Luka 24
24
Ilubuka lya Yesʉ
(Mat 28:1-10; Mar 16:1-8; Yoa 20:1-10)
1Mo yenga mo mambya abakatsɨ abo mobaya kw'ɨsɨnda nibahekire amafʉtha wo bengaga. 2Babere bahika okw'ɨsɨnda, mobeya eribwe lyo lyabyaga ko lukyo nilyamalire ɨkʉmbagalɨtsɨbwa emʉsɨke. 3Mobɨngɨra omw'ɨsɨnda, hewethuwe mobatheyamo ekinda kya Nyinya-kowethʉ Yesʉ. 4Ebɨnwa ebyo mobyaleka nɨbathabagana. Mw'ɨthabagana eryo, aho n'aho emʉsɨke kʉbo moyafʉmba bandʉ babɨrɨ bambithe ngɨmba singengire kʉtsɨbʉ. 5Aho bʉshana n'obʉba, abakatsɨ abo mobahuma amesho w'ahishi. He abandʉ abo mobabwɨrabo bathɨ: «Bʉshana na ki omʉshondetsya oyo ʉlɨho mo baholi? 6Athakɨrɨ hano, alubukire! Mwɨbʉke ekyo ababwɨraga abere akɨnalɨ iNgalilaya. 7Ndɨ mwababwɨra athɨ: “Ingye Mʉgala w'oMʉndʉ lɨtholere ninyahirwa mo minwe y'abakoli b'ebɨtsɨbʉ. Bandanyɨbamba kʉ mʉsalaba, he mo kɨro kya kashathʉ enyuma y'erɨfwa lyaye nyandalubuka.”»
8Aho abakatsɨ abo mobɨbʉka ebɨnwa byo Yesʉ anegenaga. 9Mobathoka kw'ɨsɨnda, mobayafʉlɨra ebyoshi ebyo byo abathʉmwa ikumi n'omʉgʉma n'abandɨ bɨga boshi. 10Bano bo bakatsɨ bayaga fʉlɨra abathʉmwa b'omwatsɨ: Marɨa w'ɨMangandala, na Yane na Marɨa nyinya wa Yakobo, n'abandɨ bakatsɨ bo babyaga nabo. 11Hewethuwe abathʉmwa mobashʉnga ebɨnwa by'abakatsɨ abo nga nɨ bya bʉsha-bʉsha, mobathɨkɨrɨtsyabyo.
12He Petero ɨye mwabathʉka n'ihuthukira tsʉba eyɨrɨ erɨsɨnda. Abere ahikayo mwunama, mwashʉnga ko mɨpapara mɨsha. Honyuma kw'aho, mwashʉba ewe nɨashwekera byo bɨthatsʉka.
Yesʉ ahʉlʉkɨra abɨga babɨrɨ mo nzɨra y'iEmau
(Mar 16:12-13)
13Hene ko mona kɨro ky'eyenga ekyo, babɨrɨ mo bɨga ba Yesʉ bagenda abaya mʉ mʉrongo mʉgʉma w'agenda ahʉlwamo Emau. Omʉrongo oyo abyaga kʉ lʉgendo lwa hofɨ bilometere ikumi na kɨgʉma n'omuyi w'ɨYerʉsalemʉ. 14Bagenda abagenda nɨabaganʉlɨra ko byoshi ebyo bɨthatsʉka. 15Babere banemʉsɨmola n'ikubisania, Yesʉ yowene-wene mwayɨfʉnda hofɨ nabo n'igendania nabo. 16Mobamʉshʉnga he kɨndʉ kɨrebe mokyaleka nɨbathamʉmɨnya.
17Yesʉ mwabʉtsyabo athɨ: «Nɨ myatsɨ ehɨ y'omukubisaniako mʉlɨ omʉgenda?»
Abɨga babɨrɨ abo mobimana nibathashagalukire. 18Mʉgʉma wa kʉbo nɨ yo Kiliopa, mwamʉshʉbɨtsya athɨ: «Abahimbani boshi b'ɨYerʉsalemʉ betsi emyatsɨ yo yɨtsʉkamo ko bɨro bɨno! Wowene wo uthanetsi emyatsɨ eyo?» 19Yesʉ mwabʉtsyabo athɨ: «Bɨhɨ ebyo?»
Mobamʉshʉbɨtsya bathɨ: «Emyatsɨ yo yahikiraga Yesʉ w'iNasareti. Abyaga mʉmɨnyeretsɨ wa maka, mw'ɨnegena na mw'ɨkola embere sa Gongo n'embere s'abandʉ boshi.
20«Abakʉlʉ b'abaheri bethʉ n'abakʉlʉ bethʉ mobamuhanire asoherwe lʉholo. Na honyuma kw'aho mobamubambire ko mʉsalaba. 21Ithwe thwabyaga nithuhirire yo maha ko n'ɨye yo wandashabʉla aBaisiraeli. Hewethuwe munobwire nɨ kɨro kya kashathʉ ɨthoka ebɨnwa ebyo bikolekire. 22Na kandɨ bakatsɨ bagʉma b'omo kɨkembe kyethʉ mobathʉshwekya. Mobatsɨndʉka kw'ɨsɨnda, 23hewethuwe mobathalɨ abeyayo ekinda kɨwe. Mobashʉbʉla n'ɨthʉfʉlɨra omwatsɨ ko abamalaɨka mobahʉlʉkɨrabo n'ɨbwɨrabo ko alɨho. 24Honyuma kw'aho bagʉma ba kw'ithwe nabo mobaya kw'ɨsɨnda, mobeya ebyoshi ng'oko abakatsɨ bathanegena. Nabo kuthyo mobathalɨ abashʉnga ko kinda kɨwe.»
25Aho Yesʉ mwabwɨrabo athɨ: «Imwe thʉhʉmo! N'emɨthɨma enyu ɨthalɨ eyɨnɨkɨrɨtsya tsʉba emyatsɨ yoshi yo abamɨnyeretsɨ banegenaga! 26Bithabyaga bɨtholere Kirisito athange ɨagalwa athyo embere ɨngɨre mo lʉkengerwa lʉwe?» 27Honyuma kw'aho Yesʉ mwakumbulirabo ebɨnwa byoshi bishakirwe kw'ɨye mo Mashako Abuyirire woshi. Mwathangɨra ko bɨtabo bya Mʉsa n'ebɨtabo byoshi by'abamɨnyeretsɨ.
28Babere bahika hofɨ n'omʉrongo wo bagenda abayako, Yesʉ mwashʉngɨka nga mʉndʉ ashondya ɨlotsya ebʉshondotsɨ. 29Hewethuwe abɨga mobamʉshaba kʉtsɨbʉ bathɨ: «Bya hagʉma nethwe, kʉshangwa bwahera igolo n'obuthuku bo bʉno bwamakʉra.»
Aho mwɨngɨra mo nyʉmba bʉshana abye hagʉma nabo. 30Mwikala alye kalyo hagʉma nabo, mwatsɨmba omukati, n'ɨsɨma Gongo, honyuma kw'aho mwatsawo, n'ɨhawobo. 31Aho amesho wabo mwakɨngʉkala mobamʉmɨnya. He Yesʉ mwaliribana embere sabo. 32Aho mobabwɨrana bathɨ: «Athabere alɨ anegena nethwe mo nzɨra n'ithukumbulira aMashako Abuyirire, emɨthɨma ethʉ mo yɨthalɨ eyotsulamo lʉmogo?»
33Kona kathambi ako mobabathʉka n'ɨshʉba ɨYerʉsalemʉ. Mobeyayo abathʉmwa ikumi n'omʉgʉma ba Yesʉ nɨbalɨ mʉ muhindo hagʉma n'abo mo kɨkembe kyabo. 34Abo babyaga mo muhindano mobabwɨra abɨga babɨrɨ abo bathɨ: «Kundu kundu Nyinya-kowethʉ alubukire! Mwahʉlʉkɨra Simoni!»
35 Abɨga babɨrɨ abo mobaganʉlɨra balikyabo byo bɨthatsʉka mo nzɨra, na ko bathamɨnya Yesʉ athabere atsa omukati.
Yesʉ ahʉlʉkɨra abɨga bʉwe
(Mat 28:16-20; Mar 16:14-18; Yoa 20:19-23; Mɨko 1:6-8)
36 Abɨga babɨrɨ abo babere bakɨnalɨ abasɨmola kw'ebyo, Yesʉ yowene-wene mwahʉlʉka mo kathi kabo. Mwabwɨrabo athɨ: «Obʉholo bubye nemwe!»
37Mobashalima n'ɨʉbaha kʉtsɨbʉ, kʉshangwa mobaganɨtsya bathɨ bamalola kʉ kɨhɨndɨ. 38Hewethuwe Yesʉ mwabʉtsyabo athɨ: «Bʉshana na ki omushalima? Kandɨ bʉshana na ki omʉthɨkathɨka mo mɨthɨma enyu? 39Mʉshʉnge ko minwe n'oko bɨshando byaye, n'ingye ngyo wene-wene! Mʉnyɨkoleko na mʉlole, ekɨhɨndɨ kɨthayɨra mʉbɨrɨ kandɨ kɨthayɨra na mafʉha. H'ingye omʉshʉnga ng'oko nyiwithebyo.»
40Yesʉ abere anemʉnegena ebɨnwa ebyo mwakangyabo eminwe yɨwe n'ebɨshando bɨwe. 41Abɨga abo babyaga nibathetsi bɨkɨrɨtsya bʉshana n'olʉmogo n'ɨshweka. Aho Yesʉ mwabʉtsyabo athɨ: «Munawithe hano ho kʉ kalyo?»
42Mobamʉha kɨtse k'ihere kyokitsye. 43Mwatsɨmbakyo n'iryakyo mo mesho wabo. 44Aho mwabwɨrabo athɨ: «Ko bɨro nyabyaga nyɨkɨnalɨ hagʉma nemwe monyababwɨra nyɨthɨ ebishakirwe bʉshana nangye mo Mʉgomba wa Mʉsa, n'omo bɨtabo by'abamɨnyeretsɨ na mo kɨtabo kya Saburi ebyoshi byangabererere.» 45Aho Yesʉ mwakɨngʉla obwenge bwabo, bʉshana bamɨnye kʉbʉya kw'aMashako Abuyirire anegenire. 46Mwabwɨrabo athɨ: «Bishakirwe ko Kirisito atholere ɨgalwa n'ilubuka ko kɨro kya kashathʉ enyuma y'olʉholo lʉwe.#24:46 Soma Isaya 53; Oseya 6:2. 47Na omw'ɨtsɨna lɨwe bandakangɨrɨtsya abandʉ boshi ɨbɨndʉka ɨthoka mo bɨtsɨbʉ byabo bʉshana n'ɨganyɨrwako ebɨtsɨbʉ, ɨthangɨra ɨYerʉsalemʉ. 48Nemwe mʉlɨ batimo b'ebɨnwa ebi. 49Mwonvwe! Nyandabathʉmɨra ebyo Thatha abalagaga. He mwandabya mo muyi w'ɨYerʉsalemʉ ihika ko ndambi mwandabona amaka ow'athoka elʉgʉlʉ.#24:49 Soma Mɨkolano 1:4-5.»
Yesʉ irukibwa mo lʉbʉla
(Mar 16:19-20; Mɨko 1:9-11)
50Honyuma kw'aho Yesʉ mwathwala abɨga bʉwe hofɨ n'omʉrongo w'ɨBetanɨa. Mwashʉmba eminwe n'ɨgashanɨrabo. 51Abere akɨnalɨ agashanɨrabo, mwayɨhɨgʉla kʉbo n'irukibwa mo lʉbʉla. 52Na mobamuramya. Honyuma kw'aho mobashʉba ɨYerʉsalemʉ nibamogire kʉtsɨbʉ. 53Ebɨro byoshi babyaga mo Nyʉmba ya Gongo niabamusingya.
Currently Selected:
Luka 24: ver
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development
Luka 24
24
Ilubuka lya Yesʉ
(Mat 28:1-10; Mar 16:1-8; Yoa 20:1-10)
1Mo yenga mo mambya abakatsɨ abo mobaya kw'ɨsɨnda nibahekire amafʉtha wo bengaga. 2Babere bahika okw'ɨsɨnda, mobeya eribwe lyo lyabyaga ko lukyo nilyamalire ɨkʉmbagalɨtsɨbwa emʉsɨke. 3Mobɨngɨra omw'ɨsɨnda, hewethuwe mobatheyamo ekinda kya Nyinya-kowethʉ Yesʉ. 4Ebɨnwa ebyo mobyaleka nɨbathabagana. Mw'ɨthabagana eryo, aho n'aho emʉsɨke kʉbo moyafʉmba bandʉ babɨrɨ bambithe ngɨmba singengire kʉtsɨbʉ. 5Aho bʉshana n'obʉba, abakatsɨ abo mobahuma amesho w'ahishi. He abandʉ abo mobabwɨrabo bathɨ: «Bʉshana na ki omʉshondetsya oyo ʉlɨho mo baholi? 6Athakɨrɨ hano, alubukire! Mwɨbʉke ekyo ababwɨraga abere akɨnalɨ iNgalilaya. 7Ndɨ mwababwɨra athɨ: “Ingye Mʉgala w'oMʉndʉ lɨtholere ninyahirwa mo minwe y'abakoli b'ebɨtsɨbʉ. Bandanyɨbamba kʉ mʉsalaba, he mo kɨro kya kashathʉ enyuma y'erɨfwa lyaye nyandalubuka.”»
8Aho abakatsɨ abo mobɨbʉka ebɨnwa byo Yesʉ anegenaga. 9Mobathoka kw'ɨsɨnda, mobayafʉlɨra ebyoshi ebyo byo abathʉmwa ikumi n'omʉgʉma n'abandɨ bɨga boshi. 10Bano bo bakatsɨ bayaga fʉlɨra abathʉmwa b'omwatsɨ: Marɨa w'ɨMangandala, na Yane na Marɨa nyinya wa Yakobo, n'abandɨ bakatsɨ bo babyaga nabo. 11Hewethuwe abathʉmwa mobashʉnga ebɨnwa by'abakatsɨ abo nga nɨ bya bʉsha-bʉsha, mobathɨkɨrɨtsyabyo.
12He Petero ɨye mwabathʉka n'ihuthukira tsʉba eyɨrɨ erɨsɨnda. Abere ahikayo mwunama, mwashʉnga ko mɨpapara mɨsha. Honyuma kw'aho, mwashʉba ewe nɨashwekera byo bɨthatsʉka.
Yesʉ ahʉlʉkɨra abɨga babɨrɨ mo nzɨra y'iEmau
(Mar 16:12-13)
13Hene ko mona kɨro ky'eyenga ekyo, babɨrɨ mo bɨga ba Yesʉ bagenda abaya mʉ mʉrongo mʉgʉma w'agenda ahʉlwamo Emau. Omʉrongo oyo abyaga kʉ lʉgendo lwa hofɨ bilometere ikumi na kɨgʉma n'omuyi w'ɨYerʉsalemʉ. 14Bagenda abagenda nɨabaganʉlɨra ko byoshi ebyo bɨthatsʉka. 15Babere banemʉsɨmola n'ikubisania, Yesʉ yowene-wene mwayɨfʉnda hofɨ nabo n'igendania nabo. 16Mobamʉshʉnga he kɨndʉ kɨrebe mokyaleka nɨbathamʉmɨnya.
17Yesʉ mwabʉtsyabo athɨ: «Nɨ myatsɨ ehɨ y'omukubisaniako mʉlɨ omʉgenda?»
Abɨga babɨrɨ abo mobimana nibathashagalukire. 18Mʉgʉma wa kʉbo nɨ yo Kiliopa, mwamʉshʉbɨtsya athɨ: «Abahimbani boshi b'ɨYerʉsalemʉ betsi emyatsɨ yo yɨtsʉkamo ko bɨro bɨno! Wowene wo uthanetsi emyatsɨ eyo?» 19Yesʉ mwabʉtsyabo athɨ: «Bɨhɨ ebyo?»
Mobamʉshʉbɨtsya bathɨ: «Emyatsɨ yo yahikiraga Yesʉ w'iNasareti. Abyaga mʉmɨnyeretsɨ wa maka, mw'ɨnegena na mw'ɨkola embere sa Gongo n'embere s'abandʉ boshi.
20«Abakʉlʉ b'abaheri bethʉ n'abakʉlʉ bethʉ mobamuhanire asoherwe lʉholo. Na honyuma kw'aho mobamubambire ko mʉsalaba. 21Ithwe thwabyaga nithuhirire yo maha ko n'ɨye yo wandashabʉla aBaisiraeli. Hewethuwe munobwire nɨ kɨro kya kashathʉ ɨthoka ebɨnwa ebyo bikolekire. 22Na kandɨ bakatsɨ bagʉma b'omo kɨkembe kyethʉ mobathʉshwekya. Mobatsɨndʉka kw'ɨsɨnda, 23hewethuwe mobathalɨ abeyayo ekinda kɨwe. Mobashʉbʉla n'ɨthʉfʉlɨra omwatsɨ ko abamalaɨka mobahʉlʉkɨrabo n'ɨbwɨrabo ko alɨho. 24Honyuma kw'aho bagʉma ba kw'ithwe nabo mobaya kw'ɨsɨnda, mobeya ebyoshi ng'oko abakatsɨ bathanegena. Nabo kuthyo mobathalɨ abashʉnga ko kinda kɨwe.»
25Aho Yesʉ mwabwɨrabo athɨ: «Imwe thʉhʉmo! N'emɨthɨma enyu ɨthalɨ eyɨnɨkɨrɨtsya tsʉba emyatsɨ yoshi yo abamɨnyeretsɨ banegenaga! 26Bithabyaga bɨtholere Kirisito athange ɨagalwa athyo embere ɨngɨre mo lʉkengerwa lʉwe?» 27Honyuma kw'aho Yesʉ mwakumbulirabo ebɨnwa byoshi bishakirwe kw'ɨye mo Mashako Abuyirire woshi. Mwathangɨra ko bɨtabo bya Mʉsa n'ebɨtabo byoshi by'abamɨnyeretsɨ.
28Babere bahika hofɨ n'omʉrongo wo bagenda abayako, Yesʉ mwashʉngɨka nga mʉndʉ ashondya ɨlotsya ebʉshondotsɨ. 29Hewethuwe abɨga mobamʉshaba kʉtsɨbʉ bathɨ: «Bya hagʉma nethwe, kʉshangwa bwahera igolo n'obuthuku bo bʉno bwamakʉra.»
Aho mwɨngɨra mo nyʉmba bʉshana abye hagʉma nabo. 30Mwikala alye kalyo hagʉma nabo, mwatsɨmba omukati, n'ɨsɨma Gongo, honyuma kw'aho mwatsawo, n'ɨhawobo. 31Aho amesho wabo mwakɨngʉkala mobamʉmɨnya. He Yesʉ mwaliribana embere sabo. 32Aho mobabwɨrana bathɨ: «Athabere alɨ anegena nethwe mo nzɨra n'ithukumbulira aMashako Abuyirire, emɨthɨma ethʉ mo yɨthalɨ eyotsulamo lʉmogo?»
33Kona kathambi ako mobabathʉka n'ɨshʉba ɨYerʉsalemʉ. Mobeyayo abathʉmwa ikumi n'omʉgʉma ba Yesʉ nɨbalɨ mʉ muhindo hagʉma n'abo mo kɨkembe kyabo. 34Abo babyaga mo muhindano mobabwɨra abɨga babɨrɨ abo bathɨ: «Kundu kundu Nyinya-kowethʉ alubukire! Mwahʉlʉkɨra Simoni!»
35 Abɨga babɨrɨ abo mobaganʉlɨra balikyabo byo bɨthatsʉka mo nzɨra, na ko bathamɨnya Yesʉ athabere atsa omukati.
Yesʉ ahʉlʉkɨra abɨga bʉwe
(Mat 28:16-20; Mar 16:14-18; Yoa 20:19-23; Mɨko 1:6-8)
36 Abɨga babɨrɨ abo babere bakɨnalɨ abasɨmola kw'ebyo, Yesʉ yowene-wene mwahʉlʉka mo kathi kabo. Mwabwɨrabo athɨ: «Obʉholo bubye nemwe!»
37Mobashalima n'ɨʉbaha kʉtsɨbʉ, kʉshangwa mobaganɨtsya bathɨ bamalola kʉ kɨhɨndɨ. 38Hewethuwe Yesʉ mwabʉtsyabo athɨ: «Bʉshana na ki omushalima? Kandɨ bʉshana na ki omʉthɨkathɨka mo mɨthɨma enyu? 39Mʉshʉnge ko minwe n'oko bɨshando byaye, n'ingye ngyo wene-wene! Mʉnyɨkoleko na mʉlole, ekɨhɨndɨ kɨthayɨra mʉbɨrɨ kandɨ kɨthayɨra na mafʉha. H'ingye omʉshʉnga ng'oko nyiwithebyo.»
40Yesʉ abere anemʉnegena ebɨnwa ebyo mwakangyabo eminwe yɨwe n'ebɨshando bɨwe. 41Abɨga abo babyaga nibathetsi bɨkɨrɨtsya bʉshana n'olʉmogo n'ɨshweka. Aho Yesʉ mwabʉtsyabo athɨ: «Munawithe hano ho kʉ kalyo?»
42Mobamʉha kɨtse k'ihere kyokitsye. 43Mwatsɨmbakyo n'iryakyo mo mesho wabo. 44Aho mwabwɨrabo athɨ: «Ko bɨro nyabyaga nyɨkɨnalɨ hagʉma nemwe monyababwɨra nyɨthɨ ebishakirwe bʉshana nangye mo Mʉgomba wa Mʉsa, n'omo bɨtabo by'abamɨnyeretsɨ na mo kɨtabo kya Saburi ebyoshi byangabererere.» 45Aho Yesʉ mwakɨngʉla obwenge bwabo, bʉshana bamɨnye kʉbʉya kw'aMashako Abuyirire anegenire. 46Mwabwɨrabo athɨ: «Bishakirwe ko Kirisito atholere ɨgalwa n'ilubuka ko kɨro kya kashathʉ enyuma y'olʉholo lʉwe.#24:46 Soma Isaya 53; Oseya 6:2. 47Na omw'ɨtsɨna lɨwe bandakangɨrɨtsya abandʉ boshi ɨbɨndʉka ɨthoka mo bɨtsɨbʉ byabo bʉshana n'ɨganyɨrwako ebɨtsɨbʉ, ɨthangɨra ɨYerʉsalemʉ. 48Nemwe mʉlɨ batimo b'ebɨnwa ebi. 49Mwonvwe! Nyandabathʉmɨra ebyo Thatha abalagaga. He mwandabya mo muyi w'ɨYerʉsalemʉ ihika ko ndambi mwandabona amaka ow'athoka elʉgʉlʉ.#24:49 Soma Mɨkolano 1:4-5.»
Yesʉ irukibwa mo lʉbʉla
(Mar 16:19-20; Mɨko 1:9-11)
50Honyuma kw'aho Yesʉ mwathwala abɨga bʉwe hofɨ n'omʉrongo w'ɨBetanɨa. Mwashʉmba eminwe n'ɨgashanɨrabo. 51Abere akɨnalɨ agashanɨrabo, mwayɨhɨgʉla kʉbo n'irukibwa mo lʉbʉla. 52Na mobamuramya. Honyuma kw'aho mobashʉba ɨYerʉsalemʉ nibamogire kʉtsɨbʉ. 53Ebɨro byoshi babyaga mo Nyʉmba ya Gongo niabamusingya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development