ܡܓܰܠܝܘܢ ܕܠܘܩܐ 6
6
ܝܶܫܽܘܥ ܗ̄ܽܘ ܡܳܪܳܐ ܕܺܗ̄ܝ ܫܰܒܬ̥ܳܐ ܝܳܐ
ܡܬܝ 12:1‐8؛ ܡܪܩܘܣ 2:23‐28
1ܘܗܰܘܺܝ ܒܺܗ̄ܝ ܫܰܒܬ̥ܳܐ، ܗ̄ܺܝ ܢܰܩܠܐ ܕ݄ܡܗܰܠܰܟ̥ ܗ̄ܘܰܐ ܝܶܫܽܘܥ ܒܰܝܢ ܗ̄ܰܙّܰܪ̈ܥܶܐ، ܗ̄ܰܬّܰܠܡܺܝܕ̥̈ܰܝܕ̥ܶܗ ܫܳܡܛܺܝ ܗ̄ܘܰܘ̱ ܫܶܒ̈ܠܶܐ ܘܦ݄ܪܟܺܝ ܗ̄ܘܰܘ̱ ܒܺܐܝܕ̥̈ܳܬ̥ܰܝّܶܗ ܘܳܐܟ̥ܠܺܝ ܗ̄ܘܰܘ̱. 2ܘܗ݄ܢ ܡܰܢ̱ ܦܪ̈ܺܝܫܶܐ ܐܡ݄ܪّܰܢّܶܗ: ”ܩܰܝ ܟܣܰܝܡܺܝܬܽܘ ܗ̄ܽܘ ܡܶܕܶܐ ܕܠܰܝ̱ܬ ܝܳܐ ܫܰܠܺܝܛܳܐ ܕܡܺܝܣ݄ܡ ܒܫܰܒܬ̥ܳܐ؟“ 3ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܘܠܳܐ ܗܰܬ̥ܶܐ ܩܪܰܠܟ̥ܽܘ، ܗ̄ܽܘ ܡܶܕܶܐ ܕܣ݄ܡ ܠܶܗ ܕܰܘܺܝܕ̥ ܗ̄ܺܝ ܢܰܩܠܐ ܕܟܰܦ݄ܢ ܗܺܝّܶܗ ܘܗܰܢܺܝ ܕܰܐܥܡܶܗ؟ 4ܐܰܝܕܰܪܒܳܐ ܥܰܒ݄ܪ ܠܽܗ̄ܘ ܒܰܝܬܳܐ ܕܰܐܠܳܗܳܐ، ܘܽܗ̄ܘ ܠܰܚܡܳܐ ܕܽܗ̄ܘ ܦܳܬܽܘܪܳܐ ܕܡܳܪܝܳܐ ܡ݄ܕ ܠܶܗ ܐܰܟ̥ܺܝܠ ܠܶܗ، ܘܗܽܒ̥ ܠܶܗ ܠܰܗ̄ܢܺܝ ܕܰܐܥܡܶܗ، ܗܰܘܳܐ ܠܰܝ̱ܬ ܗ̄ܘܰܐ ܫܰܠܺܝܛܳܐ ܠܢܳܫܳܐ ܕܳܐܟ̥ܶܠ ܠܶܗ، ܐܶܠܳܐ ܠܰܟّܳܗ̈ܢܶܐ ܒܶܠܚܽܘܕ̥ܰܝّܶܗ.“ 5ܘܐܡ݄ܪ ܠܰܗ ܠّܶܗ: ”ܐܰܒܪܶܗ ܕܢܳܫܳܐ ܡܳܪܳܐ ܕܺܗ̄ܝ ܫܰܒܬ̥ܳܐ ܝܳܐ.“
ܝܶܫܽܘܥ ܟܡܰܢ݄ܚ ܒܫܰܒܬ̥ܳܐ
ܡܬܝ 12:9‐14؛ ܡܪܩܘܣ 3:1‐6
6ܘܗܰܘܺܝ ܒܺܗ̄ܝ ܫܰܒܬ̥ܳܐ ܚܪܶܬܳܐ، ܥܰܒ݄ܪ ܠܺܗ̄ܝ ܟ̥ܢܽܘܫܬܳܐ، ܘܡܰܘܠܰܦ ܗ̄ܘܰܐ. ܘܟ݄ܬ ܗ̄ܘܰܐ ܬܰܡܳܐ ܓܰܒ̥ܪܳܐ ܕܺܐܝܕ̥ܶܗ ܕܽܗ̄ܘ ܝܰܡܺܝܢܳܐ ܝܰܒܺܝܫܬܳܐ ܗ̄ܘܰܐ. 7ܘܰܣّܳܦܪ̈ܶܐ ܘܰܦܪ̈ܺܝܫܶܐ ܢ݄ܛܪܺܝ ܗ̄ܘܰܝ ܠܶܗ ܕܶܐܢ ܕܡܰܢ݄ܚ ܒܫܰܒܬ̥ܳܐ ܓ݄ܕܡܰܫܟ݄ܢ ܐܰܥܠܶܗ. 8ܘܗܺܝّܶܗ ܐܰܕ̥݄ܥ ܡ݄ܢ ܚܫܳܒ̥ܳܐ ܟܚ݄ܫܒ̥ܺܝ، ܘܐܡ݄ܪ ܠܶܗ ܠܽܗ̄ܘ ܓܰܒ̥ܪܰܘܳܐ ܕܺܗ̄ܝ ܐܺܝܕ̥ܳܐ ܝܰܒܺܝܫܬܳܐ: ”ܩܘܿܡ، ܬܳܟ̥ ܠܦܰܠܓܶܗ ܕܺܗ̄ܝ ܟ̥ܢܽܘܫܬܳܐ.“ ܘܺܗ̄ܝ ܢܰܩܠܐ ܕܰܐܬ̥ܺܝ ܘܩܰܝ݄ܡ، 9ܐܡ݄ܪ ܠܰܗ ܠّܶܗ ܝܶܫܽܘܥ: ”ܟ݄ܡܫܰܐܶܠ ܐ̱ܢܳܐ ܠܟ̥ܽܘ: ܡ݄ܢܝܳܐ ܫܰܠܺܝܛܳܐ ܒܫܰܒܬ̥ܳܐ؟ ܥܒ̥ܳܕ̥ܳܐ ܛܳܒ̥ܳܐ ܕܡܺܝܣ݄ܡ ܐܰܘ ܒܺܝܫܳܐ؟ ܚܰܕ̱ ܕܡܰܚܶܐ ܢܰܦܫܳܐ ܐܰܘ ܕ݄ܡܣܰܟܰܪ ܠܰܗ؟“ 10ܘܚ݄ܪ ܠܶܗ ܐܰܒّܶܗ، ܒܟܽܘܠّܶܗ، ܘܐܡ݄ܪ ܠܶܗ ܠܶܗ: ”ܦܫܰܛ ܐܺܝܕ̥ܳܟ̥“ ܘ݄ܦܫܺܝܛܳܐ ܠܶܗ، ܘܢܰܝܺܝܚܳܐ ܐܺܝܕ̥ܶܗ ܐܟ̥ ܕܺܗ̄ܝ ܚܒ̥ܰܪܬܰܝܕ̥ܰܗ. 11ܘܗ݄ܢّܶܝ (ܗ̄ܰܣّܳܦܪ̈ܶܐ ܘܰܦܪ̈ܺܝܫܶܐ) ܡܠ݄ܢ ܚܣܳܡܳܐ، ܘܡ݄ܫܓ̥ܳܠܺܝ ܗ̄ܘܰܘ̱ ܚܰܕ̱ ܥܰܡ ܚܰܕ̱ ܒܶܗ ܡ݄ܢ ܓ݄ܕܣܰܝܡܺܝ ܠܝܶܫܽܘܥ.
ܗ̄ܽܘ ܓܒܳܝܳܐ ܕܰܬܪܰܥܣܰܪ ܬܰܠܡܺܝܕ̥̈ܶܐ
ܡܬܝ 10:1‐4؛ ܡܪܩܘܣ 3:13‐19
12ܘܒܰܝّܰܘܡ̈ܳܬ̥ܰܢ݄ܟ، ܣܰܠ݄ܩ ܝܶܫܽܘܥ ܠܽܗ̄ܘ ܛܽܘܪܳܐ ܕ݄ܡܨܰܠܶܐ، ܘܬܰܡܳܐ ܫܰܗ݄ܪ ܗ̄ܘܰܐ ܗ̄ܽܘ ܠܰܠܝܳܐ ܟܽܘܠܶܗ ܒܺܗ̄ܝ ܨܠܽܘܬ̥ܳܐ ܠܰܐܠܳܗܳܐ. 13ܘ݄ܒܩܶܕܰܡܬܳܐ، ܩܪܶܐ ܠܶܗ ܠܰܬّܰܠܡܺܝܕ̥̈ܰܝܕ̥ܶܗ، ܘ݄ܓܒܶܐ ܠܶܗ (ܡܢܰܩܶܐ ܠܶܗ) ܡ݄ܢّܶܗ ܬܪܰܥܣܰܪ، ܗܰܢ݄ܟ ܕ݄ܡܫܰܡܺܝ ܠܶܗ ܫܠܺܝܚ̈ܶܐ: 14ܫܶܡܥܽܘܢ، ܕ݄ܩܪܶܐ ܠܶܗ ܐ݄ܫܡܶܗ ܟܶܐܦܳܐ، ܘܰܐܢܕܪܶܐܘܳܣ ܗ̄ܽܘ ܐܰܚܽܘܢܳܐ، ܘܝܰܥܩܽܘܒ ܘܝܽܘܚܰܢܳܢ، ܘܦܺܝܠܺܝܦܳܘܣ ܘܒܰܪ ܬܽܘܠܡܰܝ، 15ܘܡܰܬܰܝ ܘܬܳܐܘܡܰܐ، ܘܝܰܥܩܽܘܒ ܐܰܒܪܶܗ ܕܚܰܠܦܰܝ، ܘܫܶܡܥܽܘܢ ܕ݄ܟܡ݄ܩܪܶܐ ܛܰܢܳܢܳܐ، 16ܘܺܝܗܽܘܕ̥ܳܐ ܐܰܒܪܶܗ ܕܝܰܥܩܽܘܒ، ܘܺܝܗܽܘܕ̥ܳܐ ܣܟ̥ܰܪܝܽܘܛܳܐ، ܗܰܘܳܐ ܕܗܰܘܺܝ ܡܰܫ݄ܠܡܳܢܳܐ.
ܝܶܫܽܘܥ ܟܡܰܘܠ݄ܦ ܘ݄ܟܡܰܢ݄ܚ
ܡܬܝ 4:23‐25
17ܘܢܰܚ݄ܬ ܐܰܥܡܰܝّܶܗ ܝܶܫܽܘܥ، ܘܩܰܝ݄ܡ ܒܽܗ̄ܘ ܫܰܠܒ̥ܳܐ، ܘܟܶܢܫܳܐ ܪܰܒܳܐ ܕܰܬّܰܠܡܺܝܕ̥̈ܰܝܕ̥ܶܗ، ܘܢܳܫ̈ܶܐ ܓ̥ܰܠܰܒܶܐ ܓ̥ܰܠܰܒܶܐ ܡܽܗ̄ܘ ܥܰܡܳܐ ܡܶܢ̱ ܟܽܘܠܰܗ ܝܺܗܽܘܕ̥ ܘܡܶܢ̱ ܐܽܘܪܶܫܠܶܡ ܘܡܶܢ̱ ܣܰܦ̊ܬܶܗ ܕܽܗ̄ܘ ܝܰܡܳܐ ܕܨܽܘܪ ܘ݄ܕܨܰܝܕܳܢ، 18ܕܰܐܬ̥݄ܢ ܕܫ݄ܡܥܺܝ ܗ̄ܽܘ ܡܰܐܡܪܰܝܕ̥ܶܗ ܘ݄ܕܢܳܝܰܚّܶܗ ܡܰܢ̱ ܟّܶܐܒ̥̈ܰܬّ̥ܶܗ، ܘܰܐܝܢܰܐ ܕܡܺܝܬܰܥܺܝܩܺܝ ܗ̄ܘܰܘ̱ ܡܰܢ̱ ܪّܽܘܚ̈ܶܐ ܒܺܝܫ̈ܶܐ، ܘܢܳܝܰܚ ܗ̄ܘܰܘ̱ ܠّܶܗ. 19ܘܰܗ̄ܢ ܢܳܫ̈ܶܐ ܟܽܘܠّܶܗ ܐ݄ܒܥܺܝ ܗ̄ܘܰܘ̱ ܕܓܰܝܫܺܝ ܐܶܒܶܗ، ܡܺܐܝܕ̥ܶܗ ܕܚܰܝܠܳܐ ܢܳܦܰܩ ܗ̄ܘܰܐ ܡܶܢܶܗ، ܘܡܰܢ݄ܚ ܗ̄ܘܰܐ ܠܟܘ̇ܠّܶܗ.
ܛܽܘ̈ܒܶܐ ܘܘ̈ܳܝܶܐ
ܡܬܝ 5:1‐12
20ܘܚ݄ܪ ܠܶܗ ܒܰܬّܰܠܡܺܝܕ̥̈ܰܝܕ̥ܶܗ ܘܐܡ݄ܪ ܠܶܗ: ”ܛܽܘܒܳܐ ܐܰܠܟ̥ܽܘ، ܝܰܐ ܡ݄ܣܟܶܢ̈ܶܐ، ܕ݄ܬ̥ܟ̥ܽܘ ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 21ܛܽܘܒܳܐ ܐܰܠܟ̥ܽܘ، ܕܟ݄ܬ ܗ̄ܰܬܽܘ ܟܰܦܺܝܢ̈ܶܐ ܐܳܥܕܳܐ، ܓ݄ܕܣܰܒ̥ܥܺܝܬܽܘ. ܛܽܘܒܳܐ ܐܰܠܟ̥ܽܘ ܕ݄ܟܒܳܟ̥ܺܝܬܽܘ ܐܳܥܕܳܐ، ܓ݄ܕܓ݄ܚܟ̥ܺܝܬܽܘ. 22ܛܽܘܒܳܐ ܐܰܠܟ̥ܽܘ ܗ̄ܺܝ ܢܰܩܠܐ ܕܰܗ̄ܢ ܢܳܫ̈ܶܐ ܟ݄ܪܗ݄ܢܟ̥ܽܘ، ܘܦ݄ܪܫ݄ܢܟ̥ܽܘ، ܘ݄ܡܺܝܢܰܟܦ݄ܢܟ̥ܽܘ، ܘܡܰܘܦܩܺܝ ܐ݄ܫܡܰܝܟ̥ܽܘ ܐܟ̥ ܕܒܺܝܫ̈ܶܐ ܡܶܢ̱ ܚܠܳܦ ܐܰܒܪܶܗ ܕܢܳܫܳܐ. 23ܡ݄ܦܨܶܚܽܘ ܒܽܗ̄ܘ ܝܰܘܡܰܘܳܐ ܘ݄ܡܗܰܠܗܶܠܽܘ، ܥܰܠ ܕܽܗ̄ܘ ܐܰܓ̥ܪܰܬ̥ܟ̥ܽܘ ܓ̥ܰܠܰܒܶܐ ܝܳܐ ܒܺܗ̄ܝ ܫܡܰܝܳܐ؛ ܥܰܠ ܕܰܗ̄ܘܟ̥ܰܐ ܣܬܶܝ ܣܰܝܡܺܝ ܗ̄ܘܰܘ̱ ܗ̄ܰܒّܰܒܳܢ̈ܰܬّ̥ܶܗ ܒܰܗ̄ܢ ܢܒܺܝ̈ܶܐ.
24”ܐܶܠܳܐ ܘܳܝܳܐ ܐܰܠܟ̥ܽܘ ܝܰܐ ܥܰܬܺܝܪ̈ܶܐ ܥܰܠ ܕܡ݄ܕܟ̥ܽܘ ܗ̄ܺܝ ܬ̥ܢܺܝܚܽܘܬ̥ܰܬ̥ܟ̥ܽܘ. 25ܘܳܝܳܐ ܐܰܠܟ̥ܽܘ، ܝܰܐ ܣܰܒ̥ܺܝܥ̈ܶܐ، ܓ݄ܕܟ݄ܦܢܺܝܬܽܘ. ܘܳܝܳܐ ܐܰܠܟ̥ܽܘ، ܗܰܬܽܘ ܕ݄ܟܓ݄ܚܟ̥ܺܝܬܽܘ ܐܳܥܕܳܐ، ܓ݄ܕܒܳܟ̥ܺܝܬܽܘ ܘ݄ܡܘܰܠܘ݄ܠܺܝܬܽܘ. 26ܘܳܝܳܐ ܐܰܠܟ̥ܽܘ ܗ̄ܺܝ ܢܰܩܠܐ ܕܰܗ̄ܢ ܢܳܫ̈ܶܐ (ܟܽܘܠّܶܗ) ܟ݄ܐܡّܺܪ̱ܝ ܐܰܥܠܰܝܟ̥ܽܘ ܗ̄ܽܘ ܡܶܕܶܐ ܫܰܦܺܝܪܳܐ، ܡܺܐܝܕ̥ܶܗ ܕܰܗ̄ܘܟ̥ܰܐ ܣܰܝܡܺܝ ܗ̄ܘܰܘ̱ ܗ̄ܰܒّܰܒܳܢ̈ܰܬّ̥ܶܗ ܒܰܗ̄ܢ ܢܒܺܝ̈ܶܐ ܡܕ̈ܰܓܠܳܢܶܐ.“
ܗ̄ܽܘ ܪܚܳܡܳܐ ܕܰܒܥܶܠܕ̈ܒܳܒܶܐ
ܡܬܝ 5:38‐48؛ 7:12
27ܘܰܐܠܟ̥ܽܘ ܣܬܶܝ ܟܳܐܡܰܪ ܐ̱ܢܳܐ، ܗܰܬܽܘ ܕܟܳܫܳܡܥܺܝܬܽܘ: ”ܪܚܰܡܽܘ ܠܰܒܥܶܠܕܒܳܒ̈ܰܬ̥ܟ̥ܽܘ، ܘܣܽܘܡܽܘ ܛܳܒ̥ܽܘܬ̥ܳܐ ܠܰܐܝܢܰܐ ܕܟܳܡܥܰܢܬܺܝ ܡܶܢܟ̥ܽܘ. 28ܘ݄ܡܒܰܪܶܟ̥ܽܘ ܠܰܐܝܢܰܐ ܕܠܰܝܛ݄ܢܟ̥ܽܘ، ܘ݄ܡܨܰܠܰܝܽܘ ܥܰܠ ܗܰܢ݄ܟ ܕܡܰܘܒܠ݄ܢܟ̥ܽܘ ܒܽܗ̄ܘ ܚܰܝܠܳܐ. 29ܘܠ݄ܕܡܳܚܶܐ ܠܳܟ̥ ܥܰܠ ܦܳܬ̥ܳܟ̥، ܡܰܕܥܰܪ ܠܶܗ ܗ̄ܺܝ ܚܪܶܬܳܐ. ܘܡܰܢ ܕܫܳܩ݄ܠ ܗ̄ܽܘ ܠܒܽܘܫܰܝܕ̥ܳܟ̥، ܛܪܰܝ ܠܶܗ ܗ̄ܺܝ ܩܶܡ݄ܣܬܰܝܕ̥ܳܟ̥ ܣܬܶܝ. 30ܘܽܗ̄ܘ ܡܶܕܶܐ ܕܳܐܒ݄ܥ ܡܶܢܳܟ̥، ܗܰܒ̥ ܠܶܗ، ܘܡܰܢ ܕܫܳܩ݄ܠ ܕܕܺܝܕ̥ܳܟ̥، ܠ݄ܐ ܐܒܥܰܬ ܠܶܗ ܡܶܢܶܗ. 31ܘܒܶܗ ܐܰܝܕܰܪܒܳܐ ܟ݄ܐܒܥܺܝܬܽܘ ܠܰܗ̄ܢ ܢܳܫ̈ܶܐ ܕܣܰܝܡܺܝ ܐܰܥܡܰܝܟ̥ܽܘ، ܗܰܘܟ̥ܰܐ ܣܬܶܝ ܗܰܬܽܘ ܣܽܘܡܽܘ ܐܰܥܡܰܝّܶܗ. 32ܐܶܢ ܕܪܳܚܡܺܝܬܽܘ ܠܰܐܝܢܰܐ ܕܪܳܚܡ݄ܢܟ̥ܽܘ، ܡ݄ܢܝܳܐ ܗ̄ܺܝ ܛܳܒ̥ܽܘܬ̥ܰܬ̥ܟ̥ܽܘ؟ ܗ̄ܰܚّܰܛܳܝ̈ܶܐ ܣܬܶܝ ܟܪܳܚܡܺܝ ܠܰܐܝܢܰܐ ܕܪܳܚܡ݄ܢّܶܗ. 33ܘܶܐܢ ܕܣܰܝܡܺܝܬܽܘ ܛܳܒ̥ܽܘܬ̥ܳܐ ܠܰܐܝܢܰܐ ܕܣܰܝܡܺܝ ܛܳܒ̥ܽܘܬ̥ܳܐ ܐܰܥܡܰܝܟ̥ܽܘ، ܡ݄ܢܝܳܐ ܗ̄ܺܝ ܛܳܒ̥ܽܘܬ̥ܰܬ̥ܟ̥ܽܘ؟ ܗ̄ܰܚّܰܛܳܝ̈ܶܐ ܣܬܶܝ ܗܰܘܟ̥ܰܐ ܟܣܰܝܡܺܝ. 34ܘܶܐܢ ܕ݄ܡܕܰܝܢܺܝܬܽܘ ܠܡܰܢ ܕܟܳܐܕ̥ܥܺܝܬܽܘ ܕ݄ܓܡܰܕܥܪܺܝ ܗ̄ܽܘ ܕܰܝܢܰܬ̥ܟ̥ܽܘ، ܡ݄ܢܝܳܐ ܗ̄ܺܝ ܛܳܒ̥ܽܘܬ̥ܰܬ̥ܟ̥ܽܘ؟ ܗ̄ܰܚّܰܛܳܝ̈ܶܐ ܣܬܶܝ ܟ݄ܡܕܰܝܢܺܝ ܠܚܰܛܳܝ̈ܶܐ ܗ̄ܺܝ ܢܰܩܠܐ ܕܟܳܐܕ̥ܥܺܝ ܕܡܺܝܬܰܕܥ݄ܪ ܗ̄ܽܘ ܕܰܝܢܰܬّ̥ܶܗ. 35ܐܶܠܳܐ ܗܰܬܽܘ ܪܚܰܡܽܘ ܠܰܒܥܶܠܕܒܳܒ̈ܰܬ̥ܟ̥ܽܘ، ܣܽܘܡܽܘ ܛܳܒ̥ܽܘܬ̥ܳܐ ܐܰܥܡܰܝّܶܗ، ܘܗܰܒ̥ܽܘ ܕܰܝܢܳܐ ܘܠܳܐ ܩ݄ܛܥܺܝܬܽܘ ܣܰܒܪܳܐ ܕܢܳܫܳܐ، ܘ݄ܓܕܳܗ̄ܘܶܐ ܗ̄ܽܘ ܐܰܓ̥ܪܰܬ̥ܟ̥ܽܘ ܪܰܒܳܐ، ܘ݄ܓܕܳܗ̄ܘܺܝܬܽܘ ܐܰܒܢ̈ܶܐ ܕܽܗ̄ܘ ܥܶܠܳܝܳܐ، ܕܟ݄ܬ ܝܳܐ ܒܰܣܺܝܡܳܐ ܥܰܡ ܗ̄ܰܒّܺܝܫ̈ܶܐ ܘܥܰܡ ܗ̄ܰܟّܳܦܽܘܪ̈ܶܐ. 36ܗܰܢ ܢܰܩܠܐ ܗܘܰܝܽܘ ܡܪ̈ܰܚܡܳܢܶܐ ܐܟ̥ ܕܟ݄ܬ ܝܳܐ ܗ̄ܽܘ ܒܰܒܰܬ̥ܟ̥ܽܘ ܣܬܶܝ ܡܪܰܚܡܳܢܳܐ.
ܛܳܒ̥ܽܘܬ̥ܳܐ ܘ݄ܚܢܳܢܳܐ
ܡܬܝ 7:1‐5
37”ܠܳܐ ܕܰܝܢܺܝܬܽܘ ܕܠܳܐ ܡܺܝܕܳܢܺܝܬܽܘ. ܠܳܐ ܚ݄ܟܡܺܝܬܽܘ ܕܠܳܐ ܡ݄ܚܟܳܡܺܝܬܽܘ، ܡܦܰܚܶܠܽܘ ܘ݄ܓܡܺܝܦܰܚܠܺܝܬܽܘ. 38ܗܰܒ̥ܽܘ ܘܡܺܝܬܰܗܒ̥ܰܠܟ̥ܽܘ: ܟܰܝܠܳܐ ܛܳܒ̥ܳܐ ܘܡܰܠܝܳܐ ܘܡܪܰܒܨܳܐ ܘ݄ܡܥܰܪܡܳܐ ܓܡܺܝܬܰܚ݄ܬ ܒܣܶܦܰܝܟ̥ܽܘ، ܡܺܐܝܕ̥ܶܗ ܕܒܽܗ̄ܘ ܟܰܝܠܳܐ ܕܡܰܟܺܝܠܺܝܬܽܘ ܓܡܺܝܬܰܟ݄ܠ ܐܰܠܟ̥ܽܘ.“
ܗ̄ܽܘ ܕܺܝܢܳܐ ܟܺܐܢܳܐ
39ܘܐܡ݄ܪ ܠܰܗ ܠّܶܗ ܡܰܬ̥ܠܳܐ: ”ܩܰܝ ܟܺܝܒܶܗ ܗ̄ܽܘ ܣܰܡܝܳܐ ܡܕܰܒ݄ܪ ܠܣܰܡܝܳܐ ܚܪܶܢܳܐ؟ ܠܳܐ ܗ̄ܰܬܪ̈ܰܝّܶܗ ܒܗܰܘܬ̥ܳܐ ܓܢܳܦܠܺܝ؟ 40ܠܰܝܬ ܬܰܠܡܺܝܕ̥ܳܐ ܪܰܒ ܡܽܗ̄ܘ ܡܰܠܦܳܢܰܝܕ̥ܶܗ، ܡܺܐܝܕ̥ܶܗ ܕܚܰܕ̱ ܗ̄ܺܝ ܢܰܩܠܐ ܕܟܳܡ݄ܠ ܓܕܳܗ̄ܘܶܐ ܐܟ̥ ܕܽܗ̄ܘ ܡܰܠܦܳܢܰܝܕ̥ܶܗ. 41ܡ݄ܢܝܳܐ ܕ݄ܟܚܳܙܰܬ ܗ̄ܽܘ ܓܶܠܳܐ ܕ݄ܒܥܰܝܢܶܗ ܕܰܐܚܽܘܢܳܟ̥، ܐܶܠܳܐ ܗ̄ܽܘ ܕܰܩܪܳܢܳܐ ܕ݄ܒܥܰܝܢܳܟ̥ ܠ݄ܐ ܟܚܳܙܰܬ (ܟܦ݄ܪܫܰܬ)؟ 42ܘܰܐܝܕܰܪܒܳܐ ܟܺܝܒܳܟ̥ ܕ݄ܐܡّܰܪ̱ܬ ܠܰܐܚܽܘܢܳܟ̥: ܐܰܚܽܘܢܳܐ، ܛܪܰܝ ܠܺܝ ܕܡܰܘܦܰܩ ܐ̱ܢܳܐ ܗ̄ܽܘ ܓܶܠܳܐ ܡܶܢ̱ ܥܰܝܢܳܟ̥، ܘܗܰܬ ܟܰܐܠܶܗ ܗ̄ܽܘ ܕܰܩܪܳܢܳܐ ܕ݄ܒܥܰܝܢܳܟ̥ ܠ݄ܐ ܓܡ݄ܚܙܶܐ ܠܳܟ̥؟ ܝܰܐ ܡܳܪܳܐ ܕܬܰܪܬܶܝ ܦ̈ܳܬ̥ܳܬ̥ܳܐ، ܒܺܗ̄ܝ ܩܰܕ̱ܡܰܝܬܳܐ ܡܰܘܦ݄ܩ ܗ̄ܽܘ ܕܰܩܪܳܢܳܐ ܡܶܢ̱ ܥܰܝܢܳܟ̥، ܘܺܗ̄ܝ ܢܰܩܠܝܳܐ ܓ݄ܕܚܳܙܰܬ ܕܡܰܘܦܩܰܬ ܗ̄ܽܘ ܓܶܠܳܐ ܡܶܢ̱ ܥܰܝܢܶܗ ܕܰܐܚܽܘܢܳܟ̥.
ܗ̄ܽܘ ܐܺܝܠܳܢܳܐ ܘܰܦّܺܐܪ̈ܰܝܕ̥ܶܗ
ܡܬܝ 7:17‐20؛ 12:34‐35
43”ܠܰܝܬ ܐܺܝܠܳܢܳܐ ܛܳܒ̥ܳܐ ܕܣܳܝ݄ܡ ܦܺܐܪ̈ܶܐ ܒܺܝܫ̈ܶܐ، ܘܠܳܐ ܐܺܝܠܳܢܳܐ ܒܺܝܫܳܐ ܕܣܳܝ݄ܡ ܦܺܐܪ̈ܶܐ ܛܳܒ̥̈ܶܐ. 44ܡܺܐܝܕ̥ܶܗ ܕܟܽܘܠ ܐܺܝܠܳܢܳܐ ܡܰܢ̱ ܦّܺܐܪ̈ܰܝܕ̥ܶܗ ܟܡܺܝܕ̥݄ܥ، ܥܰܠ ܕܠ݄ܐ ܟܠܳܩܛܺܝ ܬܶܐܢ̈ܶܐ ܡܰܢ̱ ܟّܽܘܒ̈ܶܐ، ܘܠ݄ܐ ܟܩ݄ܛܦܺܝ ܥ݄ܢܒ̥̈ܶܐ ܡܽܗ̄ܘ ܣܰܠܽܘܢܳܐ. 45ܗ̄ܽܘ ܓܰܒ̥ܪܳܐ ܛܳܒ̥ܳܐ ܡܰܢ̱ ܣّܺܝܡ̈ܳܬ̥ܳܐ ܗ̄ܰܛّܳܒ̥̈ܶܐ ܕ݄ܒܠܶܒܶܗ ܟܡܰܘܦ݄ܩ ܛܳܒ̥̈ܳܬ̥ܳܐ، ܘܽܗ̄ܘ ܓܰܒ̥ܪܳܐ ܒܺܝܫܳܐ ܡܰܢ̱ ܣّܺܝܡ̈ܳܬ̥ܳܐ ܗ̄ܰܒّܺܝܫ̈ܶܐ ܕ݄ܒܠܶܒܶܗ ܟܡܰܘܦ݄ܩ ܒܺܝܫ̈ܳܬ̥ܳܐ. ܡܺܐܝܕ̥ܶܗ ܕܡܰܢ̱ ܦّܰܪ̈ܕܽܘܢܶܐ ܕܽܗ̄ܘ ܠܶܒܳܐ ܟ݄ܡܬܰܢ݄ܢ ܗ̄ܰܣّܶܦ̈̊ܘܳܬ̥ܳܐ.
ܗ̄ܽܘ ܒܰܢܳܝܳܐ ܚܰܟܺܝܡܳܐ ܘܽܗ̄ܘ ܒܰܢܳܝܳܐ ܣܰܟ̥ܠܳܐ
ܡܬܝ 7:24‐27
46”ܡ݄ܢܝܳܐ ܕܟܳܩܳܪܺܝܬܽܘ ܠܺܝ: ܡܳܪܝ ܡܳܪܝ، ܘܽܗ̄ܘ ܡܶܕܶܐ ܕܟܳܐܡܰܪ ܐ̱ܢܳܐ ܠ݄ܐ ܟܣܰܝܡܺܝܬܽܘ؟ 47ܟܽܘܠ ܢܳܫܳܐ ܕܳܐܬ̥ܶܐ ܠܣܺܝܕܺܝ، ܘܫܳܡ݄ܥ ܗ̄ܰܡّܰܐܡܪ̈ܰܝܕ̥ܺܝ ܘܣܳܝܰܡّܶܗ، ܟܡܰܚܘܶܐ ܐ̱ܢܳܐ ܠܟ̥ܽܘ ܠܡܰܢ ܟܕܳܡܶܐ: 48ܟܕܳܡܶܐ ܠܓܰܒ̥ܪܳܐ ܕ݄ܒܢܶܐ ܠܶܗ ܒܰܝܬܳܐ، ܘ݄ܚܦ݄ܪ ܠܶܗ ܘ݄ܡܥܰܡܰܩ ܠܶܗ، ܘܡܰܚܰܬ ܠܶܗ ܗ̄ܺܝ ܫܶܬܶܐܣܬܳܐ ܥܰܠ ܗ̄ܽܘ ܫܽܘܥܳܐ. ܘܺܗ̄ܝ ܢܰܩܠܐ ܕܗܰܘܺܝ ܩܠܳܥܳܐ، ܗ̄ܽܘ ܩܠܳܥܳܐ ܡܚܶܐ ܠܶܗ ܒܽܗ̄ܘ ܒܰܝܬܰܘܳܐ، ܘܠܳܐ ܩܰܕ݄ܪ ܕܡܰܪܡܰܫ ܠܶܗ، ܡܺܐܝܕ̥ܶܗ ܕܺܗ̄ܝ ܫܶܬܶܐܣܬܰܝܕ̥ܶܗ ܡܰܚܬܳܐ ܗ̄ܘܰܐ ܥܰܠ ܗ̄ܽܘ ܫܽܘܥܳܐ. 49ܘܗܰܘܳܐ ܕܫܳܡ݄ܥ ܘܠ݄ܐ ܟܣܳܝ݄ܡ ܟܕܳܡܶܐ ܠܓܰܒ̥ܪܳܐ ܕ݄ܒܢܶܐ ܠܶܗ ܗ̄ܽܘ ܒܰܝܬܰܝܕ̥ܶܗ ܥܰܠ ܗ̄ܽܘ ܥܰܦܪܳܐ ܕܠܳܐ ܫܶܬܶܐܣܬܳܐ، ܘܺܗ̄ܝ ܢܰܩܠܐ ܕ݄ܡܚܶܐ ܠܶܗ ܐܶܒܶܗ ܗ̄ܽܘ ܢܰܗܪܳܐ، ܒܺܗ̄ܝ ܫܳܥܬ̥ܰܝܕ̥ܰܗ ܢܰܦ݄ܠ، ܘܗܰܘܝܳܐ ܗ̄ܺܝ ܢܦܰܠܬܳܐ ܕܽܗ̄ܘ ܒܰܝܬܰܘܳܐ ܪܰܒܬ̥ܳܐ.“
Currently Selected:
ܡܓܰܠܝܘܢ ܕܠܘܩܐ 6: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܠܘܩܐ 6
6
ܝܶܫܽܘܥ ܗ̄ܽܘ ܡܳܪܳܐ ܕܺܗ̄ܝ ܫܰܒܬ̥ܳܐ ܝܳܐ
ܡܬܝ 12:1‐8؛ ܡܪܩܘܣ 2:23‐28
1ܘܗܰܘܺܝ ܒܺܗ̄ܝ ܫܰܒܬ̥ܳܐ، ܗ̄ܺܝ ܢܰܩܠܐ ܕ݄ܡܗܰܠܰܟ̥ ܗ̄ܘܰܐ ܝܶܫܽܘܥ ܒܰܝܢ ܗ̄ܰܙّܰܪ̈ܥܶܐ، ܗ̄ܰܬّܰܠܡܺܝܕ̥̈ܰܝܕ̥ܶܗ ܫܳܡܛܺܝ ܗ̄ܘܰܘ̱ ܫܶܒ̈ܠܶܐ ܘܦ݄ܪܟܺܝ ܗ̄ܘܰܘ̱ ܒܺܐܝܕ̥̈ܳܬ̥ܰܝّܶܗ ܘܳܐܟ̥ܠܺܝ ܗ̄ܘܰܘ̱. 2ܘܗ݄ܢ ܡܰܢ̱ ܦܪ̈ܺܝܫܶܐ ܐܡ݄ܪّܰܢّܶܗ: ”ܩܰܝ ܟܣܰܝܡܺܝܬܽܘ ܗ̄ܽܘ ܡܶܕܶܐ ܕܠܰܝ̱ܬ ܝܳܐ ܫܰܠܺܝܛܳܐ ܕܡܺܝܣ݄ܡ ܒܫܰܒܬ̥ܳܐ؟“ 3ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܘܠܳܐ ܗܰܬ̥ܶܐ ܩܪܰܠܟ̥ܽܘ، ܗ̄ܽܘ ܡܶܕܶܐ ܕܣ݄ܡ ܠܶܗ ܕܰܘܺܝܕ̥ ܗ̄ܺܝ ܢܰܩܠܐ ܕܟܰܦ݄ܢ ܗܺܝّܶܗ ܘܗܰܢܺܝ ܕܰܐܥܡܶܗ؟ 4ܐܰܝܕܰܪܒܳܐ ܥܰܒ݄ܪ ܠܽܗ̄ܘ ܒܰܝܬܳܐ ܕܰܐܠܳܗܳܐ، ܘܽܗ̄ܘ ܠܰܚܡܳܐ ܕܽܗ̄ܘ ܦܳܬܽܘܪܳܐ ܕܡܳܪܝܳܐ ܡ݄ܕ ܠܶܗ ܐܰܟ̥ܺܝܠ ܠܶܗ، ܘܗܽܒ̥ ܠܶܗ ܠܰܗ̄ܢܺܝ ܕܰܐܥܡܶܗ، ܗܰܘܳܐ ܠܰܝ̱ܬ ܗ̄ܘܰܐ ܫܰܠܺܝܛܳܐ ܠܢܳܫܳܐ ܕܳܐܟ̥ܶܠ ܠܶܗ، ܐܶܠܳܐ ܠܰܟّܳܗ̈ܢܶܐ ܒܶܠܚܽܘܕ̥ܰܝّܶܗ.“ 5ܘܐܡ݄ܪ ܠܰܗ ܠّܶܗ: ”ܐܰܒܪܶܗ ܕܢܳܫܳܐ ܡܳܪܳܐ ܕܺܗ̄ܝ ܫܰܒܬ̥ܳܐ ܝܳܐ.“
ܝܶܫܽܘܥ ܟܡܰܢ݄ܚ ܒܫܰܒܬ̥ܳܐ
ܡܬܝ 12:9‐14؛ ܡܪܩܘܣ 3:1‐6
6ܘܗܰܘܺܝ ܒܺܗ̄ܝ ܫܰܒܬ̥ܳܐ ܚܪܶܬܳܐ، ܥܰܒ݄ܪ ܠܺܗ̄ܝ ܟ̥ܢܽܘܫܬܳܐ، ܘܡܰܘܠܰܦ ܗ̄ܘܰܐ. ܘܟ݄ܬ ܗ̄ܘܰܐ ܬܰܡܳܐ ܓܰܒ̥ܪܳܐ ܕܺܐܝܕ̥ܶܗ ܕܽܗ̄ܘ ܝܰܡܺܝܢܳܐ ܝܰܒܺܝܫܬܳܐ ܗ̄ܘܰܐ. 7ܘܰܣّܳܦܪ̈ܶܐ ܘܰܦܪ̈ܺܝܫܶܐ ܢ݄ܛܪܺܝ ܗ̄ܘܰܝ ܠܶܗ ܕܶܐܢ ܕܡܰܢ݄ܚ ܒܫܰܒܬ̥ܳܐ ܓ݄ܕܡܰܫܟ݄ܢ ܐܰܥܠܶܗ. 8ܘܗܺܝّܶܗ ܐܰܕ̥݄ܥ ܡ݄ܢ ܚܫܳܒ̥ܳܐ ܟܚ݄ܫܒ̥ܺܝ، ܘܐܡ݄ܪ ܠܶܗ ܠܽܗ̄ܘ ܓܰܒ̥ܪܰܘܳܐ ܕܺܗ̄ܝ ܐܺܝܕ̥ܳܐ ܝܰܒܺܝܫܬܳܐ: ”ܩܘܿܡ، ܬܳܟ̥ ܠܦܰܠܓܶܗ ܕܺܗ̄ܝ ܟ̥ܢܽܘܫܬܳܐ.“ ܘܺܗ̄ܝ ܢܰܩܠܐ ܕܰܐܬ̥ܺܝ ܘܩܰܝ݄ܡ، 9ܐܡ݄ܪ ܠܰܗ ܠّܶܗ ܝܶܫܽܘܥ: ”ܟ݄ܡܫܰܐܶܠ ܐ̱ܢܳܐ ܠܟ̥ܽܘ: ܡ݄ܢܝܳܐ ܫܰܠܺܝܛܳܐ ܒܫܰܒܬ̥ܳܐ؟ ܥܒ̥ܳܕ̥ܳܐ ܛܳܒ̥ܳܐ ܕܡܺܝܣ݄ܡ ܐܰܘ ܒܺܝܫܳܐ؟ ܚܰܕ̱ ܕܡܰܚܶܐ ܢܰܦܫܳܐ ܐܰܘ ܕ݄ܡܣܰܟܰܪ ܠܰܗ؟“ 10ܘܚ݄ܪ ܠܶܗ ܐܰܒّܶܗ، ܒܟܽܘܠّܶܗ، ܘܐܡ݄ܪ ܠܶܗ ܠܶܗ: ”ܦܫܰܛ ܐܺܝܕ̥ܳܟ̥“ ܘ݄ܦܫܺܝܛܳܐ ܠܶܗ، ܘܢܰܝܺܝܚܳܐ ܐܺܝܕ̥ܶܗ ܐܟ̥ ܕܺܗ̄ܝ ܚܒ̥ܰܪܬܰܝܕ̥ܰܗ. 11ܘܗ݄ܢّܶܝ (ܗ̄ܰܣّܳܦܪ̈ܶܐ ܘܰܦܪ̈ܺܝܫܶܐ) ܡܠ݄ܢ ܚܣܳܡܳܐ، ܘܡ݄ܫܓ̥ܳܠܺܝ ܗ̄ܘܰܘ̱ ܚܰܕ̱ ܥܰܡ ܚܰܕ̱ ܒܶܗ ܡ݄ܢ ܓ݄ܕܣܰܝܡܺܝ ܠܝܶܫܽܘܥ.
ܗ̄ܽܘ ܓܒܳܝܳܐ ܕܰܬܪܰܥܣܰܪ ܬܰܠܡܺܝܕ̥̈ܶܐ
ܡܬܝ 10:1‐4؛ ܡܪܩܘܣ 3:13‐19
12ܘܒܰܝّܰܘܡ̈ܳܬ̥ܰܢ݄ܟ، ܣܰܠ݄ܩ ܝܶܫܽܘܥ ܠܽܗ̄ܘ ܛܽܘܪܳܐ ܕ݄ܡܨܰܠܶܐ، ܘܬܰܡܳܐ ܫܰܗ݄ܪ ܗ̄ܘܰܐ ܗ̄ܽܘ ܠܰܠܝܳܐ ܟܽܘܠܶܗ ܒܺܗ̄ܝ ܨܠܽܘܬ̥ܳܐ ܠܰܐܠܳܗܳܐ. 13ܘ݄ܒܩܶܕܰܡܬܳܐ، ܩܪܶܐ ܠܶܗ ܠܰܬّܰܠܡܺܝܕ̥̈ܰܝܕ̥ܶܗ، ܘ݄ܓܒܶܐ ܠܶܗ (ܡܢܰܩܶܐ ܠܶܗ) ܡ݄ܢّܶܗ ܬܪܰܥܣܰܪ، ܗܰܢ݄ܟ ܕ݄ܡܫܰܡܺܝ ܠܶܗ ܫܠܺܝܚ̈ܶܐ: 14ܫܶܡܥܽܘܢ، ܕ݄ܩܪܶܐ ܠܶܗ ܐ݄ܫܡܶܗ ܟܶܐܦܳܐ، ܘܰܐܢܕܪܶܐܘܳܣ ܗ̄ܽܘ ܐܰܚܽܘܢܳܐ، ܘܝܰܥܩܽܘܒ ܘܝܽܘܚܰܢܳܢ، ܘܦܺܝܠܺܝܦܳܘܣ ܘܒܰܪ ܬܽܘܠܡܰܝ، 15ܘܡܰܬܰܝ ܘܬܳܐܘܡܰܐ، ܘܝܰܥܩܽܘܒ ܐܰܒܪܶܗ ܕܚܰܠܦܰܝ، ܘܫܶܡܥܽܘܢ ܕ݄ܟܡ݄ܩܪܶܐ ܛܰܢܳܢܳܐ، 16ܘܺܝܗܽܘܕ̥ܳܐ ܐܰܒܪܶܗ ܕܝܰܥܩܽܘܒ، ܘܺܝܗܽܘܕ̥ܳܐ ܣܟ̥ܰܪܝܽܘܛܳܐ، ܗܰܘܳܐ ܕܗܰܘܺܝ ܡܰܫ݄ܠܡܳܢܳܐ.
ܝܶܫܽܘܥ ܟܡܰܘܠ݄ܦ ܘ݄ܟܡܰܢ݄ܚ
ܡܬܝ 4:23‐25
17ܘܢܰܚ݄ܬ ܐܰܥܡܰܝّܶܗ ܝܶܫܽܘܥ، ܘܩܰܝ݄ܡ ܒܽܗ̄ܘ ܫܰܠܒ̥ܳܐ، ܘܟܶܢܫܳܐ ܪܰܒܳܐ ܕܰܬّܰܠܡܺܝܕ̥̈ܰܝܕ̥ܶܗ، ܘܢܳܫ̈ܶܐ ܓ̥ܰܠܰܒܶܐ ܓ̥ܰܠܰܒܶܐ ܡܽܗ̄ܘ ܥܰܡܳܐ ܡܶܢ̱ ܟܽܘܠܰܗ ܝܺܗܽܘܕ̥ ܘܡܶܢ̱ ܐܽܘܪܶܫܠܶܡ ܘܡܶܢ̱ ܣܰܦ̊ܬܶܗ ܕܽܗ̄ܘ ܝܰܡܳܐ ܕܨܽܘܪ ܘ݄ܕܨܰܝܕܳܢ، 18ܕܰܐܬ̥݄ܢ ܕܫ݄ܡܥܺܝ ܗ̄ܽܘ ܡܰܐܡܪܰܝܕ̥ܶܗ ܘ݄ܕܢܳܝܰܚّܶܗ ܡܰܢ̱ ܟّܶܐܒ̥̈ܰܬّ̥ܶܗ، ܘܰܐܝܢܰܐ ܕܡܺܝܬܰܥܺܝܩܺܝ ܗ̄ܘܰܘ̱ ܡܰܢ̱ ܪّܽܘܚ̈ܶܐ ܒܺܝܫ̈ܶܐ، ܘܢܳܝܰܚ ܗ̄ܘܰܘ̱ ܠّܶܗ. 19ܘܰܗ̄ܢ ܢܳܫ̈ܶܐ ܟܽܘܠّܶܗ ܐ݄ܒܥܺܝ ܗ̄ܘܰܘ̱ ܕܓܰܝܫܺܝ ܐܶܒܶܗ، ܡܺܐܝܕ̥ܶܗ ܕܚܰܝܠܳܐ ܢܳܦܰܩ ܗ̄ܘܰܐ ܡܶܢܶܗ، ܘܡܰܢ݄ܚ ܗ̄ܘܰܐ ܠܟܘ̇ܠّܶܗ.
ܛܽܘ̈ܒܶܐ ܘܘ̈ܳܝܶܐ
ܡܬܝ 5:1‐12
20ܘܚ݄ܪ ܠܶܗ ܒܰܬّܰܠܡܺܝܕ̥̈ܰܝܕ̥ܶܗ ܘܐܡ݄ܪ ܠܶܗ: ”ܛܽܘܒܳܐ ܐܰܠܟ̥ܽܘ، ܝܰܐ ܡ݄ܣܟܶܢ̈ܶܐ، ܕ݄ܬ̥ܟ̥ܽܘ ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 21ܛܽܘܒܳܐ ܐܰܠܟ̥ܽܘ، ܕܟ݄ܬ ܗ̄ܰܬܽܘ ܟܰܦܺܝܢ̈ܶܐ ܐܳܥܕܳܐ، ܓ݄ܕܣܰܒ̥ܥܺܝܬܽܘ. ܛܽܘܒܳܐ ܐܰܠܟ̥ܽܘ ܕ݄ܟܒܳܟ̥ܺܝܬܽܘ ܐܳܥܕܳܐ، ܓ݄ܕܓ݄ܚܟ̥ܺܝܬܽܘ. 22ܛܽܘܒܳܐ ܐܰܠܟ̥ܽܘ ܗ̄ܺܝ ܢܰܩܠܐ ܕܰܗ̄ܢ ܢܳܫ̈ܶܐ ܟ݄ܪܗ݄ܢܟ̥ܽܘ، ܘܦ݄ܪܫ݄ܢܟ̥ܽܘ، ܘ݄ܡܺܝܢܰܟܦ݄ܢܟ̥ܽܘ، ܘܡܰܘܦܩܺܝ ܐ݄ܫܡܰܝܟ̥ܽܘ ܐܟ̥ ܕܒܺܝܫ̈ܶܐ ܡܶܢ̱ ܚܠܳܦ ܐܰܒܪܶܗ ܕܢܳܫܳܐ. 23ܡ݄ܦܨܶܚܽܘ ܒܽܗ̄ܘ ܝܰܘܡܰܘܳܐ ܘ݄ܡܗܰܠܗܶܠܽܘ، ܥܰܠ ܕܽܗ̄ܘ ܐܰܓ̥ܪܰܬ̥ܟ̥ܽܘ ܓ̥ܰܠܰܒܶܐ ܝܳܐ ܒܺܗ̄ܝ ܫܡܰܝܳܐ؛ ܥܰܠ ܕܰܗ̄ܘܟ̥ܰܐ ܣܬܶܝ ܣܰܝܡܺܝ ܗ̄ܘܰܘ̱ ܗ̄ܰܒّܰܒܳܢ̈ܰܬّ̥ܶܗ ܒܰܗ̄ܢ ܢܒܺܝ̈ܶܐ.
24”ܐܶܠܳܐ ܘܳܝܳܐ ܐܰܠܟ̥ܽܘ ܝܰܐ ܥܰܬܺܝܪ̈ܶܐ ܥܰܠ ܕܡ݄ܕܟ̥ܽܘ ܗ̄ܺܝ ܬ̥ܢܺܝܚܽܘܬ̥ܰܬ̥ܟ̥ܽܘ. 25ܘܳܝܳܐ ܐܰܠܟ̥ܽܘ، ܝܰܐ ܣܰܒ̥ܺܝܥ̈ܶܐ، ܓ݄ܕܟ݄ܦܢܺܝܬܽܘ. ܘܳܝܳܐ ܐܰܠܟ̥ܽܘ، ܗܰܬܽܘ ܕ݄ܟܓ݄ܚܟ̥ܺܝܬܽܘ ܐܳܥܕܳܐ، ܓ݄ܕܒܳܟ̥ܺܝܬܽܘ ܘ݄ܡܘܰܠܘ݄ܠܺܝܬܽܘ. 26ܘܳܝܳܐ ܐܰܠܟ̥ܽܘ ܗ̄ܺܝ ܢܰܩܠܐ ܕܰܗ̄ܢ ܢܳܫ̈ܶܐ (ܟܽܘܠّܶܗ) ܟ݄ܐܡّܺܪ̱ܝ ܐܰܥܠܰܝܟ̥ܽܘ ܗ̄ܽܘ ܡܶܕܶܐ ܫܰܦܺܝܪܳܐ، ܡܺܐܝܕ̥ܶܗ ܕܰܗ̄ܘܟ̥ܰܐ ܣܰܝܡܺܝ ܗ̄ܘܰܘ̱ ܗ̄ܰܒّܰܒܳܢ̈ܰܬّ̥ܶܗ ܒܰܗ̄ܢ ܢܒܺܝ̈ܶܐ ܡܕ̈ܰܓܠܳܢܶܐ.“
ܗ̄ܽܘ ܪܚܳܡܳܐ ܕܰܒܥܶܠܕ̈ܒܳܒܶܐ
ܡܬܝ 5:38‐48؛ 7:12
27ܘܰܐܠܟ̥ܽܘ ܣܬܶܝ ܟܳܐܡܰܪ ܐ̱ܢܳܐ، ܗܰܬܽܘ ܕܟܳܫܳܡܥܺܝܬܽܘ: ”ܪܚܰܡܽܘ ܠܰܒܥܶܠܕܒܳܒ̈ܰܬ̥ܟ̥ܽܘ، ܘܣܽܘܡܽܘ ܛܳܒ̥ܽܘܬ̥ܳܐ ܠܰܐܝܢܰܐ ܕܟܳܡܥܰܢܬܺܝ ܡܶܢܟ̥ܽܘ. 28ܘ݄ܡܒܰܪܶܟ̥ܽܘ ܠܰܐܝܢܰܐ ܕܠܰܝܛ݄ܢܟ̥ܽܘ، ܘ݄ܡܨܰܠܰܝܽܘ ܥܰܠ ܗܰܢ݄ܟ ܕܡܰܘܒܠ݄ܢܟ̥ܽܘ ܒܽܗ̄ܘ ܚܰܝܠܳܐ. 29ܘܠ݄ܕܡܳܚܶܐ ܠܳܟ̥ ܥܰܠ ܦܳܬ̥ܳܟ̥، ܡܰܕܥܰܪ ܠܶܗ ܗ̄ܺܝ ܚܪܶܬܳܐ. ܘܡܰܢ ܕܫܳܩ݄ܠ ܗ̄ܽܘ ܠܒܽܘܫܰܝܕ̥ܳܟ̥، ܛܪܰܝ ܠܶܗ ܗ̄ܺܝ ܩܶܡ݄ܣܬܰܝܕ̥ܳܟ̥ ܣܬܶܝ. 30ܘܽܗ̄ܘ ܡܶܕܶܐ ܕܳܐܒ݄ܥ ܡܶܢܳܟ̥، ܗܰܒ̥ ܠܶܗ، ܘܡܰܢ ܕܫܳܩ݄ܠ ܕܕܺܝܕ̥ܳܟ̥، ܠ݄ܐ ܐܒܥܰܬ ܠܶܗ ܡܶܢܶܗ. 31ܘܒܶܗ ܐܰܝܕܰܪܒܳܐ ܟ݄ܐܒܥܺܝܬܽܘ ܠܰܗ̄ܢ ܢܳܫ̈ܶܐ ܕܣܰܝܡܺܝ ܐܰܥܡܰܝܟ̥ܽܘ، ܗܰܘܟ̥ܰܐ ܣܬܶܝ ܗܰܬܽܘ ܣܽܘܡܽܘ ܐܰܥܡܰܝّܶܗ. 32ܐܶܢ ܕܪܳܚܡܺܝܬܽܘ ܠܰܐܝܢܰܐ ܕܪܳܚܡ݄ܢܟ̥ܽܘ، ܡ݄ܢܝܳܐ ܗ̄ܺܝ ܛܳܒ̥ܽܘܬ̥ܰܬ̥ܟ̥ܽܘ؟ ܗ̄ܰܚّܰܛܳܝ̈ܶܐ ܣܬܶܝ ܟܪܳܚܡܺܝ ܠܰܐܝܢܰܐ ܕܪܳܚܡ݄ܢّܶܗ. 33ܘܶܐܢ ܕܣܰܝܡܺܝܬܽܘ ܛܳܒ̥ܽܘܬ̥ܳܐ ܠܰܐܝܢܰܐ ܕܣܰܝܡܺܝ ܛܳܒ̥ܽܘܬ̥ܳܐ ܐܰܥܡܰܝܟ̥ܽܘ، ܡ݄ܢܝܳܐ ܗ̄ܺܝ ܛܳܒ̥ܽܘܬ̥ܰܬ̥ܟ̥ܽܘ؟ ܗ̄ܰܚّܰܛܳܝ̈ܶܐ ܣܬܶܝ ܗܰܘܟ̥ܰܐ ܟܣܰܝܡܺܝ. 34ܘܶܐܢ ܕ݄ܡܕܰܝܢܺܝܬܽܘ ܠܡܰܢ ܕܟܳܐܕ̥ܥܺܝܬܽܘ ܕ݄ܓܡܰܕܥܪܺܝ ܗ̄ܽܘ ܕܰܝܢܰܬ̥ܟ̥ܽܘ، ܡ݄ܢܝܳܐ ܗ̄ܺܝ ܛܳܒ̥ܽܘܬ̥ܰܬ̥ܟ̥ܽܘ؟ ܗ̄ܰܚّܰܛܳܝ̈ܶܐ ܣܬܶܝ ܟ݄ܡܕܰܝܢܺܝ ܠܚܰܛܳܝ̈ܶܐ ܗ̄ܺܝ ܢܰܩܠܐ ܕܟܳܐܕ̥ܥܺܝ ܕܡܺܝܬܰܕܥ݄ܪ ܗ̄ܽܘ ܕܰܝܢܰܬّ̥ܶܗ. 35ܐܶܠܳܐ ܗܰܬܽܘ ܪܚܰܡܽܘ ܠܰܒܥܶܠܕܒܳܒ̈ܰܬ̥ܟ̥ܽܘ، ܣܽܘܡܽܘ ܛܳܒ̥ܽܘܬ̥ܳܐ ܐܰܥܡܰܝّܶܗ، ܘܗܰܒ̥ܽܘ ܕܰܝܢܳܐ ܘܠܳܐ ܩ݄ܛܥܺܝܬܽܘ ܣܰܒܪܳܐ ܕܢܳܫܳܐ، ܘ݄ܓܕܳܗ̄ܘܶܐ ܗ̄ܽܘ ܐܰܓ̥ܪܰܬ̥ܟ̥ܽܘ ܪܰܒܳܐ، ܘ݄ܓܕܳܗ̄ܘܺܝܬܽܘ ܐܰܒܢ̈ܶܐ ܕܽܗ̄ܘ ܥܶܠܳܝܳܐ، ܕܟ݄ܬ ܝܳܐ ܒܰܣܺܝܡܳܐ ܥܰܡ ܗ̄ܰܒّܺܝܫ̈ܶܐ ܘܥܰܡ ܗ̄ܰܟّܳܦܽܘܪ̈ܶܐ. 36ܗܰܢ ܢܰܩܠܐ ܗܘܰܝܽܘ ܡܪ̈ܰܚܡܳܢܶܐ ܐܟ̥ ܕܟ݄ܬ ܝܳܐ ܗ̄ܽܘ ܒܰܒܰܬ̥ܟ̥ܽܘ ܣܬܶܝ ܡܪܰܚܡܳܢܳܐ.
ܛܳܒ̥ܽܘܬ̥ܳܐ ܘ݄ܚܢܳܢܳܐ
ܡܬܝ 7:1‐5
37”ܠܳܐ ܕܰܝܢܺܝܬܽܘ ܕܠܳܐ ܡܺܝܕܳܢܺܝܬܽܘ. ܠܳܐ ܚ݄ܟܡܺܝܬܽܘ ܕܠܳܐ ܡ݄ܚܟܳܡܺܝܬܽܘ، ܡܦܰܚܶܠܽܘ ܘ݄ܓܡܺܝܦܰܚܠܺܝܬܽܘ. 38ܗܰܒ̥ܽܘ ܘܡܺܝܬܰܗܒ̥ܰܠܟ̥ܽܘ: ܟܰܝܠܳܐ ܛܳܒ̥ܳܐ ܘܡܰܠܝܳܐ ܘܡܪܰܒܨܳܐ ܘ݄ܡܥܰܪܡܳܐ ܓܡܺܝܬܰܚ݄ܬ ܒܣܶܦܰܝܟ̥ܽܘ، ܡܺܐܝܕ̥ܶܗ ܕܒܽܗ̄ܘ ܟܰܝܠܳܐ ܕܡܰܟܺܝܠܺܝܬܽܘ ܓܡܺܝܬܰܟ݄ܠ ܐܰܠܟ̥ܽܘ.“
ܗ̄ܽܘ ܕܺܝܢܳܐ ܟܺܐܢܳܐ
39ܘܐܡ݄ܪ ܠܰܗ ܠّܶܗ ܡܰܬ̥ܠܳܐ: ”ܩܰܝ ܟܺܝܒܶܗ ܗ̄ܽܘ ܣܰܡܝܳܐ ܡܕܰܒ݄ܪ ܠܣܰܡܝܳܐ ܚܪܶܢܳܐ؟ ܠܳܐ ܗ̄ܰܬܪ̈ܰܝّܶܗ ܒܗܰܘܬ̥ܳܐ ܓܢܳܦܠܺܝ؟ 40ܠܰܝܬ ܬܰܠܡܺܝܕ̥ܳܐ ܪܰܒ ܡܽܗ̄ܘ ܡܰܠܦܳܢܰܝܕ̥ܶܗ، ܡܺܐܝܕ̥ܶܗ ܕܚܰܕ̱ ܗ̄ܺܝ ܢܰܩܠܐ ܕܟܳܡ݄ܠ ܓܕܳܗ̄ܘܶܐ ܐܟ̥ ܕܽܗ̄ܘ ܡܰܠܦܳܢܰܝܕ̥ܶܗ. 41ܡ݄ܢܝܳܐ ܕ݄ܟܚܳܙܰܬ ܗ̄ܽܘ ܓܶܠܳܐ ܕ݄ܒܥܰܝܢܶܗ ܕܰܐܚܽܘܢܳܟ̥، ܐܶܠܳܐ ܗ̄ܽܘ ܕܰܩܪܳܢܳܐ ܕ݄ܒܥܰܝܢܳܟ̥ ܠ݄ܐ ܟܚܳܙܰܬ (ܟܦ݄ܪܫܰܬ)؟ 42ܘܰܐܝܕܰܪܒܳܐ ܟܺܝܒܳܟ̥ ܕ݄ܐܡّܰܪ̱ܬ ܠܰܐܚܽܘܢܳܟ̥: ܐܰܚܽܘܢܳܐ، ܛܪܰܝ ܠܺܝ ܕܡܰܘܦܰܩ ܐ̱ܢܳܐ ܗ̄ܽܘ ܓܶܠܳܐ ܡܶܢ̱ ܥܰܝܢܳܟ̥، ܘܗܰܬ ܟܰܐܠܶܗ ܗ̄ܽܘ ܕܰܩܪܳܢܳܐ ܕ݄ܒܥܰܝܢܳܟ̥ ܠ݄ܐ ܓܡ݄ܚܙܶܐ ܠܳܟ̥؟ ܝܰܐ ܡܳܪܳܐ ܕܬܰܪܬܶܝ ܦ̈ܳܬ̥ܳܬ̥ܳܐ، ܒܺܗ̄ܝ ܩܰܕ̱ܡܰܝܬܳܐ ܡܰܘܦ݄ܩ ܗ̄ܽܘ ܕܰܩܪܳܢܳܐ ܡܶܢ̱ ܥܰܝܢܳܟ̥، ܘܺܗ̄ܝ ܢܰܩܠܝܳܐ ܓ݄ܕܚܳܙܰܬ ܕܡܰܘܦܩܰܬ ܗ̄ܽܘ ܓܶܠܳܐ ܡܶܢ̱ ܥܰܝܢܶܗ ܕܰܐܚܽܘܢܳܟ̥.
ܗ̄ܽܘ ܐܺܝܠܳܢܳܐ ܘܰܦّܺܐܪ̈ܰܝܕ̥ܶܗ
ܡܬܝ 7:17‐20؛ 12:34‐35
43”ܠܰܝܬ ܐܺܝܠܳܢܳܐ ܛܳܒ̥ܳܐ ܕܣܳܝ݄ܡ ܦܺܐܪ̈ܶܐ ܒܺܝܫ̈ܶܐ، ܘܠܳܐ ܐܺܝܠܳܢܳܐ ܒܺܝܫܳܐ ܕܣܳܝ݄ܡ ܦܺܐܪ̈ܶܐ ܛܳܒ̥̈ܶܐ. 44ܡܺܐܝܕ̥ܶܗ ܕܟܽܘܠ ܐܺܝܠܳܢܳܐ ܡܰܢ̱ ܦّܺܐܪ̈ܰܝܕ̥ܶܗ ܟܡܺܝܕ̥݄ܥ، ܥܰܠ ܕܠ݄ܐ ܟܠܳܩܛܺܝ ܬܶܐܢ̈ܶܐ ܡܰܢ̱ ܟّܽܘܒ̈ܶܐ، ܘܠ݄ܐ ܟܩ݄ܛܦܺܝ ܥ݄ܢܒ̥̈ܶܐ ܡܽܗ̄ܘ ܣܰܠܽܘܢܳܐ. 45ܗ̄ܽܘ ܓܰܒ̥ܪܳܐ ܛܳܒ̥ܳܐ ܡܰܢ̱ ܣّܺܝܡ̈ܳܬ̥ܳܐ ܗ̄ܰܛّܳܒ̥̈ܶܐ ܕ݄ܒܠܶܒܶܗ ܟܡܰܘܦ݄ܩ ܛܳܒ̥̈ܳܬ̥ܳܐ، ܘܽܗ̄ܘ ܓܰܒ̥ܪܳܐ ܒܺܝܫܳܐ ܡܰܢ̱ ܣّܺܝܡ̈ܳܬ̥ܳܐ ܗ̄ܰܒّܺܝܫ̈ܶܐ ܕ݄ܒܠܶܒܶܗ ܟܡܰܘܦ݄ܩ ܒܺܝܫ̈ܳܬ̥ܳܐ. ܡܺܐܝܕ̥ܶܗ ܕܡܰܢ̱ ܦّܰܪ̈ܕܽܘܢܶܐ ܕܽܗ̄ܘ ܠܶܒܳܐ ܟ݄ܡܬܰܢ݄ܢ ܗ̄ܰܣّܶܦ̈̊ܘܳܬ̥ܳܐ.
ܗ̄ܽܘ ܒܰܢܳܝܳܐ ܚܰܟܺܝܡܳܐ ܘܽܗ̄ܘ ܒܰܢܳܝܳܐ ܣܰܟ̥ܠܳܐ
ܡܬܝ 7:24‐27
46”ܡ݄ܢܝܳܐ ܕܟܳܩܳܪܺܝܬܽܘ ܠܺܝ: ܡܳܪܝ ܡܳܪܝ، ܘܽܗ̄ܘ ܡܶܕܶܐ ܕܟܳܐܡܰܪ ܐ̱ܢܳܐ ܠ݄ܐ ܟܣܰܝܡܺܝܬܽܘ؟ 47ܟܽܘܠ ܢܳܫܳܐ ܕܳܐܬ̥ܶܐ ܠܣܺܝܕܺܝ، ܘܫܳܡ݄ܥ ܗ̄ܰܡّܰܐܡܪ̈ܰܝܕ̥ܺܝ ܘܣܳܝܰܡّܶܗ، ܟܡܰܚܘܶܐ ܐ̱ܢܳܐ ܠܟ̥ܽܘ ܠܡܰܢ ܟܕܳܡܶܐ: 48ܟܕܳܡܶܐ ܠܓܰܒ̥ܪܳܐ ܕ݄ܒܢܶܐ ܠܶܗ ܒܰܝܬܳܐ، ܘ݄ܚܦ݄ܪ ܠܶܗ ܘ݄ܡܥܰܡܰܩ ܠܶܗ، ܘܡܰܚܰܬ ܠܶܗ ܗ̄ܺܝ ܫܶܬܶܐܣܬܳܐ ܥܰܠ ܗ̄ܽܘ ܫܽܘܥܳܐ. ܘܺܗ̄ܝ ܢܰܩܠܐ ܕܗܰܘܺܝ ܩܠܳܥܳܐ، ܗ̄ܽܘ ܩܠܳܥܳܐ ܡܚܶܐ ܠܶܗ ܒܽܗ̄ܘ ܒܰܝܬܰܘܳܐ، ܘܠܳܐ ܩܰܕ݄ܪ ܕܡܰܪܡܰܫ ܠܶܗ، ܡܺܐܝܕ̥ܶܗ ܕܺܗ̄ܝ ܫܶܬܶܐܣܬܰܝܕ̥ܶܗ ܡܰܚܬܳܐ ܗ̄ܘܰܐ ܥܰܠ ܗ̄ܽܘ ܫܽܘܥܳܐ. 49ܘܗܰܘܳܐ ܕܫܳܡ݄ܥ ܘܠ݄ܐ ܟܣܳܝ݄ܡ ܟܕܳܡܶܐ ܠܓܰܒ̥ܪܳܐ ܕ݄ܒܢܶܐ ܠܶܗ ܗ̄ܽܘ ܒܰܝܬܰܝܕ̥ܶܗ ܥܰܠ ܗ̄ܽܘ ܥܰܦܪܳܐ ܕܠܳܐ ܫܶܬܶܐܣܬܳܐ، ܘܺܗ̄ܝ ܢܰܩܠܐ ܕ݄ܡܚܶܐ ܠܶܗ ܐܶܒܶܗ ܗ̄ܽܘ ܢܰܗܪܳܐ، ܒܺܗ̄ܝ ܫܳܥܬ̥ܰܝܕ̥ܰܗ ܢܰܦ݄ܠ، ܘܗܰܘܝܳܐ ܗ̄ܺܝ ܢܦܰܠܬܳܐ ܕܽܗ̄ܘ ܒܰܝܬܰܘܳܐ ܪܰܒܬ̥ܳܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation