ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 6
6
ܗ̄ܽܘ ܩܶܛܪܳܐ ܕܺܗ̄ܝ ܚܛܺܝܬ̥ܳܐ
ܡܺܝ̈ܬ̥ܶܐ ܠܺܗ̄ܝ ܚܛܺܝܬ̥ܳܐ ܘܚܰܝ̈ܶܐ ܠ݄ܡܫܺܝܚܳܐ
1ܗܰܢ ܢܰܩܠܐ ܡ݄ܢ ܕ݄ܐܡّܺܪ̱ܝܢܰܐ؟ ܦܰܝܫܺܝܢܰܐ ܒܺܗ̄ܝ ܚܛܺܝܬ̥ܳܐ ܕܙܰܝܕܳܐ ܗ̄ܺܝ ܛܰܝܒܽܘܬ̥ܳܐ؟ 2ܠܳܐ، ܚܳܣ، ܡܺܐܝܕ̥ܶܗ ܕܰܐܚܢܰܐ ܕܡܰܝܺܝܬ̥ܺܝܢܰܐ (ܘܪܰܚܺܝܩܺܝܢܰܐ) ܡܺܗ̄ܝ ܚܛܺܝܬ̥ܳܐ، ܐܰܝܕܰܪܒܳܐ (ܓܕܳܥܪܺܝܢܰܐ) ܚܳܝܺܝܢܰܐ ܐܶܒܰܗ ܢܰܩܠܐ ܚܪܶܬܳܐ؟ 3ܐܰܘ ܠ݄ܐ ܟ݄ܐܕ̥ܥܺܝܬܽܘ ܕܰܐܚܢܰܐ ܕܥܰܡܺܝܕ̥ܺܝܢܰܐ ܒܝܶܫܽܘܥ ܡܫܺܝܚܳܐ، ܒܽܗ̄ܘ ܡܰܘܬܰܝܕ̥ܶܗ ܥܰܡܺܝܕ̥ܺܝܢܰܐ؟ 4ܘܰܐܥܡܶܗ ܩܒ̥ܺܝܪܺܝܢܰܐ ܒܺܗ̄ܝ ܡܰܥܡܽܘܕ̥ܺܝܬ̥ܳܐ، ܘܡܰܝܺܝܬ̥ܺܝܢܰܐ، ܐܟ̥ ܕܩܰܝ݄ܡ ܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ ܒܽܗ̄ܘ ܫܽܘܒܚܳܐ ܕܽܗ̄ܘ ܒܰܒܰܝܕ̥ܶܗ، ܗܰܘܟ̥ܰܐ ܣܬܶܝ ܐܰܚܢܰܐ ܒܰܚّܰܝ̈ܶܐ ܚܰܕ̱̈ܬ̥ܶܐ ܓ݄ܡܗܰܠܟ̥ܺܝܢܰܐ. 5ܘܶܐܢ ܐܰܥܡܶܗ ܙܪܺܝܥܺܝܢܰܐ ܒܺܗ̄ܝ ܨܽܘܪܬܳܐ ܕܽܗ̄ܘ ܡܰܘܬܰܝܕ̥ܶܗ، ܗܰܘܟ̥ܰܐ ܣܬܶܝ ܓܕܳܗ̄ܘܺܝܢܰܐ ܒܺܗ̄ܝ ܩܝܰܡܬܰܝܕ̥ܶܗ. 6ܡܺܐܝܕ̥ܶܗ ܕܟܳܐܕ̥ܥܺܝܢܰܐ ܕܽܗ̄ܘ ܒܰܪܢܳܫܰܝܕ̥ܰܢ ܗ̄ܽܘ ܥܰܬܺܝܩܳܐ ܨܠܺܝܒ̥ ܐܰܥܡܶܗ ܠܰܫܰܢ ܕܒܳܛ݄ܠ ܗ̄ܽܘ ܦܰܓ̥ܪܳܐ ܕܺܗ̄ܝ ܚܛܺܝܬ̥ܳܐ، ܕܢܰܩܠܐ ܚܪܶܬܳܐ ܠܳܐ ܗ̄ܘܶܐ ܥܰܒܕܳܐ ܠܺܗ̄ܝ ܚܛܺܝܬ̥ܳܐ. 7ܥܰܠ ܕܽܗ̄ܘ ܚܰܕ̱ ܕܡܰܝ݄ܬ̥ ܡܚܰܪ݄ܪ ܡܺܗ̄ܝ ܚܛܺܝܬ̥ܳܐ. 8ܗܰܢ ܢܰܩܠܐ ܕܶܐܢ ܡܰܝܺܝܬ̥ܺܝܢܰܐ ܥܰܡ ܡܫܺܝܚܳܐ، ܓ݄ܡܗܰܝܡܢܺܝܢܰܐ ܕܥܰܡ ܡܫܺܝܚܳܐ ܓܚܳܝܺܝܢܰܐ. 9ܡܺܐܝܕ̥ܶܗ ܕܟܳܐܕ̥ܥܺܝܢܰܐ ܕ݄ܡܫܺܝܚܳܐ ܩܰܝ݄ܡ ܡܒܰܝܢ ܗ̄ܰܡّܺܝ̈ܬ̥ܶܐ، ܘܢܰܩܠܐ ܚܪܶܬܳܐ ܠ݄ܐ ܟܡܳܝ݄ܬ̥، ܘܽܗ̄ܘ ܡܰܘܬܳܐ ܠ݄ܐ ܟܡܺܝܫܰܠ݄ܛ ܐܰܥܠܶܗ. 10ܘ݄ܕܡܰܝ݄ܬ̥، ܠܺܗ̄ܝ ܚܛܺܝܬ̥ܳܐ ܡܰܝ݄ܬ̥ ܚܕ̥ܳܐ ܢܰܩܠܐ. ܘ݄ܕܚܰܝܳܐ ܝܳܐ، ܚܰܝܳܐ ܝܳܐ ܠܰܐܠܳܗܳܐ. 11ܘܗܰܘܟ̥ܰܐ ܣܬܶܝ ܗܰܬܽܘ، ܚܫܰܒ̥ܽܘ ܪ̈ܽܘܚܰܝܟ̥ܽܘ ܕܡܺܝ̈ܬ̥ܶܐ ܗܰܬܽܘ ܠܺܗ̄ܝ ܚܛܺܝܬ̥ܳܐ، ܘܚܰܝ̈ܶܐ ܗܰܬܽܘ ܠܰܐܠܳܗܳܐ ܒܡܳܪܰܢ ܝܶܫܽܘܥ ܡܫܺܝܚܳܐ. 12ܗܰܢ ܢܰܩܠܐ ܛܪܳܐ ܗ̄ܺܝ ܚܛܺܝܬ̥ܳܐ ܠܳܐ ܡܰܡܠܟ̥ܳܐ ܥܰܠ ܗ̄ܽܘ ܦܰܓ̥ܪܰܬ̥ܟ̥ܽܘ ܗ̄ܽܘ ܡܺܝܬ̥ܳܐ ܘܫ݄ܡܥܺܝܬܽܘ ܠܰܪ̈ܓ̥ܺܝܓ̥ܳܬ̥ܰܝܕ̥ܶܗ. 13ܘܠܳܐ ܣܰܝܡܺܝܬܽܘ ܗ̄ܰܗّܰܕ̈ܳܡܰܬ̥ܟ̥ܽܘ ܣܶܦܳܩܳܐ ܒܺܝܫܳܐ ܠܺܗ̄ܝ ܚܛܺܝܬ̥ܳܐ، ܐܶܠܳܐ ܣܽܘܡܽܘ ܢܰܦܫܰܝܟ̥ܽܘ ܡܛܰܝܒ̈ܶܐ ܠܰܐܠܳܗܳܐ، ܐܟ̥ ܕܢܳܫ̈ܶܐ ܕܕܰܥܺܝܪܺܝ ܠܰܚّܰܝ̈ܶܐ ܡܒܰܝܢ ܗ̄ܰܡّܺܝ̈ܬ̥ܶܐ، ܘܰܗّܰܕ̈ܳܡܰܬ̥ܟ̥ܽܘ ܛܪܳܐ ܗܳܘ݄ܢ ܣܶܦܳܩܳܐ ܠܺܗ̄ܝ ܟܺܐܢܽܘܬ̥ܳܐ ܕܰܐܠܳܗܳܐ. 14ܘܺܗ̄ܝ ܚܛܺܝܬ̥ܳܐ ܠܳܐ ܡܺܝܫܰܠܛܳܐ ܐܰܥܠܰܝܟ̥ܽܘ، ܡܺܐܝܕ̥ܶܗ ܕܠܰܝ̱ܬ ܗ̄ܰܬܽܘ ܬܰܚܬ ܗ̄ܽܘ ܢܳܡܽܘܣܳܐ، ܐܶܠܳܐ ܬܰܚܬ ܗ̄ܺܝ ܛܰܝܒܽܘܬ̥ܳܐ.
15ܗܰܢ ܢܰܩܠܐ ܡ݄ܢ (ܐ݄ܡّܺܪ̱ܝܢܰܐ)! ܚܳܛܺܝܢܰܐ ܥܰܠ ܕܠܰܝ̱ܬܢܰܐ ܬܰܚܬ ܗ̄ܽܘ ܢܳܡܽܘܣܳܐ، ܐܶܠܳܐ ܬܰܚܬ ܗ̄ܺܝ ܛܰܝܒܽܘܬ̥ܳܐ؟ ܠܳܐ، ܚܳܣ. 16ܠ݄ܐ ܟ݄ܐܕ̥ܥܺܝܬܽܘ ܠܰܗ̄ܢܳܐ ܕ݄ܟܣܰܝܡܺܝܬܽܘ ܢܰܦܫܰܝܟ̥ܽܘ ܡܛܰܝܒ̈ܶܐ ܕܫܳܡܥܺܝܬܽܘ ܠܶܗ ܠܺܗ̄ܝ ܥܰܒܕܽܘܬ̥ܳܐ، ܥܰܒܕ̈ܶܐ ܗܰܬܽܘ ܐܶܠܶܗ ܠܰܗ̄ܘܳܐ ܕ݄ܟܫܳܡܥܺܝܬܽܘ ܠܶܗ: ܐܰܘ (ܥܰܒܕ̈ܶܐ) ܠܺܗ̄ܝ ܚܛܺܝܬ̥ܳܐ، ܐܰܘ (ܥܰܒܕ̈ܶܐ) ܠܽܗ̄ܘ ܫܡܳܥܳܐ ܕܺܗ̄ܝ ܟܺܐܢܽܘܬ̥ܳܐ. 17ܘܬܰܘܕܺܝ ܠܰܐܠܳܗܳܐ، ܕܥܰܒܕ̈ܶܐ ܗ̄ܘܰܝܬܽܘ ܠܺܗ̄ܝ ܚܛܺܝܬ̥ܳܐ، ܐܶܠܳܐ ܐܳܥܕܳܐ ܡܽܗ̄ܘ ܠܶܒܳܐ ܫܰܡܺܝܥܺܝܬܽܘ ܠܽܗ̄ܘ ܝܽܘܠܦܳܢܳܐ ܕܡܰܩܒܰܠܟ̥ܽܘ. 18ܘܺܗ̄ܝ ܢܰܩܠܐ ܕܗܰܘܺܝܬܽܘ ܚܺܐܪ̈ܶܐ ܡܺܗ̄ܝ ܚܛܺܝܬ̥ܳܐ، ܗܰܘܺܝܬܽܘ ܥܰܒܕ̈ܶܐ ܠܺܗ̄ܝ ܟܺܐܢܽܘܬ̥ܳܐ. 19ܘ݄ܐܟ̥ ܕܰܗ̄ܢ ܢܳܫ̈ܶܐ ܟܳܐܡܰܪ ܐ̱ܢܳܐ، ܡܺܐܝܕ̥ܶܗ ܕܗܶܫ ܡܚܺܝ̈ܠܶܐ ܗܰܬܽܘ: ܒܶܗ ܐܰܝܕܰܪܒܳܐ ܣ݄ܡܟ̥ܽܘ ܗ̄ܰܗّܰܕ̈ܳܡܰܬ̥ܟ̥ܽܘ ܠܺܗ̄ܝ ܥܰܒܕܽܘܬ̥ܳܐ ܕܺܗ̄ܝ ܛܰܢܦܽܘܬ̥ܳܐ ܘܕܺܗ̄ܝ ܚܛܺܝܬ̥ܳܐ، ܐܳܥܕܳܐ ܣܬܶܝ ܣܽܘܡܽܘ ܗ̄ܰܗّܰܕ̈ܳܡܰܬ̥ܟ̥ܽܘ ܠܺܗ̄ܝ ܥܰܒܕܽܘܬ̥ܳܐ ܕܺܗ̄ܝ ܟܺܐܢܽܘܬ̥ܳܐ ܘܕܺܗ̄ܝ ܩܰܕܺܝܫܽܘܬ̥ܳܐ. 20ܘܺܗ̄ܝ ܢܰܩܠܐ ܕܟ݄ܬ ܗ̄ܘܰܝܬܽܘ ܓܪ̈ܶܝܥܶܐ ܕܺܗ̄ܝ ܚܛܺܝܬ̥ܳܐ، ܚܺܐܪ̈ܶܐ (ܘܪ̈ܰܚܽܘܩܶܐ) ܗ̄ܘܰܝܬܽܘ ܡܺܗ̄ܝ ܟܺܐܢܽܘܬ̥ܳܐ. 21ܘܡ݄ܢ ܦܺܐܪܳܐ ܘܗܶܢܝܳܢܳܐ ܟ݄ܬ ܗ̄ܘܰܐ ܠܟ̥ܽܘ ܗ̄ܺܝ ܢܰܩܠܝܳܐ؟ ܟܰܐܠܶܗ ܐܰܕܝܰܘܡܰܐ ܟܡܺܝܢܰܟܦܺܝܬܽܘ ܐܶܒܶܗ. ܥܰܠ ܕܺܗ̄ܝ ܚܰܪܰܝܬܰܝܕ̥ܶܗ ܡܰܘܬܳܐ ܝܳܐ. 22ܘܳܐܥܕܳܐ ܕܗܰܘܺܝܬܽܘ ܚܺܐܪ̈ܶܐ (ܘܪ̈ܰܚܽܘܩܶܐ) ܡܺܗ̄ܝ ܚܛܺܝܬ̥ܳܐ، ܘܗܰܘܺܝܬܽܘ ܥܰܒܕ̈ܶܐ ܠܰܐܠܳܗܳܐ، ܟ݄ܬܟ̥ܽܘ ܦܺܐܪ̈ܶܐ ܩܰܕ̈ܺܝܫܶܐ ܕܺܗ̄ܝ ܚܰܪܰܝܬܰܬّ̥ܶܗ ܚܰܝ̈ܶܐ ܕ݄ܠܥܳܠܰܡ ܝܳܐ. 23ܗ̄ܽܘ ܐܰܓ̥ܪܳܐ ܕܺܗ̄ܝ ܚܛܺܝܬ̥ܳܐ ܡܰܘܬܳܐ ܝܳܐ، ܐܶܠܳܐ ܗ̄ܺܝ ܡܰܘܗܰܒܬܳܐ ܕܰܐܠܳܗܳܐ ܚܰܝ̈ܶܐ ܝܳܐ ܕ݄ܠܥܳܠܰܡ ܒܡܳܪܰܢ ܝܶܫܽܘܥ ܡܫܺܝܚܳܐ.
Currently Selected:
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 6: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 6
6
ܗ̄ܽܘ ܩܶܛܪܳܐ ܕܺܗ̄ܝ ܚܛܺܝܬ̥ܳܐ
ܡܺܝ̈ܬ̥ܶܐ ܠܺܗ̄ܝ ܚܛܺܝܬ̥ܳܐ ܘܚܰܝ̈ܶܐ ܠ݄ܡܫܺܝܚܳܐ
1ܗܰܢ ܢܰܩܠܐ ܡ݄ܢ ܕ݄ܐܡّܺܪ̱ܝܢܰܐ؟ ܦܰܝܫܺܝܢܰܐ ܒܺܗ̄ܝ ܚܛܺܝܬ̥ܳܐ ܕܙܰܝܕܳܐ ܗ̄ܺܝ ܛܰܝܒܽܘܬ̥ܳܐ؟ 2ܠܳܐ، ܚܳܣ، ܡܺܐܝܕ̥ܶܗ ܕܰܐܚܢܰܐ ܕܡܰܝܺܝܬ̥ܺܝܢܰܐ (ܘܪܰܚܺܝܩܺܝܢܰܐ) ܡܺܗ̄ܝ ܚܛܺܝܬ̥ܳܐ، ܐܰܝܕܰܪܒܳܐ (ܓܕܳܥܪܺܝܢܰܐ) ܚܳܝܺܝܢܰܐ ܐܶܒܰܗ ܢܰܩܠܐ ܚܪܶܬܳܐ؟ 3ܐܰܘ ܠ݄ܐ ܟ݄ܐܕ̥ܥܺܝܬܽܘ ܕܰܐܚܢܰܐ ܕܥܰܡܺܝܕ̥ܺܝܢܰܐ ܒܝܶܫܽܘܥ ܡܫܺܝܚܳܐ، ܒܽܗ̄ܘ ܡܰܘܬܰܝܕ̥ܶܗ ܥܰܡܺܝܕ̥ܺܝܢܰܐ؟ 4ܘܰܐܥܡܶܗ ܩܒ̥ܺܝܪܺܝܢܰܐ ܒܺܗ̄ܝ ܡܰܥܡܽܘܕ̥ܺܝܬ̥ܳܐ، ܘܡܰܝܺܝܬ̥ܺܝܢܰܐ، ܐܟ̥ ܕܩܰܝ݄ܡ ܝܶܫܽܘܥ ܡܫܺܝܚܳܐ ܡܒܰܝܢ ܗ̄ܰܡّܺܝ̈ܬ̥ܶܐ ܒܽܗ̄ܘ ܫܽܘܒܚܳܐ ܕܽܗ̄ܘ ܒܰܒܰܝܕ̥ܶܗ، ܗܰܘܟ̥ܰܐ ܣܬܶܝ ܐܰܚܢܰܐ ܒܰܚّܰܝ̈ܶܐ ܚܰܕ̱̈ܬ̥ܶܐ ܓ݄ܡܗܰܠܟ̥ܺܝܢܰܐ. 5ܘܶܐܢ ܐܰܥܡܶܗ ܙܪܺܝܥܺܝܢܰܐ ܒܺܗ̄ܝ ܨܽܘܪܬܳܐ ܕܽܗ̄ܘ ܡܰܘܬܰܝܕ̥ܶܗ، ܗܰܘܟ̥ܰܐ ܣܬܶܝ ܓܕܳܗ̄ܘܺܝܢܰܐ ܒܺܗ̄ܝ ܩܝܰܡܬܰܝܕ̥ܶܗ. 6ܡܺܐܝܕ̥ܶܗ ܕܟܳܐܕ̥ܥܺܝܢܰܐ ܕܽܗ̄ܘ ܒܰܪܢܳܫܰܝܕ̥ܰܢ ܗ̄ܽܘ ܥܰܬܺܝܩܳܐ ܨܠܺܝܒ̥ ܐܰܥܡܶܗ ܠܰܫܰܢ ܕܒܳܛ݄ܠ ܗ̄ܽܘ ܦܰܓ̥ܪܳܐ ܕܺܗ̄ܝ ܚܛܺܝܬ̥ܳܐ، ܕܢܰܩܠܐ ܚܪܶܬܳܐ ܠܳܐ ܗ̄ܘܶܐ ܥܰܒܕܳܐ ܠܺܗ̄ܝ ܚܛܺܝܬ̥ܳܐ. 7ܥܰܠ ܕܽܗ̄ܘ ܚܰܕ̱ ܕܡܰܝ݄ܬ̥ ܡܚܰܪ݄ܪ ܡܺܗ̄ܝ ܚܛܺܝܬ̥ܳܐ. 8ܗܰܢ ܢܰܩܠܐ ܕܶܐܢ ܡܰܝܺܝܬ̥ܺܝܢܰܐ ܥܰܡ ܡܫܺܝܚܳܐ، ܓ݄ܡܗܰܝܡܢܺܝܢܰܐ ܕܥܰܡ ܡܫܺܝܚܳܐ ܓܚܳܝܺܝܢܰܐ. 9ܡܺܐܝܕ̥ܶܗ ܕܟܳܐܕ̥ܥܺܝܢܰܐ ܕ݄ܡܫܺܝܚܳܐ ܩܰܝ݄ܡ ܡܒܰܝܢ ܗ̄ܰܡّܺܝ̈ܬ̥ܶܐ، ܘܢܰܩܠܐ ܚܪܶܬܳܐ ܠ݄ܐ ܟܡܳܝ݄ܬ̥، ܘܽܗ̄ܘ ܡܰܘܬܳܐ ܠ݄ܐ ܟܡܺܝܫܰܠ݄ܛ ܐܰܥܠܶܗ. 10ܘ݄ܕܡܰܝ݄ܬ̥، ܠܺܗ̄ܝ ܚܛܺܝܬ̥ܳܐ ܡܰܝ݄ܬ̥ ܚܕ̥ܳܐ ܢܰܩܠܐ. ܘ݄ܕܚܰܝܳܐ ܝܳܐ، ܚܰܝܳܐ ܝܳܐ ܠܰܐܠܳܗܳܐ. 11ܘܗܰܘܟ̥ܰܐ ܣܬܶܝ ܗܰܬܽܘ، ܚܫܰܒ̥ܽܘ ܪ̈ܽܘܚܰܝܟ̥ܽܘ ܕܡܺܝ̈ܬ̥ܶܐ ܗܰܬܽܘ ܠܺܗ̄ܝ ܚܛܺܝܬ̥ܳܐ، ܘܚܰܝ̈ܶܐ ܗܰܬܽܘ ܠܰܐܠܳܗܳܐ ܒܡܳܪܰܢ ܝܶܫܽܘܥ ܡܫܺܝܚܳܐ. 12ܗܰܢ ܢܰܩܠܐ ܛܪܳܐ ܗ̄ܺܝ ܚܛܺܝܬ̥ܳܐ ܠܳܐ ܡܰܡܠܟ̥ܳܐ ܥܰܠ ܗ̄ܽܘ ܦܰܓ̥ܪܰܬ̥ܟ̥ܽܘ ܗ̄ܽܘ ܡܺܝܬ̥ܳܐ ܘܫ݄ܡܥܺܝܬܽܘ ܠܰܪ̈ܓ̥ܺܝܓ̥ܳܬ̥ܰܝܕ̥ܶܗ. 13ܘܠܳܐ ܣܰܝܡܺܝܬܽܘ ܗ̄ܰܗّܰܕ̈ܳܡܰܬ̥ܟ̥ܽܘ ܣܶܦܳܩܳܐ ܒܺܝܫܳܐ ܠܺܗ̄ܝ ܚܛܺܝܬ̥ܳܐ، ܐܶܠܳܐ ܣܽܘܡܽܘ ܢܰܦܫܰܝܟ̥ܽܘ ܡܛܰܝܒ̈ܶܐ ܠܰܐܠܳܗܳܐ، ܐܟ̥ ܕܢܳܫ̈ܶܐ ܕܕܰܥܺܝܪܺܝ ܠܰܚّܰܝ̈ܶܐ ܡܒܰܝܢ ܗ̄ܰܡّܺܝ̈ܬ̥ܶܐ، ܘܰܗّܰܕ̈ܳܡܰܬ̥ܟ̥ܽܘ ܛܪܳܐ ܗܳܘ݄ܢ ܣܶܦܳܩܳܐ ܠܺܗ̄ܝ ܟܺܐܢܽܘܬ̥ܳܐ ܕܰܐܠܳܗܳܐ. 14ܘܺܗ̄ܝ ܚܛܺܝܬ̥ܳܐ ܠܳܐ ܡܺܝܫܰܠܛܳܐ ܐܰܥܠܰܝܟ̥ܽܘ، ܡܺܐܝܕ̥ܶܗ ܕܠܰܝ̱ܬ ܗ̄ܰܬܽܘ ܬܰܚܬ ܗ̄ܽܘ ܢܳܡܽܘܣܳܐ، ܐܶܠܳܐ ܬܰܚܬ ܗ̄ܺܝ ܛܰܝܒܽܘܬ̥ܳܐ.
15ܗܰܢ ܢܰܩܠܐ ܡ݄ܢ (ܐ݄ܡّܺܪ̱ܝܢܰܐ)! ܚܳܛܺܝܢܰܐ ܥܰܠ ܕܠܰܝ̱ܬܢܰܐ ܬܰܚܬ ܗ̄ܽܘ ܢܳܡܽܘܣܳܐ، ܐܶܠܳܐ ܬܰܚܬ ܗ̄ܺܝ ܛܰܝܒܽܘܬ̥ܳܐ؟ ܠܳܐ، ܚܳܣ. 16ܠ݄ܐ ܟ݄ܐܕ̥ܥܺܝܬܽܘ ܠܰܗ̄ܢܳܐ ܕ݄ܟܣܰܝܡܺܝܬܽܘ ܢܰܦܫܰܝܟ̥ܽܘ ܡܛܰܝܒ̈ܶܐ ܕܫܳܡܥܺܝܬܽܘ ܠܶܗ ܠܺܗ̄ܝ ܥܰܒܕܽܘܬ̥ܳܐ، ܥܰܒܕ̈ܶܐ ܗܰܬܽܘ ܐܶܠܶܗ ܠܰܗ̄ܘܳܐ ܕ݄ܟܫܳܡܥܺܝܬܽܘ ܠܶܗ: ܐܰܘ (ܥܰܒܕ̈ܶܐ) ܠܺܗ̄ܝ ܚܛܺܝܬ̥ܳܐ، ܐܰܘ (ܥܰܒܕ̈ܶܐ) ܠܽܗ̄ܘ ܫܡܳܥܳܐ ܕܺܗ̄ܝ ܟܺܐܢܽܘܬ̥ܳܐ. 17ܘܬܰܘܕܺܝ ܠܰܐܠܳܗܳܐ، ܕܥܰܒܕ̈ܶܐ ܗ̄ܘܰܝܬܽܘ ܠܺܗ̄ܝ ܚܛܺܝܬ̥ܳܐ، ܐܶܠܳܐ ܐܳܥܕܳܐ ܡܽܗ̄ܘ ܠܶܒܳܐ ܫܰܡܺܝܥܺܝܬܽܘ ܠܽܗ̄ܘ ܝܽܘܠܦܳܢܳܐ ܕܡܰܩܒܰܠܟ̥ܽܘ. 18ܘܺܗ̄ܝ ܢܰܩܠܐ ܕܗܰܘܺܝܬܽܘ ܚܺܐܪ̈ܶܐ ܡܺܗ̄ܝ ܚܛܺܝܬ̥ܳܐ، ܗܰܘܺܝܬܽܘ ܥܰܒܕ̈ܶܐ ܠܺܗ̄ܝ ܟܺܐܢܽܘܬ̥ܳܐ. 19ܘ݄ܐܟ̥ ܕܰܗ̄ܢ ܢܳܫ̈ܶܐ ܟܳܐܡܰܪ ܐ̱ܢܳܐ، ܡܺܐܝܕ̥ܶܗ ܕܗܶܫ ܡܚܺܝ̈ܠܶܐ ܗܰܬܽܘ: ܒܶܗ ܐܰܝܕܰܪܒܳܐ ܣ݄ܡܟ̥ܽܘ ܗ̄ܰܗّܰܕ̈ܳܡܰܬ̥ܟ̥ܽܘ ܠܺܗ̄ܝ ܥܰܒܕܽܘܬ̥ܳܐ ܕܺܗ̄ܝ ܛܰܢܦܽܘܬ̥ܳܐ ܘܕܺܗ̄ܝ ܚܛܺܝܬ̥ܳܐ، ܐܳܥܕܳܐ ܣܬܶܝ ܣܽܘܡܽܘ ܗ̄ܰܗّܰܕ̈ܳܡܰܬ̥ܟ̥ܽܘ ܠܺܗ̄ܝ ܥܰܒܕܽܘܬ̥ܳܐ ܕܺܗ̄ܝ ܟܺܐܢܽܘܬ̥ܳܐ ܘܕܺܗ̄ܝ ܩܰܕܺܝܫܽܘܬ̥ܳܐ. 20ܘܺܗ̄ܝ ܢܰܩܠܐ ܕܟ݄ܬ ܗ̄ܘܰܝܬܽܘ ܓܪ̈ܶܝܥܶܐ ܕܺܗ̄ܝ ܚܛܺܝܬ̥ܳܐ، ܚܺܐܪ̈ܶܐ (ܘܪ̈ܰܚܽܘܩܶܐ) ܗ̄ܘܰܝܬܽܘ ܡܺܗ̄ܝ ܟܺܐܢܽܘܬ̥ܳܐ. 21ܘܡ݄ܢ ܦܺܐܪܳܐ ܘܗܶܢܝܳܢܳܐ ܟ݄ܬ ܗ̄ܘܰܐ ܠܟ̥ܽܘ ܗ̄ܺܝ ܢܰܩܠܝܳܐ؟ ܟܰܐܠܶܗ ܐܰܕܝܰܘܡܰܐ ܟܡܺܝܢܰܟܦܺܝܬܽܘ ܐܶܒܶܗ. ܥܰܠ ܕܺܗ̄ܝ ܚܰܪܰܝܬܰܝܕ̥ܶܗ ܡܰܘܬܳܐ ܝܳܐ. 22ܘܳܐܥܕܳܐ ܕܗܰܘܺܝܬܽܘ ܚܺܐܪ̈ܶܐ (ܘܪ̈ܰܚܽܘܩܶܐ) ܡܺܗ̄ܝ ܚܛܺܝܬ̥ܳܐ، ܘܗܰܘܺܝܬܽܘ ܥܰܒܕ̈ܶܐ ܠܰܐܠܳܗܳܐ، ܟ݄ܬܟ̥ܽܘ ܦܺܐܪ̈ܶܐ ܩܰܕ̈ܺܝܫܶܐ ܕܺܗ̄ܝ ܚܰܪܰܝܬܰܬّ̥ܶܗ ܚܰܝ̈ܶܐ ܕ݄ܠܥܳܠܰܡ ܝܳܐ. 23ܗ̄ܽܘ ܐܰܓ̥ܪܳܐ ܕܺܗ̄ܝ ܚܛܺܝܬ̥ܳܐ ܡܰܘܬܳܐ ܝܳܐ، ܐܶܠܳܐ ܗ̄ܺܝ ܡܰܘܗܰܒܬܳܐ ܕܰܐܠܳܗܳܐ ܚܰܝ̈ܶܐ ܝܳܐ ܕ݄ܠܥܳܠܰܡ ܒܡܳܪܰܢ ܝܶܫܽܘܥ ܡܫܺܝܚܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation