ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 5
5
ܗ̄ܺܝ ܚܽܘܒܳܐ ܘܺܗ̄ܝ ܫܰܪܺܝܪܽܘܬ̥ܳܐ ܕܽܗ̄ܘ ܡܗܰܝܡܢܳܐ
1ܗܰܢ ܢܰܩܠܐ ܕܗܰܘܺܝܢܰܐ ܙܰܕ̈ܺܝܩܶܐ ܒܺܗ̄ܝ ܗܰܝܡܳܢܽܘܬ̥ܳܐ، ܓܕܳܗ̄ܘܶܐ ܠܰܢ ܫܠܳܡܳܐ ܓܰܒ ܐܰܠܳܗܳܐ ܒܡܳܪܰܢ ܝܶܫܽܘܥ ܡܫܺܝܚܳܐ، 2ܕܶܐܒܶܗ ܡܩܰܪܰܒ̥ ܠܰܢ ܒܺܗ̄ܝ ܗܰܝܡܳܢܽܘܬ̥ܳܐ ܠܺܗ̄ܝ ܛܰܝܒܽܘܬ̥ܳܐ، ܗܰܬ̥ܶܐ ܕܶܐܒܰܗ ܟܳܩܰܝܡܺܝܢܰܐ ܘ݄ܟܡ݄ܫܬܰܒ݄ܗܪܺܝܢܰܐ ܒܽܗ̄ܘ ܣܰܒܪܳܐ ܕܽܗ̄ܘ ܫܽܘܒܚܳܐ ܕܰܐܠܳܗܳܐ. 3ܘܠܳܐ ܗܰܘܟ̥ܰܐ ܒܶܠܚܽܘܕ̥ܶܗ، ܐܶܠܳܐ ܟܳܗ̄ܘܶܐ ܠܰܢ ܫܽܘܒܗܳܪܳܐ ܣܬܶܝ ܒܰܥّܳܩ̈ܳܬ̥ܳܐ ܕܟܳܐܕ̥ܥܺܝܢܰܐ ܕܺܗ̄ܝ ܥܺܝܩܽܘܬ̥ܳܐ ܟܡܰܘܠܕ̥ܳܐ ܐܶܒܰܢ ܡܣܰܝܒܪܳܢܽܘܬ̥ܳܐ، 4ܘܺܗ̄ܝ ܡܣܰܝܒܪܳܢܽܘܬ̥ܳܐ ܒܽܘܚܪܳܢܳܐ ܝܳܐ، ܘܽܗ̄ܘ ܒܽܘܚܪܳܢܳܐ ܣܰܒܪܳܐ ܝܳܐ، 5ܘܽܗ̄ܘ ܣܰܒܪܳܐ ܠ݄ܐ ܟܛܳܪܶܐ ܚܰܕ̱ ܡܺܝܢܰܟ݄ܦ، ܡܺܐܝܕ̥ܶܗ ܕܺܗ̄ܝ ܚܽܘܒܳܐ ܕܰܐܠܳܗܳܐ ܟܡ݄ܠܝܳܐ ܠܶܒܰܢ ܒܪܽܘܚܳܐ ܕܩܽܘܕܫܳܐ ܕܗܺܝܒ̥ܳܐ ܐܶܠܰܢ. 6ܘܶܐܢ ܡܫܺܝܚܳܐ ܠܰܫܰܢ ܗ̄ܺܝ ܪܰܦܝܽܘܬ̥ܰܝܕ̥ܰܢ، ܒܽܗ̄ܘ ܙܰܒܢܰܢܳܐ، ܡܰܝ݄ܬ̥ ܡܶܢ̱ ܚܠܳܦ ܗ̄ܰܟّܳܦܽܘܪ̈ܶܐ، 7ܡܺܐܝܕ̥ܶܗ ܕܥܰܣܩܳܐ ܝܳܐ ܕܚܰܕ̱ ܡܳܝ݄ܬ̥ ܡܶܢ̱ ܚܠܳܦ ܗ̄ܰܟّܳܦܽܘܪ̈ܶܐ؛ ܡܶܢ̱ ܚܠܳܦ ܗ̄ܰܛّܳܒ̥̈ܶܐ ܟܳܗ̄ܘܶܐ ܚܰܕ̱ ܕܳܗ̄ܒܶܐ ܪܽܘܚܶܗ ܠܽܗ̄ܘ ܡܰܘܬܳܐ. 8ܗܰܪܟܶܐ ܐܰܠܳܗܳܐ ܟܡܰܚܘܶܐ ܗ̄ܺܝ ܚܽܘܒܰܝܕܶܗ ܐܶܠܰܢ: ܕܗܶܫ ܚܰܛܳܝ̈ܶܐ ܗ̄ܘܰܝܢܰܐ، ܡܰܝ݄ܬ̥ ܡܫܺܝܚܳܐ ܡܶܢ̱ ܚܠܳܦܰܝܢܰܐ. 9ܗܰܢ ܢܰܩܠܐ ܟܡܳܐ ܒܽܗ̄ܘ ܙܳܝܽܘܕܳܐ، ܐܳܥܕܳܐ، ܓܡܺܝܙܰܕܩܺܝܢܰܐ ܒܽܗ̄ܘ ܐܰܕܡܰܝܕ̥ܶܗ، ܘܶܐܒܶܗ ܟܦ݄ܠܛܺܝܢܰܐ ܡܽܗ̄ܘ ܪܽܘܓ̥ܙܳܐ. 10ܘܶܐܢ ܗ̄ܺܝ ܢܰܩܠܐ ܕܟ݄ܬ ܗ̄ܘܰܝ ܢܰܐ ܒܥܶܠܕ̈ܒܳܒܶܐ، ܐܰܠܳܗܳܐ ܣ݄ܡ ܠܶܗ ܫܠܳܡܳܐ ܐܰܥܡܰܢ ܒܽܗ̄ܘ ܡܰܘܬܳܐ ܕܽܗ̄ܘ ܐܰܒܪܰܝܕ̥ܶܗ، ܗܰܢ ܢܰܩܠܐ ܡ݄ܩܰܐ ܒܽܗ̄ܘ ܙܳܝܽܘܕܳܐ، ܐܳܥܕܳܐ، ܒܽܗ̄ܘ ܫܠܳܡܰܝܕ̥ܶܗ ܕܰܐܥܡܰܢ، ܓܚܳܝܺܝܢܰܐ ܒܰܚّܰܝ̈ܰܝܕ̥ܶܗ. 11ܘܠܳܐ ܗܰܘܟ̥ܰܐ ܒܶܠܚܽܘܕ̥ܶܗ، ܐܶܠܳܐ ܓܕܳܗ̄ܘܶܐ ܠܰܢ ܫܽܘܒܗܳܪܳܐ ܣܬܶܝ ܒܰܐܠܳܗܳܐ، ܒܡܳܪܰܢ ܝܶܫܽܘܥ ܡܫܺܝܚܳܐ ܕܶܐܒܶܗ ܐܳܥܕܳܐ ܗܰܘܺܝ ܠܰܢ ܫܠܳܡܳܐ.
ܐܳܕ̥ܳܡ ܘ݄ܡܫܺܝܚܳܐ
12ܘܒܶܗ ܐܰܝܕܰܪܒܳܐ ܒܚܰܕ̱ ܢܳܫܳܐ ܥܰܒܺܝܪܳܐ ܗ̄ܺܝ ܚܛܺܝܬ̥ܳܐ ܠܽܗ̄ܘ ܥܳܠܡܳܐ، ܘܒܺܗ̄ܝ ܚܛܺܝܬ̥ܳܐ ܗ̄ܽܘ ܡܰܘܬܳܐ، ܘܗܰܘܟ̥ܰܐ ܒܟܽܘܠّܶܗ ܗ̄ܰܢ ܢܳܫ̈ܶܐ ܥܰܒ݄ܪ ܗ̄ܽܘ ܡܰܘܬܳܐ ܥܰܠ ܕܟܽܘܠّܶܗ ܚܰܛ݄ܢ. 13ܗܳܠ (ܕܗܰܘܺܝ) ܗ̄ܽܘ ܢܳܡܽܘܣܳܐ، ܗ̄ܺܝ ܚܛܺܝܬ̥ܳܐ ܒܽܗ̄ܘ ܥܳܠܡܳܐ ܗ̄ܘܰܐ ܘܠܰܝ̱ܬ ܗ̄ܘܰܐ ܚܫܽܒ̥ܬܳܐ ܚܛܺܝܬ̥ܳܐ، ܥܰܠ ܕܠܰܝ̱ܬ ܗ̄ܘܰܐ ܢܳܡܽܘܣܳܐ. 14ܐܶܠܳܐ ܗ̄ܽܘ ܡܰܘܬܳܐ ܡܰܡܠܰܟ ܠܶܗ ܡܶܢ̱ ܐܳܕ̥ܳܡ ܘܗܳܠ ܠܡܽܘܫܶܐ، ܘܥܰܠ ܐܰܝܢܰܐ ܣܬܶܝ ܕܠܳܐ ܚܰܛ݄ܢ، ܒܺܗ̄ܝ ܨܽܘܪܬܳܐ ܕܽܗ̄ܘ ܬܒ̥ܳܪܳܐ ܕܽܗ̄ܘ ܦܽܘܩܕܳܢܳܐ ܕܳܐܕܳܡ، ܗܰܘܳܐ ܕܟ݄ܬ ܝܳܐ ܗ̄ܺܝ ܨܽܘܪܬܳܐ ܕܰܗ̄ܘܳܐ ܕ݄ܓܕܳܐܬ̥ܶܐ. 15ܐܶܠܳܐ ܗ̄ܺܝ ܢܦܰܠܬܳܐ (ܕܳܐܕܳܡ) ܠܰܝ̱ܬ ܝܳܐ ܐܟ̥ ܕܺܗ̄ܝ ܡܰܘܗܰܒܬܳܐ (ܕܰܐܠܳܗܳܐ). ܐܶܢ ܡܺܗ̄ܝ ܢܦܰܠܬܳܐ ܕܚܰܕ̱ ܢܳܫܳܐ ܓ̥ܰܠܰܒܶܐ ܡܰܝܺܝܬ̥ܺܝ، ܗܰܢ ܢܰܩܠܐ ܟܡܳܐ ܒܽܗ̄ܘ ܙܳܝܽܘܕܳܐ ܗ̄ܺܝ ܛܰܝܒܽܘܬ̥ܳܐ ܕܰܐܠܳܗܳܐ ܘܺܗ̄ܝ ܡܰܘܗܰܒܬ̥ܰܝܕ̥ܶܗ ܟܛܰܝܦܳܐ ܘܙܰܝܕܳܐ ܒܓ̥ܰܠܰܒܶܐ ܢܳܫ̈ܶܐ ܠܰܫܰܢ ܚܰܕ̱ ܒܰܪܢܳܫܳܐ، ܝܶܫܽܘܥ ܡܫܺܝܚܳܐ. 16ܘܺܗ̄ܝ ܚܛܺܝܬ̥ܳܐ ܕܚܰܕ̱ ܠܰܝ̱ܬ ܝܳܐ ܐܟ̥ ܕܺܗ̄ܝ ܡܰܘܗܰܒܬܳܐ: ܡܺܐܝܕ̥ܶܗ ܕܽܗ̄ܘ ܕܺܝܢܳܐ ܕܗܰܘܺܝ ܡܶܢ̱ ܚܰܕ̱ ܠܺܗ̄ܝ ܢܦܰܠܬܳܐ ܗܰܘܺܝ. ܐܶܠܳܐ ܗ̄ܺܝ ܡܰܘܗܰܒܬܳܐ ܗܰܘܝܳܐ ܠܺܗ̄ܝ ܟܺܐܢܽܘܬ̥ܳܐ ܡܶܢ̱ ܓ̥ܰܠܰܒܶܐ ܚܛܳܗ̈ܶܐ. 17ܘܶܐܢ ܗܰܘܺܝ ܕܡܺܗ̄ܝ ܚܛܺܝܬ̥ܳܐ ܕܚܰܕ̱ ܡܫܰܠ݄ܛ ܗ̄ܽܘ ܡܰܘܬܳܐ، ܟܡܳܐ ܒܽܗ̄ܘ ܙܳܝܽܘܕܳܐ ܗܰܢ݄ܟ ܕܡ݄ܕّܶܗ ܓ̥ܰܠܰܒܶܐ ܛܰܝܒܽܘܬ̥ܳܐ ܘܡܰܘܗܰܒܬܳܐ ܘܟܺܐܢܽܘܬ̥ܳܐ ܓܡܺܝܫܰܠܛܺܝ ܒܰܚّܰܝ̈ܶܐ ܒܚܰܕ̱، ܝܶܫܽܘܥ ܡܫܺܝܚܳܐ. 18ܗܰܢ ܢܰܩܠܐ ܒܶܗ ܐܰܝܕܰܪܒܳܐ ܕܡܺܗ̄ܝ ܚܛܺܝܬ̥ܳܐ ܕܚܰܕ̱ ܗܰܘܺܝ ܢܦܰܠܬܳܐ ܠܟܘ̇ܠّܶܗ ܗ̄ܰܢ ܢܳܫ̈ܶܐ، ܗܰܘܟ̥ܰܐ ܡܺܗ̄ܝ ܟܺܐܢܽܘܬ̥ܳܐ ܕܚܰܕ̱ ܓܕܳܗ̄ܘܶܐ ܙܳܟ̥ܽܘܬ̥ܳܐ ܠܰܚّܰܝ̈ܶܐ ܠܟܘ̇ܠّܶܗ ܗ̄ܰܢ ܢܳܫ̈ܶܐ. 19ܘܒܶܗ ܐܰܝܕܰܪܒܳܐ ܕܒܺܗ̄ܝ ܠܳܐ ܡ݄ܫܬܰܡܥܳܢܽܘܬ̥ܳܐ ܕܚܰܕ̱ ܢܳܫܳܐ ܓ̥ܰܠܰܒܶܐ ܚܰܛܳܝ̈ܶܐ ܗܰܘ݄ܢ، ܗܰܘܟ̥ܰܐ ܣܬܶܝ ܒܺܗ̄ܝ ܡ݄ܫܬܰܡܥܳܢܽܘܬ̥ܳܐ ܕܚܰܕ̱ ܓ̥ܰܠܰܒܶܐ ܙܰܕ̈ܺܝܩܶܐ ܟܳܗ̄ܘ݄ܢ. 20ܘܽܗ̄ܘ ܡܰܐܬ̥ܝܳܐ ܕܰܐܬ̥ܺܝ ܗ̄ܽܘ ܢܳܡܽܘܣܳܐ ܐܰܬ̥ܺܝ ܕܙܰܝܕܳܐ ܗ̄ܺܝ ܚܛܺܝܬ̥ܳܐ. ܘܰܐܝܟܳܐ ܕܙܰܝܕܳܐ ܗ̄ܺܝ ܚܛܺܝܬ̥ܳܐ، ܬܰܡܳܐ ܙ݄ܕ ܙܰܝܺܝܕܳܐ ܗ̄ܺܝ ܛܰܝܒܽܘܬ̥ܳܐ. 21ܘܒܶܗ ܐܰܝܕܰܪܒܳܐ ܗ̄ܺܝ ܚܛܺܝܬ̥ܳܐ ܡܰܡܠܰܟ̥ ܠܰܗ ܒܽܗ̄ܘ ܡܰܘܬܳܐ، ܗܰܘܟ̥ܰܐ ܓܡܰܡܠܟ̥ܳܐ ܗ̄ܺܝ ܛܰܝܒܽܘܬ̥ܳܐ ܒܺܗ̄ܝ ܟܺܐܢܽܘܬ̥ܳܐ ܠܚܰܝ̈ܶܐ ܕ݄ܠܥܳܠܰܡ ܒܡܳܪܰܢ ܝܶܫܽܘܥ ܡܫܺܝܚܳܐ.
Currently Selected:
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 5: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 5
5
ܗ̄ܺܝ ܚܽܘܒܳܐ ܘܺܗ̄ܝ ܫܰܪܺܝܪܽܘܬ̥ܳܐ ܕܽܗ̄ܘ ܡܗܰܝܡܢܳܐ
1ܗܰܢ ܢܰܩܠܐ ܕܗܰܘܺܝܢܰܐ ܙܰܕ̈ܺܝܩܶܐ ܒܺܗ̄ܝ ܗܰܝܡܳܢܽܘܬ̥ܳܐ، ܓܕܳܗ̄ܘܶܐ ܠܰܢ ܫܠܳܡܳܐ ܓܰܒ ܐܰܠܳܗܳܐ ܒܡܳܪܰܢ ܝܶܫܽܘܥ ܡܫܺܝܚܳܐ، 2ܕܶܐܒܶܗ ܡܩܰܪܰܒ̥ ܠܰܢ ܒܺܗ̄ܝ ܗܰܝܡܳܢܽܘܬ̥ܳܐ ܠܺܗ̄ܝ ܛܰܝܒܽܘܬ̥ܳܐ، ܗܰܬ̥ܶܐ ܕܶܐܒܰܗ ܟܳܩܰܝܡܺܝܢܰܐ ܘ݄ܟܡ݄ܫܬܰܒ݄ܗܪܺܝܢܰܐ ܒܽܗ̄ܘ ܣܰܒܪܳܐ ܕܽܗ̄ܘ ܫܽܘܒܚܳܐ ܕܰܐܠܳܗܳܐ. 3ܘܠܳܐ ܗܰܘܟ̥ܰܐ ܒܶܠܚܽܘܕ̥ܶܗ، ܐܶܠܳܐ ܟܳܗ̄ܘܶܐ ܠܰܢ ܫܽܘܒܗܳܪܳܐ ܣܬܶܝ ܒܰܥّܳܩ̈ܳܬ̥ܳܐ ܕܟܳܐܕ̥ܥܺܝܢܰܐ ܕܺܗ̄ܝ ܥܺܝܩܽܘܬ̥ܳܐ ܟܡܰܘܠܕ̥ܳܐ ܐܶܒܰܢ ܡܣܰܝܒܪܳܢܽܘܬ̥ܳܐ، 4ܘܺܗ̄ܝ ܡܣܰܝܒܪܳܢܽܘܬ̥ܳܐ ܒܽܘܚܪܳܢܳܐ ܝܳܐ، ܘܽܗ̄ܘ ܒܽܘܚܪܳܢܳܐ ܣܰܒܪܳܐ ܝܳܐ، 5ܘܽܗ̄ܘ ܣܰܒܪܳܐ ܠ݄ܐ ܟܛܳܪܶܐ ܚܰܕ̱ ܡܺܝܢܰܟ݄ܦ، ܡܺܐܝܕ̥ܶܗ ܕܺܗ̄ܝ ܚܽܘܒܳܐ ܕܰܐܠܳܗܳܐ ܟܡ݄ܠܝܳܐ ܠܶܒܰܢ ܒܪܽܘܚܳܐ ܕܩܽܘܕܫܳܐ ܕܗܺܝܒ̥ܳܐ ܐܶܠܰܢ. 6ܘܶܐܢ ܡܫܺܝܚܳܐ ܠܰܫܰܢ ܗ̄ܺܝ ܪܰܦܝܽܘܬ̥ܰܝܕ̥ܰܢ، ܒܽܗ̄ܘ ܙܰܒܢܰܢܳܐ، ܡܰܝ݄ܬ̥ ܡܶܢ̱ ܚܠܳܦ ܗ̄ܰܟّܳܦܽܘܪ̈ܶܐ، 7ܡܺܐܝܕ̥ܶܗ ܕܥܰܣܩܳܐ ܝܳܐ ܕܚܰܕ̱ ܡܳܝ݄ܬ̥ ܡܶܢ̱ ܚܠܳܦ ܗ̄ܰܟّܳܦܽܘܪ̈ܶܐ؛ ܡܶܢ̱ ܚܠܳܦ ܗ̄ܰܛّܳܒ̥̈ܶܐ ܟܳܗ̄ܘܶܐ ܚܰܕ̱ ܕܳܗ̄ܒܶܐ ܪܽܘܚܶܗ ܠܽܗ̄ܘ ܡܰܘܬܳܐ. 8ܗܰܪܟܶܐ ܐܰܠܳܗܳܐ ܟܡܰܚܘܶܐ ܗ̄ܺܝ ܚܽܘܒܰܝܕܶܗ ܐܶܠܰܢ: ܕܗܶܫ ܚܰܛܳܝ̈ܶܐ ܗ̄ܘܰܝܢܰܐ، ܡܰܝ݄ܬ̥ ܡܫܺܝܚܳܐ ܡܶܢ̱ ܚܠܳܦܰܝܢܰܐ. 9ܗܰܢ ܢܰܩܠܐ ܟܡܳܐ ܒܽܗ̄ܘ ܙܳܝܽܘܕܳܐ، ܐܳܥܕܳܐ، ܓܡܺܝܙܰܕܩܺܝܢܰܐ ܒܽܗ̄ܘ ܐܰܕܡܰܝܕ̥ܶܗ، ܘܶܐܒܶܗ ܟܦ݄ܠܛܺܝܢܰܐ ܡܽܗ̄ܘ ܪܽܘܓ̥ܙܳܐ. 10ܘܶܐܢ ܗ̄ܺܝ ܢܰܩܠܐ ܕܟ݄ܬ ܗ̄ܘܰܝ ܢܰܐ ܒܥܶܠܕ̈ܒܳܒܶܐ، ܐܰܠܳܗܳܐ ܣ݄ܡ ܠܶܗ ܫܠܳܡܳܐ ܐܰܥܡܰܢ ܒܽܗ̄ܘ ܡܰܘܬܳܐ ܕܽܗ̄ܘ ܐܰܒܪܰܝܕ̥ܶܗ، ܗܰܢ ܢܰܩܠܐ ܡ݄ܩܰܐ ܒܽܗ̄ܘ ܙܳܝܽܘܕܳܐ، ܐܳܥܕܳܐ، ܒܽܗ̄ܘ ܫܠܳܡܰܝܕ̥ܶܗ ܕܰܐܥܡܰܢ، ܓܚܳܝܺܝܢܰܐ ܒܰܚّܰܝ̈ܰܝܕ̥ܶܗ. 11ܘܠܳܐ ܗܰܘܟ̥ܰܐ ܒܶܠܚܽܘܕ̥ܶܗ، ܐܶܠܳܐ ܓܕܳܗ̄ܘܶܐ ܠܰܢ ܫܽܘܒܗܳܪܳܐ ܣܬܶܝ ܒܰܐܠܳܗܳܐ، ܒܡܳܪܰܢ ܝܶܫܽܘܥ ܡܫܺܝܚܳܐ ܕܶܐܒܶܗ ܐܳܥܕܳܐ ܗܰܘܺܝ ܠܰܢ ܫܠܳܡܳܐ.
ܐܳܕ̥ܳܡ ܘ݄ܡܫܺܝܚܳܐ
12ܘܒܶܗ ܐܰܝܕܰܪܒܳܐ ܒܚܰܕ̱ ܢܳܫܳܐ ܥܰܒܺܝܪܳܐ ܗ̄ܺܝ ܚܛܺܝܬ̥ܳܐ ܠܽܗ̄ܘ ܥܳܠܡܳܐ، ܘܒܺܗ̄ܝ ܚܛܺܝܬ̥ܳܐ ܗ̄ܽܘ ܡܰܘܬܳܐ، ܘܗܰܘܟ̥ܰܐ ܒܟܽܘܠّܶܗ ܗ̄ܰܢ ܢܳܫ̈ܶܐ ܥܰܒ݄ܪ ܗ̄ܽܘ ܡܰܘܬܳܐ ܥܰܠ ܕܟܽܘܠّܶܗ ܚܰܛ݄ܢ. 13ܗܳܠ (ܕܗܰܘܺܝ) ܗ̄ܽܘ ܢܳܡܽܘܣܳܐ، ܗ̄ܺܝ ܚܛܺܝܬ̥ܳܐ ܒܽܗ̄ܘ ܥܳܠܡܳܐ ܗ̄ܘܰܐ ܘܠܰܝ̱ܬ ܗ̄ܘܰܐ ܚܫܽܒ̥ܬܳܐ ܚܛܺܝܬ̥ܳܐ، ܥܰܠ ܕܠܰܝ̱ܬ ܗ̄ܘܰܐ ܢܳܡܽܘܣܳܐ. 14ܐܶܠܳܐ ܗ̄ܽܘ ܡܰܘܬܳܐ ܡܰܡܠܰܟ ܠܶܗ ܡܶܢ̱ ܐܳܕ̥ܳܡ ܘܗܳܠ ܠܡܽܘܫܶܐ، ܘܥܰܠ ܐܰܝܢܰܐ ܣܬܶܝ ܕܠܳܐ ܚܰܛ݄ܢ، ܒܺܗ̄ܝ ܨܽܘܪܬܳܐ ܕܽܗ̄ܘ ܬܒ̥ܳܪܳܐ ܕܽܗ̄ܘ ܦܽܘܩܕܳܢܳܐ ܕܳܐܕܳܡ، ܗܰܘܳܐ ܕܟ݄ܬ ܝܳܐ ܗ̄ܺܝ ܨܽܘܪܬܳܐ ܕܰܗ̄ܘܳܐ ܕ݄ܓܕܳܐܬ̥ܶܐ. 15ܐܶܠܳܐ ܗ̄ܺܝ ܢܦܰܠܬܳܐ (ܕܳܐܕܳܡ) ܠܰܝ̱ܬ ܝܳܐ ܐܟ̥ ܕܺܗ̄ܝ ܡܰܘܗܰܒܬܳܐ (ܕܰܐܠܳܗܳܐ). ܐܶܢ ܡܺܗ̄ܝ ܢܦܰܠܬܳܐ ܕܚܰܕ̱ ܢܳܫܳܐ ܓ̥ܰܠܰܒܶܐ ܡܰܝܺܝܬ̥ܺܝ، ܗܰܢ ܢܰܩܠܐ ܟܡܳܐ ܒܽܗ̄ܘ ܙܳܝܽܘܕܳܐ ܗ̄ܺܝ ܛܰܝܒܽܘܬ̥ܳܐ ܕܰܐܠܳܗܳܐ ܘܺܗ̄ܝ ܡܰܘܗܰܒܬ̥ܰܝܕ̥ܶܗ ܟܛܰܝܦܳܐ ܘܙܰܝܕܳܐ ܒܓ̥ܰܠܰܒܶܐ ܢܳܫ̈ܶܐ ܠܰܫܰܢ ܚܰܕ̱ ܒܰܪܢܳܫܳܐ، ܝܶܫܽܘܥ ܡܫܺܝܚܳܐ. 16ܘܺܗ̄ܝ ܚܛܺܝܬ̥ܳܐ ܕܚܰܕ̱ ܠܰܝ̱ܬ ܝܳܐ ܐܟ̥ ܕܺܗ̄ܝ ܡܰܘܗܰܒܬܳܐ: ܡܺܐܝܕ̥ܶܗ ܕܽܗ̄ܘ ܕܺܝܢܳܐ ܕܗܰܘܺܝ ܡܶܢ̱ ܚܰܕ̱ ܠܺܗ̄ܝ ܢܦܰܠܬܳܐ ܗܰܘܺܝ. ܐܶܠܳܐ ܗ̄ܺܝ ܡܰܘܗܰܒܬܳܐ ܗܰܘܝܳܐ ܠܺܗ̄ܝ ܟܺܐܢܽܘܬ̥ܳܐ ܡܶܢ̱ ܓ̥ܰܠܰܒܶܐ ܚܛܳܗ̈ܶܐ. 17ܘܶܐܢ ܗܰܘܺܝ ܕܡܺܗ̄ܝ ܚܛܺܝܬ̥ܳܐ ܕܚܰܕ̱ ܡܫܰܠ݄ܛ ܗ̄ܽܘ ܡܰܘܬܳܐ، ܟܡܳܐ ܒܽܗ̄ܘ ܙܳܝܽܘܕܳܐ ܗܰܢ݄ܟ ܕܡ݄ܕّܶܗ ܓ̥ܰܠܰܒܶܐ ܛܰܝܒܽܘܬ̥ܳܐ ܘܡܰܘܗܰܒܬܳܐ ܘܟܺܐܢܽܘܬ̥ܳܐ ܓܡܺܝܫܰܠܛܺܝ ܒܰܚّܰܝ̈ܶܐ ܒܚܰܕ̱، ܝܶܫܽܘܥ ܡܫܺܝܚܳܐ. 18ܗܰܢ ܢܰܩܠܐ ܒܶܗ ܐܰܝܕܰܪܒܳܐ ܕܡܺܗ̄ܝ ܚܛܺܝܬ̥ܳܐ ܕܚܰܕ̱ ܗܰܘܺܝ ܢܦܰܠܬܳܐ ܠܟܘ̇ܠّܶܗ ܗ̄ܰܢ ܢܳܫ̈ܶܐ، ܗܰܘܟ̥ܰܐ ܡܺܗ̄ܝ ܟܺܐܢܽܘܬ̥ܳܐ ܕܚܰܕ̱ ܓܕܳܗ̄ܘܶܐ ܙܳܟ̥ܽܘܬ̥ܳܐ ܠܰܚّܰܝ̈ܶܐ ܠܟܘ̇ܠّܶܗ ܗ̄ܰܢ ܢܳܫ̈ܶܐ. 19ܘܒܶܗ ܐܰܝܕܰܪܒܳܐ ܕܒܺܗ̄ܝ ܠܳܐ ܡ݄ܫܬܰܡܥܳܢܽܘܬ̥ܳܐ ܕܚܰܕ̱ ܢܳܫܳܐ ܓ̥ܰܠܰܒܶܐ ܚܰܛܳܝ̈ܶܐ ܗܰܘ݄ܢ، ܗܰܘܟ̥ܰܐ ܣܬܶܝ ܒܺܗ̄ܝ ܡ݄ܫܬܰܡܥܳܢܽܘܬ̥ܳܐ ܕܚܰܕ̱ ܓ̥ܰܠܰܒܶܐ ܙܰܕ̈ܺܝܩܶܐ ܟܳܗ̄ܘ݄ܢ. 20ܘܽܗ̄ܘ ܡܰܐܬ̥ܝܳܐ ܕܰܐܬ̥ܺܝ ܗ̄ܽܘ ܢܳܡܽܘܣܳܐ ܐܰܬ̥ܺܝ ܕܙܰܝܕܳܐ ܗ̄ܺܝ ܚܛܺܝܬ̥ܳܐ. ܘܰܐܝܟܳܐ ܕܙܰܝܕܳܐ ܗ̄ܺܝ ܚܛܺܝܬ̥ܳܐ، ܬܰܡܳܐ ܙ݄ܕ ܙܰܝܺܝܕܳܐ ܗ̄ܺܝ ܛܰܝܒܽܘܬ̥ܳܐ. 21ܘܒܶܗ ܐܰܝܕܰܪܒܳܐ ܗ̄ܺܝ ܚܛܺܝܬ̥ܳܐ ܡܰܡܠܰܟ̥ ܠܰܗ ܒܽܗ̄ܘ ܡܰܘܬܳܐ، ܗܰܘܟ̥ܰܐ ܓܡܰܡܠܟ̥ܳܐ ܗ̄ܺܝ ܛܰܝܒܽܘܬ̥ܳܐ ܒܺܗ̄ܝ ܟܺܐܢܽܘܬ̥ܳܐ ܠܚܰܝ̈ܶܐ ܕ݄ܠܥܳܠܰܡ ܒܡܳܪܰܢ ܝܶܫܽܘܥ ܡܫܺܝܚܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation