ܡܓܰܠܝܘܢ ܕܠܘܩܐ 2
2
ܗ̄ܽܘ ܡܰܘܠܳܕܳܐ ܕܡܳܪܰܢ ܝܶܫܽܘܥ
ܡܬܝ 1:18‐25
1ܘܒܰܝّܰܘܡ̈ܳܬ̥ܰܢ݄ܟ، ܢܰܦ݄ܩ ܦܽܘܩܕܳܢܳܐ ܡܽܗ̄ܘ ܡܰܠܟܳܐ ܐܰܓ̥ܽܘܣܛܳܘܣ ܩܶܣܰܪ ܕܡ݄ܟܬ̥ܽܒ̥ ܟܽܘܠܶܗ ܗ̄ܽܘ ܥܰܡܳܐ ܕܺܗ̄ܝ ܡܰܡܠܰܟ̥ܬܰܝܕ̥ܶܗ. 2ܗܰܢܳܐ ܗ̄ܘܰܐ ܗ̄ܽܘ ܬܶܟܬ̥ܺܝܒ̥ܳܐ ܩܰܕ̱ܡܳܝܐ ܕܗܰܘܺܝ ܒܽܗ̄ܘ ܫܽܘܠܛܳܢܳܐ ܕܩܽܘܪܺܝܢܳܘܣ ܒܣܽܘܪܺܝܰܐ. 3ܘܟܽܘܠ ܢܳܫܳܐ ܐ݄ܙّܶܗ ܗ̄ܘܰܐ ܕܡ݄ܟܬ̥ܽܒ̥ ܒܺܗ̄ܝ ܡܕ̥ܺܝܢ̱ܬܰܝܕ̥ܶܗ. 4ܘܝܰܘܣܶܦ ܣܬܶܝ ܣܰܠ݄ܩ ܗ̄ܘܰܐ ܡܺܗ̄ܝ ܡܕ̥ܺܝܢ̱ܬܳܐ ܕܢܳܨܪܰܬ̥ ܕ݄ܓܠܺܝܠܳܐ ܠܺܝܗܽܘܕ̥، ܠܺܗ̄ܝ ܡܕ̥ܺܝܢ̱ܬܳܐ ܕܕܰܘܺܝܕ̥ ܕ݄ܟܡ݄ܩܪܳܝܳܐ ܒܶܝܬ̥ ܠܚܶܡ، ܡܺܐܝܕ̥ܶܗ ܕܟ݄ܬ ܗ̄ܘܰܐ ܡܽܗ̄ܘ ܒܰܝܬܳܐ ܘܡܺܗ̄ܝ ܫܰܪܒܬ̥ܳܐ ܕܕܰܘܺܝܕ̥، 5ܐܰܙّܶܗ ܥܰܡ ܡܰܪܝܰܡ ܗ̄ܺܝ ܢܟ̥ܺܝܪܰܝܬܳܐ، ܘܗܺܝّܰܗ ܛܥ݄ܢܬܳܐ، ܕܡ݄ܟܬ̥ܽܒ̥ ܬܰܡܳܐ. 6ܘܗ݄ܢّܶܝ ܬܰܡܳܐ، ܡܰܠ݄ܢ ܗ̄ܰܝّܰܘܡ̈ܳܬ̥ܰܝܕ̥ܰܗ ܕܡܰܘܠܕ̥ܳܐ. 7ܘܡܰܘܠܰܕ ܠܰܗ ܗ̄ܽܘ ܐܰܒܪܰܝܕ̥ܰܗ ܗ̄ܽܘ ܒܽܘܟ̥ܪܳܐ، ܘ݄ܡܟܰܢܦܶܐ ܠܰܗ ܒܟܰܢܦܰܠܝ̈ܳܬ̥ܳܐ، ܘܡܰܚ݄ܬ ܠܰܗ ܒܽܗ̄ܘ ܗܽܘܪܝܳܐ، ܡܺܐܝܕ̥ܶܗ ܕܠܰܝ̱ܬ ܗ̄ܘܰܐ ܠّܶܗ ܕܽܘܟܬ̥ܳܐ ܐܰܝܟܳܐ ܕܢܰܚܺܝܬܺܝ ܗ̄ܘܰܘ̱.
ܗ̄ܰܡّܰܠܰܐܟ̥̈ܶܐ ܘܰܪّܳܥܝ̈ܶܐ
8ܘܒܽܗ̄ܘ ܐܰܬ̥ܪܰܘܳܐ ܟ݄ܬ ܗ̄ܘܰܐ ܪ̈ܳܥܝܶܐ ܕܢܰܚܺܝܬܺܝ ܗ̄ܘܰܘ̱ ܬܰܡܳܐ ܘܢܳܛܪܺܝ ܗ̄ܘܰܘ̱ ܗ̄ܰܥ̈ܘܳܢܰܬّ̥ܶܗ ܒܽܗ̄ܘ ܢܛܳܪܳܐ ܕܽܗ̄ܘ ܠܰܠܝܳܐ. 9ܘܟܰܐܠܶܗ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ ܐܰܬ̥ܺܝ ܠܣܺܝܕܰܝّܶܗ، ܘܽܗ̄ܘ ܫܽܘܒܚܳܐ ܕܡܳܪܝܳܐ ܡܰܢܗܰܪ ܠܶܗ ܐܰܥܠܰܝّܶܗ، ܘܙܰܝܺܝܥܺܝ ܙܽܘܥܬ̥ܳܐ ܪܰܒܬ̥ܳܐ. 10ܘܐܡ݄ܪ ܠܰܗ ܠّܶܗ ܗ̄ܽܘ ܡܰܠܰܐܟ̥ܳܐ: ”ܠܳܐ ܙܰܝܥܺܝܬܽܘ، ܟܰܐܠܺܝ ܟ݄ܡܣܰܒܰܪ ܐ̱ܢܳܐ ܠܟ̥ܽܘ ܦܨܺܝܚܽܘܬ̥ܳܐ ܪܰܒܬ̥ܳܐ ܕ݄ܓܕܽܗ̄ܘܝܳܐ ܠܟܽܘܠܶܗ ܗ̄ܽܘ ܥܳܠܡܳܐ. 11ܐܰܕܝܰܘܡܰܐ ܡܰܘܠ݄ܕ̥ ܐܰܠܟ̥ܽܘ ܦܳܪܽܘܩܳܐ ܕܟ݄ܬ ܝܳܐ ܡܳܪܝܳܐ ܡܫܺܝܚܳܐ ܒܺܗ̄ܝ ܡܕ̥ܺܝܢ̱ܬܳܐ ܕܕܰܘܺܝܕ̥. 12ܘܗܰܬ̥ܶܐ ܐܰܠܟ̥ܽܘ ܐܳܬ̥ܳܐ، ܟܚܳܙܺܝܬܽܘ ܙܥܽܘܪܳܐ ܡܟܰܢܦܠܳܐ ܒܟܰܢܦܰܠܝ̈ܳܬ̥ܳܐ، ܘܡܰܚܬܳܐ ܒܗܽܘܪܝܳܐ.“ 13ܘܡܶܚܕ̥ܳܐ ܚܙ݄ܢ ܥܰܡ ܗ̄ܽܘ ܡܰܠܰܐܟ̥ܳܐ ܚܰܝ̈ܠܶܐ ܓ̥ܰܠܰܒܶܐ ܕܺܗ̄ܝ ܫܡܰܝܳܐ، ܘܗ݄ܢّܶܝ ܟܳܡܫܰܒܚܺܝ ܠܰܐܠܳܗܳܐ ܘܟ݄ܐܡّܺܪ̱ܝ: 14”ܬܶܫܒܽܘܚܬܳܐ ܠܰܐܠܳܗܳܐ ܒܰܡܪ̈ܰܘܡܶܐ، ܘܥܰܠ ܗ̄ܺܝ ܐܰܪܥܳܐ ܫܠܳܡܳܐ ܘܣܰܒܪܳܐ ܛܳܒ̥ܳܐ ܠܰܗ̄ܢ ܢܳܫ̈ܶܐ.“ 15ܘܗܰܘܺܝ، ܗ̄ܺܝ ܢܰܩܠܐ ܕܰܐܙّ݄ܢ ܗ̄ܰܡّܰܠܰܐܟ̥̈ܶܐ ܡܶܢ̱ ܓܰܒܰܝّܶܗ ܠܺܗ̄ܝ ܫܡܰܝܳܐ، ܗ̄ܰܪّܳܥܝ̈ܶܐ ܫܓ̥ܺܝܠܺܝ ܚܰܕ̱ ܥܰܡ ܚܰܕ̱ ܘ݄ܐܡّܺܪ̱ܝ: ”ܬܳܟ̥ܽܘ ܕ݄ܐܙّܰܢ ܗܳܠ ܒܶܝܬ̥ ܠܚܶܡ ܘܚܳܙܺܝܢܰܐ ܠܽܗ̄ܘ ܡܰܐܡܪܰܢܳܐ ܕܗܰܘܺܝ ܐܟ̥ ܕܡܰܘܕ̥ܰܥ ܠܶܗ ܠܰܢ ܡܳܪܝܳܐ.“ 16ܘܰܐܬ̥݄ܢ ܒܣܽܘܪܗܳܒܳܐ ܘ݄ܚܙܰܠّܶܗ ܡܰܪܝܰܡ ܘܝܰܘܣܶܦ ܘܽܗ̄ܘ ܙܥܽܘܪܳܐ ܡܰܚܬܳܐ ܒܽܗ̄ܘ ܗܽܘܪܝܳܐ. 17ܘܺܗ̄ܝ ܢܰܩܠܐ ܕ݄ܚܙܰܠّܶܗ، ܡܰܘܕ̥ܰܥّܶܗ ܗ̄ܽܘ ܡܰܐܡܪܳܐ ܕܐܡܺܝܪ ܐܰܠّܶܗ ܥܰܠ ܗ̄ܽܘ ܛܰܠܝܳܐ. 18ܘܟܽܘܠّܶܗ ܕܫܰܡܺܝܥܺܝ ܡܕܰܘܡܪܺܝ ܥܰܠ ܗ̄ܽܘ ܡܰܐܡܪܳܐ ܕܐܡ݄ܪّܶܗ ܗ̄ܰܪّܳܥܝ̈ܶܐ. 19ܘܡܰܪܝܰܡ ܢ݄ܛܪܳܐ ܗ̄ܘܰܐ ܗ̄ܰܡّܰܐܡܪ̈ܰܢܺܝ ܟܽܘܠّܶܗ، ܘܛ݄ܪܝܳܐ ܗ̄ܘܰܐ ܠّܶܗ ܒܠܶܒܰܗ. 20ܘܕܰܥܺܝܪܺܝ ܗ̄ܰܪّܳܥܝ̈ܶܐ، ܘܗ݄ܢّܶܝ ܟ݄ܡܫܰܒܚܺܝ ܘ݄ܡܗܰܠܠܺܝ ܠܰܐܠܳܗܳܐ ܥܰܠ ܟܽܘܠ ܕ݄ܚܙܰܠّܶܗ ܘܫܰܡܺܝܥܺܝ ܐܟ̥ ܕ݄ܫܓ̥ܺܝܠ ܐܰܥܡܰܝّܶܗ.
ܗ̄ܽܘ ܫܶܡܳܗܳܐ ܕܽܗ̄ܘ ܛܰܠܝܳܐ ܘܺܗ̄ܝ ܥܒܰܪܬܰܝܕ̥ܶܗ ܠܽܗ̄ܘ ܗܰܝܟܠܳܐ
21ܘܺܗ̄ܝ ܢܰܩܠܐ ܕܬܰܝܺܝܡܺܝ ܗ̄ܰܬܡܰܢܝܳܐ ܝܰܘܡ̈ܶܐ ܕܡ݄ܓܙ݄ܪ ܗ̄ܽܘ ܛܰܠܝܳܐ، ܩܪܶܐ ܐ݄ܫܡܶܗ ܝܶܫܽܘܥ، ܐܟ̥ ܕ݄ܩܪܶܐ ܡܽܗ̄ܘ ܡܰܠܰܐܟ̥ܳܐ ܡܶܩ݄ܕ̱ܡ ܕܳܗ̄ܘܶܐ ܒܽܗ̄ܘ ܟܰܪܣܳܐ (ܕܺܗ̄ܝ ܐܶܡܳܐ). 22ܘܺܗ̄ܝ ܢܰܩܠܐ ܕܗܰܘܺܝ ܗ̄ܽܘ ܙܰܒܢܳܐ ܕܽܗ̄ܘ ܕܽܘܟܳܝܰܬّ̥ܶܗ، ܐܟ̥ ܕܽܗ̄ܘ ܢܳܡܽܘܣܳܐ ܕܡܽܘܫܶܐ، ܡܰܣܠܰܩّܶܗ ܠܽܐܘܪܶܫܠܶܡ ܕܡܰܩܺܝܡܺܝ ܠܶܗ ܩܽܘܕ̱ܡܶܗ ܕܡܳܪܝܳܐ، 23ܐܟ̥ ܕ݄ܟܬ̥ܺܝܒ̥ ܒܽܗ̄ܘ ܢܳܡܽܘܣܳܐ ܕܡܳܪܝܳܐ: ܟܽܘܠ ܐܰܒܪܳܐ ܩܰܕ̱ܡܳܝܳܐ (ܒܽܘܟ̥ܪܳܐ) ܓܡ݄ܩܪܶܐ ܩܰܕܺܝܫܳܐ ܕܡܳܪܝܳܐ. 24ܘܕܳܗ̄ܒ݄ܢ ܕܶܒܚܬ̥ܳܐ: ܙܰܘܓܳܐ ܕܫܽܘܦܢܺܝܢ̈ܶܐ ܐܰܘ ܬܪܶܝ ܦܰܪ̈ܽܘܓ̥ܶܐ ܕܝܰܘܢ̈ܶܐ، ܐܟ̥ ܕܐܡܺܝܪ ܒܽܗ̄ܘ ܢܳܡܽܘܣܳܐ ܕܡܳܪܝܳܐ. 25ܘܟ݄ܬ ܗ̄ܘܰܐ ܒܽܐܘܪܶܫܠܶܡ ܚܰܕ̱ ܓܰܒ̥ܪܳܐ ܐ݄ܫܡܶܗ ܫܶܡܥܽܘܢ. ܗ̄ܽܘ ܓܰܒ̥ܪܰܢܳܐ ܟܺܐܢܳܐ ܗ̄ܘܰܐ ܘܙܰܕܺܝܩܳܐ، ܘܢܳܛܰܪ ܗ̄ܘܰܐ ܠܽܗ̄ܘ ܒܽܘܝܳܐܳܐ (ܗ̄ܽܘ ܬ̥ܢܳܚܳܐ) ܕܺܐܝܣܪܳܐܶܝܠ، ܘܪܽܘܚܳܐ ܕܩܽܘܕܫܳܐ ܐܰܥܠܶܗ ܗ̄ܘܰܐ. 26ܘܐܡܺܝܪ ܗ̄ܘܰܐ ܐܶܠܶܗ ܡܶܢ̱ ܪܽܘܚܳܐ ܕܩܽܘܕܫܳܐ ܕܠ݄ܐ ܟܚܳܙܶܐ ܡܰܘܬܳܐ ܗܳܠ ܕܚܳܙܶܐ ܡܫܺܝܚܳܐ ܕܡܳܪܝܳܐ. 27ܘܗܺܝّܶܗ ܗܰܢܳܐ ܐܰܬ̥ܺܝ ܗ̄ܘܰܐ ܒܺܗ̄ܝ ܪܽܘܚܳܐ ܠܽܗ̄ܘ ܗܰܝܟܠܳܐ. ܘܺܗ̄ܝ ܢܰܩܠܐ ܕܰܒّܰܒ̈ܶܐ ܡܰܥ݄ܒܪܺܝ ܗ̄ܘܰܘ ܠܝܶܫܽܘܥ ܗ̄ܽܘ ܛܰܠܝܳܐ ܕܣܰܝܡܺܝ ܡܶܢ̱ ܚܠܳܦܶܗ ܐܟ̥ ܕܽܗ̄ܘ ܦܽܘܩܕܳܢܳܐ ܕܽܗ̄ܘ ܢܳܡܽܘܣܳܐ، 28ܫܶܡܥܽܘܢ ܛܥ݄ܢ ܠܶܗ ܥܰܠ ܕܪ̈ܳܥܳܢܶܗ، ܘ݄ܡܒܰܪܰܟ̥ ܠܶܗ ܠܰܐܠܳܗܳܐ ܘܐܡ݄ܪ ܠܶܗ: 29”ܡܳܪܝܳܐ، ܐܳܥܕܳܐ ܫܪܰܝ ܗ̄ܽܘ ܓܪܶܝܥܰܝܕ̥ܳܟ̥ (ܕ݄ܐܙّܶܗ) ܒ݄ܫܠܳܡܳܐ ܐܟ̥ ܕܽܗ̄ܘ ܡܰܐܡܪܰܝܕ̥ܳܟ̥. 30ܥܰܠ ܕ݄ܚܙܰܠّܶܗ ܠܥܰܝ̈ܢܳܬ̥ܺܝ ܗ̄ܽܘ ܚܢܳܢܰܝܕ̥ܳܟ̥، 31ܗܰܘܳܐ ܕ݄ܡܛܰܝܰܒ ܠܳܟ̥ ܩ݄ܕ̱ܡ ܟܽܘܠّܶܗ ܗ̄ܰܥّܰܡ̈ܶܐ، 32ܢܽܘܗܪܳܐ ܕܡܰܢܗ݄ܪ ܗ̄ܰܥّܰܡ̈ܶܐ، ܘܫܽܘܒܚܳܐ ܠܽܗ̄ܘ ܥܰܡܰܝܕ̥ܳܟ̥ ܐܺܝܣܪܳܐܶܝܠ.“ 33ܘܝܰܘܣܶܦ ܘܺܗ̄ܝ ܐܶܡܳܐ ܡܺܝܕܰܘܡܪܺܝ ܗ̄ܘܰܘ̱ ܥܰܠ ܗ̄ܽܘ ܡܶܕܶܐ ܕܡ݄ܫܓ̥ܳܠܺܝ ܗ̄ܘܰܘ̱ ܐܰܥܠܶܗ. 34ܘ݄ܡܒܰܪܟ̥ܺܝ ܠܶܗ ܫܶܡܥܽܘܢ، ܘܐܡ݄ܪ ܠܶܗ ܠܡܰܪܝܰܡ ܗ̄ܺܝ ܐܶܡܳܐ: ”ܟܰܐܠܶܗ ܗܰܢܳܐ ܡܰܚ݄ܬ ܠܽܗ̄ܘ ܢܦܳܠܳܐ ܘܠܽܗ̄ܘ ܩܝܳܡܳܐ ܕܓ̥ܰܠܰܒܶܐ ܒܺܐܝܣܪܳܐܶܝܠ، (ܘ݄ܓܕܳܗ̄ܘܶܐ) ܐܳܬ̥ܳܐ ܕܡܰܐܡܪܳܐ ܘܬܶܢܳܝܳܐ. 35ܘܶܐܒܰܟ̥ ܒܢܰܦܫܰܟ̥ ܓܥܳܒ݄ܪ ܪܽܘܡܚܳܐ، ܡܺܐܝܕ̥ܶܗ ܕ݄ܓܡ݄ܓܠܳܝܺܝ ܗ̄ܰܚّܽܘܫܳܒ̈ܶܐ ܕܠܶܒ̈ܶܐ ܕܓ̥ܰܠܰܒܶܐ ܢܳܫ̈ܶܐ.“
36ܘܚܰܢܳܐ ܗ̄ܺܝ ܢܒܺܝܬ̥ܳܐ، ܗ̄ܺܝ ܒܰܪܬ̥ܳܐ ܕ݄ܦܢܽܘܐܶܝܠ، ܡܽܗ̄ܘ ܫܰܒܛܳܐ ܕܳܐܫܺܝܪ، ܗܺܝّܰܗ ܣܬܶܝ ܣܳܒ̥ܬܳܐ ܪܰܒܬ̥ܳܐ ܗ̄ܘܰܐ، ܘܦܰܝܺܝܫܳܐ ܗ̄ܘܰܐ ܥܰܡ ܗ̄ܽܘ ܓܰܒ̥ܪܰܝܕ̥ܰܗ ܫܒ̥ܰܥ ܐ݄ܫܢ̈ܶܐ ܒ݄ܬ̥݄ܪ ܕܓܰܒ̥ܺܝܪܺܝ، 37ܘܗܰܘܝܳܐ ܐܰܪܡܰܠܬܳܐ ܬܡܳܢܶܐ ܘܰܐܪܒܥܺܝ ܐ݄ܫܢ̈ܶܐ، ܘܠܳܐ ܡܰܪ݄ܦܝܳܐ ܗ̄ܘܰܐ ܡܽܗ̄ܘ ܗܰܝܟܠܳܐ، ܘܒܽܗ̄ܘ ܨܰܘܡܳܐ ܘܒܺܗ̄ܝ ܨܠܽܘܬ̥ܳܐ ܡܫܰܡܫܳܐ ܗ̄ܘܰܐ ܒܺܐܝܡܳܡܳܐ ܘ݄ܒܠܰܠܝܳܐ. 38ܘܗܺܝّܰܗ ܣܬܶܝ ܩܰܝܺܝܡܳܐ ܒܺܗ̄ܝ ܫܳܥܬ̥ܰܝܕ̥ܰܗ ܘܡܰܘܕܶܐ ܠܰܗ ܠܡܳܪܝܳܐ، ܘܡ݄ܫܓ̥ܳܠܳܐ ܗ̄ܘܰܐ ܐܰܥܠܶܗ ܥܰܡ ܟܽܘܠ ܢܳܫܳܐ ܕܢܳܛܰܪ ܗ̄ܘܰܐ ܗ̄ܽܘ ܦܽܘܪܩܳܢܳܐ ܕܽܐܘܪܶܫܠܶܡ. 39ܘܺܗ̄ܝ ܢܰܩܠܐ ܕ݄ܡܟܰܡܰܠّܶܗ ܟܽܘܠ ܡܶܕܶܐ ܐܟ̥ ܕܽܗ̄ܘ ܢܳܡܽܘܣܳܐ ܕܡܳܪܝܳܐ، ܕܰܥܺܝܪܺܝ ܠܽܗ̄ܘ ܓܠܺܝܠܳܐ، ܠܢܳܨܪܰܬ̥ ܗ̄ܺܝ ܡܕ̥ܺܝܢ̱ܬܰܬّ̥ܶܗ. 40ܘܽܗ̄ܘ ܛܰܠܝܳܐ ܝܳܪܰܒ̥ ܗ̄ܘܰܐ، ܘܗܳܘܶܐ ܗ̄ܘܰܐ ܒܚܰܝܠܳܐ ܒܺܗ̄ܝ ܪܽܘܚܳܐ، ܘܡ݄ܡܠܶܐ ܗ̄ܘܰܐ ܚܶܟ̥ܡܬ̥ܳܐ، ܘܺܗ̄ܝ ܛܰܝܒܽܘܬ̥ܳܐ ܕܰܐܠܳܗܳܐ ܐܰܥܠܶܗ ܗ̄ܘܰܐ.
ܝܶܫܽܘܥ ܒܰܝܢ ܗ̄ܰܡّܰܠܦܳܢ̈ܶܐ ܒܽܗ̄ܘ ܗܰܝܟܠܳܐ
41ܘܰܗ̄ܢ ܢܳܫ̈ܰܝܕ̥ܶܗ، ܒܟܽܘܠ ܫܰܢ̱ܬܳܐ، ܐ݄ܙّ݄ܢ ܗ̄ܘܰܘ̱ ܠܽܐܘܪܶܫܠܶܡ ܒܽܗ̄ܘ ܥܶܐܕ̥ܳܐ ܕܽܗ̄ܘ ܦܶܨܚܳܐ. 42ܘܺܗ̄ܝ ܢܰܩܠܐ ܕܗܰܘܺܝ ܥ݄ܡܪܶܗ ܬܪܰܥܣܰܪ ܐ݄ܫܢ̈ܶܐ، ܣܰܠܺܝܩܺܝ (ܠܽܐܘܪܶܫܠܶܡ) ܠܽܗ̄ܘ ܥܶܐܕ̥ܳܐ ܐܟ̥ ܕܽܗ̄ܘ ܥܝܳܕ̥ܰܬّ̥ܶܗ. 43ܘܺܗ̄ܝ ܢܰܩܠܐ ܕܬܰܝܺܝܡܺܝ ܗ̄ܰܝّܰܘܡ̈ܶܐ (ܕܽܗ̄ܘ ܥܶܐܕ̥ܳܐ) ܕܰܥܺܝܪܺܝ. ܐܶܠܳܐ ܗ̄ܽܘ ܛܰܠܝܳܐ ܝܶܫܽܘܥ ܦܰܝ݄ܫ ܒܽܐܘܪܶܫܠܶܡ، ܘܝܰܘܣܶܦ ܘܺܗ̄ܝ ܐܶܡܳܐ ܠܰܐ ܐܕ̥ܺܝܥܺܝ، 44ܡܺܐܝܕ̥ܶܗ ܕܚܳܫܒ̥ܺܝ ܗ̄ܘܰܘ̱ ܥܰܡ ܗ̄ܰܚّܰܒ̥ܪ̈ܳܢܰܬّ̥ܶܗ ܝܳܐ. ܘܒ݄ܬ̥݄ܪ ܕ݄ܡܗܰܠܰܟّ̥ܶܗ (ܕܰܪܒܳܐ) ܕܚܰܕ̱ ܝܰܘܡܳܐ، ܡܫܰܐܶܠّܶܗ ܐܰܥܠܶܗ ܒܰܝܢ ܗ̄ܰܢ ܢܳܫ̈ܰܬّ̥ܶܗ ܘܒܰܝܢ ܡܰܢ ܕܟܳܐܕ̥ܰܥّܶܗ، 45ܘܠܳܐ ܚܙܰܠّܶܗ. ܘܕܰܥܺܝܪܺܝ ܒܦܳܬ̥ܰܝّܶܗ ܠܽܐܘܪܶܫܠܶܡ ܘܟܳܪܟ̥ܺܝ ܗ̄ܘܰܘ̱ ܐܰܥܠܶܗ. 46ܘܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܚܙܰܠّܶܗ ܒܽܗ̄ܘ ܗܰܝܟܠܳܐ ܝܰܬܺܝܒ̥ܳܐ ܒܽܗ̄ܘ ܦܰܠܓܳܐ ܒܰܝܢ ܗ̄ܰܡّܰܠܦܳܢ̈ܶܐ. ܘܫܳܡܰܥ ܗ̄ܘܰܐ ܡ݄ܢّܶܗ ܘ݄ܡܫܰܐܶܠ ܗ̄ܘܰܐ ܠّܶܗ. 47ܘܟܽܘܠّܶܗ ܗܰܢܺܝ ܕܫ݄ܡܥܺܝ ܗ̄ܘܰܝ ܠܶܗ ܡܺܝܕܰܘܡܪܺܝ ܗ̄ܘܰܘ̱ ܒܺܗ̄ܝ ܚܶܟ̥ܡܬ̥ܰܝܕ̥ܶܗ ܘܒܰܡّܰܐܡܪ̈ܰܝܕ̥ܶܗ. 48ܘܺܗ̄ܝ ܢܰܩܠܐ ܕ݄ܚܙܰܠّܶܗ ܡܕܰܘܡܪܺܝ. ܘܺܗ̄ܝ ܐܶܡܳܐ ܐܡ݄ܪ ܠܰܗ ܠܶܗ: ”ܐܰܒܪܺܝ، ܩܰܝ ܗܰܘܟ̥ܰܐ ܣ݄ܡ ܠܳܟ̥ ܐܶܒܰܢ، ܟܰܐܠܶܗ ܒܰܒܳܟ̥ ܘܳܐܢܳܐ ܒܡܰܥܺܝܩܽܘܬ̥ܳܐ ܪܰܒܬ̥ܳܐ ܟ݄ܪܟ̥ܺܝ ܗ̄ܘܰܝܢܰܐ ܐܰܥܠܳܟ̥.“ 49ܟܳܐܡܰܪّܶܗ: ”ܠܡ݄ܢ ܟܳܪܟ̥ܺܝܬܽܘ ܗ̄ܘܰܘ̱ ܐܰܥܠܺܝ، ܠ݄ܐ ܟ݄ܐܕ̥ܥܺܝܬܽܘ ܕܳܐܢܳܐ ܒܽܗ̄ܘ ܒܰܝܬܳܐ ܕܽܗ̄ܘ ܐܰܒܰܝܕ̥ܺܝ ܟܳܐܒ݄ܥ ܕܳܗ̄ܘܶܐ ܐ̱ܢܳܐ؟“ 50ܐܶܠܳܐ ܗ݄ܢّܶܝ ܠܰܐ ܐܕ̥ܺܝܥܺܝ ܗ̄ܽܘ ܡܰܐܡܪܳܐ ܕܐܡ݄ܪ ܠܰܗ ܠّܶܗ. 51ܘܢܰܚ݄ܬ ܐܰܥܡܰܝّܶܗ، ܘܰܐܬ̥ܺܝ ܠܢܳܨܪܰܬ̥. ܘܫܳܡܰܥ ܗ̄ܘܰܐ ܠّܶܗ. ܘܺܗ̄ܝ ܐܶܡܳܐ ܢ݄ܛܪܳܐ ܗ̄ܘܰܐ ܟܽܘܠّܶܗ ܗ̄ܰܡّܰܐܡܪ̈ܰܢܺܝ ܒܠܶܒܰܗ. 52ܘܝܶܫܽܘܥ ܝܳܪܰܒ̥ ܗ̄ܘܰܐ ܒܺܗ̄ܝ ܩ݄ܡܬ̥ܳܐ ܘܒܺܗ̄ܝ ܚܶܟ̥݄ܡܬ̥ܳܐ ܘܒܺܗ̄ܝ ܛܰܝܒܽܘܬ̥ܳܐ ܓܰܒ ܐܰܠܳܗܳܐ ܘܰܗ̄ܢ ܢܳܫ̈ܶܐ.
Currently Selected:
ܡܓܰܠܝܘܢ ܕܠܘܩܐ 2: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܠܘܩܐ 2
2
ܗ̄ܽܘ ܡܰܘܠܳܕܳܐ ܕܡܳܪܰܢ ܝܶܫܽܘܥ
ܡܬܝ 1:18‐25
1ܘܒܰܝّܰܘܡ̈ܳܬ̥ܰܢ݄ܟ، ܢܰܦ݄ܩ ܦܽܘܩܕܳܢܳܐ ܡܽܗ̄ܘ ܡܰܠܟܳܐ ܐܰܓ̥ܽܘܣܛܳܘܣ ܩܶܣܰܪ ܕܡ݄ܟܬ̥ܽܒ̥ ܟܽܘܠܶܗ ܗ̄ܽܘ ܥܰܡܳܐ ܕܺܗ̄ܝ ܡܰܡܠܰܟ̥ܬܰܝܕ̥ܶܗ. 2ܗܰܢܳܐ ܗ̄ܘܰܐ ܗ̄ܽܘ ܬܶܟܬ̥ܺܝܒ̥ܳܐ ܩܰܕ̱ܡܳܝܐ ܕܗܰܘܺܝ ܒܽܗ̄ܘ ܫܽܘܠܛܳܢܳܐ ܕܩܽܘܪܺܝܢܳܘܣ ܒܣܽܘܪܺܝܰܐ. 3ܘܟܽܘܠ ܢܳܫܳܐ ܐ݄ܙّܶܗ ܗ̄ܘܰܐ ܕܡ݄ܟܬ̥ܽܒ̥ ܒܺܗ̄ܝ ܡܕ̥ܺܝܢ̱ܬܰܝܕ̥ܶܗ. 4ܘܝܰܘܣܶܦ ܣܬܶܝ ܣܰܠ݄ܩ ܗ̄ܘܰܐ ܡܺܗ̄ܝ ܡܕ̥ܺܝܢ̱ܬܳܐ ܕܢܳܨܪܰܬ̥ ܕ݄ܓܠܺܝܠܳܐ ܠܺܝܗܽܘܕ̥، ܠܺܗ̄ܝ ܡܕ̥ܺܝܢ̱ܬܳܐ ܕܕܰܘܺܝܕ̥ ܕ݄ܟܡ݄ܩܪܳܝܳܐ ܒܶܝܬ̥ ܠܚܶܡ، ܡܺܐܝܕ̥ܶܗ ܕܟ݄ܬ ܗ̄ܘܰܐ ܡܽܗ̄ܘ ܒܰܝܬܳܐ ܘܡܺܗ̄ܝ ܫܰܪܒܬ̥ܳܐ ܕܕܰܘܺܝܕ̥، 5ܐܰܙّܶܗ ܥܰܡ ܡܰܪܝܰܡ ܗ̄ܺܝ ܢܟ̥ܺܝܪܰܝܬܳܐ، ܘܗܺܝّܰܗ ܛܥ݄ܢܬܳܐ، ܕܡ݄ܟܬ̥ܽܒ̥ ܬܰܡܳܐ. 6ܘܗ݄ܢّܶܝ ܬܰܡܳܐ، ܡܰܠ݄ܢ ܗ̄ܰܝّܰܘܡ̈ܳܬ̥ܰܝܕ̥ܰܗ ܕܡܰܘܠܕ̥ܳܐ. 7ܘܡܰܘܠܰܕ ܠܰܗ ܗ̄ܽܘ ܐܰܒܪܰܝܕ̥ܰܗ ܗ̄ܽܘ ܒܽܘܟ̥ܪܳܐ، ܘ݄ܡܟܰܢܦܶܐ ܠܰܗ ܒܟܰܢܦܰܠܝ̈ܳܬ̥ܳܐ، ܘܡܰܚ݄ܬ ܠܰܗ ܒܽܗ̄ܘ ܗܽܘܪܝܳܐ، ܡܺܐܝܕ̥ܶܗ ܕܠܰܝ̱ܬ ܗ̄ܘܰܐ ܠّܶܗ ܕܽܘܟܬ̥ܳܐ ܐܰܝܟܳܐ ܕܢܰܚܺܝܬܺܝ ܗ̄ܘܰܘ̱.
ܗ̄ܰܡّܰܠܰܐܟ̥̈ܶܐ ܘܰܪّܳܥܝ̈ܶܐ
8ܘܒܽܗ̄ܘ ܐܰܬ̥ܪܰܘܳܐ ܟ݄ܬ ܗ̄ܘܰܐ ܪ̈ܳܥܝܶܐ ܕܢܰܚܺܝܬܺܝ ܗ̄ܘܰܘ̱ ܬܰܡܳܐ ܘܢܳܛܪܺܝ ܗ̄ܘܰܘ̱ ܗ̄ܰܥ̈ܘܳܢܰܬّ̥ܶܗ ܒܽܗ̄ܘ ܢܛܳܪܳܐ ܕܽܗ̄ܘ ܠܰܠܝܳܐ. 9ܘܟܰܐܠܶܗ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ ܐܰܬ̥ܺܝ ܠܣܺܝܕܰܝّܶܗ، ܘܽܗ̄ܘ ܫܽܘܒܚܳܐ ܕܡܳܪܝܳܐ ܡܰܢܗܰܪ ܠܶܗ ܐܰܥܠܰܝّܶܗ، ܘܙܰܝܺܝܥܺܝ ܙܽܘܥܬ̥ܳܐ ܪܰܒܬ̥ܳܐ. 10ܘܐܡ݄ܪ ܠܰܗ ܠّܶܗ ܗ̄ܽܘ ܡܰܠܰܐܟ̥ܳܐ: ”ܠܳܐ ܙܰܝܥܺܝܬܽܘ، ܟܰܐܠܺܝ ܟ݄ܡܣܰܒܰܪ ܐ̱ܢܳܐ ܠܟ̥ܽܘ ܦܨܺܝܚܽܘܬ̥ܳܐ ܪܰܒܬ̥ܳܐ ܕ݄ܓܕܽܗ̄ܘܝܳܐ ܠܟܽܘܠܶܗ ܗ̄ܽܘ ܥܳܠܡܳܐ. 11ܐܰܕܝܰܘܡܰܐ ܡܰܘܠ݄ܕ̥ ܐܰܠܟ̥ܽܘ ܦܳܪܽܘܩܳܐ ܕܟ݄ܬ ܝܳܐ ܡܳܪܝܳܐ ܡܫܺܝܚܳܐ ܒܺܗ̄ܝ ܡܕ̥ܺܝܢ̱ܬܳܐ ܕܕܰܘܺܝܕ̥. 12ܘܗܰܬ̥ܶܐ ܐܰܠܟ̥ܽܘ ܐܳܬ̥ܳܐ، ܟܚܳܙܺܝܬܽܘ ܙܥܽܘܪܳܐ ܡܟܰܢܦܠܳܐ ܒܟܰܢܦܰܠܝ̈ܳܬ̥ܳܐ، ܘܡܰܚܬܳܐ ܒܗܽܘܪܝܳܐ.“ 13ܘܡܶܚܕ̥ܳܐ ܚܙ݄ܢ ܥܰܡ ܗ̄ܽܘ ܡܰܠܰܐܟ̥ܳܐ ܚܰܝ̈ܠܶܐ ܓ̥ܰܠܰܒܶܐ ܕܺܗ̄ܝ ܫܡܰܝܳܐ، ܘܗ݄ܢّܶܝ ܟܳܡܫܰܒܚܺܝ ܠܰܐܠܳܗܳܐ ܘܟ݄ܐܡّܺܪ̱ܝ: 14”ܬܶܫܒܽܘܚܬܳܐ ܠܰܐܠܳܗܳܐ ܒܰܡܪ̈ܰܘܡܶܐ، ܘܥܰܠ ܗ̄ܺܝ ܐܰܪܥܳܐ ܫܠܳܡܳܐ ܘܣܰܒܪܳܐ ܛܳܒ̥ܳܐ ܠܰܗ̄ܢ ܢܳܫ̈ܶܐ.“ 15ܘܗܰܘܺܝ، ܗ̄ܺܝ ܢܰܩܠܐ ܕܰܐܙّ݄ܢ ܗ̄ܰܡّܰܠܰܐܟ̥̈ܶܐ ܡܶܢ̱ ܓܰܒܰܝّܶܗ ܠܺܗ̄ܝ ܫܡܰܝܳܐ، ܗ̄ܰܪّܳܥܝ̈ܶܐ ܫܓ̥ܺܝܠܺܝ ܚܰܕ̱ ܥܰܡ ܚܰܕ̱ ܘ݄ܐܡّܺܪ̱ܝ: ”ܬܳܟ̥ܽܘ ܕ݄ܐܙّܰܢ ܗܳܠ ܒܶܝܬ̥ ܠܚܶܡ ܘܚܳܙܺܝܢܰܐ ܠܽܗ̄ܘ ܡܰܐܡܪܰܢܳܐ ܕܗܰܘܺܝ ܐܟ̥ ܕܡܰܘܕ̥ܰܥ ܠܶܗ ܠܰܢ ܡܳܪܝܳܐ.“ 16ܘܰܐܬ̥݄ܢ ܒܣܽܘܪܗܳܒܳܐ ܘ݄ܚܙܰܠّܶܗ ܡܰܪܝܰܡ ܘܝܰܘܣܶܦ ܘܽܗ̄ܘ ܙܥܽܘܪܳܐ ܡܰܚܬܳܐ ܒܽܗ̄ܘ ܗܽܘܪܝܳܐ. 17ܘܺܗ̄ܝ ܢܰܩܠܐ ܕ݄ܚܙܰܠّܶܗ، ܡܰܘܕ̥ܰܥّܶܗ ܗ̄ܽܘ ܡܰܐܡܪܳܐ ܕܐܡܺܝܪ ܐܰܠّܶܗ ܥܰܠ ܗ̄ܽܘ ܛܰܠܝܳܐ. 18ܘܟܽܘܠّܶܗ ܕܫܰܡܺܝܥܺܝ ܡܕܰܘܡܪܺܝ ܥܰܠ ܗ̄ܽܘ ܡܰܐܡܪܳܐ ܕܐܡ݄ܪّܶܗ ܗ̄ܰܪّܳܥܝ̈ܶܐ. 19ܘܡܰܪܝܰܡ ܢ݄ܛܪܳܐ ܗ̄ܘܰܐ ܗ̄ܰܡّܰܐܡܪ̈ܰܢܺܝ ܟܽܘܠّܶܗ، ܘܛ݄ܪܝܳܐ ܗ̄ܘܰܐ ܠّܶܗ ܒܠܶܒܰܗ. 20ܘܕܰܥܺܝܪܺܝ ܗ̄ܰܪّܳܥܝ̈ܶܐ، ܘܗ݄ܢّܶܝ ܟ݄ܡܫܰܒܚܺܝ ܘ݄ܡܗܰܠܠܺܝ ܠܰܐܠܳܗܳܐ ܥܰܠ ܟܽܘܠ ܕ݄ܚܙܰܠّܶܗ ܘܫܰܡܺܝܥܺܝ ܐܟ̥ ܕ݄ܫܓ̥ܺܝܠ ܐܰܥܡܰܝّܶܗ.
ܗ̄ܽܘ ܫܶܡܳܗܳܐ ܕܽܗ̄ܘ ܛܰܠܝܳܐ ܘܺܗ̄ܝ ܥܒܰܪܬܰܝܕ̥ܶܗ ܠܽܗ̄ܘ ܗܰܝܟܠܳܐ
21ܘܺܗ̄ܝ ܢܰܩܠܐ ܕܬܰܝܺܝܡܺܝ ܗ̄ܰܬܡܰܢܝܳܐ ܝܰܘܡ̈ܶܐ ܕܡ݄ܓܙ݄ܪ ܗ̄ܽܘ ܛܰܠܝܳܐ، ܩܪܶܐ ܐ݄ܫܡܶܗ ܝܶܫܽܘܥ، ܐܟ̥ ܕ݄ܩܪܶܐ ܡܽܗ̄ܘ ܡܰܠܰܐܟ̥ܳܐ ܡܶܩ݄ܕ̱ܡ ܕܳܗ̄ܘܶܐ ܒܽܗ̄ܘ ܟܰܪܣܳܐ (ܕܺܗ̄ܝ ܐܶܡܳܐ). 22ܘܺܗ̄ܝ ܢܰܩܠܐ ܕܗܰܘܺܝ ܗ̄ܽܘ ܙܰܒܢܳܐ ܕܽܗ̄ܘ ܕܽܘܟܳܝܰܬّ̥ܶܗ، ܐܟ̥ ܕܽܗ̄ܘ ܢܳܡܽܘܣܳܐ ܕܡܽܘܫܶܐ، ܡܰܣܠܰܩّܶܗ ܠܽܐܘܪܶܫܠܶܡ ܕܡܰܩܺܝܡܺܝ ܠܶܗ ܩܽܘܕ̱ܡܶܗ ܕܡܳܪܝܳܐ، 23ܐܟ̥ ܕ݄ܟܬ̥ܺܝܒ̥ ܒܽܗ̄ܘ ܢܳܡܽܘܣܳܐ ܕܡܳܪܝܳܐ: ܟܽܘܠ ܐܰܒܪܳܐ ܩܰܕ̱ܡܳܝܳܐ (ܒܽܘܟ̥ܪܳܐ) ܓܡ݄ܩܪܶܐ ܩܰܕܺܝܫܳܐ ܕܡܳܪܝܳܐ. 24ܘܕܳܗ̄ܒ݄ܢ ܕܶܒܚܬ̥ܳܐ: ܙܰܘܓܳܐ ܕܫܽܘܦܢܺܝܢ̈ܶܐ ܐܰܘ ܬܪܶܝ ܦܰܪ̈ܽܘܓ̥ܶܐ ܕܝܰܘܢ̈ܶܐ، ܐܟ̥ ܕܐܡܺܝܪ ܒܽܗ̄ܘ ܢܳܡܽܘܣܳܐ ܕܡܳܪܝܳܐ. 25ܘܟ݄ܬ ܗ̄ܘܰܐ ܒܽܐܘܪܶܫܠܶܡ ܚܰܕ̱ ܓܰܒ̥ܪܳܐ ܐ݄ܫܡܶܗ ܫܶܡܥܽܘܢ. ܗ̄ܽܘ ܓܰܒ̥ܪܰܢܳܐ ܟܺܐܢܳܐ ܗ̄ܘܰܐ ܘܙܰܕܺܝܩܳܐ، ܘܢܳܛܰܪ ܗ̄ܘܰܐ ܠܽܗ̄ܘ ܒܽܘܝܳܐܳܐ (ܗ̄ܽܘ ܬ̥ܢܳܚܳܐ) ܕܺܐܝܣܪܳܐܶܝܠ، ܘܪܽܘܚܳܐ ܕܩܽܘܕܫܳܐ ܐܰܥܠܶܗ ܗ̄ܘܰܐ. 26ܘܐܡܺܝܪ ܗ̄ܘܰܐ ܐܶܠܶܗ ܡܶܢ̱ ܪܽܘܚܳܐ ܕܩܽܘܕܫܳܐ ܕܠ݄ܐ ܟܚܳܙܶܐ ܡܰܘܬܳܐ ܗܳܠ ܕܚܳܙܶܐ ܡܫܺܝܚܳܐ ܕܡܳܪܝܳܐ. 27ܘܗܺܝّܶܗ ܗܰܢܳܐ ܐܰܬ̥ܺܝ ܗ̄ܘܰܐ ܒܺܗ̄ܝ ܪܽܘܚܳܐ ܠܽܗ̄ܘ ܗܰܝܟܠܳܐ. ܘܺܗ̄ܝ ܢܰܩܠܐ ܕܰܒّܰܒ̈ܶܐ ܡܰܥ݄ܒܪܺܝ ܗ̄ܘܰܘ ܠܝܶܫܽܘܥ ܗ̄ܽܘ ܛܰܠܝܳܐ ܕܣܰܝܡܺܝ ܡܶܢ̱ ܚܠܳܦܶܗ ܐܟ̥ ܕܽܗ̄ܘ ܦܽܘܩܕܳܢܳܐ ܕܽܗ̄ܘ ܢܳܡܽܘܣܳܐ، 28ܫܶܡܥܽܘܢ ܛܥ݄ܢ ܠܶܗ ܥܰܠ ܕܪ̈ܳܥܳܢܶܗ، ܘ݄ܡܒܰܪܰܟ̥ ܠܶܗ ܠܰܐܠܳܗܳܐ ܘܐܡ݄ܪ ܠܶܗ: 29”ܡܳܪܝܳܐ، ܐܳܥܕܳܐ ܫܪܰܝ ܗ̄ܽܘ ܓܪܶܝܥܰܝܕ̥ܳܟ̥ (ܕ݄ܐܙّܶܗ) ܒ݄ܫܠܳܡܳܐ ܐܟ̥ ܕܽܗ̄ܘ ܡܰܐܡܪܰܝܕ̥ܳܟ̥. 30ܥܰܠ ܕ݄ܚܙܰܠّܶܗ ܠܥܰܝ̈ܢܳܬ̥ܺܝ ܗ̄ܽܘ ܚܢܳܢܰܝܕ̥ܳܟ̥، 31ܗܰܘܳܐ ܕ݄ܡܛܰܝܰܒ ܠܳܟ̥ ܩ݄ܕ̱ܡ ܟܽܘܠّܶܗ ܗ̄ܰܥّܰܡ̈ܶܐ، 32ܢܽܘܗܪܳܐ ܕܡܰܢܗ݄ܪ ܗ̄ܰܥّܰܡ̈ܶܐ، ܘܫܽܘܒܚܳܐ ܠܽܗ̄ܘ ܥܰܡܰܝܕ̥ܳܟ̥ ܐܺܝܣܪܳܐܶܝܠ.“ 33ܘܝܰܘܣܶܦ ܘܺܗ̄ܝ ܐܶܡܳܐ ܡܺܝܕܰܘܡܪܺܝ ܗ̄ܘܰܘ̱ ܥܰܠ ܗ̄ܽܘ ܡܶܕܶܐ ܕܡ݄ܫܓ̥ܳܠܺܝ ܗ̄ܘܰܘ̱ ܐܰܥܠܶܗ. 34ܘ݄ܡܒܰܪܟ̥ܺܝ ܠܶܗ ܫܶܡܥܽܘܢ، ܘܐܡ݄ܪ ܠܶܗ ܠܡܰܪܝܰܡ ܗ̄ܺܝ ܐܶܡܳܐ: ”ܟܰܐܠܶܗ ܗܰܢܳܐ ܡܰܚ݄ܬ ܠܽܗ̄ܘ ܢܦܳܠܳܐ ܘܠܽܗ̄ܘ ܩܝܳܡܳܐ ܕܓ̥ܰܠܰܒܶܐ ܒܺܐܝܣܪܳܐܶܝܠ، (ܘ݄ܓܕܳܗ̄ܘܶܐ) ܐܳܬ̥ܳܐ ܕܡܰܐܡܪܳܐ ܘܬܶܢܳܝܳܐ. 35ܘܶܐܒܰܟ̥ ܒܢܰܦܫܰܟ̥ ܓܥܳܒ݄ܪ ܪܽܘܡܚܳܐ، ܡܺܐܝܕ̥ܶܗ ܕ݄ܓܡ݄ܓܠܳܝܺܝ ܗ̄ܰܚّܽܘܫܳܒ̈ܶܐ ܕܠܶܒ̈ܶܐ ܕܓ̥ܰܠܰܒܶܐ ܢܳܫ̈ܶܐ.“
36ܘܚܰܢܳܐ ܗ̄ܺܝ ܢܒܺܝܬ̥ܳܐ، ܗ̄ܺܝ ܒܰܪܬ̥ܳܐ ܕ݄ܦܢܽܘܐܶܝܠ، ܡܽܗ̄ܘ ܫܰܒܛܳܐ ܕܳܐܫܺܝܪ، ܗܺܝّܰܗ ܣܬܶܝ ܣܳܒ̥ܬܳܐ ܪܰܒܬ̥ܳܐ ܗ̄ܘܰܐ، ܘܦܰܝܺܝܫܳܐ ܗ̄ܘܰܐ ܥܰܡ ܗ̄ܽܘ ܓܰܒ̥ܪܰܝܕ̥ܰܗ ܫܒ̥ܰܥ ܐ݄ܫܢ̈ܶܐ ܒ݄ܬ̥݄ܪ ܕܓܰܒ̥ܺܝܪܺܝ، 37ܘܗܰܘܝܳܐ ܐܰܪܡܰܠܬܳܐ ܬܡܳܢܶܐ ܘܰܐܪܒܥܺܝ ܐ݄ܫܢ̈ܶܐ، ܘܠܳܐ ܡܰܪ݄ܦܝܳܐ ܗ̄ܘܰܐ ܡܽܗ̄ܘ ܗܰܝܟܠܳܐ، ܘܒܽܗ̄ܘ ܨܰܘܡܳܐ ܘܒܺܗ̄ܝ ܨܠܽܘܬ̥ܳܐ ܡܫܰܡܫܳܐ ܗ̄ܘܰܐ ܒܺܐܝܡܳܡܳܐ ܘ݄ܒܠܰܠܝܳܐ. 38ܘܗܺܝّܰܗ ܣܬܶܝ ܩܰܝܺܝܡܳܐ ܒܺܗ̄ܝ ܫܳܥܬ̥ܰܝܕ̥ܰܗ ܘܡܰܘܕܶܐ ܠܰܗ ܠܡܳܪܝܳܐ، ܘܡ݄ܫܓ̥ܳܠܳܐ ܗ̄ܘܰܐ ܐܰܥܠܶܗ ܥܰܡ ܟܽܘܠ ܢܳܫܳܐ ܕܢܳܛܰܪ ܗ̄ܘܰܐ ܗ̄ܽܘ ܦܽܘܪܩܳܢܳܐ ܕܽܐܘܪܶܫܠܶܡ. 39ܘܺܗ̄ܝ ܢܰܩܠܐ ܕ݄ܡܟܰܡܰܠّܶܗ ܟܽܘܠ ܡܶܕܶܐ ܐܟ̥ ܕܽܗ̄ܘ ܢܳܡܽܘܣܳܐ ܕܡܳܪܝܳܐ، ܕܰܥܺܝܪܺܝ ܠܽܗ̄ܘ ܓܠܺܝܠܳܐ، ܠܢܳܨܪܰܬ̥ ܗ̄ܺܝ ܡܕ̥ܺܝܢ̱ܬܰܬّ̥ܶܗ. 40ܘܽܗ̄ܘ ܛܰܠܝܳܐ ܝܳܪܰܒ̥ ܗ̄ܘܰܐ، ܘܗܳܘܶܐ ܗ̄ܘܰܐ ܒܚܰܝܠܳܐ ܒܺܗ̄ܝ ܪܽܘܚܳܐ، ܘܡ݄ܡܠܶܐ ܗ̄ܘܰܐ ܚܶܟ̥ܡܬ̥ܳܐ، ܘܺܗ̄ܝ ܛܰܝܒܽܘܬ̥ܳܐ ܕܰܐܠܳܗܳܐ ܐܰܥܠܶܗ ܗ̄ܘܰܐ.
ܝܶܫܽܘܥ ܒܰܝܢ ܗ̄ܰܡّܰܠܦܳܢ̈ܶܐ ܒܽܗ̄ܘ ܗܰܝܟܠܳܐ
41ܘܰܗ̄ܢ ܢܳܫ̈ܰܝܕ̥ܶܗ، ܒܟܽܘܠ ܫܰܢ̱ܬܳܐ، ܐ݄ܙّ݄ܢ ܗ̄ܘܰܘ̱ ܠܽܐܘܪܶܫܠܶܡ ܒܽܗ̄ܘ ܥܶܐܕ̥ܳܐ ܕܽܗ̄ܘ ܦܶܨܚܳܐ. 42ܘܺܗ̄ܝ ܢܰܩܠܐ ܕܗܰܘܺܝ ܥ݄ܡܪܶܗ ܬܪܰܥܣܰܪ ܐ݄ܫܢ̈ܶܐ، ܣܰܠܺܝܩܺܝ (ܠܽܐܘܪܶܫܠܶܡ) ܠܽܗ̄ܘ ܥܶܐܕ̥ܳܐ ܐܟ̥ ܕܽܗ̄ܘ ܥܝܳܕ̥ܰܬّ̥ܶܗ. 43ܘܺܗ̄ܝ ܢܰܩܠܐ ܕܬܰܝܺܝܡܺܝ ܗ̄ܰܝّܰܘܡ̈ܶܐ (ܕܽܗ̄ܘ ܥܶܐܕ̥ܳܐ) ܕܰܥܺܝܪܺܝ. ܐܶܠܳܐ ܗ̄ܽܘ ܛܰܠܝܳܐ ܝܶܫܽܘܥ ܦܰܝ݄ܫ ܒܽܐܘܪܶܫܠܶܡ، ܘܝܰܘܣܶܦ ܘܺܗ̄ܝ ܐܶܡܳܐ ܠܰܐ ܐܕ̥ܺܝܥܺܝ، 44ܡܺܐܝܕ̥ܶܗ ܕܚܳܫܒ̥ܺܝ ܗ̄ܘܰܘ̱ ܥܰܡ ܗ̄ܰܚّܰܒ̥ܪ̈ܳܢܰܬّ̥ܶܗ ܝܳܐ. ܘܒ݄ܬ̥݄ܪ ܕ݄ܡܗܰܠܰܟّ̥ܶܗ (ܕܰܪܒܳܐ) ܕܚܰܕ̱ ܝܰܘܡܳܐ، ܡܫܰܐܶܠّܶܗ ܐܰܥܠܶܗ ܒܰܝܢ ܗ̄ܰܢ ܢܳܫ̈ܰܬّ̥ܶܗ ܘܒܰܝܢ ܡܰܢ ܕܟܳܐܕ̥ܰܥّܶܗ، 45ܘܠܳܐ ܚܙܰܠّܶܗ. ܘܕܰܥܺܝܪܺܝ ܒܦܳܬ̥ܰܝّܶܗ ܠܽܐܘܪܶܫܠܶܡ ܘܟܳܪܟ̥ܺܝ ܗ̄ܘܰܘ̱ ܐܰܥܠܶܗ. 46ܘܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܚܙܰܠّܶܗ ܒܽܗ̄ܘ ܗܰܝܟܠܳܐ ܝܰܬܺܝܒ̥ܳܐ ܒܽܗ̄ܘ ܦܰܠܓܳܐ ܒܰܝܢ ܗ̄ܰܡّܰܠܦܳܢ̈ܶܐ. ܘܫܳܡܰܥ ܗ̄ܘܰܐ ܡ݄ܢّܶܗ ܘ݄ܡܫܰܐܶܠ ܗ̄ܘܰܐ ܠّܶܗ. 47ܘܟܽܘܠّܶܗ ܗܰܢܺܝ ܕܫ݄ܡܥܺܝ ܗ̄ܘܰܝ ܠܶܗ ܡܺܝܕܰܘܡܪܺܝ ܗ̄ܘܰܘ̱ ܒܺܗ̄ܝ ܚܶܟ̥ܡܬ̥ܰܝܕ̥ܶܗ ܘܒܰܡّܰܐܡܪ̈ܰܝܕ̥ܶܗ. 48ܘܺܗ̄ܝ ܢܰܩܠܐ ܕ݄ܚܙܰܠّܶܗ ܡܕܰܘܡܪܺܝ. ܘܺܗ̄ܝ ܐܶܡܳܐ ܐܡ݄ܪ ܠܰܗ ܠܶܗ: ”ܐܰܒܪܺܝ، ܩܰܝ ܗܰܘܟ̥ܰܐ ܣ݄ܡ ܠܳܟ̥ ܐܶܒܰܢ، ܟܰܐܠܶܗ ܒܰܒܳܟ̥ ܘܳܐܢܳܐ ܒܡܰܥܺܝܩܽܘܬ̥ܳܐ ܪܰܒܬ̥ܳܐ ܟ݄ܪܟ̥ܺܝ ܗ̄ܘܰܝܢܰܐ ܐܰܥܠܳܟ̥.“ 49ܟܳܐܡܰܪّܶܗ: ”ܠܡ݄ܢ ܟܳܪܟ̥ܺܝܬܽܘ ܗ̄ܘܰܘ̱ ܐܰܥܠܺܝ، ܠ݄ܐ ܟ݄ܐܕ̥ܥܺܝܬܽܘ ܕܳܐܢܳܐ ܒܽܗ̄ܘ ܒܰܝܬܳܐ ܕܽܗ̄ܘ ܐܰܒܰܝܕ̥ܺܝ ܟܳܐܒ݄ܥ ܕܳܗ̄ܘܶܐ ܐ̱ܢܳܐ؟“ 50ܐܶܠܳܐ ܗ݄ܢّܶܝ ܠܰܐ ܐܕ̥ܺܝܥܺܝ ܗ̄ܽܘ ܡܰܐܡܪܳܐ ܕܐܡ݄ܪ ܠܰܗ ܠّܶܗ. 51ܘܢܰܚ݄ܬ ܐܰܥܡܰܝّܶܗ، ܘܰܐܬ̥ܺܝ ܠܢܳܨܪܰܬ̥. ܘܫܳܡܰܥ ܗ̄ܘܰܐ ܠّܶܗ. ܘܺܗ̄ܝ ܐܶܡܳܐ ܢ݄ܛܪܳܐ ܗ̄ܘܰܐ ܟܽܘܠّܶܗ ܗ̄ܰܡّܰܐܡܪ̈ܰܢܺܝ ܒܠܶܒܰܗ. 52ܘܝܶܫܽܘܥ ܝܳܪܰܒ̥ ܗ̄ܘܰܐ ܒܺܗ̄ܝ ܩ݄ܡܬ̥ܳܐ ܘܒܺܗ̄ܝ ܚܶܟ̥݄ܡܬ̥ܳܐ ܘܒܺܗ̄ܝ ܛܰܝܒܽܘܬ̥ܳܐ ܓܰܒ ܐܰܠܳܗܳܐ ܘܰܗ̄ܢ ܢܳܫ̈ܶܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation