San Mateo 13
13
Jun k'amb'al n'oj chrij jun ajtkil tiko'n
(Mr 4:1-20; Lc 8:4-15; 10:23-24)
1Echi' kitjin Jesús kch'aw kuk' nk'aj mnaq, jare mismo ij xel loq pja, x'e chuchi' nu'ab' mar, xikb'e' chla'. 2Ena jwert ik'i nk'aj mnaq xikmol kib' chrij Jesús, y mas latz', xa rmal, xok Re chpam jun barco, xikb'e' chpam. Ni nk'aj mnaq, kunjel xikanaj kan chuchi' mar. 3Tik'ri k'ut, ri Jesús k'i tzij xyutjoj mnaq che ruk' k'amb'al taq n'oj, xub'ij chke:
«O jun ajtkil tiko'n x'e che utikik utiko'n. 4Echi' kitjinik kujpij nk'aj ija', o nk'aj xqaj chpam b'e; tik'ri xipi nk'aj tz'kin, xiktij b'i nk'aj ija'. 5O nk'aj chik ija' xqaj xo'l taq ab'aj, chla' jachi ot mas ulew. Ena chanim xpo' loq nk'aj ija', mal pim taj ulew olik. 6Per echi' xel loq ij, xk'at nk'aj tiko'n, xichqijik, mal ot mas ra' b'enaq chpam ulew. 7O nk'aj chik ija' xqaj xo'l nk'aj k'ix. Echi' xk'iy nk'aj k'ix, xuya t che nk'aj tiko'n xk'iyik, xa xuji'saj. 8Per ni nk'aj chik ija' xqaj chpam utzlaj ulew. Chla' xpo' wi, xk'iyik, jwert xiwchinik. Iy'o tiko'n xikya treinta kwuch chikjunjnal, iy'o nk'aj che xikya sesenta kwuch chikjunjnal; ni nk'aj chik xikya jun ciento kwuch chikjunjnal. 9Chin kkaj kikta ntzij chiktatb'ej ruk' kixkin, utz utatb'xik kik'an che». Jala xub'ij Jesús chke.
Ri Jesús xub'ij suche che kub'ij k'amb'al taq n'oj
(Mr 4:10-12; Lc 8:9-10)
10Nk'aj discípulo xiqib' koq ruk' Jesús, tik'ri xikta che:
—¿Suche che kb'ij la k'amb'al taq n'oj chke mnaq echi' kyach'ab'ej? —xiche che.
11Ri Jesús xub'ij chke:
—Ix y'om chiwe rmal Dios che kiwit'amaj mas chrij utzlaj atb'altzij rech Dios che uk'tum taj chiwuch ujer. Per jumpa mas mnaq ya'tajnaq taj chke che kkit'amaj. 12Chin jun che o su o ruk', kya na mas che rech k'i ku'on ruk'. Per chin jun che ot mas su o ruk', kesax na ch'in che, che o ruk'. 13Xa rmal che ruk' k'amb'al taq n'oj kiyinch'ab'ej nk'aj chik mnaq, mal miskini' kikkilo su kin'ano, per kik'ano peche mow xa kikkil taj; y miskini' kikta' su kimb'ij, per kik'ano peche mow xa kikta taj, y kikch'ob' taj. 14Chla' k'aljan wi che qtzij su utz'ib'am kan najb'il utzij Dios che Isaías ub'i'. Jawa xub'ij:
“Miskini' kitatb'ej saqlaj tzij ruk' ixkin, kqaj taj pijlom su kilwi. Miskini' kiwil ruk' iwuch,
kich'ob' taj su kiwilo.
15Mal mas ko unom kanma' nk'aj mnaqi',
peche mow xa ktz'apim kixkin,
peche mow xa kyub'am kwuch rech kika'y taj.
Kkaj taj kikta tzij, kikch'ob' taj chpam kanma',
mal wet kikk'ex kmow chinwuch,
kiyikjon chwe, tik'ri k'ut kiyinknaj”. (Is 6:9-10)
Jala xub'ij u Isaías.
16»Per utz iwe ix mal kixkunik kich'ob'o sutaq kiwilo che kintjin che u'anik, soq kixkunik kich'ob'o sutaq kita' che kintjin che ub'ixik. 17Ruk' saqlaj tzij kimb'ij chiwe che ik'i nk'aj ajb'il utzij Dios ujer rich'il nk'aj chik sk'umlaj taq mnaq, xkaj wet xkilo runjel sutaq kixtjin ix che rilik chanim, per xikkil taj. Xkaj wet xikta' runjel sutaq kixtjin ix che utatb'xik chanim, per xya taj chke.
Ri Jesús xub'ij su kilwi ri k'amb'al n'oj chrij jun ajtkil tiko'n
(Mr 4:13-20; Lc 8:11-15)
18»Chitatb'ej su kilwi un k'amb'al n'oj chrij jun ajtkil tiko'n. 19Chin jun mnaq che kuta' su uptan ri utzlaj atb'altzij che ku'on Dios pkijlom kunjel mnaq, per kuch'ob' taj su kilwi, xaq jnam ruk' peche nk'aj ija' che xqaj chpam b'e. Echi' ktataj b'i rmal, kpi nitzel ruk', kuresaj utzij Dios che xqaj chpam ranma'. 20Ni nk'aj ija' che xa xo'l taq ab'aj xqaj wi, naj taj x'e ra' chpam ulew mal pim taj ulew jachi xqaj wi. Kelik che xaq jnam ruk' peche un mnaq che kuta utzij Dios ruk' ki'ktem, chanim kuk'am pranma'. 21Per ot uchu'ab', mal ko taj tk'alik y kuch'ij t mas. Echi' kuriq k'ax, echi' kpi ch'oj chrij rmal che xukoj utzij Dios, chanim kuya kanoq. 22Nk'aj ija' che xqaj xo'l nk'aj k'ix, xaq jnam ruk' peche un mnaq che kuta utzij Dios, per xa jare mas b'enaq uk'u'x ruk' uk'asnmal. Ksub'taj rmal b'oymal chi' chuchlew. Xa jare ub'oymal kuchup utzij Dios chpam ranma', y kuya t che kichkun chpam uk'asnmal, jala peche tiko'n che kuya t uwuch. 23Per ni nk'aj ija' che xqaj chpam utzlaj ulew, xaq jnam ruk' peche un mnaq che kuta utzij Dios y kuch'ob'o su kilwi. Re jala peche nk'aj tiko'n che kiwchin ruk' y k'i uwuch kuya'o. Iy'o nk'aj kikya treinta kwuch chikjunjnal; iy'o nk'aj kikya sesenta kwuch chikjunjnal; iy'o nk'aj chik kikya jun ciento kwuch chikjunjnal. —Jala xub'ij Jesús chke.
Jun k'amb'al n'oj chrij nk'aj k'ix xipo' loq chuxo'l nk'aj triko
24Ri Jesús xub'ij jun chik k'amb'al n'oj, xub'ij: «Ri utzlaj atb'altzij rech Dios, xaq jnam ruk' peche jun achi che xutik nk'aj utzlaj tiko'n chpam rlew. 25Per echi' kiwar kunjel mnaq, xo'pan jun mnaq che xa iyajch'oj ruk' un rjaw tiko'n. Ena xutik kan nk'aj itzel taq k'ix chuxo'l nk'aj triko, tik'ri x'ek. 26Echi' k'ut xik'iy loq nk'aj triko, xpo' loq uwuch, soq xik'iy loq nk'aj itzel taq k'ix, jnam xik'iy loq ruk' nk'aj triko. 27Ni nk'aj ajchak xib'e ruk' un kpatrón, xikb'ij che: “Qajaw, ¿le xa utzlaj tiko'n taj xatik chjuch nawlew? We utzlaj tiko'n xatiko, ¿jachi xpi nk'aj itzel taq k'ix chi' che xpo' loq chuxo'l nk'aj tiko'n?” xiche che. 28Nun kpatrón xub'ij chke: “Xa o jun mnaq che ajch'oj wuk', jare re xu'on chwe”, xche chke. Ni ke xikb'ij chik che: “¿Le kawaj che kqab'oq b'i nk'aj itzel taq k'ix?” xiche che. 29Nun kpatrón xub'ij chik chke: “Xa mi'an jala'. Pent ni su jnam kib'oq b'i nk'aj triko ruk' nk'aj itzel taq k'ix. 30Chiy'a kan chla' rech jnam kik'iyik, ast retal echi' kqayak uwuch nk'aj triko. Tik'ri kimb'ij chke nk'aj nmoso che nab'e kikmol nk'aj itzel taq k'ix tik'ri jtaq b'or kik'an che kikximo rech kikti' p'a'. Tik'ri k'ut kikyak uwuch nk'aj triko, y kikkol chpam uk'olb'al”, xub'ij un rjaw tiko'n». Jala xub'ij Jesús.
Ri Jesús xub'ij jun k'amb'al n'oj chrij jun ub'a' mostaza
(Mr 4:30-32; Lc 13:18-21)
31Ri Jesús xub'ij jun chik k'amb'al n'oj, xub'ij: «Ri utzlaj atb'altzij rech Dios, xaq jnam ruk' peche jun ub'a' tiko'n che mostaza kb'ix che, che xutik jun achi chpam rlew. 32Echi' ktikik, mas kk'iyik. Miskini' xa taq ch'in chjuch runjel jumpa ija' che ktikik, per echi' kk'iyik jare re mas nim kel chjuch runjel jumpa tiko'n, ku'on jun nimlaj che'. Nma'q kel nk'aj u'ab', ena kipi nk'aj tz'kin, kik'an ksok xo'l taq u'ab'». Jala xub'ij Jesús.
33Ri Jesús xub'ij jun chik k'amb'al n'oj, xub'ij: «Ri utzlaj atb'altzij rech Dios xaq jnam ruk' peche ch'am kuya jun ixoq ruk' k'ej ti ku'on kaxlenwa. We kukoj ch'inlaj ch'am ruk' uxib' pajb'al k'ej, runjel un or ku'on ch'am». Jala xub'ij Jesús.
34Runjel jumpa wari' che xub'ij Jesús chke mnaq, xaq xaw ruk' k'amb'al taq n'oj xub'ij wi. Ot tzij xub'ij chke che mitji xukoj k'amb'al n'oj ruk'. 35Jala x'antjik peche ub'im kan najb'il utzij Dios ujer chrij Jesús. Re utz'ib'am kanoq:
«Kinch'aw na ruk' k'amb'al taq n'oj.
Kimb'ij na jumpa sutaq'ik che mja kkit'amaj mnaq, miskini' o chik echi' xtiktaj loq uwuchlew», xcha'. (Sal 78:2)
Jala utz'ib'am kan najb'il utzij Dios.
Ri Jesús xub'ij su kilwi ri k'amb'al n'oj chrij jun itzel k'ix
36Echi' xu'xan Jesús che tzij kuk' mnaq, xyuya kanoq, ni Re xok b'i pja. Ena xiqib' koq nk'aj udiscípulo ruk', xikb'ij che:
—Chb'ij chqe su kilwi un k'amb'al n'oj che xb'ij la chrij nitzel k'ix che xtik chuxo'l nk'aj triko, —xiche che.
37Ri Jesús xub'ij chke:
—Ri jun che xutik nk'aj utzlaj tiko'n, jare in nAchi nuK'jol Dios. 38Ni ulew che xutik chjuch, jare runjel jumpa uwuchlew olik. Ni nk'aj utzlaj ija' jare kunjel jumpa ralk'al Dios che kijchom kib' pu'ab' utzlaj atb'altzij rech Dios. Ni nk'aj itzel taq k'ix jare nk'aj mnaq che kijchom kib' pu'ab' nitzel. 39Un rajch'oj un rjaw tiko'n che xutik nk'aj itzel taq k'ix, jare nitzel. Ni uwuch nk'aj tiko'n che kikyako, jarela echi' ksachtaj uwuch uwuchlew. Ni nk'aj ajchak che kikyak uwuch nk'aj tiko'n, jare nk'aj ángel rech Dios. 40Jala peche k'an che nk'aj itzel taq k'ix che kmolik tik'ri kti' p'a', soq jala na k'anik echi' ksachtaj uwuch uwuchlew. 41Jare in nAchi nuK'jol Dios, kintaq nuloq nk'aj n'ángel rech kikmol kunjel jumpa mnaq che xa kiktaqch'ij nk'aj chik che u'anik mak, rich'il jumpa nk'aj chik che xa jare kik'ano runjel jumpa sutaq'ik che xa rech itzel, rech kikkesaj loq nk'aj mnaqi' chpam ntinmit, jachi kin'an utzlaj atb'altzij. 42Tik'ri k'ut kikk'eq loq chpam jun nimlaj a', peche a' kel chpam jun nimlaj tuj. Chla' kunjel mnaq kiyo' na rmal b'is, soq kkiqch'uch'ej uwuke, rmal kiwal. 43Per ni nk'aj che isk'umlaj taq mnaq chjuch Dios, chla' kiyikjew chkaj ruk' Dios, jachi ku'on wi utzlaj atb'altzij. Ktil'anik ka'y kij chla' jala peche ka'y ij. Chin kkaj kiktatb'ej ntzij, chiktatb'ej ruk' kixkin, utz utatb'xik kik'an che.
Ri Jesús xub'ij jun k'amb'al n'oj chrij jun k'wal rich'il chrij jun ab'aj che mas utz ka'yik
44»Ri utzlaj atb'altzij rech Dios xaq jnam ruk' peche jun k'wal che muqtal kan chpam jun ulew. Echi' k'ut xpi jun achi y xuriqo, xa xumuq chkan chla' jachi xuriq wi. Tik'ri jwert kki'ktik x'ek, xuk'ij runjel jumpa ub'itaqre olik, xulo' nulew che muqtal un k'wal chpam, —xche chke.
45Ri Jesús xub'ij jun chik k'amb'al n'oj, xub'ij:
—Ri utzlaj atb'altzij rech Dios, xaq jnam ruk' peche ku'on jun ajk'ay echi' k'e che utzukxik nk'aj ab'aj che mas utz ka'yik, perla kb'ix che. 46Echi' xuriq jun che jwert nim rjil, x'ek, xuk'ij runjel jumpa ub'itaqre olik, tik'ri xulo'o.
Ri Jesús xub'ij jun k'amb'al n'oj chrij jun ataraya
47»Ri utzlaj atb'altzij rech Dios, xaq jnam ruk' peche ku'on jun ataraya. Echi' kk'eq chpam ja', kuchap loq k'ilaj taq kar, jaljoj uwuch kar kuchapo. 48Echi' knoj nataraya che nk'aj kar, kkesaj loq nk'aj ajchpal kar y kikya chuchi' ja' tik'ri kiyikb'e' che uchayik nk'aj kar. Runjel jumpa nk'aj utzlaj kar, kikya ptaq chkach. Ni nk'aj che xa ustaj, kkitrij b'ik. 49Jala k'antaj na echi' ksachtaj uwuch uwuchlew. Kipi na taq ángel rech Dios, kikchayo chintaq i'utzlaj taq mnaq, soq kikchayo chintaq xa itzel taq mnaq. 50Chintaq xa itzel taq mnaq, kikk'eq loq chpam jun nimlaj a', peche a' kel chpam jun nimlaj tuj. Chla' kunjel mnaq kiyo' na rmal b'is, soq kkiqch'uch'ej uwuke rmal kiwal. —Jala xub'ij Jesús.
51Ri Jesús xuta chke, xub'ij:
—¿Le xich'ob' runjel sutaq ximb'ij? —xche chke.
—Xqach'ob'o, —xiche ke che.
52Ri Jesús xub'ij chik chke:
—We o jun ajtojnel rech upxab' Dios che utjom rib' che, su kilwi ri utzlaj atb'altzij rech Dios, xaq jnam ruk' peche jun rjaw ja che k'i ub'itaqre uklom. Echi' nmister kukoj nk'aj e'l, kuresaj loq rech kukojo. Soq echi' nmister kukoj nk'aj k'saq, kuresaj loq rech kukojo, —xche chke.
Ri Jesús xo'pan jun b'welt chik chpam utinmit Nazaret
(Mr 6:1-6; Lc 4:16-30)
53Echi' xuk'is ub'ixik Jesús runjel jumpa nk'aj k'amb'al taq n'oji', xel b'i chla'. 54X'e chik chpam utinmit Re, che Nazaret ub'i'. Echi' xo'pnik, xumaj ktojxik mnaq chla' chpam rchoch Dios. Echi' xikta mnaq sutaq kub'ij, jwert xikmiyma'. Ena xikb'ij:
—¿Jachi xurit'amaj loq chi' runjel sutaq kub'ij chqe? ¿Jachi pitnaq un'oj chi' che y'om che rech kikunik ku'on nk'aj nmaq taq k'utb'al? 55¿Le xa jare t k'ut Re uk'jol nachi ajb'nal mixa? ¿Le xa jare t k'ut Re ral i Mri'y? ¿Le xa jare t k'ut Re che iyachlal kuk' u Santiago, u Jse, u Simón, soq rich'il u Judas? 56¿Le xa iy'o t k'ut kunjel nk'aj rnab' chiqxo'l qo'j? ¿Jachi k'ut xumaw un'oj chi' che jala ku'ono? —xicha chikuch.
57Xa rmal, k'ax xkilo, mal ustaj xikta' su kub'ij. Ena xub'ij Jesús chke:
—Chpam runjel nk'aj chik tinmit, jun ajb'il utzij Dios, nim riltjik chikuch mnaq. Xaq xaw putinmit re, soq chirchoch, kikil'oj taj mnaq, —xche chke.
58Ri Jesús xa keb' uxib' nmaq taq k'utb'al xu'on chla', xa rmal mel ot kkojb'al mnaq.
Currently Selected:
San Mateo 13: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Mateo 13
13
Jun k'amb'al n'oj chrij jun ajtkil tiko'n
(Mr 4:1-20; Lc 8:4-15; 10:23-24)
1Echi' kitjin Jesús kch'aw kuk' nk'aj mnaq, jare mismo ij xel loq pja, x'e chuchi' nu'ab' mar, xikb'e' chla'. 2Ena jwert ik'i nk'aj mnaq xikmol kib' chrij Jesús, y mas latz', xa rmal, xok Re chpam jun barco, xikb'e' chpam. Ni nk'aj mnaq, kunjel xikanaj kan chuchi' mar. 3Tik'ri k'ut, ri Jesús k'i tzij xyutjoj mnaq che ruk' k'amb'al taq n'oj, xub'ij chke:
«O jun ajtkil tiko'n x'e che utikik utiko'n. 4Echi' kitjinik kujpij nk'aj ija', o nk'aj xqaj chpam b'e; tik'ri xipi nk'aj tz'kin, xiktij b'i nk'aj ija'. 5O nk'aj chik ija' xqaj xo'l taq ab'aj, chla' jachi ot mas ulew. Ena chanim xpo' loq nk'aj ija', mal pim taj ulew olik. 6Per echi' xel loq ij, xk'at nk'aj tiko'n, xichqijik, mal ot mas ra' b'enaq chpam ulew. 7O nk'aj chik ija' xqaj xo'l nk'aj k'ix. Echi' xk'iy nk'aj k'ix, xuya t che nk'aj tiko'n xk'iyik, xa xuji'saj. 8Per ni nk'aj chik ija' xqaj chpam utzlaj ulew. Chla' xpo' wi, xk'iyik, jwert xiwchinik. Iy'o tiko'n xikya treinta kwuch chikjunjnal, iy'o nk'aj che xikya sesenta kwuch chikjunjnal; ni nk'aj chik xikya jun ciento kwuch chikjunjnal. 9Chin kkaj kikta ntzij chiktatb'ej ruk' kixkin, utz utatb'xik kik'an che». Jala xub'ij Jesús chke.
Ri Jesús xub'ij suche che kub'ij k'amb'al taq n'oj
(Mr 4:10-12; Lc 8:9-10)
10Nk'aj discípulo xiqib' koq ruk' Jesús, tik'ri xikta che:
—¿Suche che kb'ij la k'amb'al taq n'oj chke mnaq echi' kyach'ab'ej? —xiche che.
11Ri Jesús xub'ij chke:
—Ix y'om chiwe rmal Dios che kiwit'amaj mas chrij utzlaj atb'altzij rech Dios che uk'tum taj chiwuch ujer. Per jumpa mas mnaq ya'tajnaq taj chke che kkit'amaj. 12Chin jun che o su o ruk', kya na mas che rech k'i ku'on ruk'. Per chin jun che ot mas su o ruk', kesax na ch'in che, che o ruk'. 13Xa rmal che ruk' k'amb'al taq n'oj kiyinch'ab'ej nk'aj chik mnaq, mal miskini' kikkilo su kin'ano, per kik'ano peche mow xa kikkil taj; y miskini' kikta' su kimb'ij, per kik'ano peche mow xa kikta taj, y kikch'ob' taj. 14Chla' k'aljan wi che qtzij su utz'ib'am kan najb'il utzij Dios che Isaías ub'i'. Jawa xub'ij:
“Miskini' kitatb'ej saqlaj tzij ruk' ixkin, kqaj taj pijlom su kilwi. Miskini' kiwil ruk' iwuch,
kich'ob' taj su kiwilo.
15Mal mas ko unom kanma' nk'aj mnaqi',
peche mow xa ktz'apim kixkin,
peche mow xa kyub'am kwuch rech kika'y taj.
Kkaj taj kikta tzij, kikch'ob' taj chpam kanma',
mal wet kikk'ex kmow chinwuch,
kiyikjon chwe, tik'ri k'ut kiyinknaj”. (Is 6:9-10)
Jala xub'ij u Isaías.
16»Per utz iwe ix mal kixkunik kich'ob'o sutaq kiwilo che kintjin che u'anik, soq kixkunik kich'ob'o sutaq kita' che kintjin che ub'ixik. 17Ruk' saqlaj tzij kimb'ij chiwe che ik'i nk'aj ajb'il utzij Dios ujer rich'il nk'aj chik sk'umlaj taq mnaq, xkaj wet xkilo runjel sutaq kixtjin ix che rilik chanim, per xikkil taj. Xkaj wet xikta' runjel sutaq kixtjin ix che utatb'xik chanim, per xya taj chke.
Ri Jesús xub'ij su kilwi ri k'amb'al n'oj chrij jun ajtkil tiko'n
(Mr 4:13-20; Lc 8:11-15)
18»Chitatb'ej su kilwi un k'amb'al n'oj chrij jun ajtkil tiko'n. 19Chin jun mnaq che kuta' su uptan ri utzlaj atb'altzij che ku'on Dios pkijlom kunjel mnaq, per kuch'ob' taj su kilwi, xaq jnam ruk' peche nk'aj ija' che xqaj chpam b'e. Echi' ktataj b'i rmal, kpi nitzel ruk', kuresaj utzij Dios che xqaj chpam ranma'. 20Ni nk'aj ija' che xa xo'l taq ab'aj xqaj wi, naj taj x'e ra' chpam ulew mal pim taj ulew jachi xqaj wi. Kelik che xaq jnam ruk' peche un mnaq che kuta utzij Dios ruk' ki'ktem, chanim kuk'am pranma'. 21Per ot uchu'ab', mal ko taj tk'alik y kuch'ij t mas. Echi' kuriq k'ax, echi' kpi ch'oj chrij rmal che xukoj utzij Dios, chanim kuya kanoq. 22Nk'aj ija' che xqaj xo'l nk'aj k'ix, xaq jnam ruk' peche un mnaq che kuta utzij Dios, per xa jare mas b'enaq uk'u'x ruk' uk'asnmal. Ksub'taj rmal b'oymal chi' chuchlew. Xa jare ub'oymal kuchup utzij Dios chpam ranma', y kuya t che kichkun chpam uk'asnmal, jala peche tiko'n che kuya t uwuch. 23Per ni nk'aj ija' che xqaj chpam utzlaj ulew, xaq jnam ruk' peche un mnaq che kuta utzij Dios y kuch'ob'o su kilwi. Re jala peche nk'aj tiko'n che kiwchin ruk' y k'i uwuch kuya'o. Iy'o nk'aj kikya treinta kwuch chikjunjnal; iy'o nk'aj kikya sesenta kwuch chikjunjnal; iy'o nk'aj chik kikya jun ciento kwuch chikjunjnal. —Jala xub'ij Jesús chke.
Jun k'amb'al n'oj chrij nk'aj k'ix xipo' loq chuxo'l nk'aj triko
24Ri Jesús xub'ij jun chik k'amb'al n'oj, xub'ij: «Ri utzlaj atb'altzij rech Dios, xaq jnam ruk' peche jun achi che xutik nk'aj utzlaj tiko'n chpam rlew. 25Per echi' kiwar kunjel mnaq, xo'pan jun mnaq che xa iyajch'oj ruk' un rjaw tiko'n. Ena xutik kan nk'aj itzel taq k'ix chuxo'l nk'aj triko, tik'ri x'ek. 26Echi' k'ut xik'iy loq nk'aj triko, xpo' loq uwuch, soq xik'iy loq nk'aj itzel taq k'ix, jnam xik'iy loq ruk' nk'aj triko. 27Ni nk'aj ajchak xib'e ruk' un kpatrón, xikb'ij che: “Qajaw, ¿le xa utzlaj tiko'n taj xatik chjuch nawlew? We utzlaj tiko'n xatiko, ¿jachi xpi nk'aj itzel taq k'ix chi' che xpo' loq chuxo'l nk'aj tiko'n?” xiche che. 28Nun kpatrón xub'ij chke: “Xa o jun mnaq che ajch'oj wuk', jare re xu'on chwe”, xche chke. Ni ke xikb'ij chik che: “¿Le kawaj che kqab'oq b'i nk'aj itzel taq k'ix?” xiche che. 29Nun kpatrón xub'ij chik chke: “Xa mi'an jala'. Pent ni su jnam kib'oq b'i nk'aj triko ruk' nk'aj itzel taq k'ix. 30Chiy'a kan chla' rech jnam kik'iyik, ast retal echi' kqayak uwuch nk'aj triko. Tik'ri kimb'ij chke nk'aj nmoso che nab'e kikmol nk'aj itzel taq k'ix tik'ri jtaq b'or kik'an che kikximo rech kikti' p'a'. Tik'ri k'ut kikyak uwuch nk'aj triko, y kikkol chpam uk'olb'al”, xub'ij un rjaw tiko'n». Jala xub'ij Jesús.
Ri Jesús xub'ij jun k'amb'al n'oj chrij jun ub'a' mostaza
(Mr 4:30-32; Lc 13:18-21)
31Ri Jesús xub'ij jun chik k'amb'al n'oj, xub'ij: «Ri utzlaj atb'altzij rech Dios, xaq jnam ruk' peche jun ub'a' tiko'n che mostaza kb'ix che, che xutik jun achi chpam rlew. 32Echi' ktikik, mas kk'iyik. Miskini' xa taq ch'in chjuch runjel jumpa ija' che ktikik, per echi' kk'iyik jare re mas nim kel chjuch runjel jumpa tiko'n, ku'on jun nimlaj che'. Nma'q kel nk'aj u'ab', ena kipi nk'aj tz'kin, kik'an ksok xo'l taq u'ab'». Jala xub'ij Jesús.
33Ri Jesús xub'ij jun chik k'amb'al n'oj, xub'ij: «Ri utzlaj atb'altzij rech Dios xaq jnam ruk' peche ch'am kuya jun ixoq ruk' k'ej ti ku'on kaxlenwa. We kukoj ch'inlaj ch'am ruk' uxib' pajb'al k'ej, runjel un or ku'on ch'am». Jala xub'ij Jesús.
34Runjel jumpa wari' che xub'ij Jesús chke mnaq, xaq xaw ruk' k'amb'al taq n'oj xub'ij wi. Ot tzij xub'ij chke che mitji xukoj k'amb'al n'oj ruk'. 35Jala x'antjik peche ub'im kan najb'il utzij Dios ujer chrij Jesús. Re utz'ib'am kanoq:
«Kinch'aw na ruk' k'amb'al taq n'oj.
Kimb'ij na jumpa sutaq'ik che mja kkit'amaj mnaq, miskini' o chik echi' xtiktaj loq uwuchlew», xcha'. (Sal 78:2)
Jala utz'ib'am kan najb'il utzij Dios.
Ri Jesús xub'ij su kilwi ri k'amb'al n'oj chrij jun itzel k'ix
36Echi' xu'xan Jesús che tzij kuk' mnaq, xyuya kanoq, ni Re xok b'i pja. Ena xiqib' koq nk'aj udiscípulo ruk', xikb'ij che:
—Chb'ij chqe su kilwi un k'amb'al n'oj che xb'ij la chrij nitzel k'ix che xtik chuxo'l nk'aj triko, —xiche che.
37Ri Jesús xub'ij chke:
—Ri jun che xutik nk'aj utzlaj tiko'n, jare in nAchi nuK'jol Dios. 38Ni ulew che xutik chjuch, jare runjel jumpa uwuchlew olik. Ni nk'aj utzlaj ija' jare kunjel jumpa ralk'al Dios che kijchom kib' pu'ab' utzlaj atb'altzij rech Dios. Ni nk'aj itzel taq k'ix jare nk'aj mnaq che kijchom kib' pu'ab' nitzel. 39Un rajch'oj un rjaw tiko'n che xutik nk'aj itzel taq k'ix, jare nitzel. Ni uwuch nk'aj tiko'n che kikyako, jarela echi' ksachtaj uwuch uwuchlew. Ni nk'aj ajchak che kikyak uwuch nk'aj tiko'n, jare nk'aj ángel rech Dios. 40Jala peche k'an che nk'aj itzel taq k'ix che kmolik tik'ri kti' p'a', soq jala na k'anik echi' ksachtaj uwuch uwuchlew. 41Jare in nAchi nuK'jol Dios, kintaq nuloq nk'aj n'ángel rech kikmol kunjel jumpa mnaq che xa kiktaqch'ij nk'aj chik che u'anik mak, rich'il jumpa nk'aj chik che xa jare kik'ano runjel jumpa sutaq'ik che xa rech itzel, rech kikkesaj loq nk'aj mnaqi' chpam ntinmit, jachi kin'an utzlaj atb'altzij. 42Tik'ri k'ut kikk'eq loq chpam jun nimlaj a', peche a' kel chpam jun nimlaj tuj. Chla' kunjel mnaq kiyo' na rmal b'is, soq kkiqch'uch'ej uwuke, rmal kiwal. 43Per ni nk'aj che isk'umlaj taq mnaq chjuch Dios, chla' kiyikjew chkaj ruk' Dios, jachi ku'on wi utzlaj atb'altzij. Ktil'anik ka'y kij chla' jala peche ka'y ij. Chin kkaj kiktatb'ej ntzij, chiktatb'ej ruk' kixkin, utz utatb'xik kik'an che.
Ri Jesús xub'ij jun k'amb'al n'oj chrij jun k'wal rich'il chrij jun ab'aj che mas utz ka'yik
44»Ri utzlaj atb'altzij rech Dios xaq jnam ruk' peche jun k'wal che muqtal kan chpam jun ulew. Echi' k'ut xpi jun achi y xuriqo, xa xumuq chkan chla' jachi xuriq wi. Tik'ri jwert kki'ktik x'ek, xuk'ij runjel jumpa ub'itaqre olik, xulo' nulew che muqtal un k'wal chpam, —xche chke.
45Ri Jesús xub'ij jun chik k'amb'al n'oj, xub'ij:
—Ri utzlaj atb'altzij rech Dios, xaq jnam ruk' peche ku'on jun ajk'ay echi' k'e che utzukxik nk'aj ab'aj che mas utz ka'yik, perla kb'ix che. 46Echi' xuriq jun che jwert nim rjil, x'ek, xuk'ij runjel jumpa ub'itaqre olik, tik'ri xulo'o.
Ri Jesús xub'ij jun k'amb'al n'oj chrij jun ataraya
47»Ri utzlaj atb'altzij rech Dios, xaq jnam ruk' peche ku'on jun ataraya. Echi' kk'eq chpam ja', kuchap loq k'ilaj taq kar, jaljoj uwuch kar kuchapo. 48Echi' knoj nataraya che nk'aj kar, kkesaj loq nk'aj ajchpal kar y kikya chuchi' ja' tik'ri kiyikb'e' che uchayik nk'aj kar. Runjel jumpa nk'aj utzlaj kar, kikya ptaq chkach. Ni nk'aj che xa ustaj, kkitrij b'ik. 49Jala k'antaj na echi' ksachtaj uwuch uwuchlew. Kipi na taq ángel rech Dios, kikchayo chintaq i'utzlaj taq mnaq, soq kikchayo chintaq xa itzel taq mnaq. 50Chintaq xa itzel taq mnaq, kikk'eq loq chpam jun nimlaj a', peche a' kel chpam jun nimlaj tuj. Chla' kunjel mnaq kiyo' na rmal b'is, soq kkiqch'uch'ej uwuke rmal kiwal. —Jala xub'ij Jesús.
51Ri Jesús xuta chke, xub'ij:
—¿Le xich'ob' runjel sutaq ximb'ij? —xche chke.
—Xqach'ob'o, —xiche ke che.
52Ri Jesús xub'ij chik chke:
—We o jun ajtojnel rech upxab' Dios che utjom rib' che, su kilwi ri utzlaj atb'altzij rech Dios, xaq jnam ruk' peche jun rjaw ja che k'i ub'itaqre uklom. Echi' nmister kukoj nk'aj e'l, kuresaj loq rech kukojo. Soq echi' nmister kukoj nk'aj k'saq, kuresaj loq rech kukojo, —xche chke.
Ri Jesús xo'pan jun b'welt chik chpam utinmit Nazaret
(Mr 6:1-6; Lc 4:16-30)
53Echi' xuk'is ub'ixik Jesús runjel jumpa nk'aj k'amb'al taq n'oji', xel b'i chla'. 54X'e chik chpam utinmit Re, che Nazaret ub'i'. Echi' xo'pnik, xumaj ktojxik mnaq chla' chpam rchoch Dios. Echi' xikta mnaq sutaq kub'ij, jwert xikmiyma'. Ena xikb'ij:
—¿Jachi xurit'amaj loq chi' runjel sutaq kub'ij chqe? ¿Jachi pitnaq un'oj chi' che y'om che rech kikunik ku'on nk'aj nmaq taq k'utb'al? 55¿Le xa jare t k'ut Re uk'jol nachi ajb'nal mixa? ¿Le xa jare t k'ut Re ral i Mri'y? ¿Le xa jare t k'ut Re che iyachlal kuk' u Santiago, u Jse, u Simón, soq rich'il u Judas? 56¿Le xa iy'o t k'ut kunjel nk'aj rnab' chiqxo'l qo'j? ¿Jachi k'ut xumaw un'oj chi' che jala ku'ono? —xicha chikuch.
57Xa rmal, k'ax xkilo, mal ustaj xikta' su kub'ij. Ena xub'ij Jesús chke:
—Chpam runjel nk'aj chik tinmit, jun ajb'il utzij Dios, nim riltjik chikuch mnaq. Xaq xaw putinmit re, soq chirchoch, kikil'oj taj mnaq, —xche chke.
58Ri Jesús xa keb' uxib' nmaq taq k'utb'al xu'on chla', xa rmal mel ot kkojb'al mnaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global