Yohana 21
21
Yesu aibwerekya kwa bemitsa bewe
1Inyuma webyo, Yesu nianaibwerekya kandi kwa bemitsa bewe, ni bali kwa musike wa ngetsi ye Tiberiya#21:1 Ngetsi ye Tiberiya: yabaa inalukwa kandi mbu ngetsi ye Ngalilaya.. Lola kwaibwerekya kubo: 2Simoni Petero, ne Tomasi yanalukwa mbu «Ihasha», ne Tanaere we Kana ye Ngalilaya, na baala ba Sebetayo, kuuma na bandi bemitsa babiri ba Yesu. Aboshe babaa kuuma.
3Simoni Petero nianabwira balikyabo mbu: «Ingye naya ihyana fi.»
Nabo niabanamubwira mbu: «Netwe twaenda kuuma nawe.»
Niabanabaneenda, baingira mu bwato. Mwe kiro ikyo batabonekya kiro na kati. 4Mwe lutumbi, Yesu nianaxungwa kwa musike wa ngetsi, wetuwe abemitsa batakengula kwiye. 5Yesu nianabutsabo mbu: «Mwe bana bani, mbeni mwamebonekya fi?»
Nabo niabanamuxubyitsa mbu: «Ihi!»
6Iye nianabwirabo mbu: «Muume akakira kwa munda wa malyo ma bwato, niyo mukabonekya fi.»
Niabanauma akakira, nabo batakocha ikurako kubwishi kabaa ni kameuchula fi nyingi kutsibu. 7Niyo amwimitsa yabaa atsiyirwe ne Yesu abwira Petero mbu: «Ninakuwetu uyo!» Simoni Petero abere anaumpfa mbu Ninakuwetu uyo, nianaimbala alukimba luwe, kubwishi abaa ni ali bwambura, nianayiuma kwa nyancha. 8Abandi bemitsa niabanawicha mu bwato, ni abakura akakira kokabaa kauchirwe fi, kubwishi ni batakiri hale na musike wa ngetsi. Kwabaa kwanameshiba metere amashembashemba iyanaho. 9Babere bahika kwa kyambu niabanaxungako muchanwa aliko fi, baxunga na mukati.
10Yesu nianabwirabo mbu: «Muniletere kwa fi somwamehyana.» 11Simoni Petero nianauruka mwa bwato, nekurira akakira kwa musike wa ngetsi. Akakira ako, kabaa kauchwiremo fi nenenene iyana na makumyatano neshatu. Nakiro mbu sabaa siluire sityo, akakira kataberekaa. 12Yesu nianabwirabo mbu: «Muhike mulye.» Hataba kiro na muuma mwa bemitsa yaerekaa imubutsa mbu «Ngakuno yende», kureba ni bechi ku Ninakuwetu. 13Niyo Yesu aipfunda hofi nabo, nianatola amukati neabirawobo, na fi kwonoko.
14Iyo yoyabaa ngendo ya kashatu yareibwerekya ra Yesu kwa bemitsa bewe inyuma ya repfuka liwe.
Yesu abwira Petero mbu amukolere
15Babere bameotola ilya, Yesu nianabutsa Simoni Petero mbu: «Simoni muala wa Yohana, Unitsiyire ingye ilengya aba?»#21:15 Soma Matayo 26:33. Naye nianamuxubyitsa mbu: «Naki Ninakuwetu, wichi ku nikutsiyire.» Yesu nianamubwira mbu: «Langa abyana-buli byani.» 16Yesu nianamubutsa kandi ngendo ya kabiri mbu: «Simoni muala wa Yohana, unitsiyire?»
Naye nianamuxubyitsa mbu: «Naki, Ninakuwetu, wichi ku nikutsiyire!»
Yesu nianamubwira kandi mbu: «Langa sambuli sani.»
17Inyuma kwaho, Yesu nianamubutsa ngendo ya kashatu mbu: «Simoni muala wa Yohana, unitsiyire?» Niyo Petero ayongwa, kubwishi Yesu amubutsaa kashatu mbu mbeni unitsiyire. Kubwishi bwekyo nianamuxubyitsa mbu: «Ninakuwetu, wichi abyoshe, wichi ku nikutsiyire!» Yesu nianamubwira kandi mbu: «Langa asambuli sani. 18Anikubwira binwa bya kuli mbu: Wabere ukinali mutabana, wabaa unaiyimbakya wenawene, neya houshashire. Wetuwe mwa mango wendeba mungumwa, wendelambula amaboko mawe na undi mundu endekuimbakya nekutwala houtashashire.» 19Yesu aneenaa abinwa ibi, kwebwerekya nga luhe lupfu lo Petero endepfa neha Ongo yo ngulu. Yesu abere ameotola ineena abinwa ibyo, nianabwira Petero mbu: «Unikulikire!»
Yesu na mwimitsa yabaa atsiyire
20Petero nianakebera nexunga amwimitsa yo Yesu abaa anatsiyira. Amwimitsa uyo, yabaa asheemere kwa kipfuba kya Yesu mwa mango babaa abalya bilyo kuuma, nianabutsa Yesu mbu: «Ninakuwetu, inde yakakuhota?» 21Mwa kashangi Petero amuxungaako, nianabutsa Yesu mbu: «Ninakuwetu, na mundu uyu, kihe kyakaxungako?» 22Yesu nianamuxubyitsa mbu: «Niri nishashire mbu abeho ihikira honikendefulukira, akinwa ikyo kitakutsene. Iwe, unanikulikirae!» 23Amwatsi uyu nianashanchana mu bobaimirire Yesu ku amwimitsa uyo, iye atendepfa. Yesu ataneenaa ku amwimitsa uyo atendepfa. Wetuwe abulaa mbu: «Niri nishahashire mbu uyu abeho ihikira mwa mango nikendewicha, akinwa iki kitakutsene.»
24Amwimitsa uyuyoho, yapfulaa amwatsi wa binwa ibi neandikabyo. Netwe tunechi kwa mwatsi wapfulaa wa kuli.
Abinwa bitsindu
25Hali bindi binwa bingi byo Yesu akolaa. Abyoshe biri byaandikwaa kinwa ku kindi, anianikira ku na kihuo kyoshe kyabaa kitangawata buali bwebikamo abitabo byobyabaa bingaandikirwe.
Currently Selected:
Yohana 21: HKE
Highlight
Copy
Compare
Share
Want to have your highlights saved across all your devices? Sign up or sign in
@2025 GROUPE D'ASSOCIATIONS POUR LA PROMOTION DES LANGUES, CULTURE ET DEVELOPPEMENT INTEGRAL "GAPLCDI"
