinmirsaj u'ij Jesús, xiyixke' chjuch, xikb'ij che:
—Puro saqlaj tzij che jare la, lal uK'jol Dios, —xiche che.
Ik'i nk'aj yab' xyuknaj Jesús
(Mr 6:53-56)
34Echi' xi'ax ch'qap che mar, xiyo'pan chuchi' klew aj Genesaret. 35Echi' xikch'ob' uwuch Jesús nk'aj mnaq che iy'o chla', xkesaj rson chpam runjel un tinmit. Ena xikk'am loq kunjel nk'aj yab' ruk'. 36Ena xikb'och'ij ujlom Jesús rech kuya chke nk'aj yab' che kikchap koq ch'in chuchi' ritz'yaq; y kunjel jumpa xikchap ritz'yaq, xiyik'chojik.
Currently Selected:
San Mateo 14: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 14
14
U Wan ajb'nal qasna' xkamsxik
(Mr 6:14-29; Lc 9:7-9)
1Chpam nk'aj ije', u Herodes che tk'al pujlom atb'altzij pukwent Galilea, xuta rson sutaq kitjin Jesús che u'anik. 2Ena xub'ij chke nk'aj utaqo'n che iy'o ruk':
«Nachi le', jare u Wan ajb'nal qasna'. Xa xk'astaj loq chikxo'l nk'aj kamnaq, xa rmal che o uchu'ab' che u'anik nk'aj nmaq taq k'utb'al», xche chke.
3Jala xub'ij u Herodes, xa rmal che jare re xutaq uchapik u Wan ajb'nal qasna', rech kikximo kikkoj pkarsa. Jala xu'on u Herodes che u Wan, xa rmal il Herodías. U Herodes unom rixqil che il Herodías, miskini' jare rixqil nucha' Pelipe. 4U Herodes xutaq uchapik u Wan rmal mel b'im u Wan che, xub'ij: «Ya'tal taj chawe, Herodes, che kaya il Herodías awuk', mal jare rixqil nacha'», xche che.
5U Herodes, jare t xraj re wet xukamsaj u Wan, per mas kux'ej rib' chikuch nk'aj mnaq, mal kunjel mnaq kikkojo che u Wan, jare ajb'il utzij Dios.
6Echi' xuk'is ujnab' u Herodes, xuk'ul nim'ij. O jun ral il Herodías ali xpitik xixjow chikuch kunjel nk'aj mnaq che xyusk'ij chpam nim'ij. Ena jwert utz xuril u Herodes. 7Xa rmal, xub'ij che nali che ruk' saqlaj tzij kuya na che, pachinchke sutaq'ik kraj kuta che. 8Per ni nali, nab'e xtaqch'ix rmal uchuch, ena xub'ij che u Herodes: «Chiy'a loq nujlom u Wan ajb'nal qasna' chwe chpam jun plato», xche che.
9Echi' xuta u Herodes che jala xub'ij nali, jwert xib'sonik, per xu'on t kwil xuk'ex utzij che xub'ij che nali, mal ruk' saqlaj tzij xch'aw ruk' chikuch kunjel mnaq iyusk'im ruk'. 10Ena xutaq resxik ujlom u Wan pkarsa. 11Ena x'e un soldado chpam un karsa, xuram ujlom u Wan. Xuk'am loq chpam jun plato, tik'ri xujach che nali. Ni re xujach che uchuch. 12Tik'ri xiyo'pan nk'aj udiscípulo u Wan, xikma loq ucuerpo, xkimqu kanoq. Tik'ri xib'e che ub'ixik che Jesús.
Ri Jesús xuya kwa j'ob' (5) mil mnaq
(Mr 6:32-44; Lc 9:10-17; Jn 6:1-13)
13Echi' xuta Jesús che jala x'antjik, utkel x'ek. Xok chpam jun barco, x'e chpam jun lyar jachi ot mnaq. Per k'ilaj taq mnaq xiyel loq ptaq tinmit echi' xikta rson jachi x'ew Jesús chi', ena xib'e chaqan, xkitrimb'ej b'ik.
14Echi' xel loq Jesús chpam un barco, xurilo che jwert mnaq iy'o chla'. Ena xel uk'u'x chke, xyuknaj chintaq xa iyab'.
15Echi' ya ma'tan chik, xipi nk'aj udiscípulo ruk', xikb'ij che:
—Ya ma'tan chik y ot mnaq che o kchoch chi'. Chijcha iwib' kuk' mnaq rech o mow kib'e ke ptaq kanton che o nqaj rech kiklo' kwa, mal ot su kiktijo, —xiche che.
16Ni Re xub'ij chke:
—Nmister taj kib'ek. Chiy'a ix kwa, —xche chke.
17Ni ke xikb'ij:
—Ot su o quk', xa j'ob' (5) kaxlenwa rich'il keb' kar cha' olik, —xiche che.
18—Chik'ma loq chiri', —xche Jesús chke.
19Tik'ri xutaq ub'ixik chke nk'aj mnaq che kiyikb'e' chjuch nk'aj 'yes. Tik'ri xuk'am qaj j'ob' (5) kaxlenwa rich'il keb' kar. Xka'y chkaj, xutyoxij che Dios. Tik'ri xupir nk'aj kaxlenwa, xuya chke nk'aj udiscípulo. Ni nk'aj udiscípulo, xikjach uwuch chikuch mnaq. 20Kunjel nk'aj mnaq xiwa'ik, xinojik. Tik'ri xikyako jumpa uqax kaxlenwa che xikk'is taj. Xikya ptaq chkach; kab'aljuj (12) chkach o che kqax che xso'wrnik. 21Pent o j'ob' mil (5,000) chke, nk'aj achjab' che xiktij kwa, xaq uwi' nk'aj ixqib' rich'il nk'aj ak'lab' che xiyejlax taj.
Ri Qajaw Jesús xb'in pujlom ja'
(Mr 6:45-56; Jn 6:15-21)
22Tik'ri k'ut xyutaq b'i Jesús nk'aj udiscípulo rech kiyok chpam un barco, kinab'aj b'i chjuch ch'qap che nu'ab' mar. Ni Jesús xkanaj kan kuk' nk'aj mnaq rech kuril kan jachb'al'ib' kik'ano. 23Echi' iyujchom chub'ik, utkel Jesús xel b'i pujlom jun jyub' rech kch'aw ruk' Dios chla'. Echi' xoka'ab' xaq utkel o chla'. 24Ni nk'aj udiscípulo che ib'enaq chpam un barco naj chik ik'wi, per jwert riwal mar kupuj rib' chrij un barco y kislib' un barco rmal uchu'ab' k'qi' che pitnaq chjuch.
25Echi' xa ch'in kraj che kpi usaqrik, xok Jesús chkinqaj, kitjin che ub'e b'enaq pujlom ja'. 26Echi' xkil nk'aj udiscípulo che kitjin che ub'e pujlom ja', jwert xkix'ej kib'. Ena xiksik'b'aj kib', xikb'ij:
—¡Xa jare jun xib'nel! —xicha'.
27Per ni Jesús chanim xyuch'ab'ej, xub'ij chke:
—Xa mix'ej iwib', xa in. ¡China jun kowlaj k'u'x! —xche chke.
28Tik'ri xch'aw u Lu', xub'ij:
—Qajaw, we qtzij che jare la, y'al chwe che kimb'inik kimb'e pujlom ja', rech kino'pan uk' la, —xche che.
29—Utza', katjosaj, —xche Jesús che.
Ena xel u Lu' chpam un barco, x'e ruk' Jesús, kb'inik x'e pujlom ja'. 30Per echi' kuna'o che jwert uchu'ab' k'qi' pitnaq, xux'ej rib', soq kuna'o che kmuqtaj chpam ja'. Ena xusik'b'aj rib', xub'ij:
—Qajaw nit'o la, —xche che.
31Ri Jesús chanim xuchap che u'ab', xub'ij che:
—At xa ch'in akojb'al olik. ¿Suche xu'on keb' ak'u'x? —xche che.
32Echi' xiyok Jesús ruk' u Lu' chpam un barco, chanim xu'xan tew. 33Jumpa mnaq iy'o chpam un barco, kunjel xkinmirsaj u'ij Jesús, xiyixke' chjuch, xikb'ij che:
—Puro saqlaj tzij che jare la, lal uK'jol Dios, —xiche che.
Ik'i nk'aj yab' xyuknaj Jesús
(Mr 6:53-56)
34Echi' xi'ax ch'qap che mar, xiyo'pan chuchi' klew aj Genesaret. 35Echi' xikch'ob' uwuch Jesús nk'aj mnaq che iy'o chla', xkesaj rson chpam runjel un tinmit. Ena xikk'am loq kunjel nk'aj yab' ruk'. 36Ena xikb'och'ij ujlom Jesús rech kuya chke nk'aj yab' che kikchap koq ch'in chuchi' ritz'yaq; y kunjel jumpa xikchap ritz'yaq, xiyik'chojik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global